گازەتىمىزدەن 3 تۋىندى جەكە - جەكە ءبىرىنشى، ءۇشىنشى دارەجەلى سيلىققا يە بولدى
شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى. جۇڭحۋا مەملەكەتتىك اقپارات قىزمەتكەرلەرى قوعامى باس بولىپ ۇيىمداستىرعان 31 - كەزەكتى جۇڭگو اقپارات سيلىعىن باعالاۋ ناتيجەسى 11 - ايدىڭ 7 - كۇنى جاريالاندى. بۇكىل ەلدەگى ءار دارەجەلى ءتۇرلى مەديالاردان كەلگەن 346 تۋىندى سيلاندى، مۇنىڭ ىشىندە بەسەۋى ەرەكشە سيلىققا، 67سى ءبىرىنشى دارەجەلى سيلىققا (12 اقپارات ايگىلى ايدارىن قامتيدى)، 104ى ەكىنشى دارەجەلى سيلىققا، 170ى ءۇشىنشى دارەجەلى سيلىققا يە بولدى.
تاعى ءبىر حابار. گازەتىمىزدەن 3 تۋىندى جەكە - جەكە جۇڭگو اقپارات سيلىعىنىڭ ءبىرىنشى، ءۇشىنشى دارەجەلى سيلىعىنا يە بولدى. مۇنىڭ ىشىندە ادەبي حابار «تاۋ قويناۋىنان شىققان ەڭ ارداقتى ”گۇل“» جۇڭگو اقپارات سيلىعىنىڭ ءبىرىنشى دارەجەلى سيلىعىنا يە بولدى؛ حابار «بۇرىندارى وت باسى، وشاق قاسىنان ۇزاپ شىعا الماعان بولسا، بۇل كۇندەرى رولدى ەپتەپ مەڭگەرەتىن بولدى، قاراقاش اۋدانىنداعى ءبىر قىستاقتا 95 ايەل شوفەرلىك كۋالىك ەمتيحانىن تاپسىردى»، اقپاراتتىق ديسسەرتاتسيا «الەۋمەتتىك مەديا نەگىزىندەگى پارتيا گازەتىنىڭ ءسوز قۋاتىن قايتا تۇلعالايىق − حالىق گازەتى زاڭدىق تۇلعاسىنىڭ ميكروبلوكتى كۇندەلىكتى جوبالاۋىنا ۇڭىلگەندە» جۇڭگو اقپارات سيلىعىنىڭ ءۇشىنشى دارەجەلى سيلىعىنا يە بولدى.
