اۆتونوميالى رايوندىق ساياسي كەڭەس ورگانى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ورىستەتتى
قيىن ىستەردى شىن پەيىلىمەن شەشىپ، ەلەۋسىز ىستەردە شىنايى سۇيىسپەنشىلىكتى بەينەلەدى
انار بۇلت / شينجياڭ گازەتىنىڭ ءتىلشىسى جاڭ يۇنمەي
”بۇقارانىڭ ءىسى قانشالىق كىشكەنە بولسا دا كوڭىل اۋدارۋ كەرەك“. پارتيا تاريحىن ۇيرەنۋ تاربيەسى ورىستەتىلگەننەن بەرى اۆتونوميالى رايوندىق ساياسي كەڭەس ورگانى ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ ماڭىزدى تۇتقاسىنىڭ ءبىرى ەتىپ، پارتيا مۇشەلەرىن، كادرلاردى وتباسىلارىن ىشكەرىلەي ارالاپ جاعداي ۇعىسۋعا ۇيىمداستىرىپ، جۇپ قۇراعان تۋىستارعا ناقتى ءىس، جاقسى ءىس ىستەپ بەرىپ، پارتيا تاريحىن ۇيرەنۋ تاربيەسىنىڭ تەرەڭدەتىلۋىن، ناقتىلانۋىن ىلگەرىلەتتى.
10 - ايدىڭ 28 - كۇنى اۆتونوميالى رايوندىق ساياسي كەڭەس كەڭسەسى حاتشىلار باسقارماسىنىڭ باستىعى گاۋ يۋانتاۋ ”اعاي، مەن بيڭتۋان 3 - شىسىنىڭ اكىمشىلىك زاڭ اتقارۋ كۋالىگىن الدىم، بۇدان بىلاي زاڭ اتقارۋ تولىمدىلىعىنا يە بولدىم“ دەگەن ۋيچات حابارىن تاپسىرىپ الدى.
گاۋ يۋانتاۋ تىلشىگە حاباردى تۋىسىنىڭ ۇلكەن ۇلى اكبار ءيۇسۇپتىڭ جولداعانىن ايتتى. 2016 - جىلى گاۋ يۋانتاۋ مارالباسى اۋدانى داۋلەتباق اۋىلى اياققى قارا كولنۇر قىستاعىنىڭ تۇرعىنى ءيۇسۇپ ابدىكەرىمنىڭ وتباسىنداعىلارمەن تۋىس بولعان.
”تۋىسىم وتە ىسكەر، مەن دە ولاردىڭ وتباسىنا كومەكتەسىپ تۇرۋدى قالايمىن“. ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى ورىستەتىلگەننەن بەرى گاۋ يۋانتاۋ جۇپ قۇراعان تۋىسىنا قۇنى 3000 يۋاننان استام كەلەتىن كومەك كورسەتتى، ءبىراق ول مۇنى اۋىزعا الۋعا تاتىمايدى، ”تۋىسىمىنىڭ بالاسىنىڭ ءومىر جولىنا باعدار كورسەتىپ كومەكتەسە العانىم، مەنىڭشە، بارىنەن ماڭىزدى“ دەپ قارايدى.
گاۋ يۋانتاۋدىڭ نازارىندا، اكبار ونىڭ ماقتانىشى. جاس جىگىت قىستاقتاعى تۇڭعىش تولىق كۋرس وقىعان وقۋشى، بيىل داشۋە تاۋىسقاننان كەيىن ۇرىمجىدە قالىپ جۇمىستانۋدى ويلاپ جۇرگەن. گاۋ يۋانتاۋ وعان كومەكتەسىپ جۇمىستانۋ بولاشاعىنا تالداۋ جاساپ، ءومىر جوسپارىن جاساپ بەردى، وعان نەگىزگى ساتىدا شىنىعىپ، دارىنىن ايگىلەۋگە ۇسىنىس ەتتى. سوڭىندا اكبار قۇلشىنىس جاساۋ ارقىلى ۇكىمەت قىزمەتكەرلەرى ەمتيحانىنان ءوتىپ، بيڭتۋان 3 - شىسى 53 - تۋانىنىڭ ساياسي - زاڭ كادرىنا اينالدى.
گاۋ يۋانتاۋ اكبارعا باستان - اياق كوڭىل ءبولىپ كەلدى. جاڭادان قىزمەتكە قاتىناسقان اكباردىڭ ەڭ قينالاتىنى ۇكىمەت حۇجاتىن جازۋ ەدى. ”ونىڭ باستاپتا جازعان ماتەريالدارى تولىمسىز بولىپ، قاتتى جاسىپ ءجۇردى. مەن بىلگەننەن كەيىن، ونىمەن بەينە ەكران جالعانىمى ارقىلى سويلەسىپ، ءوزىمنىڭ تاجىريبەلەرىممەن ءبولىسىپ، وعان قولما - قول ۇيرەتىپ، ونىڭ تەز ارادا قىزمەتكە كىرىسۋىنە كومەكتەستىم“. گاۋ يۋانتاۋ ۇلكەن نەمەرەسىنىڭ وسكەندىگىن كورىپ، قۋانىشىنىڭ قوينىنا سيماعاندىعىن ايتتى.
اۆتونوميالى رايوندىق ساياسي كەڭەس كەڭسەسى باس كەزەكشىلەر بولمەسىنىڭ مەڭگەرۋشىسى تاڭ جىرۇڭنىڭ دا قۋاناتىن ىستەرى بار.
”مەنىڭ تۋىسىم ەرلى - زايىپتى ەكەۋى تەپسە تەمىر ۇزەتىن ەڭبەكشىلەر ەدى، بىلتىر جەردى اينالىمعا سالعاننان كەيىن، نە ىستەۋ كەرەكتىگىن ويلاپ داعدارعان ەدى“. تاڭ جىرۇڭ: تۋىسىم روزى مۇسا مارالباسى اۋدانى داۋلەتباق اۋىلى ياكەن ءمالىسى قىستاعىندا ۇنەمى ەلەكترمەن اينالىسىپ جۇرەتىن. ەندەشە، مەتال بۇيىمدار دۇكەنىن اشسا قالاي بولماق دەپ ويلادىم، - دەيدى. تاڭ جىرۇڭنىڭ كومەكتەسۋىندە، بىلتىر جىل اياعىندا روزىنىڭ مەتال بۇيىمدار دۇكەنى جۇمىس باستادى.
بيىل جىل باسىندا قايتا جۇزدەسكەندە، روزى ءوزىنىڭ تاعى ءبىر تىڭ ويىن ورتاعا سالىپ: ”مەتال بۇيىمدار دۇكەنىن ايەلىم جالعىز ءوزى اشا الادى ەكەن، مەن اۋدان قالاشىعىنا بارىپ، اۆتوكولىك جۋۋ ورنىن اشسام دەيمىن“، - دەيدى.
”سەنى قولدايمىن!“. تۋىسىنىڭ وسىنشاما جىگەرلى ەكەندىگىن كورگەن تاڭ جىرۇڭ قۋانا وسىلاي دەيدى.
5 - ايدىڭ باستارىندا تاڭ جىرۇڭ روزى وتباسىنا تاعى دا امانداسا بارعان كەزدە اشىلعانىنا 2 اي بولعان اۆتوكولىك جۋۋ ورنىنىڭ ساۋداسىنىڭ كۇسەت ەكەندىگىن كوردى، روزى: ”تاڭ اعايدىڭ ماعان جاساعان كومەگى وتە كوپ“، - دەدى.
وي - ساناسى اشىلعان سوڭ اقشا تابۋ ارناسى كوبەيدى. كەيىن كەلە روزى قىستاقتىڭ كورىكتى اۋىل - قىستاق قۇرىلىسى نىسانىن كوتەرمەگە الدى.
”ەسەپتەپ كورسەم، روزى وتباسىنىڭ ءبىر جىلدىق كىرىسى دە 70 − 80 مىڭ يۋانعا بارادى ەكەن، تۇرمىسى بارعان سايىن جاقسارىپتى، وزدەرى دە بارعان سايىن قۇلشىنا ىستەپ جاتىپتى“. تۋىسىنىڭ وتباسىنداعى وزگەرىستى كورگەن تاڭ جىرۇڭنىڭ كوڭىلى قۋانىشقا تولدى.
تۋىسىنا كوكونىس مايساسىن ساتىپ اپەرۋ، تۋىسى ۇرىمجىگە ناۋقاس كورسەتە كەلگەندە كومەكتەسىپ شيپاحانامەن بايلانىس جاساپ بەرۋ، جاتاق - تاماعىن شەشىمدەۋ... اۆتونوميالى رايوندىق ساياسي كەڭەس ورگانىنداعى پارتيا مۇشەلەرى مەن كادرلار جۇپ قۇراعان تۋىستارىنا شىن نيەتتەرىمەن كومەكتەسىپ ”شۇعىل، قيىن، ۋايىمداعان، ءزارۋ“ ماسەلەلەرىن شەشتى، كوپشىلىك قول ۇستاسا، يىق سۇيەسىپ، اۋىل - قىستاقتى گۇلدەندىرۋدىڭ كوركەم كارتيناسىن بىرگە كەسكىندەدى.
