حى حۇڭتاۋ:
ديقانداردى باستاپ وسىزاماندانعان اۋىل شارۋاشىلىعى جولىنا قادام تاستادى
انار بۇلت / شينجياڭ گازەتىنىڭ ءتىلشىسى ءرايدا
”كولەمدەنگەن ەگىمشىلىك جانە تۇتاس بارىستىق ماشينالاندىرۋ جۇمىسى جەردىڭ ەڭ جوعارى ءونىم بەرۋىن جۇزەگە اسىردى ءارى ديقانداردىڭ كىرىسىن زور مولشەردە ارتتىردى، مىنە بۇل اۋىل شارۋاشىلىعىنىڭ وسىزاماندانۋىنىڭ بىزگە سيلاعان پايداسى“، - دەدى 10 - ايدىڭ 15 - كۇنى ساۋان قالاسى شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆىنىڭ القا باستىعى حى حۇڭتاۋ.
2002 - جىلى 2 - ايدا حى حۇڭتاۋ ساۋان قالاسى داچۋان اۋىلى شاۋفاڭجۋاڭزى قىستاعىنىڭ پارتيا ياچەيكا شۋجيلىگىنە تاعايىندالادى. ونىڭ باستاۋىمەن شاۋفاڭجۋاڭزى قىستاعى داچۋان اۋىلىنداعى تۇڭعىش قۇبىر سۋى تارتىلعان، اسفالت جول جەتكىزىلگەن، الەۋمەتتىك اۆتوبۋز قاتىناعان قىستاققا اينالادى...
”مەنىڭ اكە - شەشەم ديقان، ولار ءومىر بويى جەر ەمشەگىن ەمىپ كەلەدى. جەر ديقاندار تىرشىلىگىنىڭ تۇپكىلىكتى قامتاماسىزدىعى، ءبىراق بۇرىندارى ديقاندار جەردەن تىم ماردىمدى پايدا تابا المايتىن“. حى حۇڭتاۋ جەردى كاسىبي جولمەن، ساندى مالىمەتتەندىرىپ ىجاعداتتى تۇردە باسقارعاندا عانا ءتىپتى دە مول ونىمدىلىككە قول جەتكىزۋگە بولاتىندىعىن ايتتى.
2012 - جىلى كوكتەمدە شاۋفاڭجۋاڭزى قىستاعى جەردى اينالىمعا سالۋدى جولعا قويىپ، وسى زامانعى اۋىل شارۋاشىلىعىنا قاراي قادام تاستادى. ول كەزدە سىرتتا جۇمىس ىستەيتىن جۇمىسشى حى حۇڭتاۋ شاۋفاڭجۋاڭزى قىستاعىنا قايتىپ كەلدى. ونى تۇسىنگەندىكتەن جانە وعان سەنىم ارتقاندىقتان، 2013 - جىلى قىستاق تۇرعىندارىنىڭ كورسەتۋىمەن، حى حۇڭتاۋ شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆىنىڭ القا باستىعى بولادى.
ديقانداردىڭ جەردى سەلبەستىك كووپەراتيۆىنە الاڭسىز اينالىمعا بەرۋى ءۇشىن حى حۇڭتاۋ از كۇش سارىپ ەتپەدى. ”قۇرعاق ءسىڭىرىپ، سۋلى ءوسىرۋ تەحنيكاسىن جالپىلاستىرعاندا سىڭىرىلگەن تۇقىمنىڭ تۇقىم اۋزى دەرلىك بۇرشىكتەيدى، ونىڭ ۇستىنە ءبىر ۇياشىقتا ءبىر تۇيىردەن اشىلادى، قىستاق تۇرعىندارى سىڭىرىلگەن تۇقىم مەن ەگۋ ۇلگىسىنىڭ بۇرىنعىعا ۇقسامايتىندىعىن كورگەندە، جاڭا تەحنيكاعا قاراتا ءتۇرلى ادىستەر ارقىلى سالعىرت پوزيتسيادا بولدى“، - دەدى حى حۇڭتاۋ.
مايسا ءوسىپ شىعىپ، قىستاق تۇرعىندارى مايسا شىعۋ سالىستىرماسىنىڭ جوعارىلاعاندىعىن كورگەننەن كەيىن بارىپ، حى حۇڭتاۋعا سەندى. ءبىر - بىرلەگەن اۋىل شارۋاشىلىعى تەحنيكاسىنىڭ جالپىلاسۋى مەن قولدانىلۋى قىستاق تۇرعىندارىنا ناعىز تابىستى كورسەتتى ءارى سەلبەستىك كووپەراتيۆىنىڭ جەردى بىرىكتىرۋ جىلدامدىعىن دا ۇدەتتى.
”تۇتاس قىستاقتا 700 بولىككە جۋىق بىتىراندى جەردەن 6000 مۋ بار ەدى، بىرىكتىرىلگەننەن كەيىن 3000 مۋ جەر سەلبەستىك كووپەراتيۆىنە اينالىمعا بەرىلىپ، 11 بولەك بىرىكتىرىلگەن جەردى قالىپتاستىردى“، - دەدى حى حۇڭتاۋ.
2020 - جىلى شاۋفاڭجۋاڭزى قىستاعى اۋىل - قىستاق جەرىن كوتەرمەگە الىپ شارۋاشىلىق جۇرگىزۋ ۇقىعىن ايقىنداۋ، تىزىمگە الدىرۋ، كۋالىك تاراتۋ قىزمەتىن ورىستەتتى. ”قىستاق تۇرعىندارىندا جەر ۇقىق كۋالىگى بار بولعاننان كەيىن جەرىن سەلبەستىك كووپەراتيۆىنە ءتىپتى دە الاڭسىز اينالىمعا بەرەتىن بولدى، جەر بىرىكتىرىلگەننەن كەيىن كولەمدەنگەن، شوعىرلانعان اۋىل شارۋاشىلىعى ءوندىرىس ءتاسىلىن جالپىلاستىرۋعا ءتىپتى دە پايدالى بولدى“، - دەدى حى حۇڭتاۋ.
بۇگىنگى تاڭدا داچۋان اۋىلىنان سىرت، شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆى تاعى قورقىس قالاشىعى جانە بورتىنكە مال فەرماسى سىندى جەرلەردە جەردى بىرىكتىرىپ، سەلبەستىك كووپەراتيۆىنىڭ جەرى 48 مىڭ مۋدان استى. ”مەن قازىر وسى 48 مىڭ مۋدان استام جەردىڭ مىقتى قوجايىنىمىن“، - دەدى حى حۇڭتاۋ كۇلىپ.
”مىقتى قوجايىن“ بولۋ ءۇشىن، حى حۇڭتاۋ مەملەكەت نىسانىنىڭ قولداۋىنا سۇيەنىپ، كووپەراتيۆ مۇشەلەرىن بىرلەستىرە وتىرىپ بىرلەسپە كووپەراتيۆ قۇرىپ، ”جەر + اۋىل شارۋاشىلىعى ماشينالارى“ فورماسىمەن شارۋاشىلىق جۇرگىزدى ءارى ءبىر تۇتاس ەگۋ، ءبىر تۇتاس تەحنيكا، ءبىر تۇتاس ساتىپ الۋ، ءبىر تۇتاس قوراپتاۋ، ءبىر تۇتاس ماركالىلاندىرۋ، ءبىر تۇتاس ساتۋ سىندى باسقارۋ مەحانيزمىن جانە تابىستان ورتاق يگىلىكتەنۋ، حاۋىپ - قاتەردەن بىرگە ساقتانۋ سىندى مۇددەنى تۇتاستىرۋ مەحانيزمىن بىرتە - بىرتە ورناتتى.
”مەن 20 مۋدان استام جەرىمدى سەلبەستىك كووپەراتيۆىنە اينالىمعا بەرگەننەن كەيىن سەلبەستىك كووپەراتيۆىندە باسقارۋشى بولدىم، جىلىنا، ەڭ كوپ بولعاندا، 80 مىڭ يۋان، ەڭ از بولعاندا، 30 مىڭ يۋاننىڭ ۇستىندە پايدا الامىن، ءبىز ءوزىمىز ەگىن ەككەن بولساق، مۇنداي كوپ اقشا تابا الماس ەدىك“، - دەدى قىستاق تۇرعىنى قايروللا شەريزات.
”قازىر ماقتا تەرۋ ماشيناسى ارقىلى كۇنىنە 600 مۋ جەردىڭ ماقتاسىن تەرۋگە بولادى. ءبىز تاعى قول تەلەفون APPى نەمەسە كومپيۋتەرمەن باسقارىلاتىن ماشينا ارقىلى جۇرگىزۋشىسىز تۇقىم ءسىڭىرۋدى، اتىز - ارىق باسقارۋدى، تەرۋ - جيناۋدى جۇزەگە اسىردىق. بۇگىنگى تاڭدا ديقان بولعاندىعىمدى ەرەكشە ماقتانىش ەتەمىن. بۇدان كەيىن مەن كووپەراتيۆ مۇشەلەرىن باستاپ، وسى ارادا ءتىپتى دە مول قۇن جاراتامىن“، - دەدى حى حۇڭتاۋ.
