نارىنگاۋۋا:
اۋىلداستاردىڭ سەنىمىنە يە بولعان قىستاق كادرى
انار بۇلت / شينجياڭ گازەتىنىڭ ءتىلشىسى دۋ جيانحۇي
”اپەكە، كۇن سۋىتىپ كەتتى، مىنا سىمدى سىزگە بەرەيىن“. 10 - ايدىڭ 13 - كۇنى تاڭەرتەڭ ەرتەمەن، حوشۇت اۋدانى نارىنكەر اۋىلى بۇمبۇت قىستاعى پارتيا ياچەيكاسىنىڭ شۋجيى نارىنگاۋۋا قىستاق تۇرعىنى وتحۇنساعاننىڭ ۇيىنە كەلىپ جاعدايىن ۇعىستى.
2012 - جىلى پارتياعا مۇشە بولعاننان بەرى نارىنگاۋۋا ءوزىنىڭ پارتيا مۇشەسىندىك جاۋاپكەرشىلىگىن، مىندەتىن ەشقاشان دا ەسىنەن شىعارعان ەمەس. بۇمبۇت قىستاعى پارتيا ياچەيكاسىنىڭ شۋجيى بولعاننان كەيىن ول قيىر شالعايداعى وسى ءبىر تاۋلى قىستاقتى ويداعىداي باسقارۋ، ويداعىداي قۇرۋ مىندەتىن ارقالاپ، قىستاق تۇرعىندارى ءۇشىن شىن پەيىلىمەن ناقتى ءىس ىستەپ، قيىن ىستەردى شەشىپ، كوپشىلىك مويىنداعان ”جان اشىر - جاقىن ادامعا“ اينالدى. بيىل نارىنگاۋۋا ”اۆتونوميالى رايوندىق تاڭداۋلى پارتيا ىستەرى قىزمەتكەرى“ اتاعىنا يە بولدى.
2019 - جىلى قىستاقتاعى ادامداردىڭ اۋىز سۋ، مال سۋاتى، جەمىس ورمانى شارۋاشىلىعى ەگىمشىلىگىنە جانە جاسىلداندىرۋعا پايدالانىلاتىن سۋ ماسەلەسىن تۇبەگەيلى شەشۋ ءۇشىن نارىنگاۋۋا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىندەگىلەرمەن، قىستاق ”ەكى كوميتەتىمەن“ بىرگە 280 مىڭ يۋان كەدەيلەردى سۇيەمەلدەۋ نىسانى قارجىسىنا بەلسەندىلىكپەن قول جەتكىزىپ، سۋ كولشىگىن سالدىرادى.
”بۇرىن ءبىزدىڭ سۋدان پايدالانۋىمىز وتە قيىن بولاتىن، قيىر جول باسىپ سۋ تاسۋىمىزعا تۋرا كەلەتىن، قازىر اۋىز سۋدان پايدالانۋ ماسەلەسى شەشىم تاۋىپ كوپشىلىك قۋانىشقا بولەندى“، - دەدى قىستاق تۇرعىنى جامبۇل.
بۇمبۇت قىستاعىنىڭ تۇرعىندارى ۇرپاقتار بويى مال باعۋمەن تىرشىلىك كەشىپ كەلگەن ەدى، ءار جىلى قىرۋار مال كوكتەۋلىكتەن جايلاۋعا كوشەرىندە جولدا 5 مەتر كەڭدىكتەگى ماۋسىمدىق وزەننەن وتۋلەرىنە تۋرا كەلەتىن، وزەندە كوپىر جوق بولاتىن، جازدا سۋ تاسىعاندا قونىس جاڭالاعان ادام مەن مالدى تاسقىن سۋى اعىزىپ اكەتۋ حاۋىپ - قاتەرى تۋىلاتىن. نارىنگاۋۋا مەن قىستاق كادرلارى اۋىلدىڭ قولداۋىنا بەلسەنە قول جەتكىزىپ، 750 مىڭ يۋان كەدەيلەردى سۇيەمەلدەۋ نىسان قارجىسىن ءوتىنىش ەتىپ، وزەنگە بولات كوپىر سالدىرادى.
تاياۋ جىلداردان بەرى اۋىل - قىستاق ساياحاتى ەرەكشە شالقي ءتۇستى، ەگىنشىلىك جۇمىستارىن ىستەۋ، اۋىل - قىستاق كورىنىسىن تاماشالاۋ، شارۋالاردىڭ اس مازىرىنەن ءدام تاتۋ سياقتى ساياحات قيمىلدارى ساياحاتشىلاردىڭ قىزۋ قارسى الۋىنا بولەندى، نارىنگاۋۋا جەرگىلىكتى ورىننىڭ اۋىل - قىستاق ساياحاتىن دامىتۋ جاعىندا وي جۇگىرتتى.
بۇمبۇت قىستاعىنىڭ وزگەشە جاراتىلىستىق كورىنىسى بار، قاراستى وڭىردە تاعى قىزىل تاربيە بازاسى مالان اسكەري كورمە باقشاسى بار ەدى. نارىنگاۋۋا مالان اسكەري كورمە باقشاسىن تىرەك ەتىپ، ەگىنشى - مالشىلاردى شارۋالار (مالشىلار) شاتتىعى ساياجايىن دامىتۋعا باستاپ، موڭعۇلداردىڭ ءداستۇرلى ءدامدى تاعامدارى، قولونەر كەستەلەرى سياقتى ساياحات ونىمدەرىن جاساپ، كىرىستى ارتتىرۋ بەكىمىنە كەلەدى.
2017 - جىلى قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسى ليجارا قىستاق كادرلارىنىڭ كومەگىندە ساحارا ورىگى سالت - سانا باقشاسىن قۇرىپ، 3 ايدا 30 مىڭ يۋاننان استام كىرىس كىرگىزدى. قازىر ليجارانىڭ 80 نەشە قويى، 30 نەشە سيىرى، 20دان استام جىلقىسى بار، تۇرمىسى بارعان سايىن شالقي ءتۇستى.
مالانحۋا مالشىلار شاتتىعى ساياجايىنىڭ جاۋاپتىسى وتحا بىلاي دەدى: بيىل ساياحاتتىڭ قاۋىرت مەزگىلىندە ساياحاتشىلار وتە كوپ بولدى، كەلەر جىلى تاعى 2 موڭعۇل كيىز ءۇيىن كوبەيتىپ تىگىپ، 100دەن استام قوناقتى ءبىر ۋاقىتتا قابىلداي الامىز“.
نارىنگاۋۋا بۇقارانىڭ مۇڭ - مۇقتاجىن باستان - اياق كوكەيىندە ساقتاپ، بۇقارانىڭ كىرىستەرىن ارتتىرىپ، بايۋىنا امالدىڭ بارىنشا كومەكتەسىپ، 300دەن استام رەت بۇقارانىڭ ءىس جۇزىندىك قيىنشىلىعىن شەشىپ، كورشىلەر اراسىنداعى 200دەن استام داۋ - شاردى ءبىر جاقتى ەتىپ، ءبىر كوممۋنيستىك پارتيا مۇشەسىنىڭ اۋەلگى ماقساتى مەن بورىشىن ءىس جۇزىندىك ارەكەتى ارقىلى ايگىلەدى.
