انار بۇلت / شينجياڭ گازەتىنىڭ ءتىلشىسى شيە حۇيبيان 11 - ايدىڭ 10 - كۇنى ۇرىمجىدەن حابارلايدى. تاياۋدا اۆتونوميالى رايوندىق حالىق ۇكىمەتى «شينجياڭ ۇيعۇر اۆتونوميالى رايونىنىڭ عىلىم - تەحنيكادا جاڭالىق اشۋ ”14 - بەسجىلدىق“ جوباسىن» (تومەندە قىسقارتىلىپ «جوبا» دەلىنەدى) باسىپ تاراتتى. «جوبا» عىلىم - تەحنيكادا جاڭالىق اشا دامۋدىڭ جاڭا نىساناسىن ايقىن بەلگىلەۋ، اشىق ءارى سەلبەستىك جاسايتىن وڭىرلىك جاڭالىق اشۋ ارناسىن قالىپتاستىرۋ، جوعارى ساپالى دامۋعا بەت العان عىلىم - تەحنيكادا جاڭالىق اشۋدى كۇشەيتۋ، عىلىم - تەحنيكادا جاڭالىق اشۋدىڭ نەگىزدىك قابىلەتىن بەكەمدەۋ، جاڭالىق اشۋ، شارۋاشىلىق قۇرۋ، جاراتۋ ەكولوگياسىن ساپالىلاندىرۋ، جوبانى اقاۋسىزداندىرىپ، قامتاماسىز ەتۋ مەحانيزمىن اتقارۋ سياقتى 6 جاقتان الداعى 5 جىلداعى رايونىمىزدىڭ عىلىم - تەحنيكادا جاڭالىق اشا دامۋىنىڭ باعدار كارتاسىن جاسادى.
«جوبادا» مىنالار ايقىندالدى: رايونىمىز جاڭالىق اشۋ ارقىلى دامۋعا دەم بەرۋ ستراتەگياسىن جانە دارىندىلار ارقىلى رايوندى قۇدىرەتتەندىرۋ ستراتەگياسىن ىشكەرىلەي اتقارىپ، جوعارى ءونىمدى جاڭالىق اشۋ جۇيەسى ارقىلى جاڭالىق اشۋ سيپاتىنداعى شينجياڭ قۇرىلىسىنا تىرەك ازىرلەيدى. 2025 - جىلعا بارعاندا شينجياڭنىڭ عىلىم - تەحنيكاداعى ناقتى كۇشى مەن جاڭالىق اشۋ قابىلەتى ءونىمدى جوعارىلاپ، عىلىم - تەحنيكانىڭ وسى زامانعى كاسىپ سالاسىنىڭ دامۋىنا بولعان تىرەكتىلىك، جەتەكشىلىك قابىلەتى كورنەكتى جوعارىلاپ، حالىق تۇرمىسىنىڭ ىرىس - قۇتىنا قىزمەت وتەۋ، قامتاماسىز ەتۋ قابىلەتى اناعۇرلىم كورنەكتىلەنىپ، جىبەك جولى ەكونوميكالىق بەلدەۋى وڭىرىندە عىلىم - تەحنيكادا جاڭالىق اشۋدىڭ بيىك بەلەسىن قۇرۋ بەلسەندى ونىمدىلىككە قول جەتكىزەدى. تۇتاس قوعامداعى زەرتتەۋ مەن سىناق رەتىندە دامۋعا بەرىلەتىن قاراجات ۇسىنىلىمى جىلىنا ورتا ەسەپپەن ％7تىڭ ۇستىندە ارتتىرىلادى، قازىنادان عىلىم - تەحنيكاعا بەرىلەتىن ۇسىنىلىم تەبىنى ۇزدىكسىز ارتتىرىلادى، نەگىزدىك زەرتتەۋ شىعىسىنىڭ تۇتاس قوعامداعى زەرتتەۋ مەن سىناق رەتىندە دامۋ شىعىسىنداعى ۇستايتىن ارا سالماعى ％10تەن تومەن بولمايدى، ءار 10 مىڭ جۇمىستانۋشىنىڭ اراسىندا زەرتتەۋ - اشۋ قىزمەتكەرلەرىنىڭ سانى جىلىنا 11.73 ادامعا جەتكىزىلەدى.
«جوبادا» مىنالار ورتاعا قويىلدى: وڭىرلىك عىلىم - تەحنيكادا جاڭالىق اشۋدىڭ جاڭا قوزعاۋشى كۇشى تۇلعالانىپ، ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونىنىڭ جانە جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونىنىڭ ۇلگىلىك، جەتەكشىلىك رولى ساۋلەلەندىرىلىپ، جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋى قۋاتتى قوزعاۋشى كۇشپەن قامتاماسىز ەتىلەدى. وڭتۇستىك، سولتۇستىك شينجياڭ عىلىم - تەحنيكادا جاڭالىق اشۋ تورى جايعاستىرىلىپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسى جاپپاي دەمەلىپ، جىبەك جولى ەكونوميكالىق بەلدەۋى وزەكتى رايون قۇرىلىسى مەن باتىسقا ەسىك اشۋ جالپى تۇلعالىق ورنالاسىمىنا جان - جاقتى قىزمەت كورسەتىلەدى. ”ءبىر بەلدەۋ، ءبىر جول“ اشىق سەلبەستىك كەڭىستىگى كەڭەيتىلىپ، شينجياڭنىڭ وڭىرلىك ورىن باسىمدىعى ساۋلەلەندىرىلىپ، حالىقارالىق، ەل ءىشى جاڭالىق اشۋ تورىمەن بەلسەندى توعىستىرىلىپ، سەلبەستىك جاساۋ، اۋىس - كۇيىس جاساۋ دانەكەرى بايىتىلىپ، سەلبەستىك جاساۋ، اۋىس - كۇيىس جاساۋ دەڭگەيى جوعارىلاتىلىپ، جاڭالىق اشۋ، اشىق ۇستاۋ سەلبەستىگىنىڭ جالپى تۇلعالىق ونىمدىلىگى كۇشەيتىلەدى.
«جوبادا» جوعارى ساپالى دامۋعا بەت العان عىلىم - تەحنيكادا جاڭالىق اشۋدى كۇشەيتۋدى ارقاۋ ەتە وتىرىپ، 10 ءىرى ەرەكشە باسىمدىققا يە كاسىپ سالاسى مەن ستراتەگيالىق جاڭادان گۇلدەنگەن كاسىپ سالاسىنا تىرەك بولاتىن تەحنيكا جۇيەسىن اقاۋسىزداندىرىپ، حالىقتىڭ تاماشا تۇرمىسى مەن قوعامنىڭ جاراسىمدىلىعىن، دامۋىن قامتاماسىز ەتەتىن تەحنيكا جۇيەسىن اقاۋسىزداندىرىپ، اۋىل شارۋاشىلىعىنىڭ ساپاسىن، ونىمدىلىگىن جوعارىلاتۋدى جانە اۋىل - قىستاقتى گۇلدەندىرۋدى، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن ءوسىرۋدى ىلگەرىلەتۋدى، وسى زامانعى قىزمەت وتەۋ كاسىپ سالاسىنىڭ دامۋىن جەدەلدەتۋدى، سونداي - اق كورىكتى شينجياڭ، سالاماتتى شينجياڭ، تىنىش شينجياڭ جانە جاڭاشا قالا - قالاشىقتاندىرۋ قۇرىلىسىن عىلىم - تەحنيكالىق تىرەكپەن قامداۋ ورتاعا قويىلدى.
«جوبادا» ءتۇيىندى سالاداعى نەگىزدىك زەرتتەۋدى كۇشەيتۋ ايقىندالىپ، جاڭالىق اشۋ تۇعىرى، جاڭالىق اشۋ دارىندىلارى، جاڭالىق اشۋ تۇلعاسى، نەگىزگى ساتىنىڭ جاڭالىق اشۋ قابىلەتى سياقتىلاردىڭ تىرەك قامتاماسىزدىعىن ۇزدىكسىز كۇشەيتىپ، عىلمي زەرتتەۋ مەكەمە - ورىندارىنىڭ جانە جوعارى مەكتەپتەردىڭ عىلىم - تەحنيكادا جاڭالىق اشۋ قابىلەتىن جوعارىلاتىپ، باستاماشى كاسىپورىندار جەتەكشى بولاتىن جاڭالىق اشۋ بىرلەسكەن تۇلعاسىن تۇلعالاپ، ورتاق سيپاتقا يە تەحنيكالىق قامداۋ جۇيەسىن دامىتىپ، شينجياڭدى باياندى كوركەيتۋدىڭ جاڭالىق اشۋ نەگىزىن بەكەمدەۋ ورتاعا قويىلدى.
