تيانشان تورى   ›   جاڭالىقتار   ›   ماڭىزدى حابارلار

شي جينپيڭ جولداس «حالىقتىڭ قوجايىن بولۋىنا تاباندى بولۋ تۋرالى» باسپادان شىعىپ تاراتىلدى

  شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە حۇجات زەرتتەۋ ورنى رەداكسيالاعان شي جينپيڭ جولداس «حالىقتىڭ قوجايىن بولۋىنا تاباندى بولۋ تۋرالى» كىتاپ تاياۋدا ورتالىق حۇجات باسپاسىنان باسپادان شىعىپ، بۇكىل ەل كولەمىندە تاراتىلدى.

  وسى ارناۋلى تاقىرىپتاعى ماقالالار جيناعىنا شي جينپيڭ جولداستىڭ حالىقتىڭ قوجايىن بولۋىنا تاباندى بولۋ جونىندەگى 50 ماڭىزدى ماقالاسى ەنگىزىلدى. مۇنىڭ ىشىندە ءبىر ءبولىم ماقالالار العاش رەت جاريالانىپ وتىر.

  ەلىمىز جۇمىسشى تابى باسشىلىعىنداعى، جۇمىسشى - شارۋا وداعىن نەگىز ەتكەن حالىق دەموكراتياسى ديكتاتۋراسىندىق سوتسياليستىك مەملەكەت، مەملەكەتتىڭ بارلىق بيلىگى حالىققا ءتان. حالىقتىڭ قوجايىن بولۋى − سوتسياليستىك دەموكراتيالىق ساياسيدىڭ ءمانى جانە وزەگى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ نەگىزگى تۇلعالىق ورنىنا تاباندى بولىپ، سوتسياليستىك دەموكراتيالىق ساياسيدى بەلسەنە دامىتتى، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنىڭ تۇزىمدىك قۇرىلىسى جاپپاي كۇشەيتىلىپ، پارتيانىڭ باسشىلىق ءتۇزىلىس - مەحانيزمى ۇزدىكسىز كەمەلدەنىپ، سوتسياليستىك دەموكراتيا ۇزدىكسىز دامىپ، پارتيا ىشىندەگى دەموكراتيا ونان ارى كەڭەيىپ، سوتسياليستىك كەڭەستىك دەموكراتيا جالپى بەتتىك قانات جايىپ، وتانشىلدىق بىرلىكساپ بەكەمدەلىپ جانە دامىپ، ۇلت، ءدىن قىزمەتى جاڭالىق اشا ىلگەرىلەتىلىپ، رەفورما جاساۋدى، ەسىك اشۋدى جانە سوتسياليستىك وسىزامانداندىرۋ قۇرىلىسىن پارمەندى جەبەدى، مەملەكەتتىڭ تۇتاستىعىن، ۇلتتار ىنتىماعىن، قوعام ورنىقتىلىعىن پارمەندى قورعادى. حالىقتىڭ قوجايىن بولۋىنا تاباندى بولۋ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، جۇڭگوشا سوتسياليستىك ساياسيدى دامىتۋ جولىنا تاباندى بولۋدا، جالپى بارىستىق حالىق دەموكراتياسى قۇرىلىسىن ىلگەرىلەتۋدە، جۇڭگوشا سوتسياليستىك ءتۇزىمدى كەمەلدەندىرۋدە جانە دامىتۋدا، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋدە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا توتەنشە ماڭىزدى جەتەكشى مانگە يە.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.