شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى. 11 - ايدىڭ 7 - كۇنى «جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي، ويداعىداي جۇرگىزۋ جونىندەگى پىكىردى» جاريالاپ، جاسىل، تومەن كومىر قىشقىل گازدى دامۋدى جەدەل ىلگەرىلەتۋ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ىشكەرىلەي ويداعىداي جۇرگىزۋ سياقتى جاقتاردا ناقتى ورنالاستىرۋ جاسادى.
«پىكىردە» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، جاڭا دامۋ ارناسىن قالىپتاستىرىپ، لاس زاتتاردىڭ شىعارىلۋىن ازايتۋ مەن كومىر قىشقىل گازىنىڭ شىعارىلۋىن تومەندەتۋدىڭ سايكەسە وتىرىپ ونىمدىلىكتى ارتتىرۋىن جۇزەگە اسىرۋدى نەگىزگى تۇتقا ەتىپ، ەكولوگيالىق ورتانىڭ ساپاسىن جاقسارتۋدى وزەك ەتىپ، لاستانۋدى دالمە - ءدال جونگە سالۋدى، لاستانۋدى عىلمي جونگە سالۋدى، لاستانۋدى زاڭ بويىنشا جونگە سالۋدى قىزمەت باعىتى ەتىپ، لاستانۋدى جونگە سالۋدى، ەكولوگيانى قورعاۋدى، كليمات وزگەرىسىنە توتەپ بەرۋدى ءبىر تۇتاس جوسپارلاپ، سەرپىندى ساقتاپ، تەرەڭدىككە بويلاپ، كەڭدىككە قانات جايىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن اناعۇرلىم جوعارى ولشەممەن ويداعىداي جۇرگىزىپ، جوعارى دەڭگەيلى قورعاۋ ارقىلى جوعارى ساپالى دامۋدى ىلگەرىلەتىپ، جوعارى ساپالى تۇرمىس جاراتىپ، ادام مەن تابيعات جاراسىمدى قاتار ءومىر سۇرەتىن كورىكتى جۇڭگو قۇرۋعا قۇلشىنۋ كەرەك.
«پىكىردە» ورتاعا قويىلعان باستى نىسانا مىنالار: 2025 - جىلعا بارعاندا، ەكولوگيالىق ورتا ۇزدىكسىز جاقسارادى، باستى لاس زاتتاردى شىعارۋ جالپى مولشەرى ءۇرتىس تومەندەيدى، بىرلىك ىشكى ءوندىرىس جالپى ءونىم قۇنىنداعى كومىر قىشقىل گازىنىڭ ىعىستىرىلۋى 2020 - جىلداعىدان ％18 تومەندەپ، ايماق دارەجەلى جانە ودان جوعارى قالالارداعى ۇساق توزاڭ زاتتاردىڭ (PM2.5) قويۋلىعى ％10 تومەندەپ، اۋا ساپاسىنىڭ ساپالى كۇن سانى سالىستىرماسى ％87.5كە جەتەدى، جەر ءۇستى سۋىنىڭ Ⅲ — Ⅰ تۇردەگى سۋ اۋماعىنىڭ سالىستىرماسى ％85كە جەتىپ، جاعاعا جاقىن تەڭىز ايدىنىنىڭ سۋ ساپاسىنىڭ ساپالى بولۋ (1 -، 2 - تۇردەگى) سالىستىرماسى ％79 اينالاسىندا بولىپ، اۋىر لاستانعان اۋا رايى، قالالارداعى قارا - ساسىق سۋلار نەگىزىنەن جويىلىپ، توپىراقتىڭ لاستانۋ حاۋىپ - قاتەرى ءونىمدى تىزگىندەلىپ، قاتتى جاراقسىز زاتتار مەن جاڭا لاس زاتتاردى جونگە سالۋ قۋاتى كورنەكتى كۇشەيىپ، ەكولوگيالىق جۇيەنىڭ ساپاسى مەن ورنىقتىلىعى ۇزدىكسىز جوعارىلاپ، ەكولوگيالىق ورتانى جونگە سالۋ جۇيەسى اناعۇرلىم كەمەلدەنىپ، ەكولوگيالىق وركەنيەت قۇرىلىسىندا تىڭ ىلگەرىلەۋشىلىكتەر بولادى.
2035 - جىلعا بارعاندا جاسىل ءوندىرىس، تۇرمىس ءتاسىلى كەڭ كولەمدە قالىپتاسىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ ورنىقتىلىق بارىسىندا تومەندەپ، ەكولوگيالىق ورتا تۇبىرىنەن جاقسارىپ، كورىكتى جۇڭگو قۇرۋ نىساناسى نەگىزىنەن جۇزەگە اسادى.
جاسىل، تومەن كومىر قىشقىل گازدى دامۋدى جەدەل ىلگەرىلەتۋگە قاراتا، «پىكىردە» كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ ارەكەتىن ىشكەرىلەي ىلگەرىلەتىپ، نازاردى مەملەكەتتىڭ كەلەلى ستراتەگياسىنا شوعىرلاندىرىپ، جاسىل دامۋ بيىگىن قالىپتاستىرىپ، ەنەرگيانىڭ تازا، تومەن كومىر قىشقىل گازعا قاراي تيبىن وزگەرتۋىن ىلگەرىلەتىپ، ەنەرگيانى كوپ سارىپ ەتەتىن، لاس زاتتاردى كوپ شىعاراتىن نىسانداردى كوزسىزدىكپەن دامىتۋدى باتىل تەجەپ، تازا ءوندىرىس پەن ەنەرگيا بايلىعىنان ۇنەمدى، جوعارى ءونىمدى پايدالانۋدى ىلگەرىلەتىپ، ەكولوگيالىق ورتانى رايوندارعا ءبولىپ تىزگىندەۋدى كۇشەيتىپ، جاسىل، تومەن كومىر قىشقىل گازدى تۇرمىس ءتاسىلىن جەدەل قالىپتاستىرۋ تالاپ ەتىلدى.
اشىق اسپاندى قورعاۋ شايقاسىن ىشكەرىلەي ويداعىداي جۇرگىزۋگە قاراتا، «پىكىردە» اۋىر لاستانعان اۋا رايىن جويۋدان قامال الۋ شايقاسىن كۇش سالا ويداعىداي جۇرگىزىپ، وزوننىڭ لاستانۋىنان ساقتانۋ جانە ونى جونگە سالۋدان قامال الۋ شايقاسىن كۇش سالا ويداعىداي جۇرگىزىپ، ديزەل موتورلى جۇك اۆتوموبيلدەرىنىڭ لاستاۋىن جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، اتموسفەرانىڭ اۋماقتىق قاينارى مەن شۋىلدىڭ لاستاۋىن جونگە سالۋدى كۇشەيتۋ تالاپ ەتىلدى.
تۇنىق سۋدى قورعاۋ شايقاسىن ىشكەرىلەي ويداعىداي جۇرگىزۋگە قاراتا، «پىكىردە» قالالارداعى قارا - ساسىق سۋلاردى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، چاڭجياڭ وزەنىن قورعاۋدان، قالپىنا كەلتىرۋدەن قامال الۋ شايقاسىن ۇزدىكسىز ويداعىداي جۇرگىزىپ، حۋاڭحى وزەنىنىڭ ەكولوگياسىن قورعاۋدان، جونگە سالۋدان قامال الۋ شايقاسىن كۇش سالا ويداعىداي جۇرگىزىپ، اۋىز سۋ حاۋىپسىزدىگىن قامتاماسىز ەتۋ دەڭگەيىن بەكەمدەپ جانە جوعارىلاتىپ، ءتۇيىندى تەڭىز ايدىندارىن كەشەندى جونگە سالۋدان قامال الۋ شايقاسىن كۇش سالا ويداعىداي جۇرگىزىپ، قۇرلىق وڭىرلەرىنىڭ، تەڭىز ايدىندارىنىڭ لاستانۋىن سايكەستى جونگە سالۋدى كۇشەيتۋ تالاپ ەتىلدى.
تازا توپىراقتى قورعاۋ شايقاسىن ىشكەرىلەي ويداعىداي جۇرگىزۋگە قاراتا، «پىكىردە» اۋىل شارۋاشىلىعىنىڭ، اۋىل - قىستاقتىڭ لاستانۋىن جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، اۋىل شارۋاشىلىعىنا پايدالانىلاتىن جەرلەردەگى توپىراقتىڭ لاستانۋىنان ساقتانۋدى جانە ونى جونگە سالۋدى، سونداي - اق ودان حاۋىپسىز پايدالانۋدى ىشكەرىلەي ىلگەرىلەتىپ، قۇرىلىسقا پايدالانىلاتىن جەرلەردەگى توپىراقتىڭ لاستانۋ قاتەرىن ءونىمدى تىزگىندەپ، «جاراقسىز زات جوق قالا» قۇرىلىسىن ورنىقتى ىلگەرىلەتىپ، جاڭا لاس زاتتاردى جونگە سالۋدى كۇشەيتىپ، جەر استى سۋىنىڭ لاستانۋىنان سايكەستى ساقتانۋدى، جونگە سالۋدى كۇشەيتۋ تالاپ ەتىلدى.
ەكولوگيالىق ورتانىڭ حاۋىپسىزدىگىن شىن مانىندە قورعاۋعا قاراتا، «پىكىردە» ەكولوگيالىق جۇيەنىڭ ساپاسىن ۇزدىكسىز جوعارىلاتىپ، ورگانيزمدەردىڭ الۋان تۇرلىلىگىن قورعاۋ كەلەلى ينجەنەرياسىن اتقارۋ تالاپ ەتىلدى. ەكولوگيانى قورعاۋدى، باقىلاۋ - باسقارۋدى كۇشەيتىپ، يادرو جانە رادياتسيا حاۋىپسىزدىگىنە شىنايى كەپىلدىك ەتىپ، قورشاعان ورتا حاۋىپ - قاتەرىنەن قاتاڭ ساقتانۋ جانە ونى تىزگىندەۋ كەرەك.
ەكولوگيالىق ورتانى جونگە سالۋدىڭ وسىزاماندانۋ دەڭگەيىن جوعارىلاتۋعا قاراتا، «پىكىردە» ەكولوگيالىق ورتانى زاڭمەن جونگە سالۋدى قامتاماسىز ەتۋدى جالپى بەتتىك كۇشەيتىپ، ەكولوگيالىق ورتا ەكونوميكاسى ساياساتىن اقاۋسىزداندىرىپ، ەكولوگيالىق ورتاعا قارجى قوسۋ مەحانيزمىن كەمەلدەندىرىپ، قورشاعان ورتا نەگىزدىك قۇرىلعىلارىنداعى ولقىلىقتاردى تولىقتاۋ ارەكەتىن اتقارىپ، ەكولوگيالىق ورتانى باقىلاۋ - باسقارۋداعى زاڭ اتقارۋ ونىمدىلىگىن جوعارىلاتىپ، وسىزاماندانعان ەكولوگيالىق ورتانى باقىلاۋ - تەكسەرۋ جۇيەسىن ورناتىپ جانە كەمەلدەندىرىپ، قىزمەت وتەۋ تيبىندەگى عىلىم - تەحنيكادا جاڭالىق اشۋ جۇيەسىن ورناتۋ تالاپ ەتىلدى.
«پىكىردە» تاعى ۇيىمداستىرىپ اتقارۋدى كۇشەيتۋ جونىندە ايقىن تالاپتار ورتاعا قويىلدى.
