تيانشان تورى
تيانشان تورى   ›   جاڭالىقتار   ›   عىلىم-تەحنيكا

رايونىمىزدان 5 نىسان 2020 - جىلعى مەملەكەتتىك عىلىم - تەحنيكا سيلىعىنا يە بولدى

  انار بۇلت / شينجياڭ گازەتىنىڭ ءتىلشىسى شيە حۇيبيان 11 - ايدىڭ 3 - كۇنى ۇرىمجىدەن حابارلايدى. 11 - ايدىڭ 3 - كۇنى بەيجيڭدە وتكىزىلگەن مەملەكەتتىك عىلىم - تەحنيكا سيلىعىن بەرۋ جينالىسىندا 2020 - جىلعى مەملەكەتتىك عىلىم - تەحنيكا سيلىعى بويىنشا جيىنى 264 نىسان، 10 عىلىم - تەحنيكا مامانى جانە ءبىر حالىقارالىق ۇيىم سارالانىپ شىققاندىعى جونىندە حابار بەرىلدى. رايونىمىزدان 5 نىسان مەملەكەتتىك عىلىم - تەحنيكا العاباسارلىعى سيلىعىنىڭ 2 - دارەجەلى سيلىعىنا يە بولعان.

  سيلىققا يە بولعان 5 نىسان جەكە - جەكە مىنالار: شينجياڭ اۋىل شارۋاشىلىق عىلىم اكادەمياسى استىق داقىلدارىن زەرتتەۋ ورنى قاتىناسىپ ورىنداعان ”جۇگەرىنىڭ ساپالى تۇقىم بايلىعىن كولەمەندىرىپ اشۋ جانە جاڭالىق اشىپ پايدالانۋ“ نىسانى، شينجياڭ اۋىل شارۋاشىلىق عىلىم اكادەمياسى اۋىل شارۋاشىلىعى ساپا ولشەمىن جانە تەكسەرۋ - ولشەۋ تەحنيكاسىن زەرتتەۋ ورنى قاتىناسىپ ورىنداعان ”ءسۇت جانە ءسۇت ونىمدەرى حاۋىپسىزدىگىن مەڭگەرۋ جانە ساپاسىن جوعارىلاتۋ شەشۋشى تەحنيكاسى“ نىسانى، شينجياڭ تيانيە (توبى) شەكتى سەرىكتەستىگى قاتىناسىپ ورىنداعان ”ساپتىعى جوعارى / ساپتىعى اسا جوعارى حيميالىق ونىمدەردى جىنتىكتەي ايىرۋدىڭ شەشۋشى تەحنيكاسى جانە ونى ونەركاسىپتە پايدالانۋ“ نىسانى، شينجياڭ جينفىڭ عىلىم - تەحنيكا جارنا شەكتى سەرىكتەستىگى قاتىناسىپ ورىنداعان ”ۋاڭيۋان يوۋحاۋ تۇرپاتتى جەل ەلەكتر گەنەراتورلارى شەشۋشى تەحنيكاسى جانە ونى كولەمدەندىرىپ پايدالانۋ“ نىسانى، جۇڭگو مۇناي - حيميا ونەركاسىبى جارنا شەكتى سەرىكتەستىگى باتىس سولتۇستىك مۇناي الابى بولىمشە سەرىكتەستىگى قاتىناسىپ ورىنداعان ”ءىرى تۇرپاتتى كۇردەلى كومىر قىشقىل تۇزدى جىنىستىق قاباتتا ساقتالعان مۇنايدى جوعارى ونىممەن اشۋ شەشۋشى تەحنيكاسى جانە ونى پايدالانۋ“ نىسانى.

  پارتيا 18 - قۇرىلتايىنان بەرى رايونىمىزدان جيىنى 40تان استام جەتىستىك مەملەكەتتىك عىلىم - تەحنيكا العاباسارلىعى سيلىعىنا جانە مەملەكەتتىك عىلىم - تەحنيكا تاپقىرلىق سيلىعىنا يە بولدى، تاعى ءبىر شەتەلدىك مامان جۇڭگونىڭ شينجياڭىمەن حالىقارالىق سەلبەستىك ورىستەتكەندىگى ءۇشىن جۇڭحۋا حالىق رەسپۋبليكاسى حالىقارالىق عىلىم - تەحنيكا سەلبەستىگى سيلىعىنا يە بولدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.