تيانشان تورى   ›   جاڭالىقتار   ›   ماڭىزدى حابارلار

شي جينپيڭ 8 - كەزەكتى بۇكىل مەملەكەتتىك ءمورال ۇلگىلەرىمەن جانە كورسەتىلۋ سيلىعىنىڭ يەگەرلەرىمەن كەزدەستى

ۋاڭ حۋنيڭ كەزدەسۋگە قاتىناستى ءارى اڭگىمە ماجىلىستە ءسوز سويلەدى

  11 - ايدىڭ 5 - كۇنى پارتيا مەن مەملەكەت باسشىلارىنان شي جينپيڭ، ۋاڭ حۋنيڭ قاتارلىلار بەيجيڭ حالىق سارايىندا 8 - كەزەكتى بۇكىل مەملەكەتتىك ءمورال ۇلگىلەرىمەن جانە كورسەتىلۋ سيلىعىنىڭ يەگەرلەرىمەن كەزدەستى.

□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

  شينحۋا اگەنتتىگىنىڭ 11 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 5 - كۇنى تۇستەن بۇرىن حالىق سارايىندا 8 - كەزەكتى بۇكىل مەملەكەتتىك ءمورال ۇلگىلەرىمەن جانە كورسەتىلۋ سيلىعىنىڭ يەگەرلەرىمەن ىقىلاسپەن كەزدەستى، ولاردان شىنايى حال سۇرادى جانە قىزۋ قۇتتىقتادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋگە قاتىناستى ءارى 8 - كەزەكتى بۇكىل مەملەكەتتىك ءمورال ۇلگىلەرى اڭگىمە ماجىلىسىندە ءسوز سويلەدى.

  تۇستەن بۇرىن ساعات 11دە شي جينپيڭ قاتارلىلار حالىق سارايىنىڭ سولتۇستىك زالىنا كەلدى، بۇكىل زالدى شاتىرلاعان شاپالاق ءۇنى كەرنەدى. شي جينپيڭ قاتارلىلار ۋاكىلدەردىڭ اراسىنا كەلىپ، كوپشىلىكپەن شىن ىقىلاسپەن اڭگىمەلەستى ءارى بىرگە سۋرەتكە ءتۇسىپ، ەستەلىك قالدىردى.

  ۋاڭ حۋنيڭ 11 - ايدىڭ 5 - كۇنى تۇستەن كەيىن وتكىزىلگەن اڭگىمە ماجىلىستە ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ بۇكىل مەملەكەتتىك ءمورال ۇگىلەرىمەن جانە كورسەتىلۋ سيلىعىنىڭ يەگەرلەرىمەن ىقىلاسپەن كەزدەسۋى پارتيا ورتالىق كوميتەتىنىڭ جانە باس شۋجي شي جينپيڭنىڭ ءمورال قۇرىلىسىنا ايرىقشا ءمان بەرگەندىگىن، ءمورال ۇلگىلەرىنە شىنايى قامقورلىق جاساعاندىعىن تولىق ايگىلەدى. پارتيا 18 - قۇرىلتايىنان بەرى باس شۋجي شي جينپيڭ ءمورال قۇرىلىسىن كۇشەيتۋ جونىندە ءبىر قىدىرۋ ماڭىزدى بايىمداۋلار جاساپ، جاڭا داۋىردەگى ءمورال قۇرىلىسىن كۇشەيتۋدەگى بەتالىستىق سيپات الاتىن، ءتۇبىرلى سيپات الاتىن ماسەلەلەردى تەرەڭ ءتۇسىندىرىپ، ءبىزدىڭ قىزمەتتى جاقسى ىستەۋىمىزگە ءتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ ماڭىزدى بايىمداۋلارىن ءمورال قۇرىلىسىنىڭ تۇتاس بارىسىندا جانە ءارقايسى جاقتارىندا شىنايى تياناقتاندىرۋ كەرەك. ءمورال ۇلگىلەرىنىڭ ونەگەلىك، ۇلگىلىك رولىن تولىق ساۋلەلەندىرىپ، ءمورال ۇلگىلەرىنىڭ اسەرلى حيكايالارىن ويداعىداي بايانداپ، ءمورال ۇلگىلەرىنىڭ وسكەلەڭ رۋحىنان ۇيرەنىپ، امالياتتا ايگىلەپ، ءمورال ۇلگىلەرىنە قامقورلىق جاساۋدى جانە ولاردى ايالاۋدى كۇشەيتۋ كەرەك. جاڭا داۋىردەگى ءمورال قۇرىلىسىن تەرەڭدەتىپ، جاستار مەن ورەندەردىڭ يدەيا - ءمورال قۇرىلىسىن ءتۇيىندى تۇردە ويداعىداي يگەرىپ، بۇقارالىق رۋحاني وركەنيەت قۇرۋدىڭ ساپاسى مەن ناقتى ونىمدىلىگىن جوعارىلاتىپ، وزىق مادەنيەتتىڭ ادامدى باۋلۋ، ادام تاربيەلەۋ رولىن ساۋلەلەندىرىپ، ءمورال سالاسىنداعى كورنەكتى ماسەلەلەردى جونگە سالۋدى كۇشەيتىپ، تۇتاس قوعامنىڭ العا ۇمتىلعان، ىزگىلىككە تالپىنعان وڭ ەنەرگياسىن ۇزدىكسىز تاسقىنداتۋ كەرەك. پارتيانىڭ باسشىلىعىن كۇشەيتىپ، ءمورال قۇرىلىسىن بىرگە يگەرۋ، ورتاق باسقارۋدىڭ قۋاتتى بىرىككەن كۇشىن قالىپتاستىرۋ كەرەك.

  ديڭ شۋەشياڭ كەزدەسۋگە قاتىناستى، سۇن چۇنلان كەزدەسۋگە قاتىناستى ءارى ماجىلىستە ماداقتاۋ - سيلاۋ قارارىن وقىدى، حۋاڭ كۇنميڭ كەزدەسۋگە قاتىناستى ءارى اڭگىمە ءماجىلىستى باسقاردى.

  ماجىلىستە 68 جولداسقا 8 - كەزەكتى بۇكىل مەملەكەتتىك ءمورال ۇلگىسى داڭق اتاعى بەرىلدى، 254 جولداسقا 8 - كەزەكتى بۇكىل مەملەكەتتىك ءمورال ۇلگىسىنە كورسەتىلۋ سيلىعى بەرىلدى. 8 - كەزەكتى بۇكىل مەملەكەتتىك ادىلەت جولىندا ايانباۋدىڭ ۇلگىسى، حۋبەي شۇنفىڭ تەز تاسىمالداۋ شەكتى سەرىكتەستىگى جياڭحان بولىمشەسىنىڭ ديرەكتورى ۋاڭ يۇڭ، 8 - كەزەكتى بۇكىل مەملەكەتتىك كاسىپتى ءسۇيىپ، ۇلەس قوسۋدىڭ ۇلگىسى، جۇڭگو حالىق ازاتتىق ارمياسى عارىشكەرلەر ۇلكەن اترەتىنىڭ ەرەكشە عارىشكەرى جيڭ حايپىڭ، 7 - كەزەكتى بۇكىل مەملەكەتتىك كاسىپتى ءسۇيىپ، ۇلەس قوسۋدىڭ ۇلگىسى، جۇڭجيان بولات قۇرىلىمدار شەكتى سەرىكتەستىگى حۋانان ۇلكەن رايونىنىڭ باس ينجەنەرى لۋ جيانشين، سونداي - اق قاتىستى جاقتارداعى جاۋاپتى جولداستار جەكە - جەكە لەبىز ءبىلدىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.