پاتىگۇل ياسىن:
بوراننان ساقتانىپ، قۇمدى تىزگىندەپ، كورىكتى مەكەندى بىرگە قۇردى
انار بۇلت / شينجياڭ گازەتىنىڭ ءتىلشىسى دۋ جيانحۇي
”كوپشىلىك قاراڭىزدارشى، كىم قايتىپ كەلدى؟“ 10 - ايدىڭ 27 - كۇنى تاڭەرتەڭ ەرتە ىقتاسىن ورمانىندا تامشىلاتىپ سۋارۋ جابدىعىن تەكسەرىپ جۇرگەن جۇمىسشىلار ەندى عانا اۆتونوميالى رايوندىق 10 - رەتكى پارتيا قۇرىلتايىنا قاتىناسىپ قايتقان پاتىگۇل ياسىندى كورىپ، دەرەۋ ىستىق ىقىلاسپەن قاۋمالاي قالدى.
”پاتىگۇل، تەز ايتىپ جىبەرشى، پارتيا قۇرىلتايىنان قانداي جاقسى حابار اكەلدىڭ؟“
”پاتىگۇل، قۇرىلتايدا ەكولوگيالىق ورتانى جونگە سالۋ جونىندە جاڭا تالاپ ايتىلدى ما؟“ كوپشىلىك جاپا - تارماعاي سۇراق جاۋدىردى.
پاتىگۇل كوپشىلىككە پارتيا قۇرىلتايىندا تاۋ، سۋ، ورمان، ەگىنجاي، كول، جايلىم، ءشولدى ءبىر تۇلعالاندىرىپ قورعاۋ مەن جۇيەلى جونگە سالۋعا تاباندى بولىپ، ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن ىلگەرىلەتىپ، اسپانى اشىق، جەرى جاسىل، سۋى تۇنىق كوركەم شينجياڭ قۇرۋ العا قويىلعاندىعىن ايتتى.
پاتىگۇل بىلاي دەدى: ”تاۋ، سۋ، ورمان، ەگىنجاي، كول، جايلىم، ءشولدى ءبىر تۇلعالاندىرىپ قورعاۋ مەن جۇيەلى جونگە سالۋعا تاباندى بولۋ ءبىزدىڭ چەرچەن اۋدانىمىز جونىنەن تىپتەن ماڭىزدى. كوپتەگەن قۇم تىزگىندەۋشىلەردىڭ قاجىرلى ەڭبەگى ارقىلى چەرچەننىڭ قونىستانۋ ورتاسى بارعان سايىن جاقسارعانىمەن، بوراننان ساقتانىپ، قۇمدى تىزگىندەۋ رۋحىن ءالى دە ۇزدىكسىز ساۋلەلەندىرىپ، مەكەنىمىزدى بارعان سايىن كوركەم ەتىپ قۇرۋىمىز كەرەك“.
”اۋدان قالاشىعىنىڭ اينالاسىندا بۇرىن قىلتان وسپەيتىن، اۋەلى، قۇستاردىڭ ءوزى قوناقتامايتىن، قازىر ادامداردىڭ سەيىل - سەرۋەن قۇرىپ، كوڭىل اشاتىن باقشاسىنا اينالدى“، - دەدى چەرچەن اۋدانى بوراننان ساقتانىپ، قۇمدى تىزگىندەۋ قىزمەت پۋنكتىندە 18 جىل قىزمەت ىستەگەن احىمەت ءعايرات ماقتانىشپەن.
”سولاي، ءبىز ەككەن 59 مىڭ مۋ جەردەگى ءشول دالا ەتتى سۇڭعىلاسى مول ءونىم بەردى، بىلتىر 10 ميلليون يۋاننان استام اقشاعا ساتتىق“، - دەدى چەرچەن اۋدانى بوراننان ساقتانىپ، قۇمدى تىزگىندەۋ قىزمەت پۋنكتىنىڭ قىزمەتكەرى اۋەزحان حاكىم.
تاكلاماكان قۇمدى ءشولىنىڭ شىعىس وڭتۇستىك جيەگىنە ورنالاسقان چەرچەن اۋدانىندا قۇمدى ءشول قالا رايونىنان نەبارى 2 كيلومەتر قاشىقتا عانا. قۇمدى ءشولدىڭ اۋدان قالاشىعىنا ءتونۋىن توسۋ ءۇشىن، 23 جىلدان بەرى تۇتاس اۋدانداعى كادرلار مەن بۇقارا قوس قولدارىنا سۇيەنىپ، قۇمدى شولگە 23 كيلومەتر ۇزىندىقتا، اۋدانى 120 مىڭ مۋدان استام جاسىل قورعان تۇرعىزىپ، قۇمدى ءشولدىڭ اۋدان قالاشىعىنا ءتونۋىن ءونىمدى تىزگىندەدى. چەرچەن اۋدانى دا وسى سەبەپتى ”مەملەكەتتىك ەكولوگيالىق قۇرىلىستا كورنەكتى ۇلەس سيلىعى“، ”جۇڭگو قونىستانۋ ورتا ۇلگىسى سيلىعى“ قاتارلى داڭقتى اتاقتارعا يە بولدى.
”پاتىگۇلدىڭ ۇگىت لەكسياسىن تىڭداعاننان كەيىن، ەرەكشە جەلپىندىم، بوراننان ساقتانىپ، قۇمدى تىزگىندەۋ، كورىكتى مەكەن قۇرۋ سەنىمىم مەن بەكىمىم ونان ارى بەكەمدەلدى“، - دەدى چەرچەن اۋدانى بوراننان ساقتانىپ، قۇمدى تىزگىندەۋ قىزمەت پۋنكتىنىڭ باستىعى ابباس ايسا، - ”ءبىز ەككەن ىقتاسىن ورمانى 12 كاسىپورىندى قۇمدى ءشول ەكونوميكاسىن دامىتۋعا باۋرادى، بۇل بوراننان ساقتانۋ ورمانىنىڭ قوعامدىق ونىمدىلىك پەن ەكونوميكالىق ونىمدىلىك تۋدىرعانىن، ورمان ارقىلى ورماندى اسىراۋ نىساناسىنا بارعان سايىن تاياعانىمىزدى تۇسىندىرەدى“.
چەرچەن اۋدانى بوراننان ساقتانىپ، قۇمدى تىزگىندەۋ قىزمەت پۋنكتىنىڭ قىزمەتكەرى قۇربان روزى بىلاي دەدى: ”بۇرىن اعاش ەككەندە اۋەلگى جەر بەدەرى بويىنشا ەگەتىنبىز، جەر تەگىس بولماعاندىقتان، باپتاۋعا قولايسىز بولاتىن. مۇنان بىلاي ءبىز قۇمدى جەردى تەگىستەپ بارىپ اعاش ەگەمىز، سوندا جاقسى باپتالىپ قانا قويماي، اعاش تا تەز وسەدى“.
”قۇربان دۇرىس ايتادى. كەلەر جىلدان باستاپ، ءبىز 5 جىل ۋاقىتپەن تاعى 200 مىڭ مۋ بوراننان ساقتانۋ ورمانىن ەگىپ، ەتتى سۇڭعىلا ەگىلەتىن جەر اۋدانىن كەڭەيتۋدى جوسپارلاپ وتىرمىز. كوپشىلىك بۇعان سەنىمدەرىڭىز بار ما؟“، - دەدى ابباس.
”بار!“ ، ”بىلەك سىبانا قايراتتانا ىستەيمىز، اسپانى اشىق، جەرى جاسىل، سۋى تۇنىق كوركەم چەرچەن قۇرۋ ءۇشىن قايراتتانا ىستەيمىز!“ مارە - سارە بولىسقان شاتتىق ءۇنى ىشىندە كوپشىلىك تاعى دا ءوز جۇمىستارىمەن قاربالاستاپ كەتتى.
كوكىرەكتەرىن الاۋلى سەزىم كەرنەگەن قىزمەتتەستەرىن كورگەندە پاتىگۇل قۋانىشپەن بىلاي دەدى: ”نەگىزگى ساتى ۋاكىلى رەتىندە، قىزمەتتەستەرىممەن بىرگە ءوزىمىز ءۇشىن، سونداي - اق ۇرپاقتارىمىز ءۇشىن اناعۇرلىم كوركەم ورتا ازىرلەيمىز“.
