− باس شۋجي شي جينپيڭنىڭ شينحۋا اگەنتتىگى قۇرىلعاندىعىنىڭ 90 جىلدىعىنا جولداعان قۇتتىقتاۋ حاتى رايونىمىزداعى قالىڭ اقپارات قىزمەتكەرلەرى اراسىندا قىزۋ اڭىس قوزعادى
□ انار بۇلت / شينجياڭ گازەتىنىڭ تىلشىلەرى
”جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا شينحۋا اگەنتتىگى پارتيانىڭ باسشىلىعىندا، دۇرىس ساياسي باعداردى يگەرىپ، مۇرات - سەنىمدى بەكەمدەپ، حالىققا دەگەن ىنتا - ىقىلاستان اينىماي، قىزىل قان تامىردى جالعاستىرىپ، تۋراشىلدىقتى ساقتاپ، جاڭالىق اشۋعا تاباندى بولىپ، توعىسا دامۋدى جەدەلدەتىپ، سىرتقا تاراتۋدى كۇشەيتىپ، حالىقاراداعى بىرەگەي جاڭاشا جالپىلىق مەديا قۇرىلىمىن قۇلشىنا قۇرىپ شىعىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن تىڭ دا اناعۇرلىم زور ۇلەستەر قوسۋ كەرەك“.
11 - ايدىڭ 6 - كۇنى باس شۋجي شي جينپيڭ حات جولداپ شينحۋا اگەنتتىگى قۇرىلعاندىعىنىڭ 90 جىلدىعىن قۇتتىقتادى، پارتيا ورتالىق كوميتەتى اتىنان شينحۋا اگەنتتىگىندەگى بارلىق جولداستاردى قىزۋ قۇتتىقتادى ءارى 22 - رەتكى جۇڭگو تىلشىلەر مەرەكەسى كەلۋ بايلانىسىمەن بۇكىل ەلدەگى قالىڭ اقپارات قىزمەتكەرلەرىنە مەرەكەلىك سالەم جولدادى.
رايونىمىزداعى قالىڭ اقپارات قىزمەتكەرلەرى بۇدان ايرىقشا جىگەرلەنىپ، ءبىر اۋىزدان مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ءداۋىر كارتيناسىن دەن قويا كەسكىندەپ، ءداۋىردىڭ قۋاتتى ءۇنىن كۇش سالا شىعانداتىپ، پارتيانىڭ اقپاراتتىق قوعامدىق پىكىر قىزمەتىنىڭ مىندەت جاۋاپكەرشىلىگىن، بورىشىن اناعۇرلىم ويداعىداي اتقارامىز.
”پارتيانىڭ باسشىلىعىندا، دۇرىس ساياسي باعداردى يگەرۋ“، بۇل باس شۋجي شي جينپيڭنىڭ شينحۋا اگەنتتىگىنە قويعان تالابى عانا بولىپ قالماستان ءارى ءبىزدىڭ پارتيانىڭ اقپاراتتىق قوعامدىق پىكىر قىزمەتىن ويداعىداي ىستەۋىمىزدەگى ءتۇبىرلى العى شارت.
شينجياڭ گازەتى مەكەمەسى (شينجياڭ گازەتشىلىك تاراتۋ مەدياسى <توبى> شەكتى سەرىكتەستىگى) باس رەداكتور كەڭسەسىنىڭ مەڭگەرۋشىسى سۇي شين - ياڭ مىنالاردى ءبىلدىردى: پارتيانىڭ اقپاراتتىق قوعامدىق پىكىر قىزمەتى پارتيانىڭ ەركىن بەينەلەۋى، پارتيانىڭ دارىپتەمەسىن اڭىس ەتۋى كەرەك. ءبىز، ءسوز جوق، پارتيانىڭ يدەولوگيا قىزمەتىنە باسشىلىق ۇقىعىنا باستان - اياق تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياساتشىلار گازەت شىعارۋ پرينسيبىنە تاباندى بولىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن ايرىقشا ءبىر اۋىزدىلىقتى ساقتاۋىمىز كەرەك.
”باس شۋجي شي جينپيڭ مۇرات - سەنىمدى بەكەمدەپ، حالىققا دەگەن ىنتا - ىقىلاستان اينىماۋ كەرەك دەپ اتاپ كورسەتتى. نەگىزگى ساتىداعى اقپارات قىزمەتكەرى رەتىندە، مەن مۇنى كوكەيدە بەرىك ساقتايمىن، ارەكەتىمدە ورىندايمىن“، - دەدى قاشقار راديو - تەلەۆيزيا ستانسياسى جاڭا مەديا ءبولىمىنىڭ ورىنباسار مەڭگەرۋشىسى ما يانفىن.
2011 - جىلى داشۋەدەن وقۋ تاۋىسقاننان كەيىن ما يانفىن تەلەۆيزيانىڭ ءتىلشىسى بولدى. 10 جىلدان بەرى ول ەگىنجايلاردى ىشكەرىلەي ارالاپ، قاشقارداعى كەدەي بۇقارانىڭ كەدەيلىكتەن ارىلىپ، دوڭگەلەك داۋلەتكە ۇمتىلعان تاماشا وزگەرىستەردى ەستەلىككە الدى؛ بەيزاتتىق مادەنيەت مۇرا مۇراگەرلەرىنە تىلشىلىك ىستەپ، تاريحتان كەلگەن سيمفونيالاردى تىڭدادى؛ قاھارمان ۇلگىلى تۇلعالارمەن كەزدەسىپ، ولاردىڭ اسەرلى ىزگى ىستەرىن سان مىڭداعان وتباسىلارىنا جەتكىزدى... ”بۇدان كەيىن مەن باس شۋجيدىڭ تاپسىرماسىن ەستە بەرىك ساقتاپ، ’ءتورت قۋاتتى‘ ۇزدىكسىز امالياتتا ايگىلەپ، اۋىل - قىستاققا تەرەڭ تامىر تارتىپ، تۇرمىسپەن توعىسىپ، اناعۇرلىم كوپ جاناسىمدى، ءنارلى، جالىندى اقپارات تۋىندىلارىن جازامىن“، - دەدى ما يانفىن.
حوتان ايماقتىق توعىسپالى مەديا ورتالىعىنىڭ ءتىلشىسى اباباكىر وسمان بىلاي دەدى: ءبىز اۋەلگى ماقساتتان، قاسيەتتەن اينىماي، ”مەملەكەتتىڭ زور ءىسىن“ كوكەيدە ساقتاپ، پارتيانىڭ جاسامپاز نازارياسىن جالپى بەتتىك ىشكەرىلەي ۇگىتتەپ، پارتيانىڭ دارىپتەمەسىن كەڭىنەن تاراتىپ، حالىقتىڭ ءۇنىن بەلسەنە اڭىس ەتىپ، قالام جانە اپپارات ارقىلى ۇلى ءداۋىردى ەستەلىككە الىپ، اقپارات قىزمەتكەرلەرىنىڭ مىندەت جاۋاپكەرشىلىگىن، بورىشىن ادالدىقپەن اتقارۋىمىز كەرەك.
”تۋراشىلدىقتى ساقتاۋ مەن جاڭالىق اشۋ − ديالەكتيكالىق بىرلىكتىڭ قاتىناسى. تۋراشىلدىقتى ساقتاۋعا تاباندى بولعاندا، جاڭالىق اشۋدا باعدار جانە تياناق بولادى؛ ۇزدىكسىز جاڭالىق اشقاندا عانا، تۋراشىلدىقتى ساقتاۋدا ومىرشەڭدىك كۇش جانە نەگىز بولادى“. سانجى قالالىق توعىسپالى مەديا ورتالىعى توپتاۋ ورتالىعىنىڭ مەڭگەرۋشىسى چىن حۇي بىلاي دەدى: مەديا توعىسا دامىعان كەلەلى اۋقىمدا، اقپارات قىزمەتكەرلەرى، ءسوز جوق، ءوزىن ۇزدىكسىز جوعارىلاتىپ، كۇشتى ينتەرنەت ويى، جالپىلىق ءبىلىم قۇرىلىمى، كاسىپتىك ونەرى، قابىلەتى بار جالپىلىق مەديا دارىندىلارى بولۋعا قۇلشىنۋ كەرەك.
بيىل ”1 - شىلدە“ قارساڭىندا اراسان اۋداندىق توعىسپالى مەديا ورتالىعىنىڭ ءتىلشىسى بەرىك باقىتجان قىزمەتتەستەرىمەن بىرگە الدىن الا جوسپارلاپ شىعارعان توعىسپالى مەديا تۋىندىسى «شينجياڭداعى ۇيعۇر اعاي دوۋميدە وتانعا باقىت تىلەدى» قالىڭ توراپتاستار اراسىندا كۇشتى ۇندەستىك قوزعاپ، بۇكىل تورداعى كورىلىم سانى 100 ميلليون ادام - رەتتەن استى. ”مەن ۇزدىكسىز قۇلشىنىپ، ىقىلاس - مەيىرگە تولى، ورەلى، اناعۇرلىم كوپ وڭ ەنەرگيا تۋىندىلارىن جاراتامىن“، - دەدى بەرىك باقىتجان.
شينجياڭ راديو - تەلەۆيزيا ستانسياسى راديو اقپارات ورتالىعىنىڭ ءتىلشىسى جاڭ شياۋيۇن مەملەكەتتىك اقپارات سالاسىنىڭ 8 - كەزەكتى ”جاقسى تىلشىلەردىڭ جاقسى حيكايالاردى بايانداۋى“ قيمىلىندا ”ۇزدىك شەبەر“ اتاعىن داڭقپەن الدى. جاقىنعى جىلدارى ول ميكروفون الدىنان ەكران الدىنا شىعىپ قانا قويماي، شارۋالارعا كومەكتەسىپ ينتەرنەتتە زات ساتۋشى اسابا بولدى، سونداي - اق قىسقا بەينەكەسكىن تۇعىرى ارقىلى ەڭ جاڭا اقپاراتتاردى كوپشىلىككە جەتكىزدى. ”مەن’سان قيلى ونەرگە‘ توسەلىپ، بۇقارا ۇناتىپ تىڭداپ، قۋانا كورەتىن ءتاسىل ارقىلى شينجياڭ حيكاياسىن ويداعىداي باياندايمىن“، - دەدى جاڭ شياۋيۇن.
”باس شۋجي شي جينپيڭ قۇتتىقتاۋ حاتىندا سىرتقا تاراتۋدى كۇشەيتۋدى العا قويدى، مەن ارقالاعان جۇگىمنىڭ اناعۇرلىم اۋىرلاعاندىعىن سەزىندىم“. تيانشان تورى اعىلشىن ءتىلى رەداكتورى چىڭ لي: ءبىز حالىقارالىق تاراتۋدا جاڭالىق اشۋدى كۇشەيتىپ، دۇنيە جۇزىنە شىنايى، الۋان ءتۇرلى شينجياڭدى ايگىلەۋگە قۇلشىنۋىمىز كەرەك، - دەدى.
(ءتىلشى لي ياڭ، قاتىناسقان ءتىلشى جاڭ يانفاڭ، ەرىكتى ءتىلشى لياڭ جيڭ)
