اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جەتكىزدى، ۇيرەندى
جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازايىق
انار بۇلت / شينجياڭ گازەتىنىڭ ءتىلشىسى ليۋ شياڭ 11 - ايدىڭ 13 - كۇنى ۇرىمجىدەن حابارلايدى. 11 - ايدىڭ 12 - كۇنى كەشتە اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى، اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي، دايەكتىلەندىرۋ، تياناقتاندىرۋ قىزمەتىن ورنالاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلادى، بۇل بۇكىل پارتيانىڭ ونان ارى يدەيانى بىرلىككە كەلتىرۋدى، ەرىك - جىگەردى بىرلىككە كەلتىرۋدى، ارەكەتتى بىرلىككە كەلتىرۋدى ىلگەرىلەتۋى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىسىنە قول جەتكىزۋى جونىنەن كەلەلى رەال مانگە جانە تەرەڭ تاريحي مانگە يە. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تاباندىلىقپەن باتىل قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىنا مىزعىماي، باتىل تاباندى بولىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن شىن مانىندە وي - ساناعا ۇيالاتىپ، ارەكەتتە ايگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدىڭ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋدىڭ قۋاتتى قوزعاۋشى كۇشىنە اينالدىرۋ كەرەك.
ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە الداعى ءبىر مەزگىلدەگى كەلەلى ساياسي مىندەت ەتىپ، جالپى ءماجىلىس رۋحىنىڭ باي مازمۇنى مەن وزەكتى ءمانىن ءداپ باسىپ دۇرىس يگەرىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن تەرەڭ تانىپ، پارتيانىڭ 100 جىلدىق كۇرەسىنىڭ اۋەلگى ماقساتىن، بورىشىن تەرەڭ تانىپ، تاريحتى اينا ەتىپ، بولاشاققا جول اشۋدىڭ ماڭىزدى تالاپتارىن تەرەڭ تانىپ، ۇيرەنۋدىڭ، دايەكتىلەندىرۋدىڭ تەرەڭدەۋىن، جۇرەككە ۇيالاۋىن، ناقتىلانۋىن ىلگەرىلەتىپ، جالپى ءماجىلىس رۋحىنىڭ ساناعا سىڭىرىلۋىنە، كوكەيگە ۇيالاۋىنا، تيانشان الابىندا تامىر تارتىپ تياناقتانۋىنا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: جالپى ءماجىلىس رۋحىن ۇيرەنۋدە، دايەكتىلەندىرۋدە، مىندەت اتقارۋدا پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋ كەرەك. ءىس جۇزىندىك جاعدايمەن تىعىز ۇشتاستىرىپ، نازاردى باس نىساناعا شوعىرلاندىرىپ، شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ قىزمەتتەرىن مىقتى يگەرۋ كەرەك. حالىقتى وزەك ەتكەن دامۋ يدەياسىن امالياتتا ايگىلەپ، حالىق تۇرمىسىنىڭ قۇت - ىرىسىن ۇزدىكسىز مولايتىپ، ءار ۇلت بۇقاراسىنىڭ رەفورمانىڭ، دامۋدىڭ جەتىستىكتەرىنەن ءتىپتى دە كوپ، ءتىپتى دە ءادىل يگىلىكتەنۋىنە مۇمكىندىك جاساۋ كەرەك. اۆتونوميالى رايوندىق 10 - رەتكى پارتيا قۇرىلتايىندا بەلگىلەنگەن ءتۇيىندى قىزمەت مىندەتتەرىنە تۋرالانىپ، مىندەت اشالاۋ جوباسىن اقىلداسىپ جاساپ، قىزمەت شارالارىن اشالاپ، ءار دارەجەلى ورىنداردىڭ جاۋاپكەرشىلىگىن قاتايتىپ، ءتۇرلى مىندەتتىڭ ناقتاپ تياناقتانۋىنا شىنايى كەپىلدىك ەتۋ كەرەك. ستيل قۇرىلىسىنا ۇزدىكسىز بۇرىلىس جاساپ، فورماشىلدىقتى، تورەشىلدىكتى باتىل جەڭىپ، نەگىزگى زەيىن - زەردەنى، كۇش - قۋاتتى تۇگەلدەي تياناقتاندىرۋدى يگەرۋگە، ناتيجە شىعارۋعا جۇمساپ، شينجياڭنىڭ ورنىقتىلىعىنىڭ، دامۋىنىڭ جاڭا جاعدايىن قۇلشىنا اشۋ كەرەك.
ءماجىلىس مىنالاردى تالاپ ەتتى: قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە حالىق تۇرمىسىمەن تىعىز جاناستىرا وتىرىپ، ەكونوميكانىڭ جوعارى ساپالى دامۋىن ىلگەرىلەتۋ سياقتى ءتۇرلى قىزمەتتى تىڭعىلىقتى، ويداعىداي يگەرۋگە، تۇتاس جىلداعى ءتۇرلى نىسانا - مىندەتتى تابىستى ورىنداۋعا شىنايى كەپىلدىك ەتىپ، كەلەر جىلعى قىزمەتتەردى عىلمي ويداعىداي جوسپارلاپ، پارتيا 20 - قۇرىلتايىنىڭ اشىلۋىن ۇزدىك ناتيجەمەن قارسى الۋىمىز كەرەك.
