چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋلارىن، جايعاستىرۋلارىن ناقتى، ەگجەي - تەگجەيلى تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن بۇلجىتپاي ىلگەرىلەتۋ كەرەك
11 - ايدىڭ 3 - كۇنى اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو قاشقار نان كاسىبى ازىق - تۇلىك جارنا شەكتى سەرىكتەستىگىنە كەلىپ، ءوندىرىس، تيجارات، جۇمىسقا قابىلداۋ سياقتى جاعدايلاردى ەگجەي - تەگجەيلى ۇعىستى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 3 - كۇنى قاشقاردان حابارلايدى. 11 - ايدىڭ 3 - كۇنى اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، باس نىسانانى مىقتاپ يگەرىپ، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋلارىن، جايعاستىرۋلارىن ناقتى، ەگجەي - تەگجەيلى تياناقتاندىرىپ، ءبىر نيەتپەن ىنتىماقتاسىپ، شىنايى يگەرىپ، ناقتى ىستەپ، قوعام ورنىقتىلىعى مەن باياندى تىنىشتىقتىڭ جاڭا جاعدايىن قايراتتانا اشۋ كەرەك.
قاشقار تەحنيك شۋەيۋانىنىڭ ناقتى جاتتىعۋ بازاسىندا چىن چۋانگو جەتىستىكتەر كورمەسى، ناقتى جاتتىعۋ، ناقتى مەڭگەرۋ، ۇستىندە وقىتۋ سياقتى جاعدايلاردى مۇقيات تەكسەردى. ول بىلاي دەپ اتاپ كورسەتتى: كاسىپ سالاسى دامۋىنىڭ ءىس جۇزىندىگىمەن تىعىز بايلانىستىرىپ، بازار سۇرانىسىمەن تىعىز قابىسىپ، باسىمدىقتى، ەرەكشەلىكتى كورنەكتىلەندىرىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەسۋىن تەرەڭدەتىپ، باۋلۋ ساپاسىن ۇزدىكسىز جوعارىلاتىپ، جۇمىستانۋ قابىلەتىن جوعارىلاتۋعا دەم بەرىپ، جۇمىستانۋدى، شارۋاشىلىق قۇرۋدى كوپ ءتۇرلى ارنامەن جەبەۋ كەرەك.
چىن چۋانگو قاشقار نان كاسىبى ازىق - تۇلىك جارنا شەكتى سەرىكتەستىگىنە كەلىپ، كاسىپورىن جاۋاپتىلارىمەن جانە ءار ۇلت قىزمەتكەرلەرىمەن ىقىلاسپەن اڭگىمەلەسىپ، ءوندىرىس، تيجارات، جۇمىسقا قابىلداۋ سياقتى جاعدايلاردى ەگجەي - تەگجەيلى ۇعىستى. ول بىلاي دەدى: كاسىپ سالاسىنىڭ جەتىلۋىن، كاسىپورىننىڭ دامۋىن بۇقارانىڭ جۇمىستانۋىمەن، اۋىل - قىستاقتىڭ گۇلدەنۋىمەن، ۇلتتار ىنتىماعىمەن اناعۇرلىم ويداعىداي ءبىر تۇتاس جوسپارلاپ، نان كاسىبىنىڭ كولەمدەنۋ، كاسىپ سالالانۋ، بازارلانۋ دەڭگەيىن ۇزدىكسىز جوعارىلاتىپ، 1 -، 2 -، 3 - كاسىپتىڭ توعىسا دامۋىن جەبەپ، اناعۇرلىم كوپ بۇقارانى جاقىن ماڭدا، سول جەردىڭ وزىندە جۇمىستانۋعا، كىرىستى تۇراقتى ارتتىرىپ بايۋعا جەتەكتەۋ كەرەك.
قاشقار ەكونوميكالىق اشۋ رايونى چىڭبەي ونەركاسىپ باقشا رايونىنىڭ ءپايزاۋات اۋدانى باقشا رايونىندا چىن چۋانگو باقشا رايونىنىڭ جوبالاپ قۇرىلىس جۇرگىزۋ، شارۋاشىلىق باسقارۋ، ساۋداگەر شاقىرىپ قارجى ەنگىزۋ سياقتى جاعدايلار جونىندەگى مالىمەتىن تىڭدادى. ول بىلاي دەدى: باسىمدىقتى تولىق ساۋلەلەندىرىپ، ءتيىمدى ساياساتتان ويداعىداي پايدالانىپ، ساۋداگەر شاقىرىپ قارجى ەنگىزۋدى كۇشەيتىپ، ساپالى قىزمەت وتەۋ ارقىلى تاماشا شارۋاشىلىق - ساۋدا ورتاسىن قالىپتاستىرىپ، كاسىپ سالاسى نىساندارىنىڭ جەدەل تياناقتانىپ، ونىمدىلىك كورسەتۋىن ىلگەرىلەتىپ، كاسىپ سالاسىنىڭ شوعىرلاندىرۋ قابىلەتى مەن شارپۋ، جەتەكتەۋ قابىلەتىن ۇزدىكسىز جوعارىلاتىپ، ەكونوميكانىڭ جوعارى ساپالى دامۋىنا قوزعاۋشى كۇش ۇستەۋ كەرەك. چىن چۋانگو كاسىپورىندى تەحنيكادا جاڭالىق اشىپ، شارۋاشىلىق باسقارۋ دەڭگەيىن جوعارىلاتىپ، باسەكەلىك جانە دامۋ قابىلەتىن ۇزدىكسىز كۇشەيتىپ، كۇشەيۋگە، ساپالىلانۋعا، ۇلعايۋعا قۇلشىنۋعا شابىتتاندىردى.
چىن چۋانگو تاعى قاشقار قالاسى پاقتاكلا اۋىلى جوعارعى قاقۇللا قىستاعىنا كەلىپ، شارۋا وتباسىلارىنا، شارۋالار شاتتىعى ساياجايلارىنا، قىستاق اشقان زاۆودتارعا، ت. ب بارىپ، قىستاقتا تۇراتىن قىزمەت اترەتىنىڭ مۇشەلەرىمەن، اۋىل - قىستاق كادرلارىمەن جانە ءار ۇلت بۇقاراسىمەن بەتپە - بەت اڭگىمەلەسىپ، پارتيا تاريحىن ۇيرەنۋ تاربيەسى، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنۋ، دايەكتىلەندىرۋ، نەگىزگى ساتى شەبى قۇرىلىسى سياقتى جاعدايلاردى ۇعىستى. ول بىلاي دەدى: قالىڭ پارتيالى كادرلار حالىق بۇقاراسىنىڭ سىرلاسى، جان اشىرى، جول باستاۋشىسى بولىپ، ءار ۇلت بۇقاراسىن ىنتىماقتاستىرىپ، باستاپ، اقىل - پاراسات پەن كۇش - قۋاتتى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا ۇيىستىرىپ، ءىس جۇزىندىك ارەكەتتەرىمەن پارتيا قۇرىلتايىندا كەسكىندەلگەن ايبىندى جوبانى تاماشا رەالدىققا اينالدىرۋى كەرەك. قىستاق تۇرعىنى قايسار ءاليدىڭ ۇيىندە چىن چۋانگو ونىڭ وتباسىنداعىلارمەن بىرگە قورالاي وتىرىپ اڭگىمە دۇكەن قۇرىپ، جۇمىستانۋ، جۇمىس ىستەۋ، كىرىستى ارتتىرىپ بايۋ، ەمدەلۋ، وقۋعا ءتۇسۋ سياقتى جاعدايلاردى ەگجەي - تەگجەيلى ۇعىسىپ، ولاردى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ەڭبەكشىل قوس قولدارىمەن اناعۇرلىم تاماشا باقىتتى تۇرمىستى جاراتۋعا جىگەرلەندىردى.
چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋى بويىنشا، اناعۇرلىم اسقاق رۋحاني كۇيمەن، اناعۇرلىم تاسقىنداعان جىگەرمەن، قىزۋ سۇيىسپەنشىلىكپەن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مىزعىماس تاباندىلىقپەن دايەكتىلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك. ەكونوميكانىڭ جوعارى ساپالى دامۋىن ىلگەرىلەتىپ، قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، ەرەكشە، باسىمدىققا يە كاسىپ سالالارىن كۇش سالا دامىتىپ، ۇلعايتىپ، جۇمىستاندىرۋدى باعدار ەتۋگە تاباندى بولىپ، ەڭبەك شوعىرلانعان كاسىپ سالالارىن كۇش سالا دامىتىپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن ءوسىرۋدى ىلگەرىلەتىپ، وسى زامانعى قىزمەت وتەۋ كاسىبىنىڭ دامۋىن ىلگەرىلەتىپ، جوعارى ساپالى دامۋ جولىمەن تاباندىلىقپەن ءجۇرۋ كەرەك. ىشكە، سىرتقا ەسىك اشۋدى كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتىڭ ەسىك اشۋى مەن شەكارا بويىنىڭ ەسىك اشۋىنىڭ تىڭ بەلەسىن قالىپتاستىرۋ كەرەك. اۋىل - قىستاقتى گۇلدەندىرۋدى جالپى بەتتىك ىلگەرىلەتىپ، ”ءتورتتى توقتاتپاۋدى“ تياناقتاندىرىپ، قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمىن، مەحانيزمىن اقاۋسىزداندىرىپ، كەمەلدەندىرىپ، اۋىل - قىستاق رەفورماسى مەن اۋىل - قىستاق قۇرىلىسىن ىلگەرىلەتىپ، الەۋمەتتىك قىزمەت وتەۋ قامتاماسىزداندىرۋ ورەسىن جوعارىلاتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋدى جالپى بەتتىك ىلگەرىلەتۋمەن ءونىمدى ۇشتاستىرۋدى ىلگەرىلەتۋ كەرەك. حالىق تۇرمىسىنىڭ ىرىس - قۇتىن ۇزدىكسىز مولايتىپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى الدىڭعى ورىنعا قويۋدى كۇشەيتىپ، حالىققا تيىمدىلىك جەتكىزەتىن ينجەنەريالاردى كۇش سالا جۇرگىزىپ، بۇقارانى مازالاعان، ۋايىمعا سالعان ىستەردى ويداعىداي ىستەۋ بارىسىندا ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. پارتيا تاريحىن ۇيرەنۋ تاربيەسىن تەرەڭدەتىپ، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ۇزدىكسىز ىلگەرىلەتۋ كەرەك. ءتۇيىندى قىزمەتتەردى ءبىر تۇتاس جوسپارلاپ ىلگەرىلەتىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى سياقتى ءتۇرلى قىزمەتتەردى تىڭعىلىقتى ويداعىداي ىستەپ، تۇتاس جىلداعى ەكونوميكالىق، قوعامدىق دامۋدىڭ نەگىزگى نىسانا - مىندەتتەرىن قۇلشىنا ورىنداپ، كەلەر جىلعى قىزمەتتەردى عىلمي جوبالاۋ كەرەك.
اۆتونوميالى رايون باسشىلارىنان لي نيڭپيڭ قاتارلىلار بىرگە تەكسەرۋ - زەرتتەۋ جۇرگىزدى.
