چىن چۋانگو اۆتونوميالى رايوندىق پارتكومنىڭ ۇلت قىزمەتى ماجىلىسىندە بىلاي دەپ باسا دارىپتەدى
جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى شينجياڭنىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك
ەركىن تۇنياز باسقاردى، شاۋكەت يمىن، نۇرلان ءابىلماجىن، حى جۇڭيوۋ قاتىناستى، لي يفي ءسوز سويلەدى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، ميھىرگۇل عوپۇر 11 - ايدىڭ 6 - كۇنى ۇرىمجىدەن حابارلايدى. 11 - ايدىڭ 5 - كۇنىنەن 6 - كۇنىنە دەيىن اۆتونوميالى رايوندىق پارتكومنىڭ ۇلت قىزمەتى ءماجىلىسى اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەپ، بىلاي دەپ باسا دارىپتەدى: باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تولىق، دالمە - ءدال دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى شينجياڭنىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز ءماجىلىستى باسقاردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، حى جۇڭيوۋ، ياڭ چىڭ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ەلزات احمەتجان، قادەن كابەن قاتارلىلار ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قورىتىندى ءسوز سويلەدى.
چىن چۋانگو سوزىندە بىلاي دەپ اتاپ كورسەتتى: باس شۋجي شي جينپيڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدى سوزىندە پارتيامىزدىڭ ۇلت قىزمەتىنىڭ 100 جىلدىق شۇعىلالى بارىسى مەن تاريحي تابىسىن جان - جاقتى ەسكە الىپ، كەزەكتەگى پارتيانىڭ ۇلت قىزمەتى ءدوپ كەلگەن جاڭا جاعدايعا ىشكەرىلەي تالداۋ جاساپ، پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جۇيەلى ءتۇسىندىرىپ، جاڭا داۋىردەگى ۇلت قىزمەتىندە قانداي تۋ ۇستاۋ، قانداي جولمەن ءجۇرۋ كەرەك سياقتى كەلەلى ماسەلەلەرگە عىلمي جاۋاپ بەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتە وتىرىپ جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋدىڭ جەتەكشى يدەياسىن، ستراتەگيالىق نىساناسىن، ءتۇيىندى مىندەتىن، ساياساتتىق شاراسىن ايقىنداپ بەردى، بۇل پارتيانىڭ مەملەكەتتى جونگە سالۋ جالپى جوباسىنىڭ پارتيانىڭ ۇلت قىزمەتى سالاسىنداعى شوعىرلى بەينەلەنۋى، ماركسيزمدىك ۇلت نازارياسىنىڭ جۇڭگوشالانۋىنىڭ ەڭ جاڭا جەتىستىگى بولىپ، جاڭا داۋىردەگى پارتيانىڭ ۇلت قىزمەتىن جاقسى ىستەۋگە العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەپ بەردى. شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، رۋحاني ءمانىن تەرەڭ ءتۇسىنىپ، وزەكتى مازمۇنىن يگەرىپ، دايەكتىلەندىرۋ، تياناقتاندىرۋ سانالىلىعى مەن جاۋاپكەرشىلىك سەزىمدى، بورىشتىلىق سەزىمدى شىن مانىندە كۇشەيتىپ، جۇڭحۋا ۇلتى ورتاق تۇلعا قۇرىلىسىن ۇزدىكسىز ىلگەرىلەتۋ كەرەك.
چىن چۋانگو بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، پارتيانىڭ ۇلت نازارياسى مەن ۇلت ساياساتىن جاپپاي دايەكتىلەندىرىپ، ۇلتتاردىڭ بىرگە ىنتىماقتاسىپ كۇرەس جۇرگىزۋىن، بىرگە گۇلدەنىپ دامۋىن ىلگەرىلەتىپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى، ءار ۇلت بۇقاراسى تىنىستاس، تاعدىرلاس، نيەتتەس بولا وتىرىپ، ىشكەرىلەي ارالاسىپ، ىشتەسىپ، توعىسىپ، اناردىڭ دانىندەي تىعىز ۇيىسىپ، جۇڭحۋا ۇلتى بەرەكەلى شاڭىراعىنىڭ، ءبىر نيەتپەن جۇڭگو ارمانىن بىرگە سومداۋدىڭ جالىندى جاعدايىن ايگىلەدى.
چىن چۋانگو بىلاي دەپ باسا دارىپتەدى: جاڭا داۋىردەگى شينجياڭنىڭ ۇلت قىزمەتىن جاقسى ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن تولىق، دالمە - ءدال، جان - جاقتى يگەرىپ جانە دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تولىق، دالمە - ءدال دايەكتىلەندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ، شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۋاتتى بىرىككەن كۇش ۇيىستىرۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ جونىندە زەرتتەۋ - ءتۇسىندىرۋدى جانە ۇگىت تاربيەنى ىشكەرىلەي ورىستەتىپ، جۇڭحۋا ۇلتى ورتاق تۇلعا تاريحى، جۇڭحۋا ۇلتىنىڭ كوپ نەگىزدى، ءبىر تۇلعالى ارناسى جونىندە زەرتتەۋدى تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى كادرلار تاربيەسىنە، پارتيا مۇشەلەرى تاربيەسىنە، ەل ازاماتتارى تاربيەسىنە، قوعامدىق تاربيەگە ەنگىزىپ، ءار ۇلت بۇقاراسىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەكتەپ، ءار ۇلتتىڭ تاباندىلىقپەن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ دارەجەدە شىنايى مويىنداۋىن ىلگەرىلەتۋ كەرەك. جۇڭحۋا ۇلتىنىڭ ورتاق رۋحاني مەكەنى قۇرىلىسىن جاپپاي ىلگەرىلەتىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ىلگەرىلەتىپ، سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتا ايگىلەپ، ءار ۇلتتىڭ تاڭداۋلى، ءداستۇرلى مادەنيەتىنىڭ جالعاسۋىن، قورعالۋىن جانە ءوزارا ۇلگى الىپ توعىسۋىن كۇشەيتىپ، ءار ۇلت بۇقاراسىن يدەيالىق كوزقاراس، رۋحاني ىنتا، تۇرمىس ءتاسىلى جاعىندا وسىزاماندانۋعا قاراي قادام تاستاۋعا جەتەكتەپ، پارتيانىڭ يدەولوگيا قىزمەتىنە باسشىلىق ۇقىعىن مىقتاپ يگەرىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولۋ كەرەك. ۇلتتاردىڭ كەڭىنەن ارالاسۋىن، جاپپاي ىشتەسۋىن، تەرەڭدەي توعىسۋىن ۇزدىكسىز ىلگەرىلەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنا ۇزاق ۋاقىت تاباندى بولىپ، ءۇرتىس تەرەڭدەتىپ، ءار دارەجەلى، ءار ءتۇرلى ۇلتتار ىنتىماعى، العاباسارلىعى تاربيەسىن تەرەڭدەتىپ، ءار ۇلتتىڭ مۇرات، سەنىم، سۇيىسپەنشىلىك، مادەنيەت جاعىنداعى ىنتىماعى مەن بىرلىگىن، ءوزارا قارايلاسۋىن، ەتەنە سۇيىسپەنشىلىگىن جەبەۋ كەرەك. قالا، اۋىل قۇرىلىسىن ورنالاستىرۋ جوباسى مەن الەۋمەتتىك قىزمەت وتەۋ بايلىعىن جايعاستىرۋدى ءبىر تۇتاس جوسپارلاپ، ساياساتتىق شارالاردى كەمەلدەندىرىپ، ورتا رايىن قالىپتاستىرىپ، ءار ۇلتتىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان - جاقتى كىرىگۋىن بىرتىندەپ جۇزەگە اسىرۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى ۇيرەنۋدى، قولدانۋدى جاپپاي كۇشەيتىپ، مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرىپ، كەڭەيتىپ، ءار ۇلتتىڭ ءتىل - جازۋىن عىلمي قورعاپ، از ۇلت ءتىل - جازۋىن ۇيرەنۋ مەن قولدانۋعا قۇرمەت ەتۋ جانە قامتاماسىز ەتۋ كەرەك. مەملەكەتتىك ۇلتتار ىنتىماعىنداعى، العاباسارلىعىنداعى ۇلگىلى رايوندى بەلسەنە قۇرىپ، ىشكى مازمۇنىن كۇش سالا تەرەڭدەتىپ، فورماسىن بايىتىپ، ءادىس - امالىن جاڭالاپ، ءار ۇلتتىڭ تاتۋ - ءتاتتى بىرگە تۇرۋىن، قيىنشىلىقتى بىلەك بىرىكتىرە جەڭۋىن، جاراسىمدى دامۋىن اناعۇرلىم ويداعىداي جەبەۋ كەرەك. ۇلت ىستەرىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى بارىنشا كۇشەيتىپ، ءار ۇلت بۇقاراسىنىڭ زاڭدى ۇقىق - مۇددەسىن زاڭ بويىنشا قامتاماسىز ەتىپ، ۇلت فاكتورىنا ساياتىن دەلولاردى، وقيعالاردى زاڭ بويىنشا ۇيلەسىمدى ءبىر جاقتى ەتىپ، زاڭعا قايشى ءتۇرلى قىلمىستىق ارەكەتتەرگە زاڭ بويىنشا سوققى بەرىپ، زاڭ الدىندا بارلىق ادامنىڭ تەپە - تەڭ بولۋىن ىسكە اسىرۋ كەرەك. ءار ۇلتتىڭ سوتسياليستىك وسىزاماندانۋعا بەت الۋىن، ورتاق بايۋدى جۇزەگە اسىرۋىن جەبەپ، بارلىق رەفورماعا، دامۋعا جۇڭحۋا ۇلتى ورتاق تۇلعا تانىمىن كورنەكتىلەندىرەتىن، ءبىر تۇتاستىقتى قورعاپ، بولشەكتەۋشىلىككە قارسى تۇراتىن، حالىق تۇرمىسىن جاقسارتاتىن، جۇرت تىلەگىن ۇيىستىراتىن ءمان - ماعىنا ۇستەۋگە تاباندى بولىپ، ورتاق دامۋدى، ورتاق بايۋدى جۇزەگە اسىرۋ كەرەك.
چىن چۋانگو بىلاي دەپ باسا دارىپتەدى: پارتيانىڭ ۇلت قىزمەتىنە باسشىلىعىن جاپپاي كۇشەيتىپ، شينجياڭنىڭ ۇلت قىزمەتىنىڭ جوعارى ساپالى دامۋىن ىلگەرىلەتۋگە پارمەندى ساياسي كەپىلدىك ازىرلەۋ كەرەك. ۇلت قىزمەتىن ساياسي كەلەلى جاعداي تۇرعىسىنان تانۋعا جانە ىلگەرىلەتۋگە تاباندى بولىپ، ۇلت قىزمەتىن سايكەسە ىلگەرىلەتۋ ءتۇزىلىسىن، مەحانيزمىن اقاۋسىزداندىرىپ، كەمەلدەندىرىپ، ۇلت قىزمەتىن ىستەۋگە شەبەر، ادال، كىرشىكسىز، جاۋاپكەرشىلىك ارقالايتىن كادرلار قوسىنىن كۇش سالا قۇرىپ، ۇلت قىزمەتىنىڭ نەگىزگى ساتىداعى نەگىزىن ۇزدىكسىز بەكەمدەپ، تۇتاس قوعامدا ۇلتتار ىنتىماعى، العاباسارلىعى ىستەرىنە كوڭىل بولەتىن، قولدايتىن جالىندى بەينەنى بەلسەنە قالىپتاستىرۋ كەرەك.
ەركىن تۇنياز ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن مۇقيات دايەكتىلەندىرىپ، تياناقتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرۋدى قوزعاۋشى كۇش ەتىپ، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋىنا، تالابىنا ساي، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شىندىققا جۇگىنۋ، ناقتى ءىس ىستەۋ ستيلىمەن، ناقتى يگەرۋ، شىنايى ىستەۋ رۋحىمەن ۇلتتار ىنتىماعى، العاباسارلىعى ىستەرىن جاپپاي العا ىلگەرىلەتىپ، جاڭا داۋىردەگى شينجياڭنىڭ ۇلت قىزمەتىندە ۇزدىكسىز جاڭا جاعداي اشۋدى بار كۇشپەن ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك.
لي يفي قورىتىندى سوزىندە بىلاي دەپ اتاپ كورسەتتى: ساياسي دەڭگەيدى شىن مانىندە جوعارىلاتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋلارىمەن تىعىز بايلانىستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ دەڭگەيىن جوعارىلاتۋدى تياناقتاندىرۋدى مىقتاپ يگەرىپ، جۇڭحۋا ۇلتىنىڭ ورتاق رۋحاني مەكەنى قۇرىلىسىن ىلگەرىلەتىپ، ۇلتتاردىڭ كەڭىنەن ارالاسۋىن، جاپپاي ىشتەسۋىن، تەرەڭدەي توعىسۋىن جەبەپ، ءار ۇلتتىڭ سوتسياليستىك وسىزاماندانۋعا بەت الۋىن، ورتاق بايۋدى جۇزەگە اسىرۋىن جەبەپ، ۇلت ىستەرىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن كۇشەيتىپ، مىندەتتەردىڭ تياناقتانىپ تامىر تارتۋىنا شىنايى كەپىلدىك ەتىپ، جاڭا داۋىردەگى شينجياڭنىڭ ۇلت قىزمەتىنىڭ جوعارى ساپالى دامۋىن كۇش سالا ىلگەرىلەتۋ كەرەك.
ءماجىلىس تەلەۆيزور - تەلەفون ءماجىلىسى فورماسىمەن اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القا مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار، ت. ب ماجىلىسكە قاتىناستى. ءارقايسى ايماق - وبلىس - قالالارداعى، اۋدان - قالا - رايوندارداعى جانە بيڭتۋاننىڭ شى - قالالارىنداعى، تۋان الاڭدارىنداعى نەگىزگى جاۋاپتى جولداستار، ۇلت قىزمەتىنە جاۋاپتى جولداستار، رايونعا (ورتالىق) توتە قاراستى ورىندارداعى نەگىزگى جاۋاپتى جولداستار، ت.ب ماجىلىسكە قاتىناستى.
