ەركىن تۇنياز اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە حوتان ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
نازاردى باس نىساناعا شوعىرلاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ كەرەك
انار بۇلت / شينجياڭ گازەتىنىڭ ءتىلشىسى لي ياڭ 11 - ايدىڭ 4 - كۇنى حوتاننان حابارلايدى. 11 - ايدىڭ 2 - كۇنىنەن 3 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز حوتان ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋى بويىنشا، ”ءتورت تانىمدى“ ونان ارى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ تەلەگەي كۇشىن ۇيىستىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتىلانۋىنا، تياناقتانۋىنا شىنايى كەپىلدىك ەتۋ كەرەك.
قاراقاش اۋدانىنا ورنالاسقان شينجياڭ جاۋفىڭ ەگىن، مال شارۋاشىلىق ونىمدەرى ساۋدا ورتالىعىندا ەركىن تۇنياز نەگىزدىك قۇرىلعى قۇرىلىسى، ساتۋ جولى، ساتىلۋ سانى، ساتىلۋ باعاسى، سول ماڭداعى شارۋالاردى جۇمىستاندىرىپ كىرىستەرىن ارتتىرۋعا جەتەكتەۋ، قامتۋ سياقتى احۋالداردى ەگجەي - تەگجەيلى ۇعىستى. ول بىلاي دەپ اتاپ كورسەتتى: ونان ارى جۇيەلىلەندىرىپ باسقارىپ، بازارعا تالداۋ جاساۋدى كۇشەيتىپ، ساندى مالىمەت قويماسىن قۇرىپ، ءتىرى مال ساۋداسىنىڭ جۇيەلىلەنىپ، كولەمدەنىپ، ءونىمدى دامۋ جولىنا تۇسۋىنە شىنايى كەپىلدىك ەتۋ كەرەك.
ەركىن تۇنياز ىلگەرىندى - كەيىندى حوتان كۇنلۇن ليلاي بيولوگيالىق ءدارى جاساۋ كاسىپ سالاسى باقشاسىنا، سانجۋلياڭ (حوتان) ونەركاسىپ ساۋدا شەكتى جارنا سەرىكتەستىگىنىڭ نىسان قۇرىلىس ورنىنا كەلىپ، نىساننىڭ اياق الىسىن جانە الداعى جوسپارلارىن ۇعىستى. شينجياڭ مەيفان حۋا - ىر ىلمە توقىماشىلىعى شەكتى سەرىكتەستىگىندە، حوتان ليڭحاي ەلەكترون شەكتى جاۋاپكەرشىلىك سەرىكتەستىگىندە ەركىن تۇنياز سەحتارعا كىرىپ، كاسىپورىن جاۋاپتىسىمەن جانە ءار ۇلت قىزمەتكەرلەرىمەن بەتپە - بەت پىكىرلەسىپ، ”اۋداندا جەتەكشى كاسىپورىن بولۋ، اۋىلدا كولەمدى كاسىپورىن بولۋ، قىستاقتاردا سەلبەستىك كووپەراتيۆى بولۋ“ سىندى كاسىپ سالاسى ۇلگىسىن تولىق تۇراقتاندىرىپ، كاسىپ سالاسىن تۇتقا، جۇمىستاندىرۋدى باعدار ەتىپ، ەڭبەك شوعىرلانعان كاسىپ سالالارىنىڭ دامۋىن زور كۇشپەن ىلگەرىلەتۋدى باسا دارىپتەدى. حوتان قالالىق جوعارى دارەجەلى تەحنيكالىق جۇمىسشىلار مەكتەبىندە ەركىن تۇنياز جۇمىستانۋ شەبەرلىگىنە باۋلۋدى، شارۋاشىلىق قۇرۋعا باۋلۋدى زور كۇشپەن ورىستەتىپ، ەڭبەكشىلەردىڭ تۇتاس تۇلعالىق ساپاسىنىڭ جوعارىلاۋىن جەبەۋ كەرەكتىگىن باسا دارىپتەدى.
قاراقاش اۋدانى زاۋا قالاشىعىنىڭ توعىراق قىستاعىندا ەركىن تۇنياز شارۋالاردىڭ ءتۇرلى دارەتحانالاردى وزگەرتۋ، وزىندىك قۇنى قولايلىلىق دارەجەسى جانە قىزمەت اياق الىسى احۋالدارىن جۇمىس باسىندا ۇعىسىپ، دارەتحانا توڭكەرىسىن قامتىعان اۋىل - قىستاق قونىستانۋ ورتاسىن وڭاۋ قىزمەتى سەرپىنىن ارتتىرىپ، ەكولوگياسى قونىسقا جايلى كورىكتى اۋىل - قىستاق قۇرۋدى باسا دارىپتەدى.
تەكسەرۋ - زەرتتەۋ بارىسىندا، ەركىن تۇنياز نەگىزگى ساتى كادر - بۇقاراسىمەن اۆتونوميالى رايوندىق 10 - رەتكى پارتيا قۇرىلتايىنىڭ رۋحىن بىرگە ۇيرەندى ءارى سانجى قالاسىمەن بەينە ەكران جالعانىمى ارقىلى بايلانىس جاسادى. ەركىن تۇنياز بىلاي دەپ اتاپ كورسەتتى: اۆتونوميالى رايوندىق 10 - رەتكى پارتيا قۇرىلتايى جاڭا باستامادا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋ تۋرالى جاپپاي ورنالاستىرۋ جاسادى، تاماشا جوسپار جاسالدى، تەتىك تياناقتاندىرۋدى مىقتى يگەرۋدە. اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋلارى، تالاپتارى بويىنشا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، وراي باسىمدىعىنان ويداعىداي پايدالانىپ، ستيلگە ۇزدىكسىز بۇرىلىس جاساپ، نازاردى نىسانا - مىندەتتەرگە شوعىرلاندىرىپ، ىرىقتىلىقپەن ىسكەرلىك كورسەتىپ، تياناقتاندىرۋدى مىقتى يگەرىپ، شينجياڭنىڭ ورنىقتىلىق، دامۋ قىزمەتتەرىنىڭ جاڭا جاعدايىن قۇلشىنا اشۋ كەرەك. قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى قىزمەتتەرىن ويداعىداي ىستەۋ كەرەك. قاراقاش اۋدانى باسىمدىققا يە كاسىپ سالالارىن زور كۇشپەن جەتىلدىرىپ، زورايتىپ، كورىكتى اۋىل - قىستاق قۇرىلىسىن ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەۋدى، كەڭەيتۋدى، اۋىل - قىستاقتى گۇلدەندىرۋمەن ءونىمدى ۇشتاستىرۋ كەرەك. سانجى قالاسى اۋىل - قىستاقتى گۇلدەندىرۋ ستراتەگياسىن جوعارى باستامامەن، جوعارى ولشەممەن ىلگەرىلەتىپ، اۋىل - قىستاق قۇرىلىسى ارەكەتىن جاپپاي اتقارىپ، اۋىل - قىستاقتى گۇلدەندىرۋ بارىسىندا ونەگە بولۋى، ۇلگى كورسەتۋى كەرەك.
