شينحۋا اگەنتتىگى كولەمدى ادەبي حابار تاراتتى
«”وراي مەن ءتيىمدى جاعداي ءبىز جاقتا تۇر “ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگو ەكونوميكاسى دامۋىنىڭ جاڭا باسىمدىعىن ارتتىرۋدى ىلگەرىلەتكەندىگى جونىندە شولۋ»
شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى. شينحۋا اگەنتتىگى 11 - ايدىڭ 1 - كۇنى «”وراي مەن ءتيىمدى جاعداي ءبىز جاقتا تۇر“ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگو ەكونوميكاسى دامۋىنىڭ جاڭا باسىمدىعىن ارتتىرۋدى ىلگەرىلەتكەندىگى جونىندە شولۋ» اتتى كولەمدى ادەبي حابار تاراتتى.
ماقالادا بىلاي دەلىندى: تاريحتىڭ جول ايىرىعىنا كەلگەن دۇنيە ءجۇزى جۇڭگو ەكونوميكاسى نەلىكتەن قيىندىقتان تايسالماي العا ۇمتىلىپ، تىڭ شارىقتاۋلاردى بىرىنەن سوڭ ءبىرىن قارسى الىپ وتىر دەگەن ”جۇڭگو قۇپياسىن“ بىلۋگە ىنتىزار.
”قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، دەگەنمەن وراي مەن ءتيىمدى جاعداي ءبىز جاقتا تۇر، بۇل تاباندىلىعىمىز بەن قايراتىمىزدىڭ تياناعى، سونداي - اق بەكىمىمىز بەن سەنىمىمىزدىڭ دە تياناعى“.
باس شۋجي شي جينپيڭ جاساعان وسى ءبىر كەلەلى ستراتەگيالىق تۇجىرىم ماناعى سۇراۋعا ماڭىزدى جاۋاپ بەردى: وراي مەن ءتيىمدى جاعدايدى باعامداي ءبىلىپ، تاريحتىڭ ىرىقتىلىعىن يگەرۋ − جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، جاڭا داۋىردە ءبىر - بىرلەگەن ۇلى جەڭىستەرگە قول جەتكىزۋىنىڭ التىن كىلتى.
ماقالادا مىنالار اتاپ كورسەتىلدى: الەم اۋقىمىمەن ساناسىپ، الەم جاعدايىن باعامدادى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ۇلكەن اۋقىمدى قاداعالاپ، كەلەلى جاعدايدى ورنىقتىرىپ، ۇلكەن ىستەردى جوسپارلاپ، جۇڭگو ەكونوميكاسىنىڭ دامۋىن تاريحتىڭ سالقار كوشىمەن، ءداۋىردىڭ ۇلى اعىمىمەن جانە الەمدىك كوز ايادا بارلاپ جانە جوسپارلاپ، جاڭا دامۋ كەزەڭىن يگەرىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جۇڭگو ەكونوميكاسىنا مىعىم نەگىز قالاۋ، شەشۋشى تۇيىندە سەرپىلىس جاساۋ، بولاشاققا قول جەتكىزۋ ءۇشىن ءبىرسىپىرا كەلەلى شەشىمدەر جاساپ، 21 - عاسىردىڭ ورتا شەنىندەگى ەلىمىز دامۋىنىڭ ايبىندى جوباسىن كەسكىندەدى.
كەشقۇرىم شاق سىبەرلەپ نوسەر، جوڭكىلدى بۇلاق تارماقتاي، كەمەرىن كەرنەپ تاسىدى وزەن، قالقىدى كەمە قاڭباقتاي. قازىرگى جاعدايعا كوز جىبەرسەك، جۇڭگو ەكونوميكاسى جاعدايعا ۇيلەسەتىن ورايدى كۇتۋدە، ورايمەن ۇيلەسەتىن ۇتىمدى جاعدايعا قول جەتكىزۋدى قاراستىرۋدا؛ ۇزاق بولاشاققا كوز جىبەرسەك، جۇڭگو ەكونوميكاسىنىڭ قوردالانۋى اۋقىمعا اينالدى، بۇل اۋقىم بوگەۋ بەرمەيدى. وراي مەن ءتيىمدى جاعداي كۇرەسكەر جۇڭگو، قايسار جۇڭگو، العا باسقان جۇڭگو جاقتا تۇر. قۇلاشىن كەڭ جايعان جۇڭگو ەكونوميكاسىنىڭ نۇرلى بولاشاعى الدا تۇر!
ماقالا جالپى 5 بولىمگە ءبولىندى: ”قوزعاۋشى كۇش قاينارى: عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ ارقىلى قۋاتتى مەملەكەت باسەكەسىنىڭ جاڭا باسىمدىعىنا ۇمتىلۋ“، ”ورنالاسىم وزگەرىسى: وڭىرلىك ۇلكەن ستراتەگيا ارقىلى سايكەسە دامۋدىڭ جاڭا باسىمدىعىنا ۇمتىلۋ“، ”ءىرى مەملەكەت نەگىزى: كەلەلى ينجەنەريالار ورنالاستىرۋ ارقىلى تاعاندى تەرەڭدەتىپ، نەگىزدى بەكەمدەۋدىڭ جاڭا باسىمدىعىنا ۇمتىلۋ“، ”تاۋ - وزەن تىنىسى: تۇنىق سۋ، جاسىل تاۋ ارقىلى ماڭگى باياندى دامۋدىڭ جاڭا باسىمدىعىنا ۇمتىلۋ“، ”ارنا وزگەرىسى: جاڭا دامۋ ارناسىن قالىپتاستىرۋ ارقىلى ستراتەگيالىق ىرىقتىلىقتىڭ جاڭا باسىمدىعىنا ۇمتىلۋ“.
ماقالادا مىنالار اتاپ كورسەتىلدى: جاڭا دامۋ كەزەڭىن يگەرىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرۋدا، 2021 - جىلدا تۇرىپ بولاشاققا كوز سالعاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ميلليارد حالىق ىنتىماقتاسا ەكپىندەي ىلگەرىلەپ، دامۋ ورايىن ءدال يگەرىپ، دامۋ ىرىقتىلىعىن مىقتى ۇستاپ، ەكونوميكالىق دامۋدىڭ جاڭا ارناسىن تۇلعالاۋ ءۇشىن ۇزدىكسىز جاعدايدى كوزدەپ، ارىندى ساقتاپ، كۇش - قۋات توپتاسا، جۇڭگو ەكونوميكاسىنىڭ ۇزاق ۋاقىت جاقسارۋ بەتالىسى بوگەۋ بەرمەك ەمەس، جۇڭحۋا ۇلتىنىڭ ۇلى گۇلدەنۋ تاريحي ءۇردىسى بوگەۋ بەرمەك ەمەس!
