ايىمنيسا توحتى:
جاندى ۇگىت لەكسيا قىستاق تۇرعىندارىن تىكەلەي اسەرگە بولەدى
□ انار بۇلت / شينجياڭ گازەتىنىڭ ءتىلشىسى ءپاريزات ابدۇل
10 - ايدىڭ 27 - كۇنى ساعات 20 مولشەرىندە اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، قاراقاش اۋدانى كۇيا قالاشىعى اياققى اشىما قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ايىمنيسا توحتى پارتيا قۇرىلتايىنىڭ ”مول جەمىسىن“ قىستاق تۇرعىندار كوميتەتىنىڭ جيىن زالىنا الا كەلىپ، قىستاق كادرلارىنا، پارتيا مۇشەلەرى ۋاكىلدەرىنە، قىستاق تۇرعىندارى ۋاكىلدەرىنە اۆتونوميالى رايوندىق 10 - رەتكى پارتيا قۇرىلتايىنىڭ رۋحىنان ۇگىت لەكسيا جاسادى.
اۆتونوميالى رايوندىق 10 - رەتكى پارتيا قۇرىلتايىنىڭ رۋحىن قاراپايىم دا تۇسىنىكتى تىلمەن ۇگىتتەۋ، لەكسيا جاساۋ ءۇشىن ايىمنيسا توحتى پارتيا قۇرىلتايىندا تولىق دايىندالىپ، ەستەلىك داپتەرىن ءوز اسەرىمەن تولتىرىپ تاستاعان بولاتىن.
وسى 5 جىلدا اۋىل - قىستاقتاعى ارتىق ەڭبەككۇشتەردەن 14 ميلليون 333 مىڭ ادام - رەت باسقا سالاعا ويىسىپ جۇمىستاندى؛ اۋىل - قالاشىق شيپاحانالارىنىڭ، قىستاق ەمحانالارىنىڭ ولشەمدەنۋ سالىسترماسى ％100كە جەتتى؛ اۋىل - قىستاقتاردا بەيقۇت ءۇي ينجەنەرياسى بويىنشا ءبىر ميلليون 200 مىڭنان استام ءۇي سالىنىپ، قالا - قالاشىقتاردا قامتاماسىز ەتۋ سيپاتتى بەيقۇت ءۇي ينجەنەرياسى بويىنشا ءبىر ميلليون 384 مىڭ ءۇي سالىنىپ، قالا - قالاشىقتارداعى كونە، ەسكى شاعىن اۋماقتاردا 549 مىڭ ءۇي جاڭالانىپ، 7 ميلليون 500 مىڭنان استام ءار ۇلت بۇقاراسى جاڭا ۇيگە قۋانا كوشىپ كىردى، وڭتۇستىڭ شينجياڭداعى 3 ايماق، وبلىستا ”كومىردى ەلەكترگە وزگەرتۋ“ ينجەنەرياسى نەگىزىنەن ورىندالدى... ءبىر - بىرلەگەن ناقتى مىسالدار قىستاق تۇرعىندارىن تىكەلەي اسەرگە بولەدى.
الداعى 5 جىلدا ەرەكشە، باسىمدىققا يە كاسىپ سالالارىن ناقتى يگەرىپ، ويداعىداي يگەرىپ، 1 - ، 2 - ، 3 - كاسىپتىڭ توعىسپالى دامۋى ىلگەرىلەتىلەدى. ەرەكشە كاسىپ سالاسىن اۋىزعا العاندا، ايىمنيسا توحتىنىڭ ءسوزى توگىلىپ سالا بەردى: ”ءبىزدىڭ قىستاق بۇرىن اۋىر كەدەي قىستاق بولاتىن، ادام باسىنا 2 مۋدان استام عانا جەر تۋرا كەلەدى، نەگىزىنەن ءداستۇرلى ەگىمشىلىك پەن باعىمشىلىققا سۇيەنەتىنبىز، دامۋىمىز، بايۋىمىز قيىن بولاتىن. بۇل كۇندەرى پارتيا مەن ۇكىمەتتىڭ قامقورلىعىندا، ءبىز جۇڭي ءشوپ ءدارى ەگىمشىلىگى، كوپ ءتولدى قوي باعىمشىلىعى ارقىلى كاسىپ سالاسىنىڭ پايداسىن كورىپ، بايۋ جولىنا ءتۇسىپ، تاماشا تۇرمىس وتكىزدىك“.
”تاعى ايتىڭىز، تاعى قانداي جاعىمدى جاڭالىقتار بار“؟ قىستاق تۇرعىندارىنىڭ قويعان سۇراۋلارىنا ايىمنيسا توحتى بىلاي دەدى: ”پارتيا قۇرىلتايى بايانداماسىندا جۇمىستاندىرۋدى كەڭەيتۋ، كىرىستى ارتتىرىپ بايىتۋ، وقۋ - اعارتۋدىڭ دەڭگەيىن جوعارىلاتۋ، جالپى حالىقتىڭ سالاماتتىعى، قوعامدىق قامسىزداندىرۋدىڭ اياسىن كەڭەيتىپ ساپاسىن جوعارىلاتۋ، بەيقۇت ءۇي ارقىلى قامتاماسىزداندىرۋ، ’كومىردى ەلەكترگە وزگەرتۋ‘، شەكارانى گۇلدەندىرىپ حالىقتى بايىتۋ، الەۋمەتتىك حاۋىپسىزدىك قامتاماسىزدىعى، ورنىقتىلىق ارقىلى حالىققا تيىمدىلىك جەتكىزۋ ينجەنەريالارىن بارىنشا اتقارۋ ارقىلى ءار ۇلت بۇقاراسىنىڭ جاپپاي دوڭگەلەك داۋلەتتەن بىرگە بايۋ نىساناسىنا قاراي تىڭعىلىقتى قادام تاستاۋى العا قويىلدى“. جيىن زالىنداعى قىستاق تۇرعىندارى ءالسىن - ءالى باس يزەدى ءارى ءوز اسەرلەرىمەن بىرلەستىرىپ ايىمنيسا توحتىمەن ءوزارا اۋىس - كۇيىس جاسادى. ”ءبىز، ءسوز جوق، كوزقاراسىمىزعا بۇرىلىس جاساپ، ورايدى يگەرىپ، قادام سايىن ءىز قالدىرىپ، ەڭبەكشىل قوس قولىمىزبەن ءتىپتى دە كوركەم بولاشاق جاراتۋىمىز كەرەك“، - دەدى ايىمنيسا توحتى.
