ۋاڭ جيجياڭ:
ساياحات + اۋىل شارۋاشىلىعى ارقىلى بايۋ جولىنا بىرگە تالپىنىس جاسادى
انار بۇلت / شينجياڭ گازەتىنىڭ ءتىلشىسى جاڭ تيڭ
”اۆتونوميالى رايوندىق 10 - رەتكى پارتيا قۇرىلتايى ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارۋدى العا قويدى. بۇل ءبىزدىڭ اۋىل - قىستاق ساياحاتىن دامىتۋعا بولعان سەنىمىمىزدى نىعايتتى“، - دەدى 10 - ايدىڭ 30 - كۇنى اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، جەمەنەي اۋدانى توستى اۋىلدىق پارتكومىنىڭ شۋجيى ۋاڭ جيجياڭ.
تاياۋ كۇندەردەن بەرى ۋاڭ جيجياڭ قىستاقتارعا بارىپ وتباسىلاردى ارالاپ، كادر - بۇقاراعا اۆتونوميالى رايوندىق 10 - رەتكى پارتيا قۇرىلتايىنىڭ رۋحى جونىندە ۇگىت لەكسيا جاسادى.
توستى اۋىلىنىڭ تاستى قىستاعىندا قىستاق تۇرعىنى پىڭ جينتاۋدىڭ وتباسىنداعىلار ءۇي اشەكەيلەۋمەن قاربالاس.
”قىستاعىمىز جەمەنەي اۋدانى ساحارا قويتاس كورىنىس وڭىرىنە وتە جاقىن، ساياحاتشىلار دا بىرتىندەپ كوبەيە ءتۇستى“. پىڭ جينتاۋ بىلاي دەدى: 2 جىلدىڭ الدىندا مەن تۇرعىن ءۇيىمىزدى حالىقتىق تۇسەلحاناعا اينالدىردىم، ساۋدام بارعان سايىن جاقساردى، بيىل مەن تاعى 3 بولمەلى ءۇيدى جاڭالادىم، قازىرگى ۋاقىتتا ءۇي ءىشىن اشەكەيلەپ جاتىرمىن.
سوڭعى جىلدارى توستى اۋىلى ساحارا قويتاس كورىنىس ءوڭىرىنىڭ وڭىرلىك ابزالدىلىعىنا سۇيەنىپ، تاستى قىستاعىن اۋىل - قىستاق ساياحاتىنان ۇلگى كورسەتەتىن قىستاق ەتىپ قۇرىپ شىقتى. قىستاق تۇرعىندارى حالىقتىق تۇسەلحانا اشۋمەن بىرگە، جەرگىلىكتى ەرەكشەلىككە يە ءبىر توپ شارۋالار شاتتىعى ساياجايىن، مالشىلار شاتتىعى ساياجايىن اشتى. 2019 - جىلى تاستى قىستاعى قىستاق ساياحات سەرىكتەستىگىن قۇرىپ، قىستاق تۇرعىندارىن ساياحات كاسىبىمەن شۇعىلدانۋعا جەتەكتەدى؛ 2020 - جىلى تاستى قىستاعى اۆتونوميالى رايوننىڭ اۋىل - قىستاق ساياحاتىنداعى ءتۇيىندى قىستاق تىزىمىنە ەنگىزىلدى؛ 2021 - جىلى تاستى قىستاعى مەملەكەت بويىنشا 3 - توپتاعى اۋىل - قىستاق ساياحاتىنداعى ءتۇيىندى قىستاق قاتارىنا قوسىلدى.
”ءبىز قىزمەت وتەۋ دەڭگەيىن جوعارىلاتۋعا تاباندى بولىپ، حالىقتىق تۇسەلحانانىڭ مادەنيەت فاكتورىن ارتتىرۋ جاعىنا كۇش سالىپ، سەيىل - سەرۋەن ساياحاتى، اس - سۋ، تۇسەلحانا سياقتىلار ءبىر تۇلعالاندىرىلعان ەرەكشە ساياحات كاسىپ سالاسى باقشا رايونىن قۇلشىنا قۇردىق“، - دەدى ۋاڭ جيجياڭ.
پىڭ جينتاۋدىڭ ۇيىنەن شىققان ۋاڭ جيجياڭ تاعى توستى اۋىلىنىڭ استىق پۋنكتىنە كەلدى، 2 ۇلكەن استىق قامباسى ءبيدايعا لىق تولىپتى. جەمەنەي اۋدانى جينسۇي ورگانيكالى اۋىل شارۋاشىلىعى كاسىپتىك سەلبەستىك كووپەراتيۆىنىڭ 10 مىڭ مۋدان استام جەرگە ەككەن ورگانيكالى ءبيداي تۇگەلدەي قامبالاندى.
”ءبىز ەككەن ورگانيكالى ءبيداي اتىزىندا ارام شوپتەردى وتاۋ جۇمىسى ماشينامەن وتاۋ مەن جاساندى جولمەن وتاۋدى ۇشتاستىرۋ ءتاسىلى ارقىلى جۇرگىزىلەدى، ءارقانداي اۋىل شارۋاشىلىق دارىلەرىن ىستەتپەيمىز“، وسى سەلبەستىك كووپەراتيۆىنىڭ جاۋاپتىسى رىن جياڭلين بىلاي دەدى: تابىس ءبولىسى، جەردى اينالىمعا سالۋ سياقتى تاسىلدەر ارقىلى سەلبەستىك كووپەراتيۆى تاعى توستى اۋىلىنداعى 392 شارۋا وتباسىن كىرىستەرىن ارتتىرۋعا جەتەكتەدى.
ۋاڭ جيجياڭ بىلاي دەدى: ”اۆتونوميالى رايوندىق 10 - رەتكى پارتيا قۇرىلتايىندا كىرىستى ارتتىرىپ، بايۋ ينجەنەرياسىن اتقارىپ، بىرگە بايۋدى جەبەۋ العا قويىلدى. بۇل ءبىزدىڭ الداعى جەردەگى دامۋىمىزعا ايقىن بەتالىس كورسەتتى، ءبىزدىڭ سەنىمىمىزدى دە بارىنشا ارتتىردى، جىگەرىمىزدى ۇشتادى“. ۋاڭ جيجياڭنىڭ ۇگىت لەكسياسىن تىڭداپ بولعاننان كەيىن رىن جياڭليننىڭ كوڭىلى قۋانىشقا تولدى.
توستى اۋىلى تيپتىك اۋىل شارۋاشىلىق اۋىل - قالاشىعى، تاياۋ جىلداردان بەرى جەمەنەي اۋدانى ورگانيكالى ءبيداي ەگۋدى بار كۇشپەن دامىتىپ، توستى اۋىلىن ەگىمشىلىك سىناق ءتۇيىنى ەتتى. توستى اۋىلى تۇتاس اۋىلدىڭ ورگانيكالى ءبيداي ەگىمشىلىگىن ىلگەرىلەتۋ ستراتەگيالىق نىساناسىن جاساپ، ”كاسىپورىن + سەلبەستىك كووپەراتيۆى + شارۋا وتباسى“ ۇلگىسىن قولدانىپ، ءبىر تۇتاس جوبالاۋ، ءبىر تۇتاس ەگۋ، ءبىر تۇتاس باسقارۋ، ءبىر تۇتاس جيناپ الۋ جانە ءبىر تۇتاس كۋالاندىرۋ سياقتى ”بەس ءبىر تۇتاس“ باسقارۋ ۇلگىسىن اتقاردى. كەزەكتە تۇتاس اۋىلدا ورگانيكالى ءبيدايدىڭ ەگىلگەن اۋماعى 10 مىڭ 70 مۋعا جەتتى.
ۋاڭ جيجياڭ بىلاي دەدى: كەزەكتەگى ماڭىزدى قىزمەت اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ويداعىداي ۇيرەنىپ، ۇگىتتەپ، ويداعىداي دايەكتىلەندىرىپ، تياناقتاندىرىپ، ءار ۇلت بۇقاراسىن اۋىل شارۋاشىلىعىنا تيىمدىلىك جاساۋ، حالىققا تيىمدىلىك جاساۋ ساياساتىنان اناعۇرلىم ويداعىداي يگىلىكتەندىرۋ. الداعى جەردە توستى اۋىلى ساياحات كاسىپ سالاسىن دامىتۋدى ارقاۋ ەتىپ، اۋدان كولەمىندەگى ەكونوميكا قوسالقى ورتالىعىن، جىلقى شارۋاشىلىعىن كوزدەن كەشىرۋ ورتالىعىن جانە ءوز كولىگىمەن ساياحاتتاۋشىلار لاگەرى ورتالىعىن سالادى. سونىمەن بىرگە جاسىل ورگانيكالى ەگىنشىلىك كاسىبىن جانە وسى زامانعى ەگىنشىلىك ءوڭىرى مال شارۋاشىلىعىن دامىتادى.
