تيانشان تورى
تيانشان تورى   ›   جاڭالىقتار   ›   شينجياڭ حابارلارى

يمپورت كورمەسىندە شينجياڭ 4 ميلليارد يۋاندىق 6 نىسانعا قول قويدى

  انار بۇلت / شينجياڭ گازەتىنىڭ ءتىلشىسى حي حۇڭۋي 11 - ايدىڭ 6 - كۇنى شاڭحايدان حابارلايدى. 11 - ايدىڭ 6 - كۇنى 4 - كەزەكتى جۇڭگو حالىقارالىق يمپورت كورمەسى ”شينجياڭ جاقسى جەر“ − جىبەك جولى ەكونوميكالىق بەلدەۋى وزەكتى رايونىنا قارجى قوسۋ سەلبەستىگى بويىنشا تانىستىرۋ ءماجىلىسى اشىلدى، ءۇرىمجى قۇرلىقتىق پورت حالىقارالىق ساۋدا شەكتى جاۋاپكەرشىلىك سەرىكتەستىگى سياقتى 6 كاسىپورىن ۋاكىلى نىسان كەلىسىمىنە ۇستىندە قول قويىپ، كەلىسىمگە قول قويىلعان سوما 4 ميلليارد يۋانعا جەتتى.

  ساۋدا ىستەرى مينيسترلىگىنىڭ ورىنباسار مينيسترى رىن حۇڭبين تانىستىرۋ ماجىلىسىندە ءسوز سويلەگەندە بىلاي دەدى: ساۋدا ىستەرى مينيسترلىگى جۇڭگونىڭ توڭىرەكتەگى مەملەكەتتەرمەن بولعان كوپ جاقتى، ەكى جاقتى ەكونوميكا - ساۋدا سەلبەستىگى مەحانيزمىنەن اناعۇرلىم پايدالانىپ، شينجياڭنىڭ جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتىپ، شينجياڭنىڭ سىرتقى ەكونوميكا - ساۋدا سەلبەستىگىنىڭ ساپاسىن جاقسارتىپ، دارەجەسىن جوعارىلاتۋىنا دەم بەرەدى، سونداي - اق ساياساتتىق مەحانيزمنىڭ باستاماشىلدىق رولىن ساۋلەلەندىرۋ، وڭىرلىك دانەكەرلىك يقۋاتتى كۇشەيتۋ، ساۋداداعى ارتۋ كومەسكى كۇشىن جارىققا شىعارۋ، قارجى قوسۋ سەلبەستىگى قۋاتىن جوعارىلاتۋ سىندى 4 ءتۇرلى ۇسىنىستى ورتاعا قويىپ، شينجياڭنىڭ سىرتقى ەكونوميكا - ساۋدا سەلبەستىگىنىڭ ساپاسىن جاقسارتىپ، دارەجەسىن جوعارىلاتۋىنا دەم بەرەدى.

  اۆتونوميالى رايوندىق پارتكومنىڭ تۇراقتى مۇشەسى ءيۇسۇپجان مامەت مىنالاردى ءبىلدىردى: شينجياڭ جىبەك جولى ەكونوميكالىق بەلدەۋى قۇرىلىسىندا توتەنشە ماڭىزدى ورىنعا جانە رولعا يە، بۇل ارانىڭ كورىنىسى وزگەشە، بايلىعى مول ءارى شوعىرلى، اشىق تا سيىسىمدى، بولاشاعىنان ءۇمىت زور تاماشا جەر. شينجياڭ جاڭا دامۋ ۇستانىمىن بەلسەنە دايەكتىلەندىرىپ، جاڭا دامۋ ارناسىن قالىپتاستىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ەكونوميكانىڭ جوعارى ساپالى دامۋىن تىڭعىلىقتى ىلگەرىلەتىپ، ەسىك اشۋ دەڭگەيىن جوعارىلاتىپ، ءتۇرلى كاسىپورىننىڭ دامۋى ءۇشىن تىڭ وراي ازىرلەيدى.

  تانىستىرۋ ءماجىلىسى قار - مۇز ەكونوميكاسى جانە ساۋداگەر شاقىرىپ قارجى ەنگىزۋ سىندى 2 بولىككە ءبولىنىپ وتكىزىلىپ، شينجياڭنىڭ وڭىرلىك ورىن ابزالدىلىعىن، بايلىق ابزالدىلىعىن، كاسىپ سالاسىن دامىتۋ ورايىن جانە ساياسات ابزالدىلىعىن ۇگىتتەدى، تانىستىردى.

  ءيۇسۇپجان مامەت 11 - ايدىڭ 5 - كۇنى يمپورت كورمەسىنىڭ شينجياڭ گۋمانيتارلىق اۋىس - كۇيىس كورمە اۋماعىن دا ارالاپ كوردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.