□ انار بۇلت / شينجياڭ گازەتىنىڭ ءتىلشىسى ۋي يۇڭگۇي
قۇمىل قالاسى يجوۋ رايونى چىڭبەي ءمالىسى گۋاڭميڭ جولى الەۋمەتتىك اۋماعى تيەلۋ 20 - كوشەسى شاعىن اۋماعىنىڭ تۇرعىنى ليۋ گۋاڭدو ىقىلاستى باۋىرمال جان. 10 - ايدىڭ ورتا شەنىندە، شاعىن اۋماقتا جول بەتىنىڭ تەگىس بولماۋىنان ءبىر كاريا جىعىلىپ قالادى، كورشى - قولاڭدار جول بەتىن تەز ارادا تەگىستەۋدى الەۋمەتتىك اۋماققا اڭىس ەتۋ كەرەك دەپ قارايدى، سونىمەن ليۋ گۋاڭدو وسى ”اۋىر مىندەتتى“ ىرىقتى تۇردە ۇستىنە الادى.
ليۋ گۋاڭدو الەۋمەتتىك اۋماق كادرىن ىزدەپ بارعاندا الەۋمەتتىك اۋماقتىڭ جاريالاۋ باعاناسىنا جاپسىرىلعان ”قۇمىل قالاسىنىڭ حالىق تۇرمىسى جونىندەگى بۇقارانىڭ پىكىرلەرىن كەڭ كولەمدە جيناۋ“ تۋرالى حابارلاندىرۋىن كورەدى. حابارلاندىرۋدا ەكىلىك كود تۇسىرىلگەن، ەكىلىك كودتىڭ استىڭعى جاعىندا ”پىكىرىڭىز بولسا ەكىلىك كودتا ايتىڭىز“ دەگەن تۇسىندىرمە جانە 4 ىستىق لەنيالى تەلەفون ءنومىرى بار ەكەن. ليۋ گۋاڭدو قول تەلەفونىن دەرەۋ الىپ شىعىپ ەكىلىك كودتى سكانەرلەپ، نۇسقاۋ بويىنشا باسىپ، بىرنەشە مينۋت ىشىندە - اق ۇسىنىس - پىكىرلەرىن تاپسىرىپ ۇلگىرەدى.
ەرتەسى تاڭەرتەڭ ەرتەمەن ليۋ گۋاڭدو الەۋمەتتىك اۋماق كادرىنىڭ ”پىكىرىڭىز قابىلداندى، شاعىن اۋماقتىڭ جولىن تەگىستەۋ قۇرىلىسى دەرەۋ باستالادى“ دەگەن تەلەفونىن تاپسىرىپ الادى.
”وسىنشاما تەز جاۋاپ قايتاراتىندىعىن ويلاماعان ەكەنمىن“، - دەدى ليۋ گۋاڭدو تەبىرەنە.
”پىكىرىڭىز بولسا ەكىلىك كودتا ايتىڭىز“ حالىق تۇرمىسى جونىندەگى پىكىرلەردى كەڭ كولەمدە جيناۋ قيمىلى قۇمىل قالاسىنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋدە شىعارعان شاراسى، سونداي - اق قۇمىل قالاسىنىڭ ءۇرتىس 2 جىل بويى جۇرگىزگەن ”بۇقارانىڭ حالىق تۇرمىسى جونىندەگى پىكىرلەرىن كەڭ كولەمدە جيناۋ“ قيمىلىنىڭ تەرەڭدەۋى جانە كەڭىنەن ورىستەتىلۋى ەدى. بۇقارانىڭ ۋيچاتتا كودتى سكانەرلەۋ، ىستىق لەنيالى تەلەفون شالۋ سياقتى تاسىلدەرمەن حالىق تۇرمىسىن قامتاماسىز ەتۋ، نەگىزدىك قۇرىلعىلار قۇرىلىسى، قورشاعان ورتانى قورعاۋ، حالىققا قولايلى قىزمەت وتەۋ سياقتى 6 جاقتاعى ماسەلە جونىندە ۇسىنىس - پىكىر بەرۋىنە بولادى. قۇمىل قالاسى ”بۇقارانىڭ حالىق تۇرمىسى جونىندەگى پىكىرلەرىن كەڭ كولەمدە جيناۋ“ قيمىلى كەڭسەسى ۇسىنىس - پىكىرلەردى قابىلداعاننان كەيىن دەرەۋ قاتىستى رايونداردىڭ، اۋدانداردىڭ، تاراۋلاردىڭ بىتىرۋىنە تاپسىرادى، پرينسيپتىك جاقتان 5 قىزمەت كۇنى ىشىندە ءبىتۋى نەمەسە ءبىتىرۋ جاعدايىن اڭىس ەتۋى كەرەك.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلى ورىستەتىلگەننەن بەرى قۇمىل قالاسى بۇقارا اڭىس ەتكەن ءتۇرلى ماسەلەدەن 629ىن قابىلداپ، 609ىن ءبىتىردى، بۇقارانىڭ رازىلىق دارەجەسى ％98كە جەتتى. قازىرشە ءالى بىتە قويماعان ماسەلەلەر مەن ىستەردى قاتىستى رايوندار، اۋداندار، تاراۋلار جەدەل ءبىتىرۋدى مىقتى يگەرىپ، بۇقاراعا مەرزىم سايىن ءبىتىرۋ اياق الىسىن اڭىس ەتۋدە. مۇنان سىرت، قۇمىل قالالىق پارتكوم تاعى جالپىلىق ماسەلەلەرگە قاتىستى رايونداردان، اۋدانداردان، تاراۋلاردان ءتۇبىرلى شەشۋ ءادىسىن الىپ شىعىپ، وسى تەكتەس ماسەلەلەردىڭ قايتا جارىققا شىقپاۋىنا شىنايى كەپىلدىك ەتۋدى تالاپ ەتتى.
كونە، ەسكى شاعىن اۋماقتاردى جاڭالاۋ ينجەنەرياسى جاپپاي اتقارىلدى، جاڭادان سالىنعان مەكتەپتەردە ”وقۋشى سانىنىڭ نورمادان ارتىپ كەتۋىن“ باسەڭدەتتى، قالا رايونىندا اۆتوتۇراق كوبەيتىلىپ، ”اۆتوكولىك توقتاتۋ قيىن بولۋدى“ شەشتى، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، كاسىپورىندارعا قولايلىلىق جاسادى، اۋىل - قىستاقتار وتباسىلىق شيپاگەر كەلىسىمى قىزمەتىن ىلگەرىلەتتى... ”پىكىرىڭىز بولسا ەكىلىك كودتا ايتىڭىز“ حالىق تۇرمىسى جونىندەگى پىكىرلەردى كەڭ كولەمدە جيناۋ قيمىلىن تۇتقا ەتكەن قۇمىل قالاسىنداعى رايوندار، اۋداندار بۇقارانىڭ ءبىرسىپىرا ”شۇعىل، قيىن، ۋايىمداعان، ءزارۋ“ ماسەلەلەرىن شەشتى. قىرۋار يگى ىستەر، ناقتى ىستەر بۇقارانىڭ تابىس سەزىمىن اناعۇرلىم تولىق، باقىت سەزىمىن اناعۇرلىم باياندى، حاۋىپسىزدىك سەزىمىن اناعۇرلىم قامتاماسىز ەتتى.
