تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى بەيجيڭدە وتكىزىلدى

  جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى بەيجيڭدە وتكىزىلدى

  ورتالىق كوميتەت ساياسي بيۋروسى ءماجىلىستى باسقاردى، ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى

  جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى

  جالپى ءماجىلىس «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلدادى، «پارتيانىڭ مەملەكەتتىك 20 - قۇرىلتايىن اشۋ تۋرالى قارارىن» قاراپ ماقۇلدادى. شي جينپيڭ «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى (تالقى نۇسقا)» جونىندە جالپى ماجىلىسكە تۇسىنىك جاسادى

  جالپى ءماجىلىس ورتالىق كوميتەت ساياسي بيۋروسىنىڭ پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن بەرگى قىزمەتتەرىن تولىق تۇراقتاندىردى. جۇڭگو كوممۋنيستىك پارتياسى مەملەكەتتىك 20 - قۇرىلتايىن 2022 - جىلدىڭ سوڭعى جارىمىندا بەيجيڭدە اشۋدى ۇيعاردى

  پارتيا ورتالىق كوميتەتى مىناعان ۇندەدى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن زور كۇشپەن ساۋلەلەندىرىپ، كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىنداپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك. وتكەن 100 جىلدا ۇلى جەڭىسكە جانە داڭققا قول جەتكىزگەن جۇڭگو كوممۋنيستىك پارتياسى مەن جۇڭگو حالقىنىڭ، ءسوز جوق، جاڭا داۋىردەگى جاڭا جورىقتا اناعۇرلىم ۇلى جەڭىسكە جانە داڭققا قول جەتكىزە الاتىندىعىنا كامىل سەنەمىز!

  جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى 2021 - جىلى 11 - ايدىڭ 8 - كۇنىنەن 11 - كۇنىنە دەيىن بەيجيڭدە وتكىزىلدى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى 2021 - جىلى 11 - ايدىڭ 8 - كۇنىنەن 11 - كۇنىنە دەيىن بەيجيڭدە وتكىزىلدى. ورتالىق كوميتەت ساياسي بيۋروسى ءماجىلىستى باسقاردى.

□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

  شينحۋا اگەنتتىگىنىڭ 11 - ايدىڭ 11 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى 19 - كەزەكتى ورتالىق كوميتەتى التىنشى جالپى ءماجىلىسىنىڭ مازمۇنداماسى

  (جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ماجىلىسىندە 2021 - جىلى 11 - ايدىڭ 11 - كۇنى ماقۇلداندى)

  جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى 2021 - جىلى 11 - ايدىڭ 8 - كۇنىنەن 11 - كۇنىنە دەيىن بەيجيڭدە وتكىزىلدى.

  بۇل رەتكى جالپى ماجىلىسكە ورتالىق كوميتەتتىڭ مۇشەلەرىنەن 197 ادام، ورتالىق كوميتەتتىڭ كانديدات مۇشەلەرىنەن 151 ادام قاتىناستى. ورتالىق ءتارتىپ تەكسەرۋ كوميتەتى تۇراقتى كوميتەتىنىڭ مۇشەلەرى مەن قاتىستى جاقتارداعى جاۋاپتى جولداستار ماجىلىسكە سىرتتاي قاتىناستى. پارتيا 19 - قۇرىلتايىنىڭ ۋاكىلدەر اراسىنداعى نەگىزگى ساتىداعى ءبىر ءبولىم جولداستار مەن مامان - وقىمىستىلار دا ماجىلىسكە سىرتتاي قاتىناستى.

  جالپى ءماجىلىستى ورتالىق كوميتەت ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.

  جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلدادى، «پارتيانىڭ مەملەكەتتىك 20 - قۇرىلتايىن اشۋ تۋرالى قارارىن» قاراپ ماقۇلدادى. شي جينپيڭ «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى (تالقى نۇسقا)» جونىندە جالپى ماجىلىسكە تۇسىنىك جاسادى.

  جالپى ءماجىلىس ورتالىق كوميتەت ساياسي بيۋروسىنىڭ پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن بەرگى قىزمەتتەرىن تولىق تۇراقتاندىردى. ءبىر اۋىزدان بىلاي دەپ قارادى: ءبىر جىلدان بەرى دۇنيە جۇزىندە 100 جىلدا بولماعان زور وزگەرىس پەن جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل جەر شارى كولەمىندە كەڭىنەن تارالۋىنىڭ قاباتتاسۋ اسەرىندە، سىرتقى ورتا ءتىپتى دە كۇردەلى جانە الماعايىپ بولىپ، ەل ىشىندە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ ءتۇرلى مىندەتى توتەنشە اۋىر جانە جاپالى بولدى. ورتالىق كوميتەت ساياسي بيۋروسى جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن جالپى بەتتىك دايەكتىلەندىرىپ، جاڭا دامۋ ارناسىن ورناتۋدى جەدەلدەتىپ، ەكونوميكا ءبىرشاما جاقسى دامۋ اۋقىمىن ساقتادى، عىلىم - تەحنيكا جاعىندا ءوز كۇشىنە سۇيەنۋ، ءوزىن الۋەتتەندىرۋ بەلسەنە ىلگەرىلەپ، رەفورمالاۋ، ەسىك اشۋ ۇزدىكسىز تەرەڭدەپ، كەدەيلىكتەن ارىلتۋدان قامال الۋ شايقاسى ۋاعىندا جەڭىسكە جەتىپ، حالىق تۇرمىسىن قامتاماسىز ەتۋ ۇتىمدى جاقساردى، قوعامدىق كەلەلى جاعداي ورنىقتىلىقتى ساقتاپ، مەملەكەت قورعانىسى مەن ارميانى وسىزامانداندىرۋ تىڭعىلىقتى ىلگەرىلەدى، جۇڭگوشا ءىرى ەلدىك ديپلوماتيا جالپى بەتتىك ىلگەرىلەدى، پارتيا تاريحىن ۇيرەنۋ تاربيەسى تىڭعىلىقتى، ءونىمدى بولدى، كوپ ءتۇرلى اۋىر جاراتىلىستىق اپاتتى جەڭىپ، پارتيا مەن مەملەكەتتىڭ ءتۇرلى ىسىندە تىڭ دا كەلەلى تابىستارعا قول جەتكىزدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جەلىلەس قيمىلدارىن ءساتتى وتكىزدى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ماڭىزدى ءسوز سويلەپ، جاپپاي دوڭگەلەك داۋلەتتى قوعام ورناعاندىعىن رەسمي جاريالاپ، بۇكىل پارتيانى، بۇكىل ەلدەگى ءار ۇلت حالقىن تاسقىنداعان جىگەرمەن ەكىنشى 100 جىلدىق كۇرەس نىساناسىنا جورىق جاساۋدىڭ تىڭ ساپارىن باستاۋعا ىنتالاندىردى.

  جالپى ءماجىلىس بىلاي دەپ قارادى: پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋ − پارتيا قۇرىلعاندىعىنىڭ 100 جىلدىق تاريحي شارت - جاعدايىندا جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتى؛ ساياسي تانىمدى، كەلەلى جاعداي تانىمىن، ۇيتقى تانىمىن، قاتار تۇزەۋ تانىمىن كۇشەيتىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، بۇكىل پارتيانىڭ بىركەلكى اياق الىسپەن العا باسۋىنا شىنايى كەپىلدىك ەتۋدىڭ قاجەتى؛ پارتيانىڭ وزىنە - ءوزى توڭكەرىس جاساۋىن ىلگەرىلەتىپ، بۇكىل پارتيانىڭ كۇرەسكەرلىك قابىلەتىن جانە حاۋىپ - قاتەرلەر مەن سىن - سايىستارعا توتەپ بەرۋ قابىلەتىن جوعارىلاتىپ، پارتيانىڭ ومىرشەڭدىك قۋاتىن ماڭگى ساقتاپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز كۇرەس جۇرگىزۋىنىڭ قاجەتى. بۇكىل پارتيا تاريحقا ماتەرياليستىك كوزقاراس پەن پارتيا تاريحىنا دۇرىس كوزقاراسقا تاباندى بولىپ، پارتيانىڭ 100 جىلدىق كۇرەسىنەن نە ءۇشىن بۇرىن تابىسقا جەتە العانىمىزدى ايقىن كورىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، سول ارقىلى اۋەلگى ماقسات پەن بورىشتى اناعۇرلىم باتىل، اناعۇرلىم سانالى تۇردە امالياتتا ايگىلەپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋ جانە ونى دامىتۋ كەرەك.

  جالپى ءماجىلىس مىنالاردى العا قويدى: جۇڭگو كوممۋنيستىك پارتياسى 1921 - جىلى قۇرىلعاننان بەرى، جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى باستان - اياق ءوزىنىڭ اۋەلگى ماقساتى مەن بورىشى ەتىپ، كوممۋنيزم مۇراتى مەن سوتسياليزم سەنىمىنە باستان - اياق تاباندى بولىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ باي دا قۇدىرەتتى بولۋىن، حالىقتىڭ باقىتىن جۇزەگە اسىرۋ جولىندا قاجىماي - تالماي كۇرەس جۇرگىزىپ، 100 جىلدىق شۇعىلالى بارىستى باسىپ ءوتتى. پارتيا مەن حالىق 100 جىل كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ۇلى داستاندى جازدى.

  جالپى ءماجىلىس مىنالاردى العا قويدى: جاڭا دەموكراتيالىق توڭكەرىس كەزەڭىندە پارتيا ءدوپ كەلگەن باستى مىندەت − يمپەرياليزمگە، فەوداليزمگە، بيۋروكرات كاپيتاليزمگە قارسى تۇرىپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ءتۇبىرلى قوعامدىق شارت - جاعداي ازىرلەۋ. توڭكەرىستىك كۇرەس بارىسىندا ماۋ زىدۇڭ جولداستى باستى ۋاكىل ەتكەن جۇڭگو كوممۋنيستەرى ماركسيزم - لەنينيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرىپ، قاجىرلىلىقپەن ىزدەنىس جاساپ، وراسان زور قۇرباندىقتار بەرىپ توپتاعان دارا جاسامپازدىققا يە ءبىر قىدىرۋ تاجىريبەگە نازاريالىق تۇجىرىم جاساپ، اۋىل - قىستاق ارقىلى قالانى قورشاۋعا الۋ، بيلىكتى قارۋلى كۇشپەن تارتىپ الۋدىڭ دۇرىس توڭكەرىستىك جولىن اشىپ، ماۋ زىدۇڭ يدەياسىن ورناتىپ، جاڭا دەموكراتيالىق توڭكەرىستىڭ جەڭىسىنە قول جەتكىزۋگە دۇرىس باعدار كورسەتىپ بەردى. پارتيا حالىققا باسشىلىق ەتىپ، قاندى شايقاستار جۇرگىزىپ، قاجىماس قايسارلىق كورسەتىپ، جاڭا دەموكراتيالىق توڭكەرىستىڭ ۇلى تابىستارىن جاراتىپ، جۇڭحۋا حالىق رەسپۋبليكاسىن قۇرىپ، ۇلتتىڭ تاۋەلسىزدىگىن، حالىقتىڭ ازاتتىعىن جۇزەگە اسىرىپ، كونە جۇڭگونىڭ جارتىلاي وتار، جارتىلاي فەودالدىق قوعامدىق تاريحىن تۇبەگەيلى اياقتاتىپ، وتە از ساندى قاناۋشىلار بارشا ەڭبەكشى حالىقتى بيلەپ - توستەپ كەلگەن تاريحتى تۇبەگەيلى اياقتاتىپ، كونە جۇڭگونىڭ تورعايداي توزعان جاعدايىن ءۇزىلدى - كەسىلدى اياقتاتىپ، بەلدى ەلدەردىڭ جۇڭگوعا زورلىقپەن تاڭعان تەڭسىز شارتتارىن جانە يمپەرياليزمنىڭ جۇڭگوداعى بارلىق ەرەكشە ۇقىقتارىن تۇبەگەيلى كۇشىنەن قالدىرىپ، جۇڭگونىڭ نەشە مىڭ جىلدىق فەودالدىق دارا بيلىك ساياسيدان حالىق دەموكراتياسىنا دەيىنگى ۇلى سەكىرۋىن جۇزەگە اسىرىپ، دۇنيە ءجۇزىنىڭ ساياسي جاعدايىن دا بارىنشا وزگەرتىپ، دۇنيە جۇزىندەگى ەزىلگەن ۇلتتار مەن ەزىلگەن حالىقتىڭ ازاتتىققا قول جەتكىزۋ كۇرەسىنە دەم بەردى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭگو حالقىنىڭ وسىدان باستاپ ورنىنان تۇرعاندىعىن، جۇڭحۋا ۇلتىن كىم كورىنگەن باسىناتىن، قورلايتىن ءداۋىردىڭ ەندىگارى كەلمەسكە كەتكەندىگىن، جۇڭگونىڭ دامۋى وسىدان باستاپ جاڭا عاسىر اشقاندىعىن سالتاناتپەن جاريالادى.

  جالپى ءماجىلىس مىنالاردى العا قويدى: سوتسياليستىك توڭكەرىس پەن قۇرىلىس كەزەڭىندە، پارتيا ءدوپ كەلگەن باستى مىندەت − جاڭا دەموكراتيزمنەن سوتسياليزمگە بۇرىلىس جاساۋدى جۇزەگە اسىرىپ، سوتسياليستىك توڭكەرىس جۇرگىزىپ، سوتسياليستىك قۇرىلىستى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ءتۇبىرلى ساياسي العى شارت جانە تۇزىمدىك نەگىز قالاۋ. وسى كەزەڭدە ماۋ زىدۇڭ جولداستى باستى ۋاكىل ەتكەن جۇڭگو كوممۋنيستەرى سوتسياليستىك قۇرىلىس تۋرالى ءبىر قىدىرۋ ماڭىزدى يدەيانى العا قويدى. ماۋ زىدۇڭ يدەياسى − ماركسيزم - لەنينيزمنىڭ جۇڭگودا جاسامپازدىقپەن قولدانىلۋى جانە دامىتىلۋى، اماليات دالەلدەگەن جۇڭگو توڭكەرىسى مەن قۇرىلىسى جونىندەگى دۇرىس نازاريالىق پرينسيپ پەن تاجىريبەلەردىڭ قورىتىندىسى، ماركسيزمنىڭ جۇڭگوشالانۋىنداعى ءبىرىنشى رەتكى تاريحي سەكىرۋ. پارتيا حالىققا باسشىلىق ەتىپ، ءوز كۇشىنە سۇيەنىپ ءومىر ءسۇرىپ، كوركەيۋ جولىندا قۇلشىنىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتىپ، جۇڭحۋا ۇلتىنىڭ تاريحىنداعى ەڭ كەڭ كولەمدى ءارى تەرەڭ قوعامدىق وزگەرىستى جۇزەگە اسىردى، بىرىنشىدەن كەدەي، ەكىنشىدەن اق، جان سانى كوپ شىعىستاعى ءىرى ەل سوتسياليستىك قوعامعا ارشىندى قادام تاستاعان ۇلى سەكىرۋدى جۇزەگە اسىردى. ەلىمىز دەربەس، ءبىرشاما كەمەلدى ونەركاسىپ جۇيەسى مەن حالىق شارۋاشىلىعى جۇيەسىن ورناتىپ، اۋىل شارۋاشىلىق ءوندىرىس شارت - جاعدايى كورنەكتى جاقسارىپ، وقۋ - اعارتۋ، عىلىم، مادەنيەت، دەنساۋلىق ساقتاۋ، دەنە تاربيە ىستەرىندە زور دامۋشىلىقتار بولدى، حالىق ازاتتىق ارمياسى كۇشەيىپ جانە دەڭگەيى جوعارىلاپ، كونە جۇڭگونىڭ ديپلوماتيادا قورلانۋى تۇبەگەيلى اياقتادى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭگو حالقىنىڭ ەسكى دۇنيەنى قيراتا بىلۋمەن بىرگە، جاڭا دۇنيەنى ورناتا دا بىلەتىندىگىن، تەك سوتسياليزم عانا جۇڭگونى قۇتقارا الاتىندىعىن، سوتسياليزم عانا جۇڭگونى دامىتا الاتىندىعىن سالتاناتپەن جاريالادى.

  جالپى ءماجىلىس مىنالاردى العا قويدى: رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا كەزەڭىندە پارتيا ءدوپ كەلگەن باستى مىندەت − جۇڭگونىڭ سوتسياليزمدى كوركەيتۋىنىڭ دۇرىس جولىن ۇزدىكسىز قاراستىرىپ، قوعامدىق وندىرگىش كۇشتەردى ازات ەتىپ جانە دامىتىپ، حالىقتى كەدەيلىكتەن ارىلتىپ، تەز ارادا بايىتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن تىڭ ومىرشەڭدىككە تولى تۇزىلىستىك كەپىلدىك جانە تەز دامۋدىڭ ماتەريالدىق شارت - جاعدايىن ازىرلەۋ. پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، دىڭ شياۋپيڭ جولداستى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا جۇڭگو قۇرىلعاننان بەرگى ۇنامدى - ۇنامسىز جاقتارداعى تاجىريبەلەردى تەرەڭ قورىتىندىلاپ، سوتسياليزم دەگەن نە، سوتسياليزمدى قالاي كوركەيتۋ كەرەك دەگەن وسى ءبىر ءتۇبىرلى ماسەلەنى نەگىز ەتىپ، دۇنيە ءجۇزى سوتسياليزمىنىڭ تاريحي تاجىريبەلەرىنەن ۇلگى الىپ، دىڭ شياۋپيڭ نازارياسىن ورناتىپ، يدەيانى ازات ەتىپ، شىندىقتى ءىس جۇزىنەن ىزدەپ، پارتيا مەن مەملەكەت قىزمەتىنىڭ ءتۇيىنىن ەكونوميكالىق قۇرىلىسقا اۋدارۋ، رەفورمالاۋ، ەسىك اشۋ سىندى تاريحي شەشىم جاساپ، سوتسياليزمنىڭ ءمانىن تەرەڭدەي اشىپ، سوتسياليزمنىڭ العاشقى ساتىسىنداعى نەگىزگى لۋشياندى بەلگىلەپ، ءوز جولىمىزبەن ءجۇرۋدى، جۇڭگوشا سوتسياليزم قۇرۋدى ايقىن العا قويىپ، جۇڭگوشا سوتسياليزم قۇرۋداعى ءبىر قىدىرۋ نەگىزگى ماسەلەگە عىلمي جاۋاپ بەرىپ، 21 - عاسىردىڭ ورتاسىنا دەيىن ءۇش ساتىعا ءبولىپ جۇرگىزۋ، سوتسياليستىك وسىزامانداندىرۋدى نەگىزىنەن جۇزەگە اسىرۋ سىندى دامۋ ستراتەگياسىن بەلگىلەپ، جۇڭگوشا سوتسياليزمنىڭ نەگىزىن ءساتتى قالادى.

  جالپى ءماجىلىس مىنالاردى العا قويدى: پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن، جياڭ زىمين جولداستى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيانىڭ نەگىزگى نازارياسىنا، نەگىزگى لۋشيانىنا تاباندى بولىپ، سوتسياليزم دەگەن نە، سوتسياليزمدى قالاي كوركەيتۋ جانە قانداي پارتيا قۇرۋ، پارتيانى قالاي قۇرۋ جونىندەگى تانىمدى تەرەڭدەتىپ، ”ۇشكە ۋاكىلدىك ەتۋ“ ماڭىزدى يدەياسىن قالىپتاستىردى، ىشكى - سىرتقى جاعداي توتەنشە كۇردەلى بولىپ، دۇنيە جۇزىندە سوتسياليزم اۋىر بۇراڭدىققا جولىققان قاتاڭ سىناق الدىندا جۇڭگوشا سوتسياليزمدى قورعاپ، سوتسياليستىك بازار ەكونوميكاسى ءتۇزىلىسىنىڭ رەفورما نىساناسى مەن نەگىزگى جۇلگەسىن ايقىن ورناتىپ، سوتسياليزمنىڭ العاشقى ساتىسىنداعى جالپىلىق مەنشىكتى نەگىزگى تۇلعا ەتكەن، كوپ ءتۇرلى مەنشىكتەگى شارۋاشىلىق قاتار داميتىن نەگىزگى ەكونوميكالىق ءتۇزىمدى جانە ەڭبەگىنە قاراي ءبولۋدى نەگىزگى تۇلعا ەتكەن، كوپ ءتۇرلى ءبولىس ءتاسىلى قاتار ءومىر سۇرەتىن ءبولىس ءتۇزىمىن ايقىن ورناتىپ، جاپپاي رەفورمالاۋ، ەسىك اشۋدىڭ جاڭا جاعدايىن اشىپ، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، جۇڭگوشا سوتسياليزمدى 21 - عاسىرعا ءساتتى جەتكىزدى.

  جالپى ءماجىلىس مىنالاردى العا قويدى: پارتيا 16 - قۇرىلتايىنان كەيىن، حۋ جينتاۋ جولداستى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي دوڭگەلەك داۋلەتتى قوعام قۇرۋ بارىسىندا امالياتتا جاڭالىق اشۋدى، نازاريادا جاڭالىق اشۋدى، تۇزىمدە جاڭالىق اشۋدى ىلگەرىلەتىپ، جاڭا جاعدايدا قانداي دامۋدى جۇزەگە اسىرۋ، قالاي دامۋ سياقتى كەلەلى ماسەلەلەردى جەتە تانىپ جانە وعان جاۋاپ بەرىپ، عىلمي دامۋ كوزقاراسىن قالىپتاستىرىپ، ماڭىزدى ستراتەگيالىق وراي مەزگىلىن مىقتى ۇستاپ، بار ىقىلاسىن قۇرىلىس جۇرگىزۋگە شوعىرلاندىرىپ، بار زەيىنىمەن دامۋدى كوزدەپ، ادامدى نەگىز ەتۋدەن، جاپپاي، سايكەستى، باياندى دامۋدان جازباۋدى باسا دارىپتەپ، حالىق تۇرمىسىن قامتاماسىز ەتۋگە جانە جاقسارتۋعا كۇش سالىپ، قوعامدىق ادىلدىكتى، تۋراشىلدىقتى جەبەپ، پارتيانىڭ بيلىك جۇرگىزۋ قابىلەتى قۇرىلىسى مەن العاباسارلىق قۇرىلىسىن ىلگەرىلەتىپ، جاڭا جاعدايدا جۇڭگوشا سوتسياليزمگە ءساتتى تاباندى بولدى جانە ونى دامىتتى.

  جالپى ءماجىلىس مىنالاردى باسا دارىپتەدى: وسى كەزەڭدە پارتيا جاڭا اماليات پەن داۋىرلىك ەرەكشەلىكتى نەگىز ەتىپ، ماركسيزمگە تاباندى بولدى جانە ونى دامىتتى، جۇڭگوشا سوتسياليزم قۇرۋدىڭ دامۋ جولى، دامۋ ساتىسى، ءتۇبىرلى مىندەتى، دامۋ قوزعاۋشى كۇشى، دامۋ ستراتەگياسى، ساياسي كەپىلى، وتاننىڭ تۇتاستىعى، ديپلوماتيا جانە حالىقارالىق ستراتەگيا، باسشىلىق كۇشى جانە سۇيەنىش كۇشى سياقتى ءبىر قىدىرۋ نەگىزگى ماسەلەگە عىلمي جاۋاپ بەرىپ، جۇڭگوشا سوتسياليزم نازاريالىق جۇيەسىن قالىپتاستىرىپ، ماركسيزمنىڭ جۇڭگوشالانۋىنىڭ تىڭ سەكىرۋىن جۇزەگە اسىردى. پارتيا حالىققا باسشىلىق ەتىپ يدەيانى ازات ەتىپ، قايراتتانا العا ۇمتىلىپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارىن جاراتىپ، ەلىمىز بارىنشا شوعىرلانعان جوسپارلى شارۋاشىلىق تۇزىلىسىنەن ومىرشەڭدىككە تولى سوتسياليستىك بازار ەكونوميكاسى تۇزىلىسىنە، تۇيىق، جارتىلاي تۇيىق كۇيدەن شار تاراپقا ەسىك اشۋعا دەيىنگى تاريحي بۇرىلىستى جۇزەگە اسىردى، وندىرگىش كۇشتەردىڭ سالىستىرمالى تۇردە مەشەۋ قالۋى جاعدايىنان ەكونوميكانىڭ جالپى مولشەرى دۇنيە ءجۇزى بويىنشا 2 - ورىنعا كوتەرىلۋگە دەيىنگى تاريحي سيپاتتى قامال الۋدى جۇزەگە اسىردى، حالىق تۇرمىسىنىڭ ىشەر اس، كيەر كيىمگە جارىماۋدان جالپى تۇلعالىق جاقتان دوڭگەلەك داۋلەتتىلىككە جەتىپ، جاپپاي دوڭگەلەك داۋلەتتىلىككە بەت الۋى سىندى تاريحي شارىقتاۋدى جۇزەگە اسىردى، جۇڭحۋا ۇلتىنىڭ ورنىنان تۇرۋدان بايۋعا دەيىنگى ۇلى سەكىرۋىن ىلگەرىلەتتى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە رەفورمالاۋ، ەسىك اشۋدىڭ زامانىمىزداعى جۇڭگونىڭ بولاشاعى مەن تاعدىرىن بەلگىلەيتىن شەشۋشى شارا ەكەندىگىن، جۇڭگوشا سوتسياليزم جولىنىڭ جۇڭگونىڭ دامۋىنا، گۇلدەنىپ - كوركەيۋىنە جەتەكشىلىك ەتەتىن دۇرىس جول ەكەندىگىن، جۇڭگونىڭ ارشىندى قاداممەن ءداۋىر كوشىن قۋىپ جەتكەندىگىن سالتاناتپەن جاريالادى.

  جالپى ءماجىلىس مىنالاردى العا قويدى: پارتيا 18 - قۇرىلتايىنان بەرى جۇڭگوشا سوتسياليزم جاڭا داۋىرگە ءوتتى. پارتيا ءدوپ كەلگەن باستى مىندەت − ءبىرىنشى 100 جىلدىق كۇرەس نىساناسىن جۇزەگە اسىرىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا جورىعىن باستاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ۇلى نىساناسىنا قاراي ۇزدىكسىز شەرۋ تارتۋ. پارتيا حالىققا باسشىلىق ەتىپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى.

  جالپى ءماجىلىس مىنالاردى باسا دارىپتەدى: شي جينپيڭ جولداستى باستى ۋاكىل ەتكەن جۇڭگو كوممۋنيستەرى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، پارتيا قۇرىلعاننان بەرگى تاريحي تاجىريبەلەردى تەرەڭ قورىتىندىلاپ جانە تولىق قولدانىپ، جاڭا ءىس جۇزىندىكتى نەگىزگە الىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ورناتتى. شي جينپيڭ جولداس جاڭا داۋىردەگى پارتيا مەن مەملەكەت ىستەرىنىڭ دامۋىنا قاتىستى ءبىر قىدىرۋ كەلەلى نازاريالىق جانە امالياتتىق ماسەلەلەرگە تەرەڭ وي جۇگىرتىپ جانە عىلمي تۇجىرىم جاساپ، جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ، قانداي سوتسياليستىك وسىزاماندانعان قۇدىرەتتى مەملەكەت قۇرۋ، سوتسياليستىك وسىزاماندانعان قۇدىرەتتى مەملەكەتتى قالاي قۇرۋ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سياقتى كەلەلى داۋىرلىك تاقىرىپتار جونىندە ءتول جاسامپازدىق سيپاتقا يە ءبىر قىدىرۋ ەل باسقارۋ جاڭا ۇستانىمدارىن، جاڭا يدەيالارىن، جاڭا ستراتەگيالارىن العا قويدى. ول شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى ورناتۋشىسى. شي جينپيڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى بولىپ، ماركسيزمنىڭ جۇڭگوشالانۋىنىڭ تىڭ سەكىرۋىن جۇزەگە اسىردى. پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋ جونىنەن شەشۋشى ماڭىز الدى.

  جالپى ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك بورىشپەن ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن دايەكتىلەندىرىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ءبىر قىدىرۋ كەلەلى باعىت - ساياساتتى شىعارىپ، ءبىر قىدىرۋ كەلەلى شارانى العا قويىپ، ءبىر قىدىرۋ كەلەلى قىزمەتتى ىلگەرىلەتىپ، ءبىر قىدىرۋ ءىرى حاۋىپ - قاتەر مەن سىن - سايىستى جەڭىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن ءبىرسىپىرا قيىن ماسەلەنى شەشىپ، كەزىندە ىستەۋدى ويلاساق تا ىستەي الماي كەلگەن ءبىرسىپىرا ءىرى ىستەردى تىندىرىپ، پارتيا مەن مەملەكەت ىستەرىندە تاريحي سيپاتتى تابىسقا جەتۋدى، تاريحي سيپاتتى بۇرىلىس جاساۋدى ىلگەرىلەتتى.

  جالپى ءماجىلىس مىنالاردى باسا دارىپتەدى: پارتيا 18 - قۇرىلتايىنان بەرى، پارتيانىڭ جالپى بەتتىك باسشىلىعىنا تاباندى بولۋ جاعىندا، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى پارمەندى كەپىلدىككە يە بولىپ، پارتيانىڭ باسشىلىق ءتۇزىمى جۇيەسى ۇزدىكسىز كەمەلدەنىپ، پارتيانىڭ باسشىلىق ءتاسىلى اناعۇرلىم عىلمي بولىپ، بۇكىل پارتيا يدەيالىق جاقتان اناعۇرلىم بىرلىككە كەلىپ، ساياسي جاقتا اناعۇرلىم ىنتىماقتاسىپ، ارەكەت جاعىندا اناعۇرلىم بىركەلكى بولىپ، پارتيانىڭ ساياسي باسشىلىق قۋاتى، يدەيالىق جەتەكشىلىك قۋاتى، بۇقارانى ۇيىمداستىرۋ قۋاتى، قوعامدىق ۇندەۋ قۋاتى كورنەكتى كۇشەيدى. پارتيانى جاپپاي قاتاڭ باسقارۋ جاعىندا، پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتى كورنەكتى كۇشەيىپ، پارتيانى باسقارۋ، پارتيانى جونگە سالۋداعى كەڭ بولۋ، بوس بولۋ، ءالسىز بولۋ جاعدايىندا ءتۇبىرلى بۇرىلىس بولىپ، شىرىكتەسۋگە قارسى كۇرەس ۇستەم جەڭىسكە جەتتى ءارى جاپپاي بەكەمدەلدى، پارتيا توڭكەرىستىك شىڭدالۋ بارىسىندا اناعۇرلىم سومدالا ءتۇستى. ەكونوميكالىق قۇرىلىس جاعىندا، ەلىمىزدىڭ ەكونوميكالىق دامۋىنىڭ تەپە - تەڭدىگى، سايكەسىمدىلىگى، باياندىلىعى كورنەكتى كۇشەيىپ، مەملەكەتتىڭ ەكونوميكالىق قۋاتى، عىلىم - تەحنيكالىق قۋاتى، مەملەكەتتىڭ جالپىلىق قۋاتى تىڭ ساتىعا كوتەرىلىپ، ەلىمىزدىڭ ەكونوميكاسى اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋ جولىنا قادام تاستادى. رەفورمالاۋدى، ەسىك اشۋدى جاپپاي تەرەڭدەتۋ جاعىندا، پارتيا رەفورمانى جاپپاي تەرەڭدەتۋدىڭ كەڭدىككە جانە تەرەڭدىككە قاراي بەت الۋىن ۇزدىكسىز ىلگەرىلەتىپ، جۇڭگوشا سوتسياليستىك ءتۇزىم اناعۇرلىم كەمەلدەنىپ، اناعۇرلىم تۇلعالانا ءتۇستى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيى ۇزدىكسىز جوعارىلاپ، پارتيا مەن مەملەكەت ىستەرىندە تىڭ جالىندى ومىرشەڭدىك قۋات قاۋلادى. ساياسي قۇرىلىس جاعىندا، جالپى بارىستىق حالىق دەموكراتياسى بەلسەنە دامىپ، ەلىمىزدىڭ سوتسياليستىك دەموكراتيالىق ساياسيىنىڭ تۇزىمدەنۋى، ارناعا ءتۇسۋى، تارتىپكە ءتۇسۋى جاپپاي ىلگەرىلەپ، جۇڭگوشا سوتسياليستىك ساياسي ءتۇزىمنىڭ ابزالدىلىعى اناعۇرلىم ويداعىداي ساۋلەلەنىپ، جاندى دا جالىندى، تىنىش تا ىنتىماقتى ساياسي جاعداي بەكەمدەلدى جانە دامىدى. مەملەكەتتى جاپپاي زاڭمەن باسقارۋ جاعىندا، جۇڭگوشا سوتسياليستىك زاڭمەن باسقارۋ جۇيەسى ۇزدىكسىز كەمەلدەنىپ، زاڭمەن باسقارىلاتىن جۇڭگو قۇرىلىسىندا نىق قادام تاستالدى، پارتيانىڭ زاڭمەن باسقارۋ تاسىلىنەن پايدالانىپ، مەملەكەتكە باسشىلىق ەتۋ جانە ونى باسقارۋ قابىلەتى كورنەكتى كۇشەيدى. مادەنيەت قۇرىلىسى جاعىندا، ەلىمىزدىڭ يدەولوگيا سالاسىنىڭ جاعدايىندا جالپى جاعداي سيپاتتى، ءتۇبىرلى سيپاتتى بۇرىلىس تۋىلىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ مادەنيەت سەنىمى كورنەكتى كۇشەيىپ، بۇكىل قوعامنىڭ ۇيىسقىشتىعى مەن باۋراعىشتىعى ايرىقشا جوعارىلاپ، جاڭا داۋىردە پارتيا مەن مەملەكەت ىستەرىندە جاڭا جاعداي اشۋعا پارمەندى يدەيالىق كەپىلدىك جانە قۇدىرەتتى رۋحاني كۇش ازىرلەدى. قوعامدىق قۇرىلىس جاعىندا، حالىق تۇرمىسى جان - جاقتى جاقسارىپ، قوعامدىق باسقارۋدىڭ قوعامدانۋ، زاڭمەن باسقارۋ، زەردەلىلەنۋ، ماماندانۋ دەڭگەيى بارىنشا جوعارىلاپ، حالىق الاڭسىز تىرشىلىك ەتەتىن، قوعام تىنىش، ءتارتىپتى بولاتىن تاماشا جاعداي دامىپ، قوعامنىڭ ۇزاق ۋاقىت ورنىقتى بولۋ كەرەمەتى ۇزدىكسىز جالعاستى. ەكولوگيالىق وركەنيەت قۇرىلىسى جاعىندا، پارتيا ورتالىق كوميتەتى ەكولوگيالىق وركەنيەت قۇرىلىسىن بۇرىن بولماعان تەبىنمەن مىقتى ۇستاپ، كورىكتى جۇڭگو قۇرىلىسىندا ماڭىزدى قادام تاستادى، ەلىمىزدە ەكولوگيالىق ورتانى قورعاۋدا تاريحي سيپاتتى، بۇرىلىس سيپاتتى، جالپى جاعدايلىق سيپاتتى وزگەرىستەر تۋىلدى. مەملەكەت قورعانىسى مەن ارميا قۇرىلىسى جاعىندا، حالىق ارمياسى تۇتاس تۇلعالىق، توڭكەرىستىك جاڭارۋدى جۇزەگە اسىرىپ، جاڭا بەينەمەن جورىققا قايتا اتتانىپ، مەملەكەت قورعانىسى قۋاتى مەن ەكونوميكالىق قۋاتى قاتار جوعارىلادى، حالىق ارمياسى جاڭا داۋىردەگى بورىش پەن مىندەتتى باتىل اتقارىپ، قايسارلىقپەن كۇرەس جۇرگىزۋ رۋحى جانە ءىس جۇزىندىك ارەكەتى ارقىلى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعادى. مەملەكەت حاۋىپسىزدىگىن قورعاۋ جاعىندا، مەملەكەت حاۋىپسىزدىگى جالپى بەتتىك كۇشەيىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتارداعى حاۋىپ - قاتەرلەر مەن سىن - سايىستاردىڭ سىناعىنان سۇرىنبەي ءوتىپ، پارتيا مەن مەملەكەتتىڭ گۇلدەنىپ - كوركەيۋى، باياندى تىنىشتىعى ءۇشىن پارمەندى كەپىلدىك ازىرلەدى. ”ءبىر ەل، ەكى تۇزىمگە“ تاباندى بولۋ جانە وتاننىڭ بىرلىككە كەلۋىن ىلگەرىلەتۋ جاعىندا، پارتيا ورتالىق كوميتەتى ءبىر قىدىرۋ ۇستىنەن دە، تۇبىرىنەن دە جونگە سالۋ شارالارىن قولدانىپ، ”وتانشىلداردىڭ شياڭگاڭدى باسقارۋىن“، ”وتانشىلداردىڭ اۋمىندى باسقارۋىن“ باتىل تياناقتاندىرىپ، شياڭگاڭ جاعدايىنىڭ بىلىقپالىقتان وڭالۋعا دەيىنگى كەلەلى بۇرىلىسىنىڭ جۇزەگە اسۋىن ىلگەرىلەتىپ، شياڭگاڭدى، اۋمىندى زاڭ بويىنشا باسقارۋدى ىلگەرىلەتۋ، ”ءبىر ەل، ەكى ءتۇزىم“ امالياتىنىڭ ورنىقتى قاداممەن باياندى ىلگەرىلەۋىن جەبەۋ ءۇشىن بەرىك نەگىز قالادى؛ ءبىر جۇڭگو پرينسيبى مەن ”1992 - جىلعى ورتاق تانىمعا“ تاباندى بولىپ، ”تايۋاندى دەربەستەندىرۋدى“ كوزدەيتىن بولشەكتەۋشىلىك ارەكەتتەرگە باتىل قارسى تۇرىپ، سىرتقى كۇشتەردىڭ كيلىگۋىنە باتىل قارسى تۇرىپ، ەكى جاعالاۋ قاتىناسىندا جەتەكشىلىك ۇقىق پەن ىرىقتىلىق ۇقىقتى مىقتى يگەردى. ديپلوماتيا قىزمەتى جاعىندا، جۇڭگوشا ءىرى ەلدىك ديپلوماتيا جاپپاي ىلگەرىلەتىلىپ، ادامزاتتىڭ تاعدىرلاس ورتاق تۇلعاسىن قالىپتاستىرۋ ءداۋىر اعىمى مەن ادامزاتتىڭ العا باسۋ بەتالىسىنا جەتەكشىلىك ەتەتىن ايقىن تۋعا اينالدى، ەلىمىزدىڭ ديپلوماتياسى دۇنيە جۇزىلىك زور وزگەرىس بارىسىندا جاڭا جاعداي اشىپ، دۇنيە ءجۇزىنىڭ بىلىققان جاعدايىندا حاۋىپ - قاتەردى ورايعا اينالدىرىپ، ەلىمىزدىڭ حالىقاراداعى ىقپال كۇشى، باۋراۋ قۋاتى، سومداۋ قۋاتى كورنەكتى جوعارىلادى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭحۋا ۇلتىنىڭ ورنىنان تۇرۋدان، بايۋدان قۇدىرەتتەنۋگە دەيىنگى ۇلى سەكىرۋدى قارسى العاندىعىن سالتاناتپەن جاريالادى.

  جالپى ءماجىلىس جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي ماڭىزىن بىلاي دەپ اتاپ كورسەتتى: پارتيانىڭ 100 جىلدىق كۇرەسى جۇڭگو حالقىنىڭ بولاشاعى مەن تاعدىرىن تۇبىرىنەن وزگەرتتى، جۇڭگو حالقى قورلانعان، ەزىلگەن، قۇل بولعان تاعدىرىنان تۇبەگەيلى قۇتىلىپ، مەملەكەتتىڭ، قوعامنىڭ جانە ءوز تاعدىرىنىڭ قوجايىنى بولىپ، جۇڭگو حالقىنىڭ تاماشا تۇرمىسقا تالپىنىسى ۇزدىكسىز رەالدىققا اينالدى؛ پارتيانىڭ 100 جىلدىق كۇرەسى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشىپ، جۇڭگو دامىعان ەلدەر نەشە ءجۇز جىل جۇرگەن ونەركاسىپتەنۋ بارىسىن تەك بىرنەشە ون جىلدا باسىپ ءوتىپ، ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتى؛ پارتيانىڭ 100 جىلدىق كۇرەسى ماركسيزمنىڭ قۇدىرەتتى ومىرشەڭدىك قۋاتىن ايگىلەپ، ماركسيزمنىڭ عىلميلىعى مەن اقيقاتتىعى جۇڭگودا تولىق سىننان ءوتتى، ماركسيزمنىڭ حالىقتىق سيپاتى مەن امالياتتىق سيپاتى جۇڭگودا تولىق دايەكتىلەندى، ماركسيزمنىڭ اشىقتىق سيپاتى مەن داۋىرلىك سيپاتى جۇڭگودا تولىق ايگىلەندى؛ پارتيانىڭ 100 جىلدىق كۇرەسى دۇنيە تاريحىنىڭ ۇردىسىنە تەرەڭ اسەر ەتىپ، پارتيا حالىققا باسشىلىق ەتىپ، جۇڭگوشا وسىزاماندانۋ جولىمەن ءساتتى ءجۇرىپ، ادامزات وركەنيەتىنىڭ جاڭا فورماتسياسىن جاراتىپ، دامۋ جولىنداعى ەلدەردىڭ وسىزاماندانۋعا بەت الۋ جولىن كەڭەيتتى؛ پارتيانىڭ 100 جىلدىق كۇرەسى ءداۋىردىڭ الدىڭعى لەگىندە جۇرگەن جۇڭگو كوممۋنيستىك پارتياسىن شىڭدادى، پارتيا قۇرۋ ۇلى رۋحىن باستاۋ ەتكەن رۋحاني شەجىرەنى قالىپتاستىردى، پارتيانىڭ العاباسارلىعى مەن كىرشىكسىزدىگىن ساقتاپ، پارتيانىڭ بيلىك جۇرگىزۋ قابىلەتى مەن باسشىلىق دەڭگەيىن ۇزدىكسىز جوعارىلاتتى، جۇڭگو كوممۋنيستىك پارتياسى ايتسا ايتقانداي ۇلى، داڭقتى، دۇرىس پارتيا بولدى.

  جالپى ءماجىلىس مىنالاردى العا قويدى: 100 جىلدان بەرى پارتيا حالىققا باسشىلىق ەتىپ، ۇلى كۇرەستەر جۇرگىزىپ، باعالى تاريحي تاجىريبەلەر توپتادى، بۇل اتاپ ايتقاندا: پارتيا باسشىلىعىنا تاباندى بولۋ، حالىقتى بارىنەن جوعارى قويۋعا تاباندى بولۋ، نازاريادا جاڭالىق اشۋعا تاباندى بولۋ، دەربەس، وزىنە - ءوزى قوجايىن بولۋعا تاباندى بولۋ، جۇڭگو جولىنا تاباندى بولۋ، كۇللى دۇنيەگە كەڭ پەيىل بولۋعا تاباندى بولۋ، تىڭنان جاڭالىق اشۋعا تاباندى بولۋ، باتىل كۇرەس جۇرگىزۋگە تاباندى بولۋ، بىرلىكساپقا تاباندى بولۋ، وزىنە - ءوزى توڭكەرىس جاساۋعا تاباندى بولۋ. جوعارىداعى 10 جاق ۇزاق ۋاقىتتىق اماليات ارقىلى توپتالعان باعالى تاجىريبە، پارتيا مەن حالىق بىرگە جاراتقان رۋحاني بايلىق بولىپ تابىلادى، ونى، ءسوز جوق، بارىنشا قاستەرلەۋ، وعان ۇزاق ۋاقىت تاباندى بولۋ ءارى ونى جاڭا داۋىردەگى اماليات بارىسىندا ۇزدىكسىز بايىتۋ جانە دامىتۋ كەرەك.

  جالپى ءماجىلىس مىنالاردى العا قويدى: اۋەلگى ماقساتتى ۇمىتپاعاندا عانا ءىستىڭ سوڭى باياندى بولادى. جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن ءوز مۇراتى ەتىپ، 100 جىلدىق كەمەل شاعىنا كەلدى. وتكەن 100 جىلدا پارتيا حالىققا، تاريحقا ۇزدىك جاۋاپ بەردى. قازىر پارتيا جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋ جاڭا ەمتيحانىن تاپسىرۋ جولىنا تاعى قادام تاستادى. بۇكىل پارتيا جۇڭگو كوممۋنيستىك پارتياسى دەگەن نە، نە ىستەۋى كەرەك دەگەن ءتۇبىرلى ماسەلەنى ەستە بەرىك ساقتاپ، تاريح دامۋىنىڭ زور اۋقىمىن يگەرىپ، مۇرات - سەنىمدى بەكەمدەپ، اۋەلگى ماقسات پەن بورىشتى ەستە بەرىك ساقتاپ، باستان - اياق كىشى پەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن كۇرەس جۇرگىزىپ، ءارقانداي حاۋىپ - قاتەردەن قورىقپاي، ءارقانداي كەدەرگىدەن جاسقانباي، ءتۇبىرلى ماسەلەدە ويرانداۋ سيپاتتى قاتەلىك وتكىزۋگە استە جول بەرمەي، العان بەتتەن قايتپايتىن قايسارلىقپەن بەلگىلەنگەن نىسانانى كۇش سالا جۇزەگە اسىرىپ، ءجۇز شاقىرىم جولدىڭ توقسان شاقىرىمىن باسساڭ دا جارىم جولدا ءجۇرمىن دەپ ءبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋ كەرەك.

  جالپى ءماجىلىس مىنالاردى باسا دارىپتەدى: بۇكىل پارتيا ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا، ءسوز جوق، تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمدىك تۇرعى، كوزقاراس، ءادىس ارقىلى ءداۋىردى زەرلەپ، ءداۋىردى يگەرىپ، داۋىرگە جەتەكشىلىك ەتىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى ۇزدىكسىز تەرەڭدەتۋ كەرەك. پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا، ءسوز جوق، تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ، جۇيە كوزقاراسىنا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋ، رەفورمالاۋ، ەسىك اشۋدى جاپپاي تەرەڭدەتىپ، بىرگە بايۋدى جەبەپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتۋ، جالپى بارىستىق حالىق دەموكراتياسىن دامىتىپ، حالىقتىڭ قوجايىن بولۋىنا كەپىلدىك ەتۋ، مەملەكەتتى جاپپاي زاڭمەن باسقارۋعا تاباندى بولۋ، سوتسياليستىك وزەكتى قۇن جۇيەسىنە تاباندى بولۋ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋ، ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولۋ، دامۋ مەن حاۋىپسىزدىكتى ءبىر تۇتاس جوسپارلاۋ، مەملەكەت قورعانىسى مەن ارميانى وسىزامانداندىرۋدى جەدەلدەتۋ، حالىقتى بايىتۋدى، مەملەكەتتى قۇدىرەتتەندىرۋدى، كورىكتى جۇڭگو قۇرۋدى سايكەستى ىلگەرىلەتۋ كەرەك.

  جالپى ءماجىلىس مىنالاردى باسا دارىپتەدى: بۇكىل پارتيا حالىق بۇقاراسىمەن ەتەنە بايلانىسىن، ءسوز جوق، ماڭگى ساقتاپ، حالىقتى وزەك ەتكەن دامۋ يدەياسىن امالياتتا ايگىلەپ، ەڭ كوپ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تاماشا تۇرمىس جولىندا ۇزدىكسىز كۇرەس جۇرگىزۋ كەرەك. بۇكىل پارتيا ۋايىم مەن تارشىلىق ادامدى ءومىر سۇرۋگە جەتەلەيتىندىگىن، جايلى، راقات تىرشىلىك زاۋالعا قاراي يتەرمەلەيتىندىگىن، قاشاندا ۇزاق بولاشاقتى كوزدەۋ كەرەكتىگىن، امانشىلىقتا جامانشىلىقتىڭ بولارىن، ءسوز جوق، ەستەن شىعارماي، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، پارتيانى جاپپاي قاتاڭ باسقارۋعا تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تاباندىلىقپەن ىلگەرىلەتىپ، كەدەرگىلەردەن جاسقانبايتىن، قيىنشىلىقتاردان تايسالمايتىن بولىپ، جۇڭگوشا سوتسياليزم ىستەرى كەمەسىنىڭ تولقىن جارا العا تارتىپ، اتويلاي العا ۇمتىلۋىنا دەم بەرۋ كەرەك.

  جالپى ءماجىلىس جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىن 2022 - جىلدىڭ سوڭعى جارىمىندا بەيجيڭدە اشۋدى ۇيعاردى. جالپى ءماجىلىس بىلاي دەپ قارادى: پارتيا 20 - قۇرىلتايى − پارتيامىز جاپپاي سوتسياليستىك وسىزاماندانعان مەملەكەت قۇرۋدى باستاپ، ەكىنشى 100 جىلدىق كۇرەس نىساناسىنىڭ جاڭا جورىعىنا اتتاناتىن ماڭىزدى ساتتە اشىلاتىن توتەنشە ماڭىزدى قۇرىلتاي، پارتيا مەن مەملەكەتتىڭ ساياسي ومىرىندەگى ءىرى ءىس. بۇكىل پارتيا بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قامال الىپ، قيىندىقتاردى جەڭىپ، ءورىس اشا ەكپىندەي ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەستەر قوسىپ، پارتيا 20 - قۇرىلتايىنىڭ اشىلۋىن ۇزدىك ناتيجەمەن قارسى الۋ كەرەك.

  پارتيا ورتالىق كوميتەتى مىناعان ۇندەدى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن زور كۇشپەن ساۋلەلەندىرىپ، كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىنداپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك. وتكەن 100 جىلدا ۇلى جەڭىسكە جانە داڭققا قول جەتكىزگەن جۇڭگو كوممۋنيستىك پارتياسى مەن جۇڭگو حالقىنىڭ، ءسوز جوق، جاڭا داۋىردەگى جاڭا جورىقتا اناعۇرلىم ۇلى جەڭىسكە جانە داڭققا قول جەتكىزە الاتىندىعىنا كامىل سەنەمىز!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.