قىزىلسۋ وبلىسى:
”3 پەن تولىق قامتىپ“، حالىق تۇرمىسىنا ساياتىن ناقتى ىستەردى ويداعىداي ىستەدى
انار بۇلت / شينجياڭ گازەتىنىڭ قىزىلسۋ وبلىسىنداعى تىلشىلەر پۋنكتىنەن ياڭ پىڭ
”ۇيىڭىزدە تاعى نەندەي قيىنشىلىق بار؟ شەشۋگە كومەكتەسەيىك“. 10 - ايدىڭ 26 - كۇنى قىزىلسۋ قىرعىز اۆتونوميالى وبلىستىق پارتكوم ساياسي - زاڭ كوميتەتىنىڭ اتۇش قالاسى اعۋ اۋىلى العا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي چين يىڭران قىستاق تۇرعىنى تۇرسۇنجان اباقتىڭ ۇيىنە بارىپ، ونىڭ تالاپ - تىلەگىن ۇعىستى.
بيىل 5 - ايدا تۇرسۇنجاننىڭ ايەلى ناۋقاستانىپ شيپاحاناعا جاتىپ، وتباسىنا اۋىر سالماق تۇسەدى. چين يىڭران بۇل جاعدايدان حابار تاپقاننان كەيىن تىزگىن ۇشىمەن ونىڭ شيپاحاناعا جاتۋ قاراجاتىن توپتاۋىنا كومەكتەسىپ تۇرسۇنجاندى ۋايىمنان ارىلتتى.
پارتيا تاريحىن ۇيرەنۋ تاربيەسى ورىستەتىلگەننەن بەرى قىزىلسۋ وبلىسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىمەن ۇشتاستىرىپ، تەكسەرۋ - زەرتتەۋ، جاعداي ۇعىسۋمەن تولىق قامتۋ، ەرىكتى قىزمەت وتەۋمەن تولىق قامتۋ، قوعامدىق ات سالىسۋمەن تولىق قامتۋ قيمىلىن ىشكەرىلەي ورىستەتىپ، حالىق تۇرمىسىنا ساياتىن ناقتى ىستەردى بار كۇشپەن ويداعىداي ىستەدى. بۇكىل وبلىستاعى ءار دارەجەلى پارتيا ۇيىمدارى، ورىندار، قالىڭ پارتيا مۇشەلەرى، كادرلار جۇمىستاندىرۋ، كىرىستى ارتتىرۋ سياقتى 10 ءتۇرلى حالىققا تيىمدىلىك جاساۋ ينجەنەرياسىن تىعىز ارقاۋ ەتىپ، بۇقارانىڭ ءىسىن كوكەيدە ساقتاپ، ارەكەتتە تياناقتاندىردى. اسىرەسە، نەگىزگى ساتىنىڭ ءبىرىنشى شەبىندە ءىس جۇزىندىك جاعدايدى تياناق ەتىپ، ءتاسىلدى، ءادىستى جاڭالاپ، كوپ ءتۇرلى شارامەن ەگىنشى - مالشىلاردى يگىلىككە كەنەلتۋگە ۇمتىلىپ، ولارعا ناقتى ىستەر ىستەدى.
10 - ايدىڭ 23 - كۇنى اتۇش قالاسى ءۇستىن اتۇش قالاشىعىنىڭ جاڭعاق ەگىمشىلىگى ۇلگى رايونىندا وسى قالاشىقتىڭ لاڭگار قىستاعىنىڭ تۇرعىنى جاروللا ءومار جاڭعاق ۇيىندىسىنەن ساپالى جاڭعاقتاردى تاڭداپ دورباعا سالماقشى بولىپ جاتتى. لاڭگار كۇن نۇرىنىڭ ءتۇسۋى جاقسى، جاڭعاق ەگۋگە لايىق قىستاق ەدى، وعان قوسا اۋدانداعى اۋىل شارۋاشىلىق تەحنيكتەرى ۇنەمى ۇيگە كەلىپ، عىلمي ەگۋ تەحنيكاسىن ۇيرەتكەندىكتەن، بيىل جاروللا وتباسى ەككەن جاڭعاقتىڭ ءوسۋى بۇرىنعى جىلدارداعىدان جاقسى بولدى.
”اۋىل شارۋاشىلىعى تەحنيكتەرىنىڭ جەتەكشىلىك ەتۋى ارقىلى بيىل وتباسىمىزدىڭ 7 مۋلىق جاڭعاق باعىنىڭ مۋ باسىندىق ءونىم مولشەرى كوپتەپ ارتتى، كەلەر جىلعى ءونىم مولشەرىنىڭ مۇنان دا جوعارى بولاتىندىعىنا سەنەمىن“. جاروللا كىرىستى ارتتىرۋعا تولىق سەنىم ارتىپ وتىر.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلىمەن ۇشتاستىرىپ، ءۇستىن اتۇش قالاشىعى ءوز جەرىنىڭ ءىس جۇزىندىك جاعدايىن شىعار ءتۇيىن ەتىپ، قىستاقتاردىڭ كاسىپ سالاسىنىڭ ورنالاسىم ەرەكشەلىگىنە ساي، بارلىق ماۋسىمدا تەرۋ ۇلگى رايونى، جۇپار ساڭىراۋقۇلاق ەگىمشىلىگى ۇلگى رايونى، كوكونىس ەگىمشىلىگى ۇلگى رايونى، جاڭعاق ەگىمشىلىگى ۇلگى رايونى سىندى 4 كاسىپ سالاسى ۇلگى رايونىن بار كۇشپەن تۇلعالاپ، قىستاق تۇرعىندارىن وتباسىنان شىعىپ، زاۆودتارعا بارىپ، جاقىن ماڭدا، ءوز جەرىندە جۇمىستانۋعا جەتەلەپ، عىلمي ەگۋ، پارىقتاندىرا ەگۋ ارقىلى جەرگىلىكتى ەگىنشى - مالشىلاردىڭ كىرىستى ارتتىرۋىنا كومەكتەستى. قازىر ءۇستىن اتۇش قالاشىعىنىڭ 4 كاسىپ سالاسى ۇلگى رايونى سول جەردەگى 200دەن استام ادامدى جۇمىسقا ورنالاستىردى.
10 - ايدىڭ 25 - كۇنى اقشي اۋداندىق بازار باقىلاۋ - باسقارۋ مەكەمەسى اۋداندىق پارتكوم كەڭسەسىمەن بىرلەسىپ، ءوز مەكەمەسىندەگى پارتيا مۇشەلەرى ەرىكتىلەردى ۇيىمداستىرىپ، اقشي قالاشىعى ۇش قىستاعىنىڭ اتىز باسىنا بارىپ، قىستاقتاعى مۇگەدەك تۇرعىنداردىڭ جۇگەرى جيناۋىنا كومەكتەستى. جۇگەرى اتىزىندا ەرىكتىلەر كوپتەگەن گرۋپپاعا ءبولىنىپ، كوپشىلىك بىلەك سىبانىپ، دوربالارىن الا بىرەۋلەرى تاسىسا، بىرەۋلەرى سالىپ دەگەندەي، كۇش - قايراتى تاسقىنداپ، پارتيا مۇشەلەرىنىڭ اۆانگاردتىق، ۇلگىلىك رولىن تولىق ساۋلەلەندىردى.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلى ورىستەتلگەننەن بەرى قىزىلسۋ وبلىسى بۇقاراعا جيىنى 664 ناقتى ءىس، يگى ءىس ىستەپ، 15 مىڭنان استام رەت ەرىكتى قىزمەت وتەۋ قيمىلىن ورىستەتتى. سونىمەن بىرگە 1300 ايەلگە ”انالار پوچتا سالەمدەمەسىن“ تاراتتى، الەۋمەتتىك اۆتوتۇراقتى جاڭادان سالۋعا جانە جاڭالاۋعا، كەڭەيتىپ سالۋعا 133 ميلليون يۋان قارجى قوستى، 175 مەكتەپتە وقۋشىلاردىڭ قورەكتىگىن جاقسارتۋ جوسپارىن اتقارىپ، قيىنشىلىعى بار بۇقاراعا 7 ميلليون 800 مىڭ يۋاننان استام ۋاقىتشا قۇتقارۋ - كومەكتەسۋ قاراجاتىن تاراتتى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
