شاۋكەت يمىن اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە شيحۋ قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن ىلگەرىلەتۋ كەرەك
انار بۇلت / شينجياڭ گازەتى تارباعاتاي تىلشىلەر پۋنكتىنەن ۋىن بو 11 - ايدىڭ 5 - كۇنى شيحۋدان حابارلايدى. 11 - ايدىڭ 3 -، 4 - كۇندەرى اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن شيحۋ قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن ىلگەرىلەتۋ كەرەك.
شيحۋ قالالىق اۋىل شارۋاشىلىعىن دامىتۋ، قىزمەت وتەۋ ورتالىعىندا جانە اۋىل شارۋاشىلىعى ماشينالارىن ءوندىرۋ كاسىپورنىندا شاۋكەت يمىن اۋىل شارۋاشىلىعىنا تەحنيكالىق قىزمەت وتەۋ، كاسىپورىنداردىڭ تەحنيكا زەرتتەپ - اشۋى جانە ءوندىرۋ - ساتۋى سياقتى جاعدايلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: ءار ءتۇرلى بايلىقتى بىرىكتىرىپ، ۇلكەن ساندى مالىمەت بايلىق ابزالدىلىعىنان پايدالانىپ، اۋىل شارۋاشىلىعىنىڭ وسىزاماندانىپ دامۋىنا كۇش ۇستەۋ كەرەك. ول كاسىپورىنداردى زەرتتەۋ - اشۋ قابىلەتى قۇرىلىسىن كۇشەيتىپ، ۇزدىكسىز زورايتىپ، الۋەتتەندىرىپ، اۋىل شارۋاشىلىعىن وسىزامانداندىرىپ دامىتۋعا اناعۇرلىم زور ۇلەس قوسۋعا شابىتتاندىردى.
شيحۋ سىرا شەكتى سەرىكتەستىگىندە شاۋكەت يمىن ءوندىرىس، تيجارات، ماركا قۇرىلىسى سياقتى جاعدايلاردى مۇقيات ۇعىستى. ول بىلاي دەپ باسا دارىپتەدى: بازار اۋقىمىن ءجىتى قاداعالاپ، وزىندىك باسىمدىقتارعا سۇيەنىپ، ساپانى تىرەك ەتىپ ماركا جاراتىپ، اراق اشىتۋ كاسىپ سالاسىن، مادەنيەت - ساياحات كاسىپ سالاسىن جەدەل توعىستىرا دامىتۋدى ىلگەرىلەتۋ كەرەك.
شاۋكەت يمىن شيحۋ قالاسى شيداگوۋ قالاشىعى تاكلىگىن قىستاعىنا كەلىپ، اۋىل - قىستاقتى گۇلدەندىرۋ قىزمەتىن ورىستەتۋ جاعدايىن جۇمىس باسىندا باقىلادى. ول مىنالاردى تالاپ ەتتى: بەلسەندى، ىرىقتى بولىپ، جاۋاپكەرشىلىك ارقالاپ، ىسكەرلىك كورسەتىپ، ءتۇرلى ساياساتتاردى ويداعىداي، تولىق پايدالانىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك.
شيحۋ قالاسىنىڭ سۋمەن قامداۋ بويىنشا وزگەرتىپ، كەڭەيتىپ سالىنعان، رەتتەلگەن سۋ ساقتاۋ كولشىگىندە شاۋكەت يمىن سۋ يگىلىگى ينجەنەريا قۇرىلىسى جاعدايىن ۇعىستى. ول بىلاي دەپ باسا دارىپتەدى: سۋ بايلىعىن ورنالاستىرۋدى ساپالىلاندىرىپ، پايدالانۋ ورەسىن جوعارىلاتىپ، سۋ يگىلىگى ىستەرىنىڭ جوعارى ساپالى دامۋىن ىلگەرىلەتۋ كەرەك.
تەكسەرۋ - زەرتتەۋ بارىسىندا شاۋكەت يمىن نەگىزگى ساتىداعى كادرلارمەن، بۇقارامەن بىرگە اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەندى. ول بىلاي دەپ اتاپ كورسەتتى: اۆتونوميالى رايوندىق 10 - رەتكى پارتيا قۇرىلتايى 5 جىلدان بەرگى بۇكىل رايوننىڭ قوعامدىق كەلەلى جاعدايى ورنىقتى بولۋى، حالىق تىنىش ءومىر، شات - شادىمان تىرشىلىك كەشىرۋى، ەكونوميكانى جوعارى ساپالى دامىتۋى سياقتى جاقتاردا قول جەتكىزگەن كورنەكتى تابىستارىن قورىتىندىلاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋگە، بۇدان كەيىنگى 5 جىلدا ءتۇرلى ىستەردىڭ دامۋ جاڭا جاعدايىن اشۋعا جالپى بەتتىك ورنالاستىرۋ جاسادى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە وعان توعىسىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، حالىقتى وزەك ەتكەن دامۋ يدەياسىن سانالىلىقپەن امالياتتا ايگىلەپ، قىزمەت مىندەتىن وتەپ، جاۋاپكەرشىلىك ارقالاۋعا، باتىلدىقپەن جاۋاپكەرشىلىك ارقالاۋعا، شىنايى يگەرىپ، ناقتى ىستەۋگە، كىرشىكسىز، پاك بولۋعا تاباندى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋ كەرەك.
ءمۇتالىپ قاسىم، مۇقيات جارمۇقامەت، شۋە بين قاتارلىلار تەكسەرۋ - زەرتتەۋدە بىرگە بولدى.
