حۋاڭ كۇنميڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى تەلەۆيزور - تەلەفون ماجىلىسىندە بىلاي دەپ باسا دارىپتەدى
جالپى ءماجىلىستىڭ رۋحىن ۇگىتتەۋ قىزمەتىن كۇش سالا ويداعىداي ىستەپ، تاريح سەنىمىن بەكەمدەۋدىڭ، تاريحي ۇلى ءىس ىستەۋدىڭ تەلەگەي كۇشىن ۇيىستىرۋ كەرەك
شينحۋا اگەنتتىگىنىڭ 11 - ايدىڭ 11 - كۇنى بەيجيڭنەن بەرگەن حابارى. ورتالىق كوميتەت ۇگىت ءبولىمى 11 - ايدىڭ 11 - كۇنى كەشتە بەيجيڭدە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى تەلەۆيزور - تەلەفون ءماجىلىسىن اشتى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ ماجىلىسكە قاتىناستى ءارى ءسوز سويلەپ بىلاي دەپ باسا دارىپتەدى: جالپى ءماجىلىستىڭ رۋحىن مۇقيات ۇيرەنىپ، دايەكتىلەندىرىپ، ۇيرەنۋ، ۇگىتتەۋ، زەرتتەۋ، ءتۇسىندىرۋ قىزمەتتەرىن كۇش سالا ويداعىداي ىستەپ، تاريح سەنىمىن بەكەمدەۋدىڭ، تاريحي ۇلى ءىس ىستەۋدىڭ تەلەگەي كۇشىن ۇيىستىرۋ كەرەك.
حۋاڭ كۇنميڭ بىلاي دەپ اتاپ كورسەتتى: بۇل رەتكى جالپى ءماجىلىس پارتيامىز قۇرىلعان 100 جىلداعى ماڭىزدى تاريحي ساتتە، پارتيا مەن حالىق ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىنا قادام تاستاعان كەلەلى تاريحي كەزەڭدە اشىلدى. جالپى ءماجىلىس ماقۇلداعان «قاۋلى» − ماركسيزمدىك تۇعىرنامالىق حۇجات، بۇكىل پارتيانىڭ يدەيانى بىرلىككە كەلتىرۋدى، ەرىك - جىگەردى بىرلىككە كەلتىرۋدى، ارەكەتتى بىرلىككە كەلتىرۋدى ىلگەرىلەتىپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋعا جانە ونى دامىتۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا كەلەلى دە تەرەڭ ىقپال جاسايدى.
حۋاڭ كۇنميڭ بىلاي دەپ باسا دارىپتەدى: ۇگىت - يدەيا شەبى ۇيرەنۋدە الدا بولۋعا، ىستەۋدە الدا بولۋعا تاباندى بولىپ، جالپى ءماجىلىس رۋحىنىڭ مول مازمۇنى مەن وزەكتى ءمانىن جاپپاي جۇيەلى ۇيرەنىپ، ءتۇسىنىپ، دۇرىس بەتالىستى، باعداردى مىقتى يگەرىپ، پارتيا تاريحىن ۇيرەنۋ تاربيەسىنىڭ ىشكەرىلەۋىن، كەڭەيۋىن ىلگەرىلەتىپ، اقپارات قۇرالدارى ۇگىتىن، شوعىرلى ۇگىت لەكسيانى، نازاريالىق ءتۇسىندىرۋدى، سىرتقا ۇگىتتەۋدى، تانىستىرۋدى دەن قويا ۇيىمداستىرىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جاپپاي ايگىلەپ، جۇڭگوشا سوتسياليزمنىڭ جاڭا داۋىرگە قادام تاستاۋىنىڭ تاريحي تابىستارى مەن تاريحي وزگەرىسىن جاندى ايگىلەپ، قالىڭ كادر - بۇقارانى تاريحي سانالىلىقتى كۇشەيتۋگە، اسقاق جىگەرمەن بولاشاققا بەت الۋعا جەتەكتەۋ كەرەك.
