ۋاڭ جيانفىڭ:
ەرەكشە، ابزال كاسىپ سالاسىن زورايتتى، كۇشەيتتى
انار بۇلت / شينجياڭ گازەتىنىڭ ءتىلشىسى جازيرا نەسىپپەك
”ەرەكشە ەگىمشىلىك قارابۋرا قالاشىعىنىڭ ەرەكشە، ابزال كاسىپ سالاسى، قارابۋرا قالاشىعىنىڭ 9600 مۋدان استام جەردەگى الماسى، 500 مۋدان استام جەردەگى شاپتولى ’ەكى ءونىم، ءبىر بەلگى‘ كۋالىگىن الدى. بيىل قارابۋرا قىستاعى تاعى 1000 مۋ جەرگە داماسكى روزا گۇلىن ەكتى، ءبىز ءتۇرلى بايلىق قاينارلارىن بىرىكتىرىپ، 1 -، 2 -، 3 - كاسىپتەردىڭ توعىسپالى دامۋىن جەبەيمىز“، - دەدى 11 - ايدىڭ 2 - كۇنى اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، كۇنەس اۋدانىنىڭ ورىنباسار اكىمى، قارابۋرا قالاشىعى پارتكومىنىڭ شۋجيى ۋاڭ جيانفىڭ قارابۋرا قىستاعى مەن كەمە اۋزى قىستاعىندا ۇگىت لەكسيا جاساعاندا، قارابۋرا قالاشىعىنىڭ كاسىپ سالاسىن دامىتۋ بەتالىسىن تىلگە تيەك ەتتى.
ۋاڭ جيانفىڭ اۆتونوميالى رايوندىق 10 - رەتكى پارتيا قۇرىلتايىنا قاتىناسىپ قايتىپ بارا سالىسىمەن دامىل تاپپاي كاسىپورىندارعا، سەلبەستىك كووپەراتيۆتەرىنە، اتىز باسىنا بارىپ، ءار ۇلت بۇقاراسىنا پارتيا قۇرىلتايىنىڭ رۋحى جونىندە قاراپايىم دا ۇعىنىقتى تىلمەن ۇگىت لەكسيا جاسادى.
”ءبىز قارابۋرا قالاشىعى جەمىس - جيدەك كورمەلەۋ - ساتۋ ورتالىعىن دانەكەر ەتىپ، ەرەكشە جەمىس - جيدەكتەردىڭ، روزا گۇلىنىڭ جىنتىكتەي مانەرلەنگەن ونىمدەرىن، ت.ب شىعارىپ، قاتىناس، اس - سۋ، كوڭىل اشۋ، زات ساتىپ الۋ سياقتى قىزمەت وتەۋدى سايكەستى، ويداعىداي ىستەپ، ساياحات ارقىلى حالىقتى بايىتۋ جولىمەن ءجۇرۋىمىز كەرەك“، - دەدى ۋاڭ جيانفىڭ.
ۋاڭ جيانفىڭنىڭ ۇگىت لەكسياسى كەمە اۋزى قىستاعىنداعى جەمىسشى زىڭ شيانۋىننىڭ جەمىس ورمانى شارۋاشىلىعىن دامىتۋ سەنىمىن تاسقىنداتتى. ”وسى بىرنەشە جىلدا، مەن ولشەمدەنگەن، عىلميلانعان ەگىمشىلىككە تاباندى بولىپ كەلەمىن. بيىل الما باعىمنان مول ءونىم الدىم، المانىڭ جەمىس ءپىشىنى، قانت مولشەرى، رەڭى سياقتىلاردىڭ بارلىعى ساتىپ الۋشى ساۋداگەرلەردىڭ تالابىنا ۇيلەستى، الما سوناۋ الىستاعى جياڭسۋ ولكەسىنىڭ ياڭجوۋ قالاسىنا دا ساتىلدى. كەلەسى قادامدا، مەن ساپالى جەمىس - جيدەك ەگۋ جونىندە ۇزدىكسىز ىزدەنىس جاسايمىن“، - دەدى زىڭ شيانۋىن.
قارابۋرا قىستاعىنىڭ داماسكى روزا باعى بۇرىن شولەيتتەنگەن جايلىم بولاتىن. بيىل قارابۋرا قالاشىعى ساۋداگەر شاقىرىپ، قارجى ەنگىزۋ ارقىلى شينجياڭ نۇڭچۇنيۋان اۋىل شارۋاشىلىق تەحنيكاسىن دامىتۋ شەكتى سەرىكتەستىگىنىڭ داماسكى روزا گۇلىن ەگۋ نىسانىن ەنگىزىپ، وسى قۇنارسىز جەردى التىنعا اينالدىردى.
” قارابۋرا قىستاعى وسى نىساندى ارقاۋ ەتىپ، جايلىمدى اينالىمعا سالۋ، زاۆود ۇيلەرىن جالعا بەرۋ سياقتى فورمالار ارقىلى قىستاق كوللەكتيۆىنىڭ ءار جىلدىق ارتقان كىرىسىن 230 مىڭ يۋانعا جەتكىزدى. سوڭعى مەرزىمدىك نىسان تابىس بولىسىندە قىستاق كوللەكتيۆىنىڭ ءار جىلدىق ارتقان كىرىسى 450 مىڭ يۋاننان اسادى. مۇنان سىرت، قىستاقتاعى 10 وتباسى تۇرعىنىنىڭ جايلىمدى اينالىمعا سالۋ ارقىلى جىلىنا ارتقان كىرىسى 20 مىڭ يۋاننان استى. روزا گۇلىن ەگۋ، باسقارۋ، ءوندىرۋ سياقتى بۋىندار تاعى دا ءبىر توپ قىستاق تۇرعىنىنىڭ جۇمىسقا ورنالاسىپ، كىرىسىن ارتتىرۋىنا تۇرتكى بولدى“، - دەدى قارابۋرا قىستاعى پارتيا ياچەيكاسىنىڭ شۋجيى ۋ جانجىڭ.
”اۆتونوميالى رايوندىق 10 - رەتكى پارتيا قۇرىلتايىندا مۇناي، مۇناي حيميا، كومىر، كومىر حيميا ونەركاسىبى، ەلەكتر قۋاتى، توقىماشىلىق، كيىم - كەشەك، ەلەكتروندىق ونىمدەر، جەمىس ورمانى، اۋىل شارۋاشىلىق قوسىمشا ونىمدەرىن مانەرلەۋ، نان، ءجۇزىم شارابى، ساياحات سياقتى ’10 ءىرى كاسىپ سالاسىن‘ ءتۇيىندى تۇردە ويداعىداي يگەرۋ العا قويىلدى. كەلەسى قادامدا ءبىز ’ءبىر قىستاقتا ءبىر ءونىم بولۋدى‘ ارقاۋ ەتىپ، ساياساتتان ويداعىداي پايدالانىپ، قارابۋرا قالاشىعىنىڭ ەرەكشە ەگىمشىلىگىن زورايتىپ، كۇشەيتىپ، ءتىپتى دە كوپ قىستاق تۇرعىندارىن كىرىستى ارتتىرىپ، بايۋعا باستايمىز“، - دەدى ۋاڭ جيانفىڭ.
