شينحۋا اگەنتتىگى كولەمدى شولۋ تاراتتى
«بوگەۋ بەرمەس تاريحي ۇدەرىس − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى وزگەرىس سيپاتتى امالياتقا جەتەكشىلىك ەتۋىنەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا نازار»
شينحۋا اگەنتتىگىنىڭ 11 - ايدىڭ 8 - كۇنى بەيجيڭنەن بەرگەن حابارى. شينحۋا اگەنتتىگى 11 - ايدىڭ 8 - كۇنى «بوگەۋ بەرمەس تاريحي ۇدەرىس − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى وزگەرىس سيپاتتى امالياتقا جەتەكشىلىك ەتۋىنەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا نازار» اتتى كولەمدى شولۋ تاراتتى.
ماقالادا بىلاي دەلىندى: تاريح اعىنى قاشاندا بۋىرقانا تولقىن اتىپ، العا جوڭكىلىپ وتىرادى.
2012 - جىلى 11 - ايدىڭ 15 - كۇنى پارتيا 18 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ ەندى عانا سايلانعان شي جينپيڭ جولداس جاڭا كەزەكتى ورتالىق كوميتەت ساياسي بيۋروسىنداعى تۇراقتى مۇشەلەردىڭ تىلشىلەرمەن كەزدەسۋى كەزىندە، جاڭا ايبىندى ساپاردىڭ وسىمەن باستالعاندىعىن سالتاناتپەن جاريالادى −
”ءبىزدىڭ جاۋاپكەرشىلىگىمىز بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، تاريحتىڭ ۇتىلامالى تاياقشاسىن جالعاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ۇزدىكسىز قۇلشىنا كۇرەس جاساۋ!“.
100 جىلدان بەرى جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ”قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن تايسالماس اسقاق جىگەر ارقىلى جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي ەپوستى جازدى.
100 جىلدىق تاريحي ەپوستا پارتيا 18 - قۇرىلتايىنان بەرگى وسى 9 جىل قانداي سالتاناتىمەن وزگەشەلەنەدى؟! ۇلتتىڭ گۇلدەنۋى جونىنەن قانداي تەرەڭ ماڭىز الادى؟!
ماقالادا مىنالار اتاپ كورسەتىلدى: بۇل جۇڭگوشا سوتسياليزم جاڭا داۋىرگە وتكەن 9 جىل بولدى − ەلىمىزدەگى قوعامدىق باستى قايشىلىقتا بۇرىلىس بولعان زور جاعدايدا شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا تاريحي ورىندى تياناق ەتىپ، دامۋ كەلەلى اۋقىمىن يگەرىپ، ءداۋىر اعىنىنا جەتەكشىلىك ەتىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ءبىر قىدىرۋ ءتول جاسامپازدىق يدەياعا، وزگەرىس سيپاتتى امالياتقا، بەلگى سيپاتتى تابىسقا قول جەتكىزىپ، جۇڭگوشا سوتسياليزم ىستەرىنىڭ جاڭا تاريحي كەزەڭگە ءوتۋىن ىلگەرىلەتتى.
بۇل ”قوس 100 جىلدىق“ كۇرەس نىساناسىنىڭ توعىسىنداعى 9 جىل بولدى − شي جينپيڭ جولداستى ۇيتقى ەتكەن پارتيا ورتالىق كوميتەتى ءجۇز ميلليونداعان حالىقتى باستاپ جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتتى، ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىردى ءارى ءتيىمدى جاعدايدان پايدالانىپ العا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، ەكىنشى 100 جىلدىق كۇرەس نىساناسىنا قاراي جورىق جاسادى. ۇلتتىڭ گۇلدەنۋى جەدەل ىلگەرىلەپ، قارقىنى قاباعات تەزدەدى.
بۇل وزىنە سەنگەن، ءوزىن الەۋەتتەندىرگەن، تۋراشىلدىقتى ساقتاپ، جاڭالىق اشقان 9 جىل بولدى − شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، تىڭ دا كەلەلى جەتىستىكتەرگە قول جەتكىزىپ، سونى ءارى باعالى تاجىريبەلەر توپتادى، پارتيا تىلەگى، ارميا تىلەگى، حالىق تىلەگى بۇرىن بولماعان دەڭگەيدە ۇيىسىپ، سەرپىلىپ، ەلىمىزدىڭ حالىقاراداعى ورنى كۇن سايىن بەكەمدەلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم مىعىم زاتتىق نەگىز، اناعۇرلىم ىرىقتى رۋحاني كۇش ازىرلەندى.
ماقالادا مىنالار اتاپ كورسەتىلدى: 9 جىلداعى كەرەمەت قيمىلدار مەن كەسەك وزگەرىستەر عاسىرلىق ۇلى ءىستى تۇلعالادى.
پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ اشىلۋى پارتيانىڭ 100 جىلدىق كۇرەسىندەگى كەلەلى تابىستار مەن تاريحي تاجىريبەلەر جونىندە قاۋلى شىعارادى. مىنە وسىنداي ەرەكشە تاريحي ساتتە وتكەنگە قايىرىلا قاراساق، 100 جىلدىق پارتيا تاريحىنداعى توڭكەرىستىڭ، قۇرىلىستىڭ، رەفورمانىڭ ”سىرگە جيارى“ اياقتالىپ، جاپپاي سوتسياليستىك وسىزاماندانعان مەملەكەت قۇرۋدىڭ ”باستاماسى“ باستالعاندىعىن اڭعارامىز.
اۋەلگى ماقساتتى ۇمىتپاي، ۇزدىكسىز العا تارتتى. جاڭا داۋىردەگى جۇڭگونىڭ جول نۇسقاۋشىسى بۇرىن بولماعان اسقاق باتىلدىقپەن جانە اسقاق ماقتانىش سەزىممەن دۇنيە جۇزىنە، بولاشاققا مىنانى جاريالادى:
”جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ ۇلى گۇلدەنۋدى جۇزەگە اسىرۋى بوگەۋ بەرمەس تاريحي ۇدەرىسكە قادام تاستادى!“.
ماقالا 6 بولىكتەن قۇرالدى: گۇلدەنۋگە جول نۇسقايتىن باسشىلىق كۇش شىڭداۋ؛ ەكونوميكالىق دامۋدىڭ جاڭا ارناسىن قايتا تۇلعالاۋ؛ ”جۇڭگونىڭ جونگە سالۋىنىڭ“ جاڭا باسىمدىعىن قايتا تۋىنداتۋ؛ جاڭا ءداۋىردىڭ رۋحاني تىرەگىن سومداۋ؛ تاعدىرلاستىقتىڭ جاڭا عاسىرىنا جەتەكشىلىك ەتۋ؛ ۇلى گۇلدەنۋدىڭ جاڭا تاراۋىن باستاۋ.
ماقالادا مىنالار اتاپ كورسەتىلدى: 100 جىلدىق تاريحتىڭ ىس - تۇتەگىنەن وتكەن ءار ۇرپاق جۇڭگو كوممۋنيستەرى اۋەلگى ماقساتىنان، بورىشىنان جازباي، الدىڭعىلاردىڭ ءىزىن سوڭعىلارى باسىپ، قاجىماي - تالماي كۇرەس جۇرگىزدى.
جاڭا جۇڭگو قۇرىلعان سوڭ، ماۋ زىدۇڭ جولداس نىق سەنىممەن جۇرتقا بىلاي دەپ جاريالادى: ”ءبىز اتا - بابالارىمىز ەجەلدەن ىستەپ كورمەگەن توتەنشە داڭقتى دا ۇلى ىستەردى ىستەپ وتىرمىز. ءبىز ماقساتىمىزعا، ءسوزسىز، جەتەمىز. ءبىز ماقساتىمىزعا، ءسوزسىز، جەتە الامىز“.
جاڭا ساپاردا باس شۋجي شي جينپيڭنىڭ مالىمدەمەسى اناعۇرلىم باتىل دا ايبىندى بولدى: ”جۇڭگو كوممۋنيستىك پارتياسىنىڭ پارمەندى باسشىلىعىندا، بۇكىل ەلدەگى ءار ۇلت حالقى تىعىز ىنتىماقتاسىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ نىساناسىن، ءسوز جوق، جۇزەگە اسىرادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن، ءسوز جوق، جۇزەگە اسىرادى!“.
