تاۋ يۇڭشىڭ:
قىزمەت مىندەتىن ادالدىقپەن اتقارىپ، تىنىشتىقتى قورعادى
انار بۇلت / شينجياڭ گازەتىنىڭ ءتىلشىسى حان چين − يان
”ومىرلىك ادالدىعىممەن، سىزدەردىڭ شالقىعان زامانداعى تىنىشتىقتارىڭىزدى قورعاۋعا پەيىلمىن“ دەيتىن شەكسىز ادالدىقتى ۇستانىپ، 20 نەشە جىل ساقشى بولعان، قاشقار قالالىق قوعام حاۋىپسىزدىگى مەكەمەسى نازارباق ساقشى بولىمشەسىنىڭ جەتەكشىسى تاۋ يۇڭشىڭ قوعام حاۋىپسىزدىگى ىستەرىنە ادال بولىپ، ورنىقتىلىقتى قورعاۋداعى ”قاتاڭدىعى“ جانە بۇقاراعا قىزمەت وتەۋدەگى ”مەيىرىمدىلىگى“ ارقىلى سان مىڭ وتباسىنىڭ تىنىشتىعىن قورعاۋ جاۋاپكەرشىلىگىن ادالدىقپەن اتقارىپ، حالىق بۇقاراسىنىڭ جان اشىرىنا اينالدى.
”باس شۋجي شي جينپيڭنىڭ تاپسىرماسى قاي - قاشان دا ءبىزدى ءتۇرلى قىزمەتتەردى جاقسى ىستەۋگە قۇلشىنىپ، ورنىقتىلىقتى، جاراسىمدىلىقتى قورعاپ، ءار ۇلت بۇقاراسىنا قىزمەت وتەۋگە جىگەرلەندىرىپ كەلەدى“. 2014 - جىلى 4 - ايدىڭ 28 - كۇنى باس شۋجي شي جينپيڭ قاشقار قالالىق قوعام حاۋىپسىزدىگى مەكەمەسى نازارباق ساقشى بولىمشەسىندە حالىق ساقشىلارىمەن ىقىلاسپەن قول الىسقان كورىنىستى ەسكە العان تاۋ يۇڭشىڭنىڭ كوڭىلى كولدەي تولقىدى.
نازارباق ساقشى بولىمشەسى قالا مەن اۋىلدىڭ تۇيىلىسكەن جەرىندە جىلجىمالى جان سانى ءبىرشاما كوپ، اماندىق ساقتاۋ ورتاسى كۇردەلى. تاۋ يۇڭشىڭ باستان - اياق شىنايى سۇيىسپەنشىلىك جانە ناقتى ىستەۋ ارقىلى ”حالىق ءۇشىن قىزمەت ىستەۋ“ اۋەلگى ماقساتىن امالياتتا ايگىلەپ، مەيلى قىزمەتى قانشا قاربالاس بولسا دا، بۇقارانى ارالاپ، جۇرەك سوزدەرىن تىڭداپ، قيىنشىلىقتارىن شەشۋدى ۇمىتپادى. ول ەڭبەكاقىسىمەن قيىنشىلىعى بار بۇقاراعا كۇرىش، ۇن، ماي ساتىپ الىپ بەرىپ، قاراستى اۋماقتاعى مەكەمە - ورىندارمەن تىلدەسىپ بۇقاراعا كومەكتەسىپ جۇمىستانۋ ورنىن ىزدەستىردى، مەكتەپتەگى وقىتۋشىلارمەن بايلانىس جاساپ، وتباسىندا قيىنشىلىعى بار وقۋشىلاردىڭ تۇرمىستاعى قيىنشىلىعىن بىرگە شەشتى.
2020 - جىلدىڭ باسىندا توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا تاۋ يۇڭشىڭ ىرىقتىلىقپەن شايقاسقا سۇرانىپ، بۇكىل بولىمشەدەگى ادامداردى ۇيىمداستىرىپ پارتيا مۇشەلەرى اتويشىلار قوسىنىن، جاستار ەكپىندىلەر قوسىنىن قۇرىپ، تۇرعىندار شاعىن اۋماعىنا جانە مەكەمە - ورىندارعا بارىپ بۇقارا ءۇشىن قىزمەت وتەدى.
2020 - جىلى 4 - ايدىڭ 22 - كۇنى كەشتە قاشقار قالاسىنا توسىننان نوسەر، بۇرشاق جاۋىپ، قىسقا ۋاقىتتاعى كۇشتى جاڭبىردان قاراستى اۋماقتاعى جولدارعا سۋ جينالىپ قالدى. تاۋ يۇڭشىڭ حالىق ساقشىلارىن باستاپ سۋ ەڭ اۋىر جينالعان جەرگە كەلىپ، بالاقتارىن ءتۇرىپ جينالعان سۋدى تازالاپ، اپاتقا ۇشىراعان بۇقارا مەن زاتتاردى كوشىرۋگە كومەكتەستى. ءۇرتىس 4 ساعات شايقاس جاساعان حالىق ساقشىلارى كيىمدەرى شىلقا سۋ بولىپ، توڭىپ، قالجىراپ كەتسە دە، تيتتەي دە شەگىنشەكتەمەدى.
ارتىنان تاۋ يۇڭشىڭ تاعى قىزمەتتەستەرىمەن بىرگە ۇلكەن - كىشى كوشەلەردى ءبىر - بىرلەپ تەكسەرىپ، داۋالداردىڭ قۇلاعان - قۇلاماعاندىعىن، جارىلعان - جارىلماعاندىعىن تەكسەرىپ شىقتى...
”پارتيا مۇشەسى بولعان سوڭ قىزمەتتە اتويلاپ الدا ءجۇرۋ كەرەك“، - دەيدى تاۋ يۇڭشىڭ.
نازارباق ساقشى بولىمشەسى كۇندەلىكتى ماشىقتى ناقتى سوعىس ولشەمى بويىنشا جۇرگىزەدى، 45 جاستاعى تاۋ يۇڭشىڭنىڭ دەنە ساپاسى ساقشى بولىمشەسىندەگى جاس جىگىتتەردەن ەشقانداي كەم سوقپايتىن. 2020 - جىلى قاشقار قالالىق قوعام حاۋىپسىزدىگى مەكەمەسى ۇيىمداستىرعان بۇكىل ساقشىلاردىڭ ناقتى سوعىستىق قاۋىرت اسكەري جاتتىقتىرۋ قيمىلىندا، ول ساقشى بولىمشەسىندەگى حالىق ساقشىلارىن باستاپ توپتىق ءبىرىنشى، 2 جەكە تۇردەن ءبىرىنشى بولۋداي ناتيجەگە قول جەتكىزدى، ءوزى 5 جارىس ءتۇرىنىڭ بارلىعىنا قالماي قاتىناستى.
”ءوزىم جاستارعا ونەگە كورسەتىپ، ولارعا ءار رەتكى سىن - سايىستا ەڭ الدىمەن وزدەرىڭدى وزدەرىڭ جەڭىڭدەر دەگىم كەلەدى“. تاۋ يۇڭشىڭنىڭ جەتەكشىلىگىندە، 2020 - جىلى 7 - ايدا نازارباق ساقشى بولىمشەسى قوعام حاۋىپسىزدىگى مينيسترلىگى جاعىنان ”مەملەكەتتىك قوعام حاۋىپسىزدىگى ورگانىنداعى بۇكىل ساقشىلاردىڭ ناقتى سوعىستىق قاۋىرت اسكەري جاتتىقتىرۋىنداعى ۇلگىلى كوللەكتيۆ“ بولىپ باعالاندى.
قاراستى اۋماقتا اماندىق ساقتاۋ دەلوسى زور مولشەردە تومەندەپ، قىلمىستىق ىستەر دەلوسى تۋىلماي، داۋ - شار ءبىر - بىردەن شەشىلدى... نازارباق ساقشى بولىمشەسى قىزمەتتى تىڭعىلىقتى ورىستەتىپ، كورنەكتى ناتيجە كورسەتكىشىن تاپسىردى. جۋىق جىلداردان بەرى وسى ساقشى بولىمشەسى ىلگەرىندى - كەيىندى ءبىر رەت كوللەكتيۆ 2 - دارەجەلى ەڭبەك، 4 رەت كوللەكتيۆ 3 - دارەجەلى ەڭبەك كورسەتتى.
