تيانشان تورى   ›   ۇيرەنۋ   ›   شولۋ

جاڭا داۋىردەگى جاڭا جورىقتا اناعۇرلىم ۇلى جەڭىسكە جانە داڭققا قول جەتكىزەيىك

حالىق گازەتى باسماقالاسى

  11 - ايدىڭ 8 - كۇنىنەن 11 - كۇنىنە دەيىن جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى جەڭىسپەن وتكىزىلدى. جالپى ءماجىلىس باس شۋجي شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭداپ جانە تالقىلاپ، پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن بەرگى ورتالىق كوميتەت ساياسي بيۋروسىنىڭ قىزمەتىن تولىق تۇراقتاندىردى، «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلدادى، «پارتيانىڭ مەملەكەتتىك 20 - قۇرىلتايىن اشۋ تۋرالى قارارىن» قاراپ ماقۇلدادى.

  پارتيا قۇرىلعاندىعىنىڭ 100 جىلدىعى سىندى ماڭىزدى تاريحي ساتتە، پارتيا مەن حالىق ءبىرىنشى 100 جىلدىق كۇرەس نىساناسىن، جاپپاي دوڭگەلەك داۋلەتتى قوعام ورناتۋدى جەڭىسپەن جۇزەگە اسىرعان، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىن بەتكە الىپ ارشىندى قادام باسقان كەلەلى تاريحي كەزەڭدە، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جالپى بەتتىك قورىتىندىلاۋ بۇكىل پارتيانىڭ ونان ارى يدەيانى بىرلىككە كەلتىرۋدى، ەرىكتى بىرلىككە كەلتىرۋدى، ارەكەتتى بىرلىككە كەلتىرۋدى ىلگەرىلەتۋى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىسىنە قول جەتكىزۋى جونىنەن كەلەلى رەال مانگە جانە تەرەڭ تاريحي مانگە يە. پارتيا ورتالىق كوميتەتىنىڭ 19 - كەزەكتى ورتالىق كوميتەتتىڭ التىنشى جالپى ءماجىلىسىن اشۋ ارقىلى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جالپى بەتتىك قورىتىندىلاۋدى ۇيعارۋى ماڭىزدى تاريحي، ستراتەگيالىق شەشىم، پارتيانىڭ اۋەلگى ماقساتتى، بورىشتى ەستە بەرىك ساقتاعان، جالىندى ومىرشەڭدىك كۇشتى ماڭگى ساقتاعان مىعىم ەركى مەن بەرىك بەكىمىن تولىق ايگىلەدى، پارتيانىڭ تاريح دامۋىنىڭ زاڭدىلىعىن جەتە يگەرگەندىگىن، پارتيا مەن مەملەكەت ىستەرى دامۋىنىڭ تاريحي ىرىقتىلىعى مەن بورىش ارقالاۋىن باستان - اياق يگەرگەندىگىن تولىق ايگىلەدى، پارتيانىڭ قازىرگىنى تياناق ەتكەن، بولاشاقتى كوزدە ۇستاعان، تاريحي تاجىريبەلەردى قورىتىندىلاۋعا جانە ونى قولدانۋعا باسا ءمان بەرگەن اسقان كورەگەندىگى مەن بولاشاققا تەرەڭ بولجامپازدىعىن تولىق ايگىلەدى. جالپى ءماجىلىس ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» ديالەكتيكالىق ماتەرياليزم جانە تاريحي ماتەرياليزم ادىستەمەسىنە تاباندى بولىپ، پارتيا تاريحىنا دۇرىس كوزقاراسقا تاباندى بولىپ، ۇلكەن تاريح كوزقاراسىن ورناتىپ، نازاردى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋعا شوعىرلاندىرىپ، جۇڭگوشا سوتسياليزمنىڭ جاڭا ءداۋىرى سىندى ءتۇيىندى كورنەكتىلەندىرىپ، ەلەۋلى ىستەرگە، ماڭىزدى ماجىلىستەرگە، ماڭىزدى تۇلعالارعا باعا بەرۋدە پارتيا ورتالىق كوميتەتىنىڭ بۇرىننان بار قورىتىندىسىمەن ۇشتاستىرۋعا ءمان بەرىپ، پارتيا ورتالىق كوميتەتىنىڭ پارتيانىڭ 100 جىلدىق كۇرەسى جونىندەگى جاڭا تانىمىن ايگىلەدى، ول نۇر - شۇعىلالى ماركسيزمدىك تۇعىرنامالىق حۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاعان، جۇڭگوشا سوتسياليزمگە تاباندى بولعان جانە ونى دامىتقان ساياسي جارناماسى، تاريحتى اينا ەتىپ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى. «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىنىڭ» ەڭ ايقىن ەرەكشەلىگى شىندىقتى ءىس جۇزىنەن ىزدەپ، تاريحقا قۇرمەت ەتىپ، پارتيانىڭ 100 جىلدىق كۇرەسىنىڭ اۋەلگى ماقساتىن، بورىشىن كورسەتىپ، پارتيانىڭ الدىڭعى ەكى تاريحي قارارىمەن تامىرلاس بولۋمەن بىرگە، داۋىرمەن بىرگە العا ىلگەرىلەدى، ءسوز جوق، بۇكىل پارتيانى بەلگىلەنگەن كۇرەس نىساناسىنان كوز جازباي، جالىنداعان جىگەرمەن بولاشاقتى بەتكە الۋعا جىگەرلەندىرەدى.

  پارتيامىزدىڭ 100 جىلى اۋەلگى ماقساتتى، بورىشتى مۇرات ەتىپ، امالياتتا ايگىلەگەن 100 جىل، قاجىرلىلىقپەن نەگىز قالاپ، ىستەردى كوركەيتكەن 100 جىل، شۇعىلا جاراتىپ، بولاشاققا جول اشقان 100 جىل. 100 جىلدان بەرى پارتيا حالىققا باسشىلىق ەتىپ، قاندى شايقاستار جۇرگىزىپ، قاجىماس قايسارلىق كورسەتىپ، جاڭا دەموكراتيالىق توڭكەرىستىڭ ۇلى تابىستارىن جاراتتى؛ ءوز كۇشىنە سۇيەنىپ ءومىر ءسۇرىپ، كوركەيۋ جولىندا قۇلشىنىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتتى؛ يدەيانى ازات ەتىپ، قايراتتانا العا ۇمتىلىپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارىن جاراتتى؛ وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى. پارتيا مەن حالىق 100 جىل كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ۇلى داستاندى جازدى. اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ يگەرىپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، پارتيا مەن مەملەكەت ىستەرىندە تاريحي تابىستارعا جەتۋدى، تاريحي وزگەرىستەر تۋىلۋدى ىلگەرىلەتىپ، جۇڭگوشا سوتسياليزمنىڭ قۇدىرەتتى جالىندى ومىرشەڭدىك كۇشىن ايگىلەپ، پارتيانىڭ تىلەگىن، ارميانىڭ تىلەگىن، حالىقتىڭ تىلەگىن بۇرىن بولىپ كورمەگەن دارەجەدە ۇيىستىرىپ، جەلپىنتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەدى، جۇڭحۋا ۇلتى ورنىنان تۇرۋدان، بايۋدان قۇدىرەتتەنۋگە دەيىنگى ۇلى سەكىرۋدى قارسى الدى. تاريحتى اينا ەتكەندە، گۇلدەنۋ مەن قۇلدىراۋدىڭ سەبەبىن بىلۋگە بولادى. پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋ − پارتيا قۇرىلعاندىعىنىڭ 100 جىلدىق تاريحي شارت - جاعدايىندا جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتى؛ ساياسي تانىمدى، كەلەلى جاعداي تانىمىن، ۇيتقى تانىمىن، قاتار تۇزەۋ تانىمىن كۇشەيتىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، بۇكىل پارتيانىڭ بىركەلكى اياق الىسپەن العا باسۋىنا شىنايى كەپىلدىك ەتۋدىڭ قاجەتى؛ پارتيانىڭ وزىنە - ءوزى توڭكەرىس جاساۋىن ىلگەرىلەتىپ، بۇكىل پارتيانىڭ كۇرەسكەرلىك قابىلەتىن جانە حاۋىپ - قاتەرلەر مەن سىن - سايىستارعا توتەپ بەرۋ قابىلەتىن جوعارىلاتىپ، پارتيانىڭ ومىرشەڭدىك قۋاتىن ماڭگى ساقتاپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز كۇرەس جۇرگىزۋىنىڭ قاجەتى. بۇكىل پارتيا تاريحقا ماتەرياليستىك كوزقاراس پەن پارتيا تاريحىنا دۇرىس كوزقاراسقا تاباندى بولىپ، پارتيانىڭ 100 جىلدىق كۇرەسىنەن ىلگەرى دە نە ءۇشىن تابىسقا جەتە العانىمىزدى ايقىن كورىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، سول ارقىلى اۋەلگى ماقسات پەن بورىشتى اناعۇرلىم باتىل، اناعۇرلىم سانالى تۇردە امالياتتا ايگىلەپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋ جانە ونى دامىتۋ كەرەك.

  100 جىلدان بەرى پارتيامىز باستان - اياق اۋەلگى ماقساتتى، بورىشتى امالياتتا ايگىلەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ادامزاتتىڭ دامۋ تاريحىنداعى كوركەم كارتينانى سىزىپ، جۇڭحۋا ۇلتى ۇلى گۇلدەنۋىنىڭ بۇرىن - سوڭدى بولماعان نۇرلى بولاشاعىن ايگىلەدى. «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» پارتيانىڭ 100 جىلدىق كۇرەسى جۇڭگو حالقىنىڭ بولاشاعى مەن تاعدىرىن تۇبىرىنەن وزگەرتكەندىگى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشقاندىعى، ماركسيزمنىڭ قۇدىرەتتى ومىرشەڭدىك قۋاتىن ايگىلەگەندىگى، دۇنيە تاريحىنىڭ ۇردىسىنە تەرەڭ اسەر ەتكەندىگى، ءداۋىردىڭ الدىڭعى لەگىندە جۇرگەن جۇڭگو كوممۋنيستىك پارتياسىن شىڭداعاندىعى سىندى 5 جاقتان پارتيانىڭ 100 جىلدىق كۇرەسىنىڭ تاريحي ماڭىزىن قورىتىندىلاپ، تۇجىرىمداپ، پارتيانىڭ جۇڭگو حالقىنا، جۇڭحۋا ۇلتىنا، ماركسيزمگە، ادامزاتتىڭ العا باسۋ ىستەرىنە، ماركسيزمدىك ساياسي پارتيا قۇرىلىسىنا قوسقان تاريحي ۇلەسىن جالپى بەتتىك، تەرەڭ، جۇيەلى بايانداپ، كەڭ - بايتاق جۇڭحۋانى تياناق ەتۋمەن بىرگە، ادامزاتتىڭ بولاشاعىنا دا كوز جىبەرىپ، جۇڭگو كوممۋنيستىك پارتياسى مەن جۇڭگو حالقىنىڭ، جۇڭحۋا ۇلتىنىڭ قاتىناسىن بەينەلەپ، جۇڭگو كوممۋنيستىك پارتياسى مەن ماركسيزمنىڭ، دۇنيە ءجۇزى سوتسياليزمىنىڭ، ادامزات قوعامى دامۋىنىڭ قاتىناسىن بەينەلەپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن توعىستىردى. 100 جىلدان بەرى پارتيا حالىقتى باستاپ ۇلى كۇرەستەر جۇرگىزىپ، العا ىلگەرىلەۋ بارىسىندا ناتيجە جاراتىپ، ساتسىزدىك بارىسىندا قايراتتانىپ، قورىتىندىلاۋ بارىسىندا ءوسىپ، باعالى تاريحي تاجىريبە توپتادى. «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» پارتيا باسشىلىعىنا تاباندى بولۋ، حالىقتى بارىنەن جوعارى قويۋعا تاباندى بولۋ، نازاريادا جاڭالىق اشۋعا تاباندى بولۋ، دەربەس، وزىنە - ءوزى قوجايىن بولۋعا تاباندى بولۋ، جۇڭگو جولىنا تاباندى بولۋ، كۇللى دۇنيەگە كەڭ پەيىل بولۋعا تاباندى بولۋ، تىڭنان جاڭالىق اشۋعا تاباندى بولۋ، باتىل كۇرەس جۇرگىزۋگە تاباندى بولۋ، بىرلىكساپقا تاباندى بولۋ، وزىنە - ءوزى توڭكەرىس جاساۋعا تاباندى بولۋ سياقتى 10 جاقتان پارتيانىڭ 100 جىلدىق كۇرەسىنىڭ تاريحي تاجىريبەسىن قورىتىندىلاعان، تۇجىرىمداعان، تاريحتى، قازىرگىنى، بولاشاقتى تۇتاستىرعان، ۇزاق ۋاقىتتىق اماليات ارقىلى توپتالعان باعالى تاجىريبە، پارتيا مەن حالىق بىرگە جاراتقان رۋحاني بايلىق، ءتۇبىرلى جانە ۇزاق ۋاقىتتىق جەتەكشىلىك مانگە يە، ونى، ءسوز جوق، بارىنشا قاستەرلەۋ، وعان ۇزاق ۋاقىت تاباندى بولۋ ءارى جاڭا داۋىردەگى اماليات بارىسىندا ۇزدىكسىز بايىتۋ جانە دامىتۋ كەرەك.

  كەزەكتە دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە قادام تاستادى، ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم تاياي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا جەتەدى. سونىمەن بىرگە بۇكىل پارتيا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە وڭاي - وسپاق، قۇر ايعاي - سۇرەنمەن بىتە سالاتىن شارۋا ەمەستىگىن، العا باسۋ جولىندا تۇسپالداۋعا بولاتىن جانە تۇسپالداۋ قيىن بولعان ءتۇرلى حاۋىپ - قاتەرلەر مەن سىن - سايىستار اۋەلگىدەي ءومىر سۇرەتىندىگىن، ءسوز جوق، جىعا تانۋى؛ ەلىمىزدىڭ سوتسياليزمنىڭ العاشقى ساتىسىندا تۇرعاندىعىن ءارى ۇزاق ۋاقىت تۇرا بەرەتىندىگىن، ەلىمىزدىڭ ءالى دە دۇنيە جۇزىندەگى ەڭ ۇلكەن وركەندەپ كەلە جاتقان ەل ەكەندىگىن، قوعامنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتى مەن بىركەلكى بولماعان، تولىق بولماعان دامۋ اراسىنداعى قايشىلىق ەكەندىگىن، ءسوز جوق، جەتە تانۋى كەرەك. بۇكىل پارتيا جۇڭگو كوممۋنيستىك پارتياسى دەگەن نە، نە ىستەۋ كەرەك دەگەن ءتۇبىرلى ماسەلەنى ەستە بەرىك ساقتاپ، العان بەتتەن قايتپايتىن قايسارلىقپەن بەلگىلەنگەن نىسانانى كۇش سالا جۇزەگە اسىرىپ، ءجۇز شاقىرىم جولدىڭ توقسان شاقىرىمىن باسساڭ دا، جارىم جولدا ءجۇرمىن دەپ ءبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋ كەرەك. جاڭا ۇلى ساپاردا بۇكىل پارتيا، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمدىك تۇرعى، كوزقاراس، ءادىس ارقىلى ءداۋىردى زەرتتەۋى، ءداۋىردى يگەرۋى، داۋىرگە جەتەكشىلىك ەتۋى؛ ءسوز جوق، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، جۇيە كوزقاراسىنا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، حالىقتى بايىتۋدى، مەملەكەتتى قۇدىرەتتەندىرۋدى، كورىكتى جۇڭگو قۇرۋدى سايكەستى ىلگەرىلەتۋ كەرەك؛ حالىق بۇقاراسىمەن ەتەنە بايلانىستى، ءسوز جوق، ماڭگى ساقتاپ، حالىقتى وزەك ەتكەن دامۋ يدەياسىن امالياتتا ايگىلەپ، ەڭ كوپ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتۋ؛ ۋايىم مەن تارشىلىق ادامدى ءومىر سۇرۋگە جەتەلەيتىندىگىن، جايلى، راقات تىرشىلىك زاۋالعا قاراي يتەرمەلەيتىندىگىن، قاشاندا ۇزاق بولاشاقتى كوزدەۋ كەرەكتىگىن، امانشىلىقتا جامانشىلىقتىڭ بولارىن، ءسوز جوق، ەستەن شىعارماي، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتۋ؛ ءىزباسارى بار وسى ءبىر ءتۇبىرلى ۇلى جوبانى، ءسوز جوق، ويداعىداي يگەرىپ، ءتۇرلى جاقتارداعى تاڭداۋلى دارىندىلاردى پارتيا مەن حالىقتىڭ ۇلى كۇرەسىنە شوعىرلاندىرۋ كەرەك.

  ەلىمدە توعىز سالالى شالقار داريا جوڭكىلگەن، جىگەر قاۋلاپ، قايرات تاسىپ، العا باستىق سەرپىنمەن. جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن ءوز مۇراتى ەتىپ، ءجۇز جىلدىق كەمەل شاعىنا كەلدى. قازىر پارتيا جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋ جاڭا ەمتيحانىن تاپسىرۋ جولىنا تاعى قادام تاستادى. ءداۋىر ەمتيحان الۋشى، ءبىز ەمتيحان تاپسىرۋشىمىز، حالىق ەمتيحان تەكسەرۋشى، ءبىز، ءسوز جوق، ۇزدىكسىز جاقسى ناتيجەگە قول جەتكىزىپ، جاڭا داۋىردەگى جاڭا ساپاردا تىڭ بەينە، تىڭ ىسكەرلىك كورسەتۋىمىز كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا قۇرۋ ۇلى رۋحىن زور كۇشپەن ساۋلەلەندىرىپ، كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىنداپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، پارتيا 20 - قۇرىلتايىنىڭ اشىلۋىن ۇزدىك ناتيجەمەن قارسى الىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەيىك. وتكەن 100 جىلدا ۇلى جەڭىسكە جانە داڭققا قول جەتكىزگەن جۇڭگو كوممۋنيستىك پارتياسى مەن جۇڭگو حالقىنىڭ، ءسوز جوق، جاڭا داۋىردەگى جاڭا جورىقتا اناعۇرلىم ۇلى جەڭىسكە جانە داڭققا قول جەتكىزە الاتىندىعىنا كامىل سەنەمىز!

  (شينحۋا اگەنتتىگىنىڭ 11 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.