جاۋ جييوۋ:
تاماشا جوبانى بىرگە رەالدىققا اينالدىرامىز
انار بۇلت / شينجياڭ گازەتىنىڭ ءتىلشىسى سۇڭ يا − ۋىن
10 - ايدىڭ 29 - كۇنى تاڭ سارىدە اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، بۇراتالا قالاسى ۇتىبۇلاق قالاشىعى پارتكومىنىڭ شۋجيى جاۋ جييوۋ قىزمەت ۇستەلىندە وتىرىپ، پارتيا قۇرىلتايى كەزىندەگى ەستەلىگىن وقىپ، باستالۋ الدىندا تۇرعان ۇگىت لەكسياعا دايىندالدى.
”نەگىزگى ساتىدان كەلگەن پارتيا قۇرىلتايى ۋاكىلى رەتىندە، مەنىڭ جاۋاپكەرشىلىگىم پارتيا قۇرىلتايىنىڭ رۋحىن دەر كەزىندە كوپشىلىككە جەتكىزىپ، پارتيا قۇرىلتايىنىڭ رۋحىن جۇرت جۇرەگىنە تەرەڭ ۇيالاتۋ“، - دەدى جاۋ جييوۋ.
ساعات 11دە جاۋ جييوۋ جيىن زالىنا كىرىپ، پارتيا مۇشەلەرىنە، بۇقاراعا پارتيا قۇرىلتايىنىڭ رۋحىنان ۇگىت لەكسيا جاسادى.
”پارتيا قۇرىلتايى بايانداماسىندا مىنالار اتاپ كورسەتىلدى: 5 جىلدان بەرى ءار ۇلت بۇقاراسىن الاڭداتقان، شۇعىل، قيىن، ۋايىمداعان، ءزارۋ ءبىر توپ ماسەلەلەر ءونىمدى شەشىلدى، بالاباقشا بولۋ، وقيتىن مەكتەپ بولۋ، ەڭبەك تابىسى بولۋ، ەمدەلەتىن شيپاحانا بولۋ، قارتايعاندا كۇتىمدەلەتىن ورىن بولۋ، تۇراتىن باسپانا بولۋ، كومەككە ءزارۋ جاندار كومەكتەن يگىلىكتەنۋ جاعىندا ۇزدىكسىز جاڭا ىلگەرىلەۋشىلىككە قول جەتىپ، ءار ۇلت بۇقاراسى ورنىقتىلىقتىڭ، دامۋدىڭ، رەفورمانىڭ جەتىستىكتەرىنەن تولىق يگىلىكتەندى...“ جاۋ جييوۋ ۇتىبۇلاق قالاشىعىنىڭ ءىس جۇزىندىك جاعدايىمەن بىرلەستىرىپ، ۇگىت لەكسيا بارىسىندا تۇرمىسقا جاناسىمدى ءبىر - بىرلەگەن ناقتى مىسالدار كەلتىردى، زال تولاسسىز سوعىلعان شاپالاق ۇنىنە بولەندى.
بولاشاق 5 جىلداعى دامۋعا جاۋ جييوۋ نىق سەنىممەن قارادى. ”پارتيا قۇرىلتايى بايانداماسىندا مىنالار العا قويىلدى: مۇنان بىلايعى 5 جىلدا ەرەكشە باسىمدىققا يە كاسىپ سالالارىن شىنايى، ويداعىداي يگەرىپ، 1 - ، 2 - ، 3 - كاسىپتەردىڭ توعىسا دامۋىن ىلگەرىلەتۋ. ۇتىبۇلاق قالاشىعى شينجياڭداعى اراق اشىتۋ، ءجۇزىم ءوندىرىسى وڭىرلەرىنىڭ ءبىرى، ءبىز ءجۇزىم ەگىمشىلىگى باسىمدىعىن ساۋلەلەندىرىپ، ەرەكشە باسىمدىققا يە كاسىپ سالالارىن اناعۇرلىم دامىتۋىمىز، زورايتۋىمىز كەرەك“.
جۋىق جىلداردان بەرى ۇتىبۇلاق قالاشىعى وزىنە ءتان ءجۇزىم ەگىمشىلىگى باسىمدىعىنان جانە مەملەكەت تاس جولىنا، ولكە تاس جولىنا جاقىن بولۋداي وڭىرلىك باسىمدىعىنان پايدالانىپ، ءجۇزىم شارابى باستاماشى كاسىپورىندارىن ەنگىزىپ، ”شاراپ قورجاسى“ ۇلگىسىن دامىتىپ، ەرەكشە باسىمدىقتان پايدالانىپ ساياحاتشىلاردى باۋراپ، ەگىمشىلىكتى، وڭدەۋدى، ساۋدانى، عىلمي زەرتتەۋدى شوعىرلاندىرا ءبىر تۇلعالاندىرعان ءجۇزىم شارابى كاسىپ سالاسى جۇيەسىن بىرتە - بىرتە قالىپتاستىردى.
”پارتيا قۇرىلتايى ءبىزدىڭ مۇنان كەيىنگى 5 جىلداعى دامۋىمىزعا تاماشا جوبا ازىرلەپ بەردى. ەندىگى كەزەكتە ءبىز ءاربىر پارتيالى كادرلار تۇگەلدەي پارتيا قۇرىلتايىنىڭ رۋحىن باستاماشىلدىقپەن ۇگىتتەۋىمىز ءارى پارتيا قۇرىلتايىنىڭ رۋحىن ناقتى قىزمەت بارىسىندا تياناقتاندىرۋىمىز كەرەك. جوبا كەسكىندەلدى، ەكپىندەي ىلگەرىلەيتىن ءسات كەلىپ جەتتى، بىرگە قۇلشىنۋىمىزدىڭ ارقاسىندا تاماشا جوبانىڭ، ءسوز جوق، رەالدىققا اينالاتىندىعىنا سەنەمىن“، - دەدى جاۋ جييوۋ نىق سەنىممەن.
