تيانشان تورى   ›   جاڭالىقتار   ›   ماڭىزدى حابارلار

قىزىل قان تامىردى جالعاستىرىپ، تۋراشىلدىقتى ساقتاپ، جاڭالىق اشۋعا تاباندى بولىپ، حالىقاراداعى بىرەگەي جاڭاشا جالپىلىق مەديا قۇرىلىمىن قۇلشىنا قۇرىپ شىعۋ كەرەك

شي جينپيڭ حات جولداپ شينحۋا اگەنتتىگى قۇرىلعاندىعىنىڭ 90 جىلدىعىن قۇتتىقتاپ بىلاي دەپ باسا دارىپتەدى

قىزىل قان تامىردى جالعاستىرىپ، تۋراشىلدىقتى ساقتاپ، جاڭالىق اشۋعا تاباندى بولىپ، حالىقاراداعى بىرەگەي جاڭاشا جالپىلىق مەديا قۇرىلىمىن قۇلشىنا قۇرىپ شىعۋ كەرەك

جۇڭگو تىلشىلەر مەرەكەسى قارساڭىندا بۇكىل ەلدەگى قالىڭ اقپارات قىزمەتكەرلەرىنە مەرەكەلىك سالەم جولدادى

  قۇتتىقتاۋ حات

  شينحۋا اگەنتتىگى قۇرىلعاندىعىنىڭ 90 جىلدىعى قارساڭىندا مەن پارتيا ورتالىق كوميتەتى اتىنان شينحۋا اگەنتتىگىندەگى بارلىق جولداستاردى قىزۋ قۇتتىقتايمىن!

  90 جىلدان بەرى شينحۋا اگەنتتىگى تاباندىلىقپەن پارتياعا ىلەسىپ، پارتيانىڭ دارىپتەمەسىن ۇگىتتەپ، حالىقتىڭ جۇرەك ءۇنىن اڭىس ەتىپ، ءداۋىر رۋحىن ەستەلىككە الىپ، جۇڭگو ءۇنىن تاراتىپ، توڭكەرىستىڭ، قۇرىلىستىڭ، رەفورمانىڭ ءارقايسى تاريحي مەزگىلدەرىندە ماڭىزدى رول اتقاردى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا شينحۋا اگەنتتىگى پارتيانىڭ باسشىلىعىندا، دۇرىس ساياسي باعداردى يگەرىپ، مۇرات - سەنىمدى بەكەمدەپ، حالىققا دەگەن ىنتا - ىقىلاسىنان اينىماي، قىزىل قان تامىردى جالعاستىرىپ، تۋراشىلدىقتى ساقتاپ، جاڭالىق اشۋعا تاباندى بولىپ، توعىسا دامۋدى جەدەلدەتىپ، سىرتقا تاراتۋدى كۇشەيتىپ، حالىقاراداعى بىرەگەي جاڭاشا جالپىلىق مەديا قۇرىلىمىن قۇلشىنا قۇرىپ شىعىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن تىڭ دا اناعۇرلىم زور ۇلەستەر قوسۋ كەرەك.

  22 - رەتكى جۇڭگو تىلشىلەر مەرەكەسى تاياپ قالدى، مەن بۇكىل ەلدەگى قالىڭ اقپارات قىزمەتكەرلەرىنە مەرەكەلىك سالەم جولدايمىن!

   شي جينپيڭ

   2021 - جىلى 11 - ايدىڭ 6 - كۇنى

  (شينحۋا اگەنتتىگىنىڭ 11 - ايدىڭ 6 - كۇنى بەيجيڭنەن بەرگەن حابارى)

  شينحۋا اگەنتتىگىنىڭ 11 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حات جولداپ شينحۋا اگەنتتىگى قۇرىلعاندىعىنىڭ 90 جىلدىعىن قۇتتىقتاپ، پارتيا ورتالىق كوميتەتى اتىنان شينحۋا اگەنتتىگىندەگى بارلىق جولداستاردى قىزۋ قۇتتىقتادى ءارى 22 - رەتكى جۇڭگو تىلشىلەر مەرەكەسى قارساڭىندا بۇكىل ەلدەگى قالىڭ اقپارات قىزمەتكەرلەرىنە مەرەكەلىك سالەم جولدادى.

  شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 90 جىلدان بەرى شينحۋا اگەنتتىگى تاباندىلىقپەن پارتياعا ىلەسىپ، پارتيانىڭ دارىپتەمەسىن ۇگىتتەپ، حالىقتىڭ جۇرەك ءۇنىن اڭىس ەتىپ، ءداۋىر رۋحىن ەستەلىككە الىپ، جۇڭگو ءۇنىن تاراتىپ، توڭكەرىستىڭ، قۇرىلىستىڭ، رەفورمانىڭ ءارقايسى تاريحي مەزگىلدەرىندە ماڭىزدى رول اتقاردى.

  شي جينپيڭ بىلاي دەپ باسا دارىپتەدى: جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا شينحۋا اگەنتتىگى پارتيانىڭ باسشىلىعىندا، دۇرىس ساياسي باعداردى يگەرىپ، مۇرات - سەنىمدى بەكەمدەپ، حالىققا دەگەن ىنتا - ىقىلاستان اينىماي، قىزىل قان تامىردى جالعاستىرىپ، تۋراشىلدىقتى ساقتاپ، جاڭالىق اشۋعا تاباندى بولىپ، توعىسا دامۋدى جەدەلدەتىپ، سىرتقا تاراتۋدى كۇشەيتىپ، حالىقاراداعى بىرەگەي جاڭاشا جالپىلىق مەديا قۇرىلىمىن قۇلشىنا قۇرىپ شىعىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن تىڭ دا اناعۇرلىم زور ۇلەستەر قوسۋ كەرەك.

  11 - ايدىڭ 6 - كۇنى تۇستەن بۇرىن شينحۋا اگەنتتىگى قۇرىلعاندىعىنىڭ 90 جىلدىعىن قۇتتىقتاۋ جينالىسى بەيجيڭدە وتكىزىلدى، جينالىستا شي جينپيڭنىڭ قۇتتىقتاۋ حاتى وقىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ جينالىسقا قاتىناستى ءارى ءسوز سويلەدى. ول بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، اگەنتتىكتى ساياساتكەرلەر باسقارۋ پرينسيبىنە تاباندى بولىپ، قىزىل گەندى جالعاستىرىپ، اۋەلگى ماقساتتان، قاسيەتتەن اينىماي، ”مەملەكەتتىڭ زور ءىسىن“ كوكەيدە ساقتاپ، پارتيانىڭ جاسامپاز نازارياسىن جان - جاقتى، ىشكەرىلەي ۇگىتتەپ، پارتيانىڭ دارىپتەمەسىن كەڭىنەن تاراتىپ، حالىقتىڭ جۇرەك ءۇنىن بەلسەندىلىكپەن اڭىس ەتىپ، ءداۋىر كارتيناسىن دەن قويا كەسكىندەپ، ءداۋىردىڭ قۋاتتى ءۇنىن كۇش سالا شىعانداتىپ، پارتيانىڭ اقپارات، قوعامدىق پىكىر قىزمەتىنىڭ مىندەت جاۋاپكەرشىلىگىن، بورىشىن اناعۇرلىم ويداعىداي اتقارىپ، پارتيانىڭ ءۇمىتىن اقتايتىن، حالىقتىڭ ءۇمىتىن اقتايتىن، ءداۋىردىڭ ءۇمىتىن اقتايتىن جاڭا ناتيجەلەردى قۇلشىنا جاراتۋ كەرەك.

  جينالىستا شينحۋا اگەنتتىگىنىڭ جاۋاپتىلارىنىڭ جانە دەمالىسقا، زەينەتكە شىققان ساقا جولداستاردىڭ، جاس تىلشىلەردىڭ، شەتەلدىك قىزمەتكەرلەردىڭ ۋاكىلدەرى ءسوز سويلەدى.

  1931 - جىلى 11 - ايدىڭ 7 - كۇنى شينحۋا اگەنتتىگىنىڭ توركىنى − قىزىل جۇڭحۋا اگەنتتىگى رۇيجيندە قۇرىلىپ، 1937 - جىلى 1 - ايدا يان - اندا اتىن شينحۋا اگەنتتىگى دەپ وزگەرتكەن. 90 جىلدىق دامۋ ارقىلى شينحۋا اگەنتتىگىنىڭ قازىر ەل ءىشى - سىرتىندا 200 نەشە تارماق قۇرىلىمى بار، الەمدەگى 8000 ابونتتى 15 تىلدە اقپاراتتىق ينفورماتسيامەن قامدايدى، بۇل دۇنيە ءجۇزى جان سانىنىڭ تەڭ جارتىسىنان استامىن قامتيدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.