الدىڭعى 10 ايدا 34 نىسان جۇمىس باستاپ، ءبىر ميلليارد 306 ميلليون يۋان قارجى قوسىلدى
انار بۇلت / شينجياڭ گازەتىنىڭ ءتىلشىسى شى شين 11 - ايدىڭ 8 - كۇنى ۇرىمجىدەن حابارلايدى. شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى (تومەندە قىسقارتىلىپ تارباعاتاي سىناق رايونى دەلىنەدى) بەكىتۋدەن وتكەن سوڭ، اۆتونوميالى رايوننىڭ ”ءبىر بەلدەۋ، ءبىر جول“ قۇرىلىسىن اتقارۋدى ىلگەرىلەتۋ باسشىلىق گرۋپپاسى كەڭسەسى سىناق رايونىنىڭ ناقتى جۇمىس جۇرگىزۋىن بەلسەنە جەبەپ، نىسان قۇرىلىسىن كۇش سالا يگەردى. بيىل 1 - ايدان 10 - ايعا دەيىن جاڭا ەنەرگيا سالاسىندا جاڭالىق اشۋ كاسىپ باقشاسى، يمپورت تاۋارلارىن وڭدەۋ بازاسى، عىلىم - تەحنيكادا جاڭالىق اشۋ ورتالىعى سياقتى 34 نىساننىڭ قۇرىلىسى باستالىپ، ءبىر ميلليارد 306 ميلليون يۋان قارجى قوسىلدى.
سىناق رايونى قۇرىلىسىن بار كۇشپەن ىلگەرىلەتۋ ءۇشىن اۆتونوميالى رايوننىڭ ”ءبىر بەلدەۋ، ءبىر جول“ قۇرىلىسىن اتقارۋدى ىلگەرىلەتۋ باسشىلىق گرۋپپاسى كەڭسەسى ءتۇزىلىس - مەحانيزمدە جاڭالىق اشىپ، تارباعاتاي سىناق رايونىنىڭ قۇرىلىس قىزمەتىنە باسشىلىق ەتۋ گرۋپپاسىن قۇرۋىنا جەتەكشىلىك ەتىپ، تارباعاتاي سىناق رايونى قۇرىلىسىنا قولباسشىلىق ەتۋ شتابىن قۇرىپ، شاۋەشەك قالاسىنىڭ شەكارا ەكونوميكالىق سەلبەستىك رايونىنىڭ قاراستىلىق قاتىناسىن رەتتەدى.
سونىمەن بىرگە، رايونىمىز تاعى «شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىسىنىڭ جالپى تۇلعالىق جوباسىن» زەرتتەپ جاساپ، «شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ جوعارى ساپالى قۇرىلىسىن جەدەل ىلگەرىلەتۋ جونىندەگى ءبىرقانشا ساياساتتى» شىعارىپ، تارباعاتاي سىناق رايونى قۇرىلىسىنا ساياساتتىق قولداۋ كورسەتتى.
بۇدان سىرت، اۆتونوميالى رايوننىڭ ”ءبىر بەلدەۋ، ءبىر جول“ قۇرىلىسىن اتقارۋدى ىلگەرىلەتۋ باسشىلىق گرۋپپاسى كەڭسەسى ”ءبىر وزەك، ەكى ءدالىز، ءۇش رايون“ كەڭىستىك ورنالاسىمىن تىعىز ارقاۋ ەتىپ، شاۋەشەك قالاسى مەن شينجياڭ ءوندىرىس - قۇرىلىس بيڭتۋانى 9 - شىسىنىڭ ءبىر ءبولىم تۋان - الاڭدارىنا سۇيەنىپ، باقتى وتكەلىن، شەكارا ەكونوميكالىق سەلبەستىك رايونىن دانەكەر ەتىپ، ”ءبىر وزەك“ قۇرىلىسىن بار كۇشپەن ىلگەرىلەتتى؛ قاتىناس نەگىزگى ءوسىن تىرەك ەتىپ، تارباعاتايدىڭ وڭتۇستىگى جانە تارباعاتايدىڭ سولتۇستىگى ەكونوميكالىق دالىزدەرىن سايكەستىرە دامىتۋ جونىندە ىزدەنىس جاساپ، ”ەكى ءدالىز“ سىندى جاڭا جۇلگەنى بەلسەنە قالىپتاستىردى؛ تارباعاتاي ايماعىنىڭ كاسىپ ەرەكشەلىگى مەن باسىمدىعىنا سۇيەنىپ، وسى زامانعى ەگىن، مال شارۋاشىلىعىن دامىتۋدان ۇلگى كورسەتۋ رايونىن، جاساۋ كاسىبىن جاڭالىق اشا دامىتۋدان ۇلگى كورسەتۋ رايونىن جانە ەكولوگيالىق مادەنيەت - ساياحاتتان ۇلگى كورسەتۋ رايونىن كۇش سالا قۇرىپ، ”ءۇش رايوننىڭ“ جاڭا جاعدايىن اشۋعا كۇش سالدى.
شينجياڭنىڭ ءىشى - سىرتىنداعى كاسىپورىنداردى تارباعاتايعا قارجى قوسىپ، شارۋاشىلىقتارىن شالقىتۋعا باۋراۋ ءۇشىن تارباعاتاي سىناق رايونى كوپ ءتۇرلى شارانى قاتار قولدانىپ، ساۋداگەر شاقىرىپ، قارجى ەنگىزۋدى مىقتى يگەردى. بيىل 3 - ايدان قازىرگە دەيىن تارباعاتاي سىناق رايونىندا 6 ميلليارد 370 ميلليون يۋان قارجى تياناقتاندى.
