تيانشان تورى   ›   ۇيرەنۋ   ›   شولۋ

پارتيانىڭ 100 جىلدىق كۇرەسىنىڭ كەلەلى تابىستارىن تەرەڭ يگەرەيىك

− پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  100 جىلدىق ساپار اسقاق ايبىنىمەن قۇلاشىن كەڭ جايدى، 100 جىلدىق كۇرەس شۇعىلانى سومدادى. پارتيا 19 - كەزەكتى ورتالىق كوميتەتى التىنشى جالپى ءماجىلىسى پارتيا مەن مەملەكەت ىستەرى دامۋىنىڭ ستراتەگيالىق جالپى جاعدايىن نەگىزگە الىپ، پارتيانىڭ حالىققا باسشىلىق ەتىپ جۇرگىزگەن توڭكەرىسىنىڭ، قۇرىلىسىنىڭ، رەفورماسىنىڭ 100 جىلدىق بارىسىن ىشكەرىلەي زەرتتەپ، پارتيانىڭ جەڭىستەن - جەڭىستەرگە جەتۋىنىڭ ۇلى تاريحي ءۇردىسىن، مەملەكەت پەن ۇلت ءۇشىن سىڭىرگەن ۇلى تاريحي ەڭبەگىن جان - جاقتى قورىتىندىلاپ، «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلدادى. بۇل پارتيانىڭ 19 - كەزەكتى ورتالىق كوميتەتى التىنشى جالپى ءماجىلىسىنىڭ ماڭىزدى تاريحي ۇلەسى، بۇكىل پارتيانىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىسىنە قول جەتكىزۋى جونىنەن كەلەلى رەال مانگە جانە تەرەڭ تاريحي مانگە يە.

  «قارار» − نۇر - شۇعىلالى ماركسيزمدىك تۇعىرنامالىق حۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاعان، جۇڭگوشا سوتسياليزمگە تاباندى بولعان جانە ونى دامىتقان ساياسي جارناماسى، تاريحتى اينا ەتىپ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى، پارتيانىڭ الدىڭعى ەكى تاريحي قارارىمەن تامىرلاس بولۋمەن بىرگە، داۋىرمەن بىرگە العا ىلگەرىلەدى، بۇكىل پارتيانى جاڭا داۋىردەگى جاڭا جورىقتا ءتىپتى دە زور داڭقتارعا قول جەتكىزۋگە جىگەرلەندىرەتىنى ءسوزسىز. كەزەكتە ءبىزدىڭ الدىمىزدا تۇرعان ەڭ ماڭىزدى ساياسي مىندەت − پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، ونان ارى يدەيانى بىرلىككە كەلتىرىپ، ەرىكتى بىرلىككە كەلتىرىپ، ارەكەتتى بىرلىككە كەلتىرىپ، جاڭا داۋىردە جۇڭگوشا سوتسياليزمگە ءتىپتى جاقسى تاباندى بولۋ جانە ونى دامىتۋ.

  جۇڭگو كوممۋنيستىك پارتياسى 1921 - جىلى قۇرىلعاننان بەرى، باستان - اياق جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى ءوزىنىڭ اۋەلگى ماقساتى مەن بورىشى ەتىپ، كوممۋنيزم مۇراتى مەن سوتسياليزم سەنىمىنە باستان - اياق تاباندى بولىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ باي دا قۇدىرەتتى بولۋىن، حالىقتىڭ باقىتىن جۇزەگە اسىرۋ جولىندا قاجىماي - تالماي كۇرەس جۇرگىزىپ، 100 جىلدىق شۇعىلالى بارىستى باسىپ ءوتتى. 100 جىلدان بەرى پارتيا حالىققا باسشىلىق ەتىپ، قاندى شايقاستار جۇرگىزىپ، قاجىماس قايسارلىق كورسەتىپ، جاڭا دەموكراتيالىق توڭكەرىستىڭ ۇلى تابىستارىن جاراتتى؛ ءوز كۇشىنە سۇيەنىپ ءومىر ءسۇرىپ، كوركەيۋ جولىندا قۇلشىنىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتتى؛ يدەيانى ازات ەتىپ، قايراتتانا العا ۇمتىلىپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارىن جاراتتى؛ وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى. پارتيا مەن حالىق 100 جىل كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ۇلى داستاندى جازدى. تاريح مىنانى تولىق دالەلدەدى: جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس؛ جۇڭگو كوممۋنيستىك پارتياسىنىڭ باسشىلىعى پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنە بايلانىستى، تاعدىرىنا بايلانىستى. «قارار» كۇش سالۋ ءتۇيىنىن پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋعا قويدى، ول بۇكىل پارتيانىڭ اقىل - پاراساتتى ارتتىرۋىن، ىنتىماقتى نىعايتۋىن، سەنىمدى كۇشەيتۋىن، كۇرەس جىگەردى ۇستەۋىن ىلگەرىلەتۋدە ماڭىزدى رول ساۋلەلەندىرىپ، كەلەلى ىقپال تۋدىراتىندىعى داۋسىز.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ يگەرىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش - قۋات ازىرلەپ، جۇڭحۋا ۇلتى ورنىنان تۇرۋدان، بايۋدان قۇدىرەتتەنۋگە دەيىنگى ۇلى سەكىرۋدى قارسى الدى. پارتيا مەن مەملەكەت ىستەرىنىڭ تاريحي تابىستارعا قول جەتكىزۋىنىڭ، تاريحي وزگەرىس تۋدىرۋىنىڭ ءتۇبىرلى نەگىزى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جول باستاپ، رولدى مەڭگەرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىعىندا. پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەپ، جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋ جونىنەن شەشۋشى ماڭىزعا يە بولدى. «قارار» پارتيانىڭ جاپپاي باسشىلىعىنا تاباندى بولۋ، پارتيانى جاپپاي قاتاڭ جونگە سالۋ، ەكونوميكالىق قۇرىلىس، رەفورمالاۋ، ەسىك اشۋدى جاپپاي تەرەڭدەتۋ، ساياسي قۇرىلىس، مەملەكەتتى جاپپاي زاڭمەن جونگە سالۋ، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى، مەملەكەت قورعانىسى جانە ارميا قۇرىلىسى، مەملەكەت حاۋىپسىزدىگىن قورعاۋ، ”ءبىر ەل، ەكى تۇزىمگە“ جانە وتان تۇتاستىعىن ىلگەرىلەتۋگە تاباندى بولۋ، ديپلوماتيا قىزمەتى سياقتى 13 جاقتان جاڭا داۋىردە پارتيانىڭ حالىققا باسشىلىق ەتىپ قول جەتكىزگەن وراسان زور تابىستارىن سالا بويىنشا قورىتىندىلاپ، 9 جىلدان بەرگى اۋەلگى جاسامپازدىق سيپاتقا يە يدەيالارىن، وزگەرىستىك سيپاتقا يە امالياتىن، سەرپىلىستىك سيپاتقا يە ىلگەرىلەۋشىلىكتەرىن، بەلگى سيپاتقا يە جەتىستىكتەرىن ءتۇيىندى تۇردە قورىتىندىلادى. «قارار» جۇڭگوشا سوتسياليزمنىڭ جاڭا ءداۋىرى سىندى ءتۇيىندى كورنەكتىلەندىرىپ، جاڭا داۋىردەگى پارتيا مەن مەملەكەت ىستەرىندە قول جەتكەن تاريحي سيپاتتى تابىستاردى، تۋىلعان تاريحي سيپاتتى وزگەرىستەر مەن توپتاعان جاڭا تاجىريبەلەردى ءتۇيىندى تۇردە قورىتىندىلادى، بۇكىل پارتيانى ونان ارى سەنىمدى بەكەمدەپ، رۋحتى سەرپىلتىپ، نازاردى ءبىز ىستەپ وتىرعان ىستەرگە شوعىرلاندىرىپ، اناعۇرلىم اسقاق بەينەمەن جاڭا جورىققا قادام تاستاۋعا، جاڭا داۋىردە ۇلەس قوسۋعا ايرىقشا جىگەرلەندىرەتىندىگى جانە شابىتتاندىراتىندىعى ءسوزسىز.

  وتكەن 100 جىلدا، پارتيا حالىققا، تاريحقا ءبىر ۇزدىك جاۋاپناما تاپسىردى. قازىر پارتيا جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحانىن تاپسىرۋ جولىنا تاعى قادام تاستادى. ءداۋىر ەمتيحان الۋشى، ءبىز ەمتيحان تاپسىرۋشىمىز، حالىق ەمتيحان تەكسەرۋشى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن زور كۇشپەن اسقاقتاتىپ، كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىنداپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جاساساق، ءبىز، ءسوزسىز، ۇزدىكسىز جاقسى ناتيجەگە جەتىپ، جاڭا جورىقتا جاڭا داۋىرلىك شۇعىلا سومداپ، جاڭا تاريحي ۇلى ىستەر تىندىرا الاتىنىمىز ءسوزسىز.

  (شينحۋا اگەنتتىگىنىڭ 11 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.