تيانشان تورى
تيانشان تورى   ›   جاڭالىقتار   ›   شينجياڭ حابارلارى

الدىڭعى 3 ماۋسىمدا رايونىمىزدىڭ قالا - قالاشىقتارىندا 440 مىڭ 500 ادام تىڭنان جۇمىستاندى

تۇتاس جىلدىق نىسانا - مىندەت %95.8 ورىندالدى

  11 - ايدىڭ 1 - كۇنى ونسۋ اۋدانى نان كاسىپ باقشاسىندا قىزمەتكەرلەر نان دايىنداۋدا. جۋىقتا ونسۋ اۋدانىنداعى 1700 شارشى مەترلىك نان كاسىپ باقشاسى ىسكە قوسىلىپ، كۇنىنە ءار ءتۇرلى نان ونىمدەرىنەن 45 مىڭىن ءوندىرىپ، ينتەرنەت جەلىسىندە جانە جەلىدەن تىس تاسىلدەر ارقىلى بۇكىل ەلدىڭ جەر - جەرىنە ساتىپ، جەرگىلىكتى ورىنداعى 240 ادامنىڭ جۇمىستانۋىنا دەم بەردى.

□ سۋرەتتى يان شوۋلين تۇسىرگەن

  انار بۇلت / شينجياڭ گازەتىنىڭ ءتىلشىسى جاۋ شييا 11 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق ساناق مەكەمەسىنەن ۇعىسۋعا قاراعاندا، الدىڭعى 3 ماۋسىمدا رايونىمىزدىڭ قالا - قالاشىقتارىندا 440 مىڭ 500 ادام تىڭنان جۇمىستانىپ، تۇتاس جىلدىق نىسانا - مىندەت %95.8 ورىندالعان؛ جۇمىستانۋى قيىن بولعان 28 مىڭ 200 ادام جۇمىستاندىرىلعان؛ 9 - ايدىڭ سوڭىندا قالا - قالاشىقتاردا تىركەلگەن جۇمىسسىزدىق مولشەرى %2.49 بولىپ، 6 - ايدىڭ سوڭىنداعىدان 0.14 پايىز تومەندەگەن.

  بيىل جىل باسىنان بەرى رايونىمىز جۇمىستاندىرۋدى ورنىقتىرۋ مەن كەڭەيتۋدى نەگىزگى جەلى ەتىپ، جۇمىستاندىرۋدى كەڭەيتىپ حالىققا تيىمدىلىك جاساۋ ينجەنەرياسىن ءۇرتىس اتقارىپ، جۇمىستانۋ جولىن امالدىڭ بارىنشا اشتى، تۇتاس رايوندا جۇمىستانعانداردىڭ سانى ورنىقتى ۇلعايىپ، جۇمىستاندىرۋ قۇرىلىمى ءۇرتىس ساپالىلانىپ، جۇمىستاندىرۋ ساپاسى ورنىقتى جوعارىلادى.

  ءتۇيىندى قاۋىمنىڭ جۇمىستانۋىن، شارۋاشىلىق قۇرۋىن جەبەۋ ءۇشىن رايونىمىز جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋدى جۇمىستاندىرۋ قىزمەتىنىڭ كورنەكتى ورنىنا قويىپ، جۇمىستاندىرۋ ارناسىن جان - جاقتى، كوپ تاسىلمەن كەڭەيتتى. جوعارى مەكتەپتەردەن وقۋ تاۋىسقان وقۋشىلاردى نەگىزگى ساتىعا بارىپ جۇمىستانۋعا جەتەكتەپ جانە شابىتتاندىرىپ، جوعارى مەكتەپتەردەن وقۋ تاۋىسقان وقۋشىلارعا جۇمىستاندىرۋ ينفورماتسياسى بويىنشا قىزمەت وتەۋ تاسىلىندە، ادىسىندە جاڭالىق اشىپ، ۋيچات، ميكروبلوگ، قولتەلەفون APPى سياقتى تەحنيكالىق تاسىلدەردەن پايدالانىپ، قامداۋ مەن قاجەتسىنۋدى ۇشتاستىراتىن ءتۇرلى قيمىل ورىستەتىپ، قامداۋ مەن قاجەتسىنۋدىڭ دالمە - ءدال سايكەسۋىن جەبەپ، قىزمەت وتەۋ ونىمدىلىگىن جوعارىلاتىپ، جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋىن، شارۋاشىلىق قۇرۋىن كوپ ارنامەن، كوپ تاسىلمەن جەبەدى. جۇمىستانۋى قيىنعا سوققان ادامداردىڭ جۇمىستانۋىنا كومەكتەسۋدى بۇلتارتپاس مىندەت ەتۋگە تاباندى بولىپ، قيىنشىلىعى بار قاۋىمعا جۇمىستاندىرۋ بويىنشا كومەك كورسەتۋدى كۇشەيتىپ، جۇمىستاندىرۋ بويىنشا كومەكتەسۋ ساياساتىن ۇزدىكسىز كەمەلدەندىرىپ، جۇمىستانۋى قيىنعا سوققان ادامدار مەن بىردە - ءبىر ادامى جۇمىستانباعان وتباسىلارىنا ”بىرگە ءبىر“ كومەكتەسۋ - سۇيەمەلدەۋ جانە ”بىردە - ءبىر ادامى جۇمىستانباعان وتباسىلارىن“ يكەمدى اداقتاۋ قىزمەت مەحانيزمىن ۇدايىلاندىرا اتقاردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.