تيانشان تورى   ›   جاڭالىقتار   ›   ماڭىزدى حابارلار

شي جينپيڭ «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنىڭ» 26 - رەتكى شارت جاساسۋشى جاقتار جينالىسىنىڭ الەمدىك باسشىلار ماجىلىسىندە جازباشا ءسوز سويلەدى

  شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى. 11 - ايدىڭ 1 - كۇنى مەملەكەت ءتوراعاسى شي جينپيڭ «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنىڭ» 26 - رەتكى شارت جاساسۋشى جاقتار جينالىسىنىڭ الەمدىك باسشىلار ماجىلىسىندە جازباشا ءسوز سويلەدى.

  شي جينپيڭ بىلاي دەپ اتاپ كورسەتتى: قازىر كليمات وزگەرىسىنىڭ ءتيىمسىز ىقپالى كۇن سايىن كورنەكتىلەنىپ، الەمدىك ارەكەتتىڭ كوكەي تەستىلىگى ۇزدىكسىز كۇشەيۋدە. كليمات وزگەرىسىنە قالاي توتەپ بەرۋ، الەم ەكونوميكاسىنىڭ قالپىنا كەلۋىن قالاي ىلگەرىلەتۋ ءبىز ءدوپ كەلگەن داۋىرلىك تاقىرىپ.

  شي جينپيڭ 3 ءتۇيىندى ۇسىنىس العا قويدى.

  ءبىرىنشى، كوپ جاقتى ورتاق تانىمدى قورعاۋ. كليمات وزگەرىسى سياقتى الەمدىك سىن - سايىستارعا توتەپ بەرۋدە كوپ جاقتىلىق تاماشا ءتاسىل سانالادى. «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتى» جانە ونىڭ «پاريج كەلىسىمى» حالىقارالىق قوعامنىڭ كليمات وزگەرىسىنە سەلبەسە توتەپ بەرۋدەگى نەگىزگى زاڭدىق بويسۇنۋ ولشەمى. ءار جاق قازىر بار ورتاق تانىمدار نەگىزىندە ءوزارا سەنىمدى نىعايتىپ، سەلبەستىكتى كۇشەيتىپ، گلاسگوۋ جينالىسىنىڭ تابىستى بولۋىنا شىنايى كەپىلدىك ەتۋ كەرەك.

  ەكىنشى، نازاردى ناقتى ءىس - ارەكەتكە شوعىرلاندىرۋ. ارەكەت بولعاندا عانا، جەتپەكشى بولعان ماقسات رەالدىققا اينالادى. ءار جاق ۋادەگە ادال، سەرتكە بەرىك بولىپ، شىنايى، اتقارۋعا بولاتىن نىسانا جانە جەتپەكشى بولعان ماقساتتى بەلگىلەۋ، سونداي - اق مەملەكەت جاعدايىنا قاراي قولىنان كەلگەنشە ىستەپ، كليمات وزگەرىسىنە توتەپ بەرۋ شارالارىنىڭ تياناقتانۋىن، اتقارىلۋىن ىلگەرىلەتۋ ءتيىس. دامىعان ەلدەر وزدەرى اناعۇرلىم كوبىرەك ىستەۋمەن بىرگە، وركەندەپ كەلە جاتقان ەلدەردىڭ اناعۇرلىم ويداعىداي ىستەۋىنە قولداۋ كورسەتۋى كەرەك.

  ءۇشىنشى، جاسىل تيپكە بۇرىلىس جاساۋدى جەدەلدەتۋ. عىلىم - تەحنيكادا جاڭالىق اشۋدى قوزعاۋشى ەتىپ، ەنەرگيا بايلىعىنىڭ، كاسىپ سالاسى قۇرىلىمىنىڭ، تۇتىنۋ قۇرىلىمىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتىپ، ەكونوميكانىڭ، قوعامنىڭ جاسىل دامۋىن ىلگەرىلەتىپ، دامۋ مەن قورعاۋدىڭ ءوزارا سايكەسكەن جاڭا جولىن قاراستىرۋ كەرەك.

  شي جينپيڭ بىلاي دەپ باسا دارىپتەدى: جۇڭگو ادام مەن تابيعاتتىڭ تىرشىلىك ورتاق تۇلعاسى ۇستانىمىن ۇستانىپ، ەكولوگيانى الدىمەن ويلاستىرۋ، جاسىل، تومەن كومىر قىشقىل گازدى دامۋ جولىمەن جۇرۋگە تاباندى بولىپ، جاسىل، تومەن كومىر قىشقىل گازدى، اينالمالى داميتىن ەكونوميكالىق جۇيەنى جەدەل ورناتىپ، كاسىپ سالاسى قۇرىلىمىن رەتتەۋدى ۇزدىكسىز ىلگەرىلەتىپ، ەنەرگيا جۇمسالىمى جوعارى، لاس زات شىعارۋ مولشەرى كوپ نىسانداردىڭ كوزسىزدىكپەن دامۋىن باتىل تەجەپ، ەنەرگيانىڭ جاسىل، تومەن كومىر قىشقىل گازدى باعىتقا تيبىن وزگەرتۋىن جەدەل ىلگەرىلەتىپ، قايتا تۋىندايتىن ەنەرگيانى زور كۇشپەن دامىتىپ، ءىرى تيپتى جەل ەلەكتر، فوتوۆولت بازا نىساندارىن جوسپارلاپ قۇرادى. جۋىقتا جۇڭگو «جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، كومىر قىشقىل گازىن شىعارۋدى ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ويداعىداي ىستەۋ جونىندەگى پىكىردى» جانە «2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ ارەكەت جوباسىن» جاريالادى. بۇدان تىس، ەنەرگيا، ونەركاسىپ، قۇرىلىس، قاتىناس سياقتى ءتۇيىندى سالالار مەن كومىر، ەلەكتر قۋاتى، بولات - تەمىر، سەمەنت سياقتى ءتۇيىندى كاسىپتەردىڭ اتقارۋ جوباسىن ىركەس - تىركەس جاريالاپ، عىلىم - تەحنيكا، كومىر قىشقىل گازىن ءسىمىرۋ، قازىنا - سالىق، فينانس سياقتى قامتاماسىزدىق شارالارىن العا قويىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ ”N+1“ ساياسات جۇيەسىن قالىپتاستىرىپ، ۋاقىت كەستەسىن، جول كارتاسىن، قۇرىلىس چەرتوجىن ايقىندادى.

  شي جينپيڭ بىلاي دەپ اتاپ كورسەتتى: جۇڭگودا بۇرىنعىلار: ”دۇنيە ءىسى ناقتى ىسكەرلىكپەن جونگە سالىنادى“، - دەيدى. جۇڭگو جاق ءار جاقتان ارەكەتتى كۇشەيتىپ، كليمات وزگەرىسىنىڭ سىن - سايىسىنا قول ۇستاسا توتەپ بەرىپ، ادامزاتتىڭ ورتاق جەر شارى مەكەنىن كۇش بىرىكتىرە قورعاۋدى كۇتەدى.

  الەمدىك باسشىلار ءماجىلىسى 11 - ايدىڭ 1 -، 2 - كۇندەرى گلاسگوۋداعى «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنىڭ» 26 - رەتكى شارت جاساسۋشى جاقتار جينالىسى كەزىندە وتكىزىلەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.