تيانشان تورى
تيانشان تورى   ›   جاڭالىقتار   ›   شينجياڭ حابارلارى

”ءبىزدىڭ دۇنيە جۇزىنە شينجياڭ حيكاياسىن ويداعىداي باياندايتىن بورىشىمىز بار“

شينجياڭ فرانسياداعى شينجياڭدىق چياۋمين باۋىرلاستاردىڭ جانە فرانسيادا وقىپ جاتقان وقۋشىلاردىڭ ۋاكىلدەرىمەن بەينە ەكران اۋىس - كۇيىس ءماجىلىسىن وتكىزدى

”ءبىزدىڭ دۇنيە جۇزىنە شينجياڭ حيكاياسىن ويداعىداي باياندايتىن بورىشىمىز بار“

  انار بۇلت / شينجياڭ گازەتىنىڭ ءتىلشىسى جىڭ جو 11 - ايدىڭ 3 - كۇنى ۇرىمجىدەن حابارلايدى. 11 - ايدىڭ 3 - كۇنى جۇڭگونىڭ شينجياڭىنىڭ فرانسياداعى شينجياڭدىق چياۋمين باۋىرلاستاردىڭ جانە فرانسيادا وقىپ جاتقان وقۋشىلاردىڭ ۋاكىلدەرىمەن بەينە ەكران اۋىس - كۇيىس ءماجىلىسى ۇرىمجىدە اشىلدى.

  بۇل رەتكى بەينە ەكران اۋىس - كۇيىس ءماجىلىسىن شينجياڭ سىرتپەن بىرلەسكەن دوستىق قوعامى مەن جۇڭگونىڭ فرانسيادا تۇراتىن باس ەلشىحاناسى بىرگە وتكىزدى. ماجىلىستە شينجياڭداعى چياۋجۋاندار بەينە بايلانىس ءتاسىلى ارقىلى شەتەلدەگى تۋىستارىنا پارتيانىڭ حالىققا تيىمدىلىك جاساۋ ساياساتتارى مەن اۋىلدارىنداعى كۇن سايىن جاڭارعان وزگەرىستەردى تانىستىردى، فرانسياداعى شينجياڭدىق چياۋمين باۋىرلاستاردىڭ جانە فرانسيادا وقىپ جاتقان وقۋشىلاردىڭ ۋاكىلدەرى وزدەرى شەتەلدە جۇرسە دە، وتانمەن جۇرەگى توعىسقان وتباسى - وتان سۇيىسپەنشىلىكتەرىن ءبىلدىردى.

  جۇڭگونىڭ فرانسيادا تۇراتىن باس ەلشىحاناسىنىڭ ۋاكىلى شۇي جينسۇڭ فرانسياداعى شينجياڭدىق چياۋمين باۋىرلاستاردىڭ، فرانسيادا وقىپ جاتقان وقۋشىلاردىڭ قاتىستى احۋالدارىن تانىستىردى، ول مىنالاردى ءبىلدىردى: بۇگىنگى شينجياڭداعى تىنىش تا جاراسىمدى، قاۋىرت دامىعان اسا تاماشا جاعدايدان حاباردار بولدىق، شينجياڭ قول جەتكىزگەن كەسەك تابىستارعا قۋانامىز جانە ماقتانىش ەتەمىز. فرانسياداعى شينجياڭدىق چياۋمين باۋىرلاستاردىڭ جانە فرانسيادا وقىپ جاتقان وقۋشىلاردىڭ كوپىرلىك، دانەكەرلىك رولدارىن ۇزدىكسىز ساۋلەلەندىرىپ، فرانسيا جۇرتشىلىعىنىڭ شىنايى كوركەم شينجياڭدى تانۋىنا، تۇسىنۋىنە مۇمكىندىك جاساۋىن ءۇمىت ەتەمىز.

  شينجياڭ سىرتپەن بىرلەسكەن دوستىق قوعامىنىڭ باستىعى پۋ شۋەمەي بىلاي دەدى: قازىرگى شينجياڭ تاريحتاعى ەڭ تاماشا گۇلدەنىپ، دامىعان مەزگىلدە تۇر. الايدا سوڭعى جىلدارى امەريكاداعى، باتىستاعى ءىشىنارا جات نيەتتى ادامدار شينجياڭداعى ءار ۇلت حالقى تاماشا تۇرمىس كەشىرگەن شىندىقپەن ساناسپاي، شار تاراپقا شينجياڭعا جالا جاباتىن، كۇيە جاعاتىن وسەك - اياڭدى، ساندىراقتاردى تاراتىپ، شينجياڭنىڭ حاۋىپسىزدىگىن، ورنىقتىلىعىن ءبۇلدىرىپ، جۇڭگونىڭ دامىپ، زورايۋىن تەجەۋگە ۇرىندى. چياۋمين باۋىرلاستاردىڭ، شەتەلدە وقىپ جاتقان وقۋشىلاردىڭ بۇرىنعىداي اۋىلدارىنا كوڭىل ءبولىپ، ۇلتتىق بولشەكتەۋشىلىككە بىرگە قارسى تۇرىپ، وتاننىڭ تۇتاستىعىن قورعاۋىن شىن جۇرەكتەن ءۇمىت ەتەمىز. كوپشىلىكتىڭ مەكەندەرىنە ۇنەمى كەلىپ، شينجياڭنىڭ ورنىقتىلىعىنىڭ، دامۋىنىڭ تاماشا ورايىنان بىرگە يگىلىكتەنۋىن قارسى الامىز.

  فرانسيا پاريج 8 - داشۋەسىندە وقىپ جاتقان وقۋشى ءمۇنيرا مۇحتار فرانسياداعى شينجياڭدىق چياۋمين باۋىرلاستاردىڭ، فرانسيادا وقىپ جاتقان وقۋشىلاردىڭ ىنتىماقتى دا بەرەكەلى، ءوزارا كومەكتەسىپ، بىر - بىرىنە جاردەمدەسكەن ىزگى ىستەردى، سونداي - اق وتانىمىزدىڭ جەتكىزگەن قامقورلىعى مەن مەيىرىن تىلگە تيەك ەتتى. اكەسى مۇحتار كەرىم قىزىنا ساعىنىش سەزىمىن ءبىلدىردى، ”ءبىزدىڭ ۇيدەن ەكى ۇرپاقتان 3 ادام فرانسيادا وقىدى، سونداي - اق ءبارى دە شينجياڭنىڭ دامۋىنىڭ يگىلىگىن كوردى. سەن جۇڭگولىق رەتىندە، جۇڭگونىڭ حيكاياسىن، شينجياڭنىڭ حيكاياسىن تايسالماستان جاقسى ايتۋىڭ كەرەك“. مۇحتار قىزىنا ەرتەرەك وقۋىن ءبىتىرىپ ورالىپ، وتاننىڭ ءۇمىتىن اقتاۋدى تاپسىردى.

  وتان تاراتقان سالاماتتىق سومكەسىنىڭ ۇستىندەگى ”شالعايلىق تا بوگەت بولا الماس، تاتۋلىعىڭ جالعاسسا ەگەر بۇلجىماس“ دەگەن جازۋدى كورگەندە، فرانسيا مۇناي جانە جاڭا ەنەرگيا اكادەمياسىنىڭ ينجەنەرى ياڭ يفاننىڭ جانارى جاسقا تولدى. ول بىلاي دەدى: شينجياڭدىق رەتىندە، امەريكانىڭ، باتىستىڭ جالا جابۋى مەن كۇيە جاعۋىنان جاسقانبايمىن، دۇنيە جۇزىنە شىنايى، جان - جاقتىلى، مەيىرلى شينجياڭدى اڭگىمەلەيمىن.

  بەينە ەكران اۋىس - كۇيىس ماجىلىسىندە شينجياڭداعى از ۇلت مامان - وقىمىستىلارى وزدەرىنىڭ فرانسيادا وقىپ وتانعا ورالعاننان كەيىن، پارتيا مەن ۇكىمەتتىڭ زور كۇشپەن قامقورلىق جاساۋى مەن قولداۋىندا جەتىلگەن كەشىرمەلەرىن اڭگىمەلەدى؛ بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەر وقۋ تاۋىسقان سوڭ ورنىقتى جۇمىستانىپ، باقىتتى تۇرمىس كەشىرگەن اڭگىمەلەرىن باياندادى؛ ءدىني قايراتكەرلەر ۋاكىلدەرى وزدەرى تۇرعان مەشىتتەردىڭ شارت - جاعدايىنىڭ جاقسارۋ جانە ءدىني قيمىلداردىڭ قالىپتى ورىستەتىلۋ احۋالىن تانىستىردى، كوپشىلىك فاكت ارقىلى امەريكاداعى، باتىستاعى جۇڭگوعا قارسى كۇشتەر شىعارعان شينجياڭعا ساياتىن وسەك - اياڭدارعا پارمەندى تويتارىس بەردى.

  فرانسياداعى فرانسيا - جۇڭحۋا ساۋدا - ونەركاسىپشىلەر بىرلەستىگىنىڭ باستىعى داي ان - يوۋ، بيىل 7 - ايدا ءوزىنىڭ شينجياڭعا ساپارلاي بارعاندا جەرگىلىكتى ورىننىڭ ەكونوميكالىق، قوعامدىق دامۋىنا، ءار ۇلت حالقىنىڭ تۇرمىسىنىڭ باقىتتى دا الاڭسىز ەكەندىگىنە تىكەلەي كۋا بولعاندىعىن ايتتى. ول بىلاي دەدى: ”شەتەلدەگى حۋاچياۋ رەتىندە، ءبىزدىڭ دۇنيە جۇزىنە شينجياڭ حيكاياسىن ويداعىداي بايانداپ، اناعۇرلىم كوپ ادامنىڭ جۇڭگوعا وبيەكتيۆتى، ءادىل تۇردە باعا بەرۋىنە مۇمكىندىك جاساۋ بورىشىمىز بار. ءبىز شينجياڭنىڭ بولاشاعىنىڭ اناعۇرلىم كوركەم بولاتىندىعىنا كامىل سەنەمىز“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.