شينحۋا اگەنتتىگى ”جۇڭ حۋالۇننىڭ“ ماقالاسىن تاراتتى
«تاريحتان وشپەس ورىن الاتىن ۇلى تابىس، قۇرىشتاي بەرىك مىزعىماس تىرەك»
شينحۋا اگەنتتىگىنىڭ 11 - ايدىڭ 6 - كۇنى بەيجيڭنەن بەرگەن حابارى. شينحۋا اگەنتتىگى 11 - ايدىڭ 6 - كۇنى ”جۇڭ حۋالۇننىڭ“ «تاريحتان وشپەس ورىن الاتىن ۇلى تابىس، قۇرىشتاي بەرىك مىزعىماس تىرەك» دەگەن تاقىرىپتاعى ماقالاسىن تاراتتى.
تاريح بەينە اينا ىسپەتتى، داڭقتى جىلداردى ايقىن كورسەتىپ تۇرادى؛ اۋەلگى ماقسات بەينە الاۋ ىسپەتتى، گۇلدەنۋ جولىن نۇرلاندىرادى.
جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە اشىلعالى تۇرعان جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىندەگى كەلەلى تابىستار مەن تاريحي تاجىريبە ماسەلەلەرىن ءتۇيىندى زەرتتەپ، جاپپاي قورىتىندىلايدى.
وسى رەتكى ماڭىزدى ءماجىلىس تاريحقا قايىرىلا قاراۋ، امالياتقا وي جۇگىرتۋ، زاڭدىلىقتى يگەرۋ ارقىلى بۇكىل پارتيانى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا ساپارىندا اناعۇرلىم ويداعىداي ەكپىندەي ىلگەرىلەۋگە باستايدى.
ماقالادا بىلاي دەلىندى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جاڭا كەلەلى تابىسقا قول جەتكىزىپ، جاڭا قىمباتتى تاجىريبە توپتاپ، جۇڭگوشا سوتسياليزمنىڭ قۋاتتى تىرشىلىك تىنىسىن، ومىرشەڭدىگىن ايگىلەپ، پارتيانىڭ تىلەگىن، ارميانىڭ تىلەگىن، حالىقتىڭ تىلەگىن بۇرىن بولىپ كورمەگەن دەڭگەيدە سەرپىلتىپ، ەلىمىزدىڭ حالىقاراداعى ورنىن كۇن سايىن بەكەمدەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم مىعىم زاتتىق نەگىز، اناعۇرلىم ىرىقتى رۋحاني كۇش - قۋات ازىرلەدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە قادام تاستادى.
ماقالادا مىنالار اتاپ كورسەتىلدى: تاريح پەن رەالدىق جۇڭگو كوممۋنيستىك پارتياسى بولماسا، جاڭا جۇڭگو بولمايتىندىعىن، جۇڭحۋا ۇلتىنىڭ ۇلى گۇلدەنۋى بولمايتىندىعىن تالاسسىز دالەلدەدى. جۇڭگو كوممۋنيستىك پارتياسىنىڭ باسشىلىعى تاريحتىڭ تاڭداۋى، حالىقتىڭ تاڭداۋى، پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنە سايادى، تاعدىرىنا سايادى. ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم تاياي تۇستىك، مۇنى جۇزەگە اسىرۋعا سەنىمىمىز ءتىپتى دە كۇشتى، قۋاتىمىز دا قاپتال جەتەدى، سونىمەن بىرگە، ءسوز جوق، اناعۇرلىم جاپالى، اناعۇرلىم ماشاقاتتى قۇلشىنىستار جاساۋىمىز كەرەك. جاڭا داۋىردە ۇلتتى گۇلدەندىرۋ ءىسىن ۇزدىكسىز ىلگەرىلەتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ − تاريحتىڭ ءبىز وسى ۇرپاق جۇڭگو كوممۋنيستەرىنە جۇكتەگەن بورىشى مەن كەلەلى مىندەتى.
ماقالادا مىنالار باسا دارىپتەلدى: پارتيانىڭ باسشىلىعى − پارتيا مەن مەملەكەت ىستەرى دامۋىنىڭ ”مىزعىماس تىرەگى“، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى. جاڭا ساپاردا ۇلتتى گۇلدەندىرۋ ءىسىن ىلگەرىلەتۋدە، ءسوز جوق، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانىڭ جالپى جاعدايدى مەڭگەرۋ، ءار جاقتى سايكەستىرۋ سىندى باسشىلىق ۇيتقىلىق رولىن تولىق ساۋلەلەندىرۋ كەرەك.
پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ − پارتيا باسشىلىعىنىڭ ەڭ جوعارى پرينسيبى. تەك پارتيا ورتالىق كوميتەتىنىڭ بەدەلى بولعاندا عانا، بۇكىل پارتيانى بەرىك ۇيىستىرىپ، ونان سوڭ بۇكىل ەلدەگى ءار ۇلت حالقىن تىعىز ىنتىماقتاستىرىپ، جۇدىرىقتاي جۇمىلعان، المايتىن قامالى جوق تەلەگەي كۇش قالىپتاستىرۋعا بولادى. جاڭا ساپاردا پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ ءۇشىن، ءسوز جوق، ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بۇكىل پارتيانىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەرىك - جىگەردى، ارەكەتتى بىرلىككە كەلتىرىپ، بىركەلكى قاداممەن العا باسۋىنا شىنايى كەپىلدىك ەتۋ كەرەك.
ماقالادا مىنالار اتاپ كورسەتىلدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا جول ەڭ ءتۇبىرلى ماسەلە. پارتيا مەن حالىق نەبىر جاپا - ماشاقاتتى باستان كەشىرىپ، وراسان زور بوداۋ بەرىپ، جۇڭگوشا سوتسياليزم سىندى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ بىردەن - ءبىر دۇرىس جولىن تاپتى.
يدەيانى ازات ەتۋ، شىندىقتى ءىس جۇزىنەن ىزدەۋ، ءوز جولىمەن ءجۇرۋ − پارتيامىز وسى ارقىلى تاريحتى جاراتتى، سونداي - اق وسى ارقىلى بولاشاق اشاتىنى انىق. جاڭا ساپاردا ۇلتتى گۇلدەندىرۋ ءىسىن ىلگەرىلەتۋدە، ءسوز جوق، ەرىكتەن اينىمايتىن، جولدان تايمايتىن تاباندىلىقپەن، ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرىپ، ماركسيزم دامۋىنىڭ جاڭا ءورىسىن ۇزدىكسىز اشىپ، جاڭا داۋىردەگى ۇزاق جورىق جولىن ويداعىداي باسۋىمىز كەرەك.
ماقالادا بىلاي دەلىندى: حالىقتىڭ باقىتى − گۇلدەندىرۋ ۇلى ءىسىنىڭ ەڭ مەيىرلى ارقاۋى. ”بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگى قورعالادى“. حالىقتى باقىتقا كەنەلتۋ − جۇڭگو كوممۋنيستىك پارتياسىنىڭ باستان - اياق بۇلجىمايتىن اۋەلگى ماقساتى. 100 جىلدان بەرى حالىقتىڭ باقىتى ءۇشىن، سان ۇرپاق كوممۋنيستەر قان توگىپ قۇربان بەرۋدەن قورىقپاي، سان الۋان قيىندىق پەن حاۋىپ - قاتەردەن تايسالماي، نەبىر جاپا - ماشاقاتتان تايساقتاماي، ءىس جۇزىندىك ارەكەتتەرى ارقىلى ”مەن كىممىن، كىم ءۇشىن ىستەيمىن، كىمگە سۇيەنەمىن“ دەگەن سۇراۋعا جاۋاپ قايتاردى.
حالىق ءۇشىن دامىعاندا عانا، دامۋ ءماندى بولادى؛ حالىققا سۇيەنىپ دامىعاندا عانا، دامۋ قوزعاشى كۇشكە يە بولادى. جاڭا ساپاردا ۇلتتى گۇلدەندىرۋ ءىسىن ىلگەرىلەتۋدە، ءسوز جوق، حالىقتى وزەك ەتۋگە تاباندى بولىپ، بۇكىل ىنتا - پەيىلىمەن حالىق ءۇشىن قىزمەت ىستەۋ سىندى ءتۇبىرلى باس ماقساتتى امالياتتا ايگىلەپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، حالىق ءۇشىن دامۋدى، دامۋدا حالىققا سۇيەنۋدى، دامۋ جەتىستىكتەرىنەن حالىق ورتاق يگىلىكتەنۋدى جۇزەگە اسىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، ويدى ءبىر جەرگە شوعىرلاندىراتىن، كۇشتى ءبىر جەرگە جۇمسايتىن تەلەگەي كۇش ۇيىستىرىپ، گۇلدەندىرۋ زور ىسىنە بىرگە قولعابىس جاساپ، تىڭ تاريحي شۇعىلا جاراتۋىمىز كەرەك.
ماقالادا مىنالار اتاپ كورسەتىلدى: اماليات رەفورما جاساۋ، ەسىك اشۋدىڭ زامانىمىزداعى جۇڭگونىڭ دامۋىنىڭ، العا باسۋىنىڭ ومىرشەڭدىك قاينارى، جۇڭگوشا سوتسياليزمگە تاباندى بولۋداعى، ءسوزسىز، باساتىن جول، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى شەشۋشى شارا ەكەندىگىن دالەلدەدى. جاڭا ساپاردا ۇلتتى گۇلدەندىرۋ ءىسىن ىلگەرىلەتۋدە ”شەشۋشى شارانى“ ويداعىداي پايدالانۋ تىپتەن قاجەت، رەفورمانى تەرەڭدەتۋدە، ەسىك اشۋدى كەڭەيتۋدە ۇزدىكسىز جاڭا قادام تاستاپ، جاڭا سەرپىلىسكە قول جەتكىزىپ، ەكونوميكالىق، قوعامدىق دامۋ ءۇشىن سارقىلماس قوزعاۋشى كۇش قوسۋ كەرەك.
ماقالادا مىنالار اتاپ كورسەتىلدى: جاڭا ساپاردا ۇلتتى گۇلدەندىرۋ ءىسىن ىلگەرىلەتۋ بىزدەن جۇڭگونى تياناق ەتىپ، دۇنيە جۇزىنە قۇشاق اشىپ، كەڭ ۋاقىت، كەڭىستىك ەندىگىندە ۇلتتىڭ گۇلدەنۋى مەن ادامزاتتىڭ العا باسۋى سىندى تەرەڭ تاقىرىپقا وي جۇگىرتىپ، ادامزاتتىڭ بەيبىت دامۋى، وركەنيەتتى العا باسۋى ءۇشىن ۇزدىكسىز تىڭ دا اناعۇرلىم زور ۇلەس قوسۋدى تالاپ ەتەدى. قازىر دۇنيە جۇزىندە 100 جىلدا بولماعان زور وزگەرىس پەن جاڭا تيپتى ايدارشا ۆيرۋس وكپە قابىنۋ ىندەتىنىڭ كۇللى الەمدە كەڭ تارالۋى قاباتتاسا ىقپال جاساپ، ادامزات قايدا بارىپ، قايدا تۇرادى دەيتىن جول ايىرىعىندا ”تاريحتىڭ دۇرىس جاعىندا تۇرۋ، ادامزاتتىڭ العا باسۋى جاعىندا تۇرۋ“ − جۇڭگونىڭ بەرىك تالعامى؛ ”دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى“ بولۋ − جۇڭگونىڭ قاجىماس تالپىنىسى. بەيبىت دامۋ، سەلبەسىپ بىرگە يگىلىككە كەنەلۋ سىندى جۇڭگونىڭ ”التىن كىلتى“ ءداۋىر سۇراۋىنا جاۋاپ بەرىپ، ادامزات وركەنيەتىنىڭ العا باسۋىنىڭ بولاشاق ەسىگىن اشتى.
ماقالادا مىنالار اتاپ كورسەتىلدى: عاسىرلىق سان وزگەرىستى باستان كەشىرگەن پارتيامىزدىڭ بۇكىل ەلدەگى ءار ۇلت حالقىن باستاپ گۇلدەنۋ جولىندا كۇش جالعاپ كۇرەس جاساپ، ۇزدىكسىز جەڭىستەن تىڭ جەڭىسكە جەتە الۋىنىڭ ماڭىزدى ءبىر سەبەبى − بۇلجىماستان پارتيا قۇرىلىسىن كۇشەيتىپ، پارتيانىڭ وزىندىك توڭكەرىسىن ىلگەرىلەتىپ، قۇرىشتاي بەرىك سەنىمى، قۇرىشتاي بەرىك ەركى، قۇرىشتاي بەرىك ءتارتىبى بار، مىندەتتى قايىسپاي ورىندايتىن پارتيا سومداعاندىعىندا. جاڭا ساپاردا گۇلدەندىرۋ ۇلى ءىسىن ىلگەرىلەتۋدە جاڭا ءداۋىر جۇڭگو كوممۋنيستەرى كۇرەس رۋحىن اسقاقتاتىپ، كۇرەس قابىلەتىن كۇشەيتىپ، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋدى تىپتەن قاجەت ەتەدى.
ماقالادا مىنالار باسا دارىپتەلدى: وتكەن 100 جىلدا پارتيامىز حالىققا، تاريحقا ۇزدىك جاۋاپناما تاپسىرىپ، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىن تەرەڭ وزگەرتتى، دۇنيە ءجۇزى دامۋىنىڭ اۋقىمى مەن ارناسىن تەرەڭ وزگەرتتى. بۇگىن پارتيا جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى. جاڭا ساپاردا تاعى ەمتيحان تاپسىرۋدا، جاڭا داۋىردەگى جۇڭگو كوممۋنيستەرى بورىش ارقالاۋدا.
ماقالانىڭ سوڭىندا بىلاي دەلىندى: وتكەننەن باستاۋ العان بۇگىنگى كۇن ۇلى كەلەشەككە ساقاداي سايلانۋدا. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 95 ميلليوننان استام كوممۋنيست اۋەلگى ماقساتتى، بورىشتى ەستە بەرىك ساقتاپ، ءبىر ميلليارد 400 ميلليوننان استام جۇڭگو حالقى ءبىر نيەتپەن كۇش قوسىپ، ىنتىماقتاسا كۇرەس جاساۋدىڭ قۇدىرەتتى كۇشىن ۇيىستىرسا، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ نىساناسى، ءسوزسىز، جۇزەگە اسادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوزسىز، جۇزەگە اسادى!
