چىڭ دۇڭيۇن:
بۇقارانى ۇستاز تۇتىپ، تاماشا حيكايالاردى جاقسى باياندايمىن
انار بۇلت / شينجياڭ گازەتىنىڭ ءتىلشىسى ۋي يۇڭگۇي، ەرىكتى ءتىلشى زو جۋان
”نەگىزگى ساتىنى ەڭ تاماشا ساباقحانا ەتىپ، بۇقارانى ەڭ جاقسى ۇستاز تۇتىپ، بۇقارانىڭ تابالدىرىعىنان اتتاعاندا عانا، بۇقارانىڭ جۇرەگىنەن جول تابۋعا بولادى...“. 10 - ايدىڭ 15 - كۇنى باركول قازاق اۆتونوميالى اۋداندىق توعىسپالى اقپارات قۇرالدارى ورتالىعىنىڭ ءماجىلىس زالىندا ينە شانشار ورىن قالمادى، وسى ورتالىقتىڭ پارتيا ياچەيكا شۋجيى، ورىنباسار مەڭگەرۋشىسى چىڭ دۇڭيۇن ءوزىنىڭ اقپارات قىزمەتىمەن شۇعىلدانعان 20 جىلدان استام ۋاقىتتىق تاجىريبەلەرىن تىلشىلەرگە، رەداكتورلارعا، ديكتورلارعا شەشىلە اڭگىمەلەدى.
چىڭ دۇڭيۇن ءتىلشى، ديكتور، رەداكتور سىندى كوپتەگەن قىزمەتتەر ىستەگەن، اقپارات كاسىبىنە ىسىلعان. تاياۋ جىلداردان بەرى ول حابارىن جازعان جانە دايىنداۋعا ات سالىسقان اقپارات حابارى، ارناۋلى تاقىرىپتىق حابار، راديو حابارى تۋىندىسى قاتارلىلار تالاي مارتە سيلاندى. 2020 - جىلى ول ”اۆتونوميالى رايوندىق ون ۇزدىك اقپارات قىزمەتكەرى“ بولىپ باعالاندى؛ 2021 - جىلى وعان ”اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعى بەرىلدى.
”جاقسى حابار جازۋ ءۇشىن نەگىزگى ساتىنىڭ ءبىرىنشى شەبىندەگى تاماشا حيكايالاردى بايقاي ءبىلۋ جانە ويداعىداي بايانداۋ كەرەك“، - دەدى چىڭ دۇڭيۇن.
2020 - جىلى جاڭا تيپتى ايدارشا ۆيرۋس وكپە قابىنۋ ىندەتى تۋىلعان كەزدە چىڭ دۇڭيۇن كەڭسەدە ۇزدىكسىز باس بولىپ قىزمەت ىستەدى. ول كۇندىز كوپشىلىكتى ەرتىپ ءبىرىنشى شەپكە شاپقىلاپ، اسەرلى كورىنىستەردى كامەراعا تۇسىرسە، كەشتە كوپشىلىكپەن بىرگە ماقالا جازىپ، كەسكىن قۇراستىردى. ول دايىنداعان ىندەتتەن ساقتانۋ جونىندەگى شاعىن تەاتر، ءان - جىر، اقىندار ايتىسى قاتارلىلاردى بۇقارا وتە ۇناتىپ، جەكە ءتۇرىنىڭ ەڭ جوعارى كورىلىمىنىڭ ءوزى ميلليون ادام - رەتتەن استى.
پارتيا تاريحىن ۇيرەنۋ تاربيەسى ورىستەتىلگەننەن بەرى چىڭ دۇڭيۇن ”التىن ميكروفوندى پارتيا مۇشەلەرى اتويشىلدارى اترەتىن“ ۇيىمداستىرىپ قۇردى. ول اترەت مۇشەلەرىن باستاپ الەۋمەتتىك اۋماقتاردى، اۋىل - قىستاقتاردى، كاسىپورىنداردى ىشكەرىلەي ارالاپ، پارتيانىڭ باسشىلىعىندا باركولدىڭ ەكونوميكالىق، قوعامدىق ىستەرىنىڭ دامۋىنداعى قول جەتكىزگەن تابىستارىن جاپپاي حابارلاپ، پارتيا تاريحىن ۇيرەنۋ تاربيەسىنىڭ نەگىزگى ساتىعا تەرەڭدەۋىن، جۇرت كوڭىلىنە تەرەڭ ۇيالاۋىن ىلگەرىلەتتى.
چىڭ دۇڭيۇن اقپارات قىزمەتىنە ىنتى - شىنتىمەن كىرىسىپ، بۇقاراعا دا سۇيىسپەنشىلىگىن ارنادى. 2016 - جىلدان بەرى ول ىلگەرىندى - كەيىندى سارشوقى اۋىلىنداعى، شيالوبا اۋىلىنداعى 5 ەگىنشى - مالشىمەن جۇپ قۇراپ كومەكتەسىپ - سۇيەمەلدەدى. مۇنىڭ ىشىندە جەڭىس وبۇلدىڭ جانە ايدىن مالىكتىڭ وتباسى ارحيۆ تۇرعىزىلىپ، كارتچكالاندىرىلعان كەدەي وتباسى بولاتىن.
جەڭىس سىرتقا شىعىپ جۇمىس ىستەپ جۇرگەن كەزدە اۆتوكولىك شىرعالاڭىنا ۇشىراپ كەمتار بولىپ قالعان، قاتتى - قايىرىم جۇمىستارعا شاماسى كەلمەيتىن، چىڭ دۇڭيۇن قولى بوساي قالسا بولعانى كۇرىش، ۇن، ماي، ءدارى - دارمەگىن كوتەرىپ وعان امانداسا بارادى. چىڭ دۇڭيۇننىڭ كومەگىندە جەڭىستىڭ وتباسىنىڭ تۇرمىسى بارعان سايىن جاقساردى.
چىڭ دۇڭيۇن ايدىن مەن ونىڭ جۇبايىن تاۋىق باعۋ تەحنيكاسىن ۇيرەنۋگە شابىتتاندىرىپ، ولاردىڭ اۋلا شارۋاشىلىعىن دامىتۋىنا كومەكتەستى. بۇگىنگى كۇندە ايدىن قىستاقتاعى كىرىسىن ارتتىرىپ، بايىعان وزات تيپكە اينالدى ءارى پارتياعا كىرۋ ءوتىنىشىن بەردى.
”تۋىستارىمنىڭ كەدەيلىكتەن ارىلۋىنا كومەكتەسكەن كەشىرمەلەرىم مەنىڭ اقپارات قىزمەتىن ويداعىداي ىستەۋ بەكىمىمدى اناعۇرلىم نىعايتا ءتۇستى“. چىڭ دۇڭيۇن بىلاي دەدى: ”باركولدەگى ءار ۇلت پارتيا مۇشەلەرى، كادرلار، بۇقارا وزدەرىنىڭ امالياتى ارقىلى تاماشا حيكايالاردى ايشىقتادى. وسى حيكايالاردى جاقسى بايانداۋ مەنىڭ ومىرلىك تالپىنىسىم جانە بورىشىم“.
