حۋ ۋيباۋ:
نەگىزگى ساتىعا تامىر تارتىپ، جاستىق كوكتەمىن ارنادى
□ انار بۇلت / شينجياڭ گازەتىنىڭ ءتىلشىسى ءپاريزات ابدۇل
حوتان ايماعى كەريا اۋدانى جاي اۋىلى تاكلاماكان ءشولىنىڭ وڭتۇستىك جيەگىنە ورنالاسقان، وسى ءبىر كورىنىسى كوز تارتار اۋىل - قالاشىق جايلى ءسوز بولسا، حۋ ۋيباۋدىڭ ايتارى تاۋسىلىپ بىتپەيتىندەي سەزىلەدى.
2016 - جىلى شي - ان عىلىم - تەحنيكا داشۋەسىنەن وقۋ تاۋىسقان حۋ ۋيباۋ كەلەسى جىلدىڭ 1 - ايىندا كەريا اۋدانىنىڭ جاي اۋىلىنا قىزمەتكە تۇرىپ، كەدەيلەردى سۇيەمەلدەۋگە جاۋاپتى كادر بولدى.
كەدەيلەردى سۇيەمەلدەۋ قىزمەتى الدىندا، حۋ ۋيباۋ وزىنە جۇكتەلگەن جاۋاپكەرشىلىكتىڭ اسا سالماقتى ەكەنىن تەرەڭ سەزىندى. قىزمەتتىڭ بابىن جەدەل تاۋىپ، اۋىلداعى نەگىزگى جاعدايعا تانىس بولۋ جانە ونى يگەرۋ ءۇشىن، ول ءتىل قيىنشىلىعى، قورشاعان ورتانىڭ ماشاقاتى سياقتى قيىندىقتاردى ەڭسەرىپ، ءار كۇنى قىستاق تۇرعىندارىنىڭ ۇيلەرىنە بارىپ، كوزبە - كوز ارالاپ جاعداي ۇعىستى.
”العاش ۇيلەردى ارالاپ جاعداي ۇعىسقان كەزدە، تىلدىك قارىم - قاتىناس جاعى قولايسىز بولعاندىقتان، ءاربىر قىستاقتاعى قىستاق تۇرعىندارىنىڭ كەدەيلەردى سۇيەمەلدەۋ ساياساتىن تولىق ۇعىنا الماعاندىعىن، وزدەرىنىڭ تۇرمىستارىنىڭ وزگەرەتىندىگىنە سەنبەيتىندىگىن بايقادىم“، - دەدى حۋ ۋيباۋ تىلشىگە العاش اۋىلعا كەلگەن كەزدەگى جاعدايدى ەسكە الىپ.
حۋ ۋيباۋ ءبىر جاعىنان، بوس ۋاقىتتان پايدالانىپ ۇيعۇر ءتىلىن ۇيرەنسە، ەندى ءبىر جاعىنان، جاي اۋىلىنا قاراستى ءاربىر قىستاقتىڭ جاعدايىمەن تانىستى. ءۇي - ءۇيدى ارالاپ جاعداي ۇعىسۋ ارقىلى ول يدەيا - كوزقاراس مەشەۋ، كىرىس ارتتىرۋدا، كەدەيلىكتەن ارىلتۋدا وي جەلىسى كەمشىل بولۋ، ەكونوميكالىق نەگىز ءالسىز بولۋ سياقتى سەبەپتەردىڭ جاي اۋىلىنداعى نەگىزدىك قۇرىلعى قۇرىلىسىنىڭ كەنجە قالۋىنا، الەۋمەتتىك قىزمەت وتەۋ قابىلەتىنىڭ ءالسىز، بۇقارانىڭ كەدەيلىكتەن ارىلتۋ ارنالارىنىڭ از بولۋىنا اپارىپ سوققاندىعىن بىلەدى.
يدەيا - كوزقاراستى وزگەرتۋ − كەدەيلەردى سۇيەمەلدەۋ قىزمەتىندەگى ەڭ ماڭىزدى ءتۇيىن. حۋ ۋيباۋ كەدەيلىكتەن ارىلتۋدان قامال الۋعا قاتىستى ساياساتتار مەن حۇجاتتاردى مۇقيات ۇيرەنىپ، پارتيانىڭ حالىققا تيمدىلىك جەتكىزۋ ساياساتتارىن، كەدەيلەردى سۇيەمەلدەۋ ساياساتىن بەلسەنە ۇگىتتەدى. ونىڭ تىنباي قۇلشىنۋىندا بۇقارانىڭ كەدەيلىكتەن ارىلۋ، بايۋ سەنىمى جانە بەكىمى بارعان سايىن نىعايدى. 4 جىلدان بەرى حۋ ۋيباۋ جاي اۋىلىنداعى ءاربىر قىستاقتى تۇگەل ارالاپ شىعىپ، ارناۋلى نىسان ارقىلى كەدەيلەردى سۇيەمەلدەۋ، شينجياڭعا باعىتتامالى كومەكتەسۋ ارقىلى كەدەيلەردى سۇيەمەلدەۋ، قوعامنىڭ كومەكتەسۋ - سۇيەمەلدەۋى، كاسىپ سالالار بويىنشا كەدەيلەردى سۇيەمەلدەۋ سياقتى جاقتاردان 55 كەدەيلەردى سۇيەمەلدەۋ نىسانىنىڭ تياناقتانىپ تامىر تارتۋىن بەلسەنە ىلگەرىلەتتى. كوپشىلىكتىڭ بىرگە قۇلشىنۋىندا جاي اۋىلىنىڭ بەت - بەينەسى مۇلدە جاڭارىپ، اسفالت جول قىستاق تۇرعىندارىنىڭ ەسىك الدىنا دەيىن جەتكىزىلدى، اۋىل كيىم - كەشەك زاۆودىن، سويىس كەپتەر باعىمشىلىق الاڭىن ەنگىزدى، تۇراقتى قىزمەتكە يە بولعان بۇقارانىڭ قالتاسى قامپايىپ، جۇمىسقا ىنتالارى ارتىپ، كوڭىلدەرى شۋاققا شومدى.
اۋىت يمىن جاي اۋىلى جوعارعى جاي قىستاعىنىڭ تۇرعىنى، جەڭىل تۇردەگى مۇگەدەك بولعاندىقتان، ونىڭ وتباسىنداعى وشارلى 5 جاننىڭ كۇن كورىسى ايەلىنىڭ جۇمىس ىستەۋىنە سۇيەنەتىن. كوپ رەت ءۇي ارالاپ جاعداي ۇعىسۋ ارقىلى حۋ ۋيباۋ اۋىتتىڭ ماشينا جوندەيتىن ونەرى بار ەكەنىن ءبىلىپ، ونىڭ رەمونتحانا اشۋىنا كومەكتەسۋ ويىنا كەلەدى. حۋ ۋيباۋ اۋىتقا كومەكتەسىپ دۇكەن قاراستىرىپ، قاتىستى راسمياتتاردى ءبىتىرىسىپ، شاعىن سوماداعى كەدەيلەردى سۇيەمەلدەۋ قارىز اقشاسىنا ءوتىنىش بەرەدى... بۇگىنگى كۇندە اۋىت رەمونتحانا جۇمىسىمەن اينالىسسا، ايەلى تىگىنحانا اشادى، قوراسىنا سيىر دا باققان ولاردىڭ تۇرمىستارى بارعان سايىن جاقسارىپ كەلەدى.
حۋ ۋيباۋدىڭ قىزمەتى ۇيىمنىڭ جانە بۇقارانىڭ تۇراقتاندىرۋىنا يە بولدى. 2021 - جىلى حۋ ۋيباۋ كەريا اۋدانى جاي اۋىلىنىڭ ورىنباسار باستىعى بولدى، وعان ”اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعى بەرىلدى.
”مەن نەگىزگى ساتىعا توراڭعىداي تامىر تارتىپ، بۇقارامەن بىرگە كاسىپ سالاسىن دامىتۋدى جوسپارلاپ، ولاردىڭ تۇرمىستارىنىڭ بارعان سايىن جاقسارۋىنا مۇمكىندىك جاسايمىن“، - دەدى حۋ ۋيباۋ.
