تيانشان تورى   ›   جاڭالىقتار   ›   سۋرەتتى حابار

يدەيا مەن ارەكەتتى جالپى ءماجىلىستىڭ رۋحىمەن باتىل بىرلىككە كەلتىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جەتكىزدى، ۇيرەندى

يدەيا مەن ارەكەتتى جالپى ءماجىلىستىڭ رۋحىمەن باتىل بىرلىككە كەلتىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك

چىن چۋانگو ءماجىلىستى باسقاردى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 11 - ايدىڭ 12 - كۇنى ۇرىمجىدەن حابارلايدى. 11 - ايدىڭ 12 - كۇنى اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جەتكىزىپ، ۇيرەنىپ، جالپى ءماجىلىستىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيا قۇرىلعاندىعىنىڭ 100 جىلدىعى سىندى ماڭىزدى تاريحي ساتتە، پارتيا مەن حالىق ءبىرىنشى 100 جىلدىق كۇرەس نىساناسىن، جاپپاي دوڭگەلەك داۋلەتتى قوعام ورناتۋدى جەڭىسپەن جۇزەگە اسىرعان، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىن بەتكە الىپ ارشىندى قادام باسقان كەلەلى تاريحي كەزەڭدە اشىلعان ءبىر رەتكى كەلەلى تاريحي ماڭىز الاتىن ءماجىلىس. تۇتاس رايونداعى ءار دارەجەلى، ءارقايسى تاراۋلار پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتۋگە تاباندى بولىپ، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن جەدەل كوتەرىپ، تاريح سەنىمىن بەكەمدەۋدىڭ، تاريحي ۇلى ىستەر جاراتۋدىڭ تەلەگەي كۇشىن ۇيىستىرىپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك.

  ءبىرىنشى، كەلەلى ماڭىزىن تانۋ كەرەك. جالپى ءماجىلىس پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جالپى بەتتىك قورىتىندىلادى، بۇل بۇكىل پارتيانىڭ ونان ارى يدەيانى بىرلىككە كەلتىرۋدى، ەرىك - جىگەردى بىرلىككە كەلتىرۋدى، ارەكەتتى بىرلىككە كەلتىرۋدى ىلگەرىلەتۋى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىسىنە قول جەتكىزۋى جونىنەن كەلەلى رەال مانگە جانە تەرەڭ تاريحي مانگە يە. جالپى ءماجىلىس ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» شۇعىلالى ماركسيزمدىك تۇعىرنامالىق حۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى. باس شۋجي شي جينپيڭنىڭ جالپى ماجىلىستە سويلەگەن ماڭىزدى ءسوزى بۇكىل پارتيا، بۇكىل ەلدەگى ءار ۇلت حالقىنىڭ ەكىنشى 100 جىلدىق كۇرەس نىساناسىنا قاراي ارشىندى قادام تاستاۋىنا ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. ءبىز ساياسي تانىمدى، كەلەلى جاعداي تانىمىن، ۇيتقى تانىمىن، قاتار تۇزەۋ تانىمىن كۇشەيتىپ، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تاباندىلىقپەن، باتىلدىقپەن قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىنا بۇلجىماي، باتىلدىقپەن تاباندى بولىپ، يدەيا مەن ارەكەتتى جالپى ءماجىلىستىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، «قارارداعى» ورنالاستىرۋلارمەن بىرلىككە كەلتىرىپ، جاڭا داۋىردە جۇڭگوشا سوتسياليزمگە اناعۇرلىم جاقسى تاباندى بولۋىمىز جانە ونى دامىتۋىمىز كەرەك.

  ەكىنشى، ىشكەرىلەي ۇيرەنۋ، ءتۇسىنۋ كەرەك. ءار دارەجەلى پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپالارى شوعىرلى ۇيرەنىپ، نەگىزگى ساتىداعى ءارقايسى پارتيا ۇيىمدارى جالپى بەتتىك ۇيرەنىپ، قالىڭ پارتيالى كادرلار باستاماشىلدىقپەن ۇيرەنىپ، جالپى ءماجىلىس رۋحىنىڭ باي مازمۇنى مەن وزەكتى ءمانىن جان - جاقتى، جۇيەلى ۇيرەنىپ، ءتۇسىنىپ، باس شۋجي شي جينپيڭنىڭ جالپى ماجىلىستەگى ماڭىزدى ءسوزىنىڭ رۋحىن تەرەڭدەي ۇيرەنىپ، ءتۇسىنىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنىڭ كەلەلى ءمانىن تەرەڭ تانىپ، قورىتىندىلاپ، پارتيانىڭ 100 جىلدىق كۇرەسىنىڭ اۋەلگى ماقساتىن، بورىشىن تەرەڭ تانىپ، جۇڭگوشا سوتسياليزمنىڭ جاڭا داۋىرگە قادام تاستاۋىنىڭ تاريحي تابىستارى مەن تاريحي وزگەرىسىن تەرەڭ تانىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن تەرەڭ تانىپ، تاريحتى اينا ەتىپ، بولاشاققا جول اشۋدىڭ ماڭىزدى تالابىن تەرەڭ تانىپ، جالپى ءماجىلىستىڭ رۋحىن ۇيرەنۋدىڭ، دايەكتىلەندىرۋدىڭ تەرەڭدەۋىن، جۇرەككە ۇيالاۋىن، ناقتىلانۋىن ىلگەرىلەتىپ، شينجياڭنىڭ ورنىقتىلىعىن، دامۋىن ىلگەرىلەتۋدىڭ مىعىم قوزعاۋشى كۇشىنە جانە ءىس جۇزىندىك ارەكەتىنە اينالدىرۋ كەرەك.

  ءۇشىنشى، كەڭ كولەمدە ۇگىتتەۋ، ۇگىت لەكسيا جاساۋ كەرەك. دۇرىس ساياسي بەتالىس پەن قوعامدىق پىكىر باعدارىن مىقتاپ يگەرىپ، اقپارات قۇرالدارىنىڭ ۇگىتتەۋى، شوعىرلى ۇگىت لەكسيا جاساۋ، نازاريالىق بايىمداپ ءتۇسىندىرۋ سياقتى قيمىلداردى دەن قويا ۇيىمداستىرۋ كەرەك. ءتۇرلى اقپارات قۇرالدارىن ءبىر تۇتاس جوسپارلاپ، قانات جايدىرۋ تاسىلىنە جاڭالىق ەنگىزىپ، ينتەرنەت جەلىسىندەگى جانە ينتەرنەت جەلىسىنەن تىسقارعى ۇگىتتى ۇشتاستىرىپ، ۇيرەنۋدى، ۇگىتتەۋدى كوپ تىلدە، جان - جاقتى، ستەرەولدى ورىستەتۋ كەرەك؛ ۇگىت لەكسيا ۇيىرمەسى، نەگىزگى ساتى پارتيا ۇيىمدارى، ءبىرىنشى شۋجيلەر، قىستاقتا تۇراتىن قىزمەت اترەتى سياقتىلاردىڭ رولىن ساۋلەلەندىرىپ، قاراپايىم دا تۇسىنىكتى تىلمەن جانە ءار ۇلت بۇقاراسى قۋانا قابىلدايتىن تاسىلمەن ۇگىت لەكسيانى بەتپە - بەت ىشكەرىلەي ورىستەتۋ كەرەك؛ جالپى ءماجىلىستىڭ رۋحىن ارقاۋ ەتە وتىرىپ ءبىر توپ ءتۇيىندى تاقىرىپتاردى سارالاپ، مامان - وقىمىستىلاردى ىشكەرىلەي زەرتتەۋ جۇرگىزۋگە ۇيىمداستىرىپ، ىقپال كۇشى بار ءبىر توپ نازاريالىق ماقالا جازىپ، جاريالاپ، جالپى ءماجىلىس رۋحىنىڭ تيانشان الابىندا تياناقتانىپ تامىر تارتۋىن، مىعىم رۋحاني كۇش توپتاۋىن ىلگەرىلەتۋ كەرەك.

  ءتورتىنشى، باتىل دايەكتىلەندىرۋ، تياناقتاندىرۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، ورتالىقتىڭ ۇلت قىزمەتى ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، پارتيا تاريحىن ۇيرەنۋ تاربيەسىن ۇزدىكسىز تەرەڭدەتىپ، كەڭەيتىپ، پارتيا قۇرۋ ۇلى رۋحىن بارىنشا اسقاقتاتىپ، تاريح دامۋىنىڭ زور اۋقىمىن يگەرىپ، مۇرات - سەنىمدى بەكەمدەپ، اۋەلگى ماقسات پەن بورىشتى ەستە بەرىك ساقتاپ، باستان - اياق كىشى پەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن كۇرەس جۇرگىزىپ، حالىق بۇقاراسىمەن ەتەنە بايلانىستى ماڭگى ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى سىندى ءتۇرلى قىزمەتتەردى تىڭعىلىقتى جاقسى ىستەپ، تۇتاس جىلداعى ەكونوميكالىق، قوعامدىق دامۋدىڭ نەگىزگى نىسانا - مىندەتتەرىن قۇلشىنا ورىنداپ، كەلەر جىلعى قىزمەتتەردى عىلمي جوسپارلاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن كۇش سالا جاقسى جازىپ، پارتيا 20 - قۇرىلتايىنىڭ اشىلۋىن ۇزدىك ناتيجەمەن قارسى الۋ كەرەك.

  ەركىن تۇنياز، نۇرلان ءابىلماجىن، لي يفي، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ەلزات احمەتجان، قادەن كابەن قاتارلىلار ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.