جيا شينلۇڭ:
”ىسكەر شۋجيدىڭ“ قىستاقتى جونگە سالۋ ءتاسىلى
□ انار بۇلت / شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى لياڭ حۇڭتاۋ
10 - ايدىڭ 16 - كۇنى سانجى قالاسى ديانبا قالاشىعى ىرچي قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جيا شينلۇڭ تاڭەرتەڭگى جيىندى اياقتاتىپ، قىستاق قىزمەتىن ساتىمەن ورنالاستىرىپ بولعان سوڭ، دەرەۋ قىستاقتاعى كوكونىستى جاس كۇيىندە جەتكىزۋ - جونەلتۋ بازاسى قۇرىلىس ورنىنا قاراي اتتاندى.
ىرچي قىستاعىنداعى كوكونىستى جاس كۇيىندە جەتكىزۋ - جونەلتۋ بازاسى نىسانىنا جالپى قوسىلعان قارجى 10 ميلليون يۋان، قۇرىلىس بيىل 8 - ايدا باستالىپ 11 - ايدىڭ سوڭىندا سالىنىپ بىتەدى دەپ جوسپارلانعان. نىسان قۇرىلىسى سالىنىپ بىتكەننەن كەيىن، بازاداعى كەمەلدى مۇزداتۋ جەلىسى قۇرىلعىسىن تىرەك ەتىپ، كوكونىس سياقتى اۋىل شارۋاشىلىق ونىمدەرىن زاپاس ساقتاۋعا جانە جەتكىزىپ - جونەلتۋگە، ءسويتىپ، تۇتاس قىستاقتىڭ كوكونىس ەگىمشىلىگى شارۋاشىلىعىنىڭ كولەمدەنۋىن، الۋەتتەنۋىن جەبەۋگە بولادى.
2008 - جىلى ىرچي قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى مىندەتىن اتقارعاننان بەرى، جيا شينلۇڭ ۇيىمنىڭ ماڭىزدى تاپسىرماسى مەن قىستاق تۇرعىندارىنىڭ سەنىمىن ەسىندە بەرىك ساقتاپ، قىستاق ”ەكى كوميتەتىن“ باستاپ، امالدىڭ بارىنشا دامۋ جولىن قاراستىرىپ، ىرچي قىستاعىنىڭ الىس - جاقىنعا اتى ايگىلى ”جۇلدىز قىستاققا“ اينالۋىنا مۇمكىندىك جاسادى، جيا شينلۇڭدى قىستاق تۇرعىندارى ”ىسكەر شۋجي“ دەپ اتادى.
ءبىر ءبولىم قىستاق تۇرعىندارىن ”الدىمەن بايۋعا“ شابىتتاندىرىپ، باستاپ، وسى ارقىلى قالعان قىستاق تۇرعىندارىنىڭ ”سوڭىنان بايۋىنا“ ۇلگى كورسەتىپ، جەتەكشىلىك ەتىپ، ەڭ سوڭىندا بىرگە بايۋدى جۇزەگە اسىرۋ − جيا شينلۇڭنىڭ قىستاقتى جونگە سالۋداعى ءتاسىلىنىڭ ءبىرى.
وسى نىسانانى جۇزەگە اسىرۋ ءۇشىن، الدىمەن قىستاق تۇرعىندارىنىڭ ”ءوز باسىنان اسا الماۋداي“ ەسكى كوزقاراسىن تالقانداۋ كەرەك. جيا شينلۇڭ مەن قىستاق ”ەكى كوميتەتىنىڭ“ القا مۇشەلەرى وتباسى سايىن ارالاپ، قىستاق تۇرعىندارىنىڭ ارتىقشىلىقتارىنا تالداۋ جاساپ، سوعان قاراي باعىتتامالى تۇردە كىرىستى ارتتىرۋ جوسپارىن جاسادى.
قىستاق تۇرعىنى چيۋ شياۋفىڭ كەزىندە ءبىر باعىمشىلىق فەرماسىندا قىزمەت ىستەگەن بولاتىن، جيا شينلۇڭ ونى ۇيرەنگەن ارتىقشىلىعىنا ۇشتاستىرىپ، بودەنە باعۋ كاسىبىن دامىتۋعا شابىتتاندىردى. جيا شينلۇڭ وعان قاجەتتى قارجىنى سايكەستىرۋگە كومەكتەسىپ، ىلگەرىندى - كەيىندى 600 مىڭ يۋان قارجى قوسىپ، بودەنە باعىمشىلىعى بازاسىن قۇردى. قازىر چيۋ شياۋفىڭنىڭ باعىمشىلىق بازاسىندا 60 مىڭنان استام بودەنە بار، كۇنىنە 400 كيلوگرامنان استام بودەنە جۇمىرتقاسىن الادى. سونىمەن قاتار باعىمشىلىق بازاسى تاعى 20دان استام جۇمىستانۋ ورنىمەن قامداۋدان سىرت، قىستاقتاعى 60 نەشە وتباسىنداعى تۇرعىنداردىڭ اۋىل شارۋاشىلىق ونىمدەرىن ساتۋ ماسەلەسىن دە شەشتى.
جيا شينلۇڭ تاعى قالامشا ەگۋ كاسىبىمەن شۇعىلداناتىن ما جياندۇڭنىڭ ءبىر ميلليون يۋان قارجى قوسىپ، سانجى قالاسى سىنجىيۋان قالامشا ەگۋ كاسىپتىك سەلبەستىك كووپەراتيۆىن قۇرۋىنا جەتەكشىلىك ەتتى؛ قارجى قوسۋشى ساۋداگەر نيە يۇڭشاندى قىستاقتان ازىق - تۇلىك مانەرلەۋ زاۆودىن قۇرۋعا ۇسىنىس ەتىپ، قىستاقتاعى 40تان استام ەڭبەككۇشتى جۇمىستاندىردى؛ اس - سۋ كاسىبى تيجاراتىندا تاجىريبەسى بار قىستاق تۇرعىنى لي ۋانجۇڭنىڭ ”يگو تيانيۋان شارۋالار شاتتىعى ساياجايىن“ اشۋىنا دەم بەرىپ، جىلدىق قابىلداعان ساياحاتشىلارىنىڭ 20 مىڭ ادام - رەتتەن اسۋىن جۇزەگە اسىردى.
كاسىپ سالاسىنىڭ وزىندىك ەرەكشەلىككە يە بولۋىن، كولەمدەنۋىن، جوعارى ءونىمدى بولۋىن جەبەۋ − جيا شينلۇڭنىڭ قىستاقتى جونگە سالۋداعى تاعى ءبىر ءتاسىلى.
ىرچي قىستاعى جەمىس - جيدەك، كوكونىس ەگىمشىلىگىن نەگىز ەتەتىن قىستاق، الايدا ەگىستىك جەرى بىتىراڭقى، ءتۇسىمى از، وزىندىك ەرەكشەلىگى كەمشىل بولعاندىقتان، كولەمدى ونىمدىلىك قالىپتاستىرا الماعان ەدى. بىلتىر جيا شينلۇڭ مەن قىستاق ”ەكى كوميتەتىنىڭ“ القا مۇشەلەرى جان - جاقتىلى تەكسەرۋ، تەكسەرۋ - زەرتتەۋ جۇرگىزۋ ارقىلى سۋىققا ءتوزىمدى، قۋاڭشىلىققا ءتوزىمدى، ءونىم قۇنى ءبىرشاما جوعارى قويان ءشوپ ەگۋدى العا قويدى، الايدا توسىرقاپ تارتىنشاقتاعان قىستاق تۇرعىندارى مۇنى سىناپ كورۋدى قالامايدى.
”قىستاق تۇرعىندارى ءشۇبالانعان ەكەن، وندا ءبىز پارتيالى كادرلار الدىمەن سىناق رەتىندە ەگۋىمىز كەرەك“، - دەيدى جيا شينلۇڭ. سونىمەن قىستاقتان چينفىڭ قويان ءشوپ ەگىمشىلىگى كاسىپتىك سەلبەستىك كووپەراتيۆىن قۇرىپ، 200 مۋ اۋماقتاعى قىستاق كوللەكتيۆ جەرىن بىرىكتىرىپ، قىستاق ”ەكى كوميتەتى“ قارجى مەن تۇقىمدى ازىرلەپ، پارتيالى كادرلار باستاماشىلدىقپەن سىناق رەتىندە قويان ءشوپ ەگە باستادى. قويان ءشوپ بازارعا سالىنعاننان كەيىن ەرەكشە ءوتىمدى بولىپ، مۋ باسىنان ورتا ەسەپپەن 6000 يۋاننان استام پايدا ءتۇستى، تەك قويان ءشوپ ەگۋدىڭ وزىنەن قىستاق كوللەكتيۆىنىڭ كىرىسى 120 مىڭ يۋاننان استام ارتتى، بۇرىندارى كۇدىك - كۇمانمەن قاراعان قىستاق تۇرعىندارى دا ىركەس - تىركەس سەلبەستىك كووپەراتيۆىنە قوسىلدى.
سوڭعى جىلدارى قىستاق پارتيا باس ياچەيكاسىنىڭ جەتەكشىلىگىندە ىرچي قىستاعى ارت - ارتىنان 60 جىلىجاي سالىپ، كوكونىس ەگىمشىلىگى كولەمىن ۇزدىكسىز كەڭەيتتى. قىستاق تاعى شاحاي بالىق شارۋاشىلىعى ىستىق بەلدەۋ اسەمدىك بالىق بازاسى سياقتى ءبىر توپ اۋىل - قىستاق ساياحات نىساندارىن قۇرىپ، بۇرىنعى جالاڭ - جاداعاي اۋىل شارۋاشىلىعى ەگىمشىلىك قىستاعىن سەيىل - سەرۋەن قۇرۋ، تاماشالاۋ، كوكونىس، جەمىس - جيدەك ءۇزۋدى باستان كەشىرۋ، دالا سەيىلى، شارۋا وتباسى ءدامدى تاعامىن جاساۋ، ەرەكشەلىككە يە حالىقتىق تۇسەلحانا اشۋ سياقتىلار ءبىر تۇلعالانعان اۋىل − قىستاق ۋنيۆەرسال تۇلعاسىنا اينالدىردى. 2020 - جىلى قىستاق كوللەكتيۆىنىڭ كىرىسى ءبىر ميلليون 500 مىڭ يۋاننان اسىپ، قىستاق تۇرعىندارىنىڭ جان باسىندىق ورتاشا كىرىسى 21 مىڭ يۋانعا جەتتى.
”ىرچي قىستاعىنىڭ دامۋى بارىسىندا ءبىز، ەڭ ماڭىزدىسى، باستان - اياق اۋەلگى ماقساتتى ەستەن شىعارماي پارتياعا ىلەستىك، بورىشتى ەستە بەرىك ساقتاپ، تىڭ جول اشتىق“. جيا شينلۇڭ بىلاي دەدى:”كوكونىستى جاس كۇيىندە جەتكىزۋ - جونەلتۋ بازاسى سالىنعاننان كەيىن، كوكونىس ەگىلەتىن جەر اۋماعىن 80 مىڭ مۋعا كەڭەيتۋگە جەتەكشىلىك ەتىپ، قىستاق تۇرعىندارىنىڭ كىرىسىن مولىنان ارتتىرۋمەن بىرگە، جىل سايىن قىستاق كوللەكتيۆىنىڭ كىرىسىن دە ءبىر ميلليون يۋاننان استام ارتتىرۋعا بولادى“.
