− ورتالىق پەن مەملەكەت ورگاندارىنداعى، حالىقتىق توپتارداعى قالىڭ كادر، جۇمىسشى - قىزمەتكەرلەر پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن قىزۋ تالقىلادى
□ شينحۋا اگەنتتىگىنىڭ تىلشىلەرى حۋ حاۋ، شيۇڭ فىڭ
تاريحتى اينا ەتىپ، بولاشاققا جول اشۋ. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جاپپاي قورىتىندىلاپ، ”ىلگەرىدە نە ءۇشىن تابىسقا جەتە العانىمىزدى“، ”بولاشاقتا قايتكەندە ۇزدىكسىز تابىسقا جەتەتىندىگىمىزدى“ تەرەڭدەي اشىپ، ورتالىق پەن مەملەكەت ورگاندارىنداعى، حالىقتىق توپتارداعى قالىڭ كادر، جۇمىسشى - قىزمەتكەرلەر اراسىندا كۇشتى اڭىس قوزعادى.
كوپشىلىك ءبىر اۋىزدان بىلاي دەپ قارادى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى ماڭىزدى تاريحي كەزەڭدە اشىلعان ءبىر رەتكى كەلەلى تاريحي ماڭىزعا يە ءماجىلىس، ءسوز جوق، بۇكىل پارتيانى يدەيانى بىرلىككە كەلتىرىپ، ەرىكتى بىرلىككە كەلتىرىپ، ارەكەتتى بىرلىككە كەلتىرىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، بەلگىلەنگەن كۇرەس نىساناسىنان كوز جازباي، تاسقىنداعان جىگەرمەن بولاشاققا بەت الۋعا جىگەرلەندىرەدى.
ايبىندى كۇرەس داستانى، وشپەس ءومىر كەرەمەتى
قاتىستى اقپاراتتىق حابارلاردى تىڭداۋعا، كورۋگە دەر كەزىندە ۇيىمداستىرىپ، ارناۋلى تاقىرىپتا ءماجىلىس اشىپ، جالپ−ى ءماجىلىس مازمۇنداماسىن ىشكەرىلەي ۇيرەنىپ، قىزمەت امالياتىمەن ۇشتاستىرىپ دايەكتىلەندىرۋ، تياناقتاندىرۋ شارالارىن اقىلداستى... ورتالىق پەن مەملەكەت ورگاندارى، حالىقتىق توپتار جاندى دا الۋان ءتۇرلى فورمالار ارقىلى رۋحىن جەتكىزۋ، توپتىق ۇيرەنۋ ورىستەتىپ، كەڭ كولەمدى اۋىس - كۇيىس جاساپ، تالقى وتكىزدى.
ۇيرەنۋ، اۋىس - كۇيىس جاساۋ بارىسىندا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانىنىڭ، ورتالىق پەن مەملەكەت ورگاندارىنىڭ قىزمەت كوميتەتتەرىنىڭ، قوعام حاۋىپسىزدىگى مينيسترلىگىنىڭ، قازىنا مينيسترلىگىنىڭ كادر، جۇمىسشى - قىزمەتكەرلەرى بىلاي دەپ قارادى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيامىز قۇرىلعاندىعىنىڭ 100 جىلدىعى سىندى ماڭىزدى تاريحي ساتتە اشىلعان ءبىر رەتكى توتەنشە ماڭىزدى ءماجىلىس، كەلەلى رەال مانگە جانە تەرەڭ تاريحي مانگە يە.
وتكەن 100 جىلدا پارتيا بۇكىل ەلدەگى ءار ۇلت حالقىن ىنتىماقتاستىرىپ جانە باستاپ ادامزاتتىڭ دامۋ تاريحىنداعى ايبىندى كارتينانى سالىپ، جۇڭحۋا ۇلتىنىڭ ۇلى گۇلدەنۋى بۇرىن بولىپ كورىلمەگەن جارقىن بولاشاعىن ايگىلەدى.
100 جىلدىق جورىققا قايىرىلا قاراپ، ورتالىق كوميتەت ۇگىت ءبولىمىنىڭ، سىرتقى ىستەر مينيسترلىگىنىڭ، قازىنالىق باقىلاۋ مەكەمەسىنىڭ كادر، جۇمىسشى - قىزمەتكەرلەرى ەرەكشە شابىتتانىپ، بارىنشا ماقتانىش سەزىندى. كوپشىلىك بىلاي دەپ قارادى: پارتيا مەن حالىق 100 جىل كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ۇلى داستاندى جازىپ، وشپەس ءومىر كەرەمەتىن جاراتتى. وسى 100 جىلدا اشىلعان ۇلى جول، ىستەلگەن ءىرى ىستەر، قول جەتكىزگەن ۇلى تابىستار، ءسوز جوق، جۇڭحۋا ۇلتىنىڭ دامۋ تاريحىنا، ادامزات وركەنيەتىنىڭ دامۋ تاريحىنا جازىلادى.
”جۇڭحۋا ۇلتى ورنىنان تۇرۋدان، بايۋدان قۇدىرەتتەنۋگە دەيىنگى ۇلى سەكىرۋدى قارسى الىپ، جۇڭحۋا ۇلتى ۇلى گۇلدەنۋىنىڭ كەرى قايتارۋعا كەلمەيتىن تاريحي بارىسىن جۇزەگە اسىردى“. مەملەكەت حاۋىپسىزدىگى مينيسترلىگىنىڭ، تۇرعىن ءۇي جانە قالا، اۋىل قۇرىلىسى مينيسترلىگىنىڭ، قاتىناس - تاسىمال مينيسترلىگىنىڭ كادر، جۇمىسشى - قىزمەتكەرلەرى مىنانى ءبىلدىردى: پارتيا 18 - قۇرىلتايىنان بەرى پارتيانىڭ تىلەگى، ارميانىڭ تىلەگى، حالىقتىڭ تىلەگى بۇرىن بولىپ كورىلمەگەن دەڭگەيدە ۇيىستىرىلىپ جانە ولاردى جەلپىندىرىپ، ەلىمىزدىڭ حالىقاراداعى ورنى كۇن سايىن بەكەمدەلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحانى كۇش - قۋات ازىرلەدى.
وسى رەتكى جالپى ءماجىلىستىڭ ءبىر ماڭىزدى جەتىستىگى − «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلدادى.
”بۇل شۇعىلالى ماركسيزمدىك تۇعىرنامالىق حۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى“. ورتالىق پارتيا مەكتەبىنىڭ (مەملەكەت اكىمشىلىك شۋەيۋانىنىڭ)، وقۋ - اعارتۋ مينيسترلىگىنىڭ، جۇڭگو حالىق بانكەسىنىڭ كادر، جۇمىسشى - قىزمەتكەرلەرى بىلاي دەپ قارادى: وسى ءبىر قارار پارتيانىڭ الدىڭعى ەكى تاريحي قارارىمەن ءارى تامىرلاس، ءارى داۋىرمەن بىرگە ىلگەرىلەگەن، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريح لوگيكاسىن، نازاريالىق لوگيكاسىن، امالياتتىق لوگيكاسىن ساباقتاستىرعان.
تاريحي ۇلكەن اۋقىمدى يگەرىپ، تاريحي زاڭدىلىقتى اشتى
«جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» پارتيانىڭ 100 جىلدىق كۇرەسىنىڭ تاريحي ءمانىن 5 جاقتان قورىتىندىلاپ، جيناقتاپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن 10 جاقتان قورىتىندىلاپ، جيناقتادى.
”جۇڭگو كوممۋنيستىك پارتياسىنىڭ 100 جىلدىق كۇرەسىنەن نە ءۇشىن بۇرىن تابىسقا جەتە العانىمىزدى ايقىن كورۋىمىز، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارۋىمىز كەرەك“. مەملەكەتتىك حالىق قۇرىلتايى ورگانىنىڭ، مەملەكەتتىك ساياسي كەڭەس ورگانىنىڭ، حالىق ىستەرى مينيسترلىگىنىڭ كادر، جۇمىسشى - قىزمەتكەرلەرى بىلاي دەپ قارادى: بۇل ۇزاق ۋاقىتتىق اماليات بارىسىندا جينالعان قۇندى تاجىريبە، جۇڭگو كوممۋنيستىك پارتياسى مەن حالىق بىرگە جاراتقان رۋحاني بايلىق، ءتۇبىرلى سيپاتقا جانە ۇزاق بولاشاقتىق جەتەكشىلىك مانگە يە، ءسوز جوق، قاباعات قاستەرلەۋ، ۇزاق ۋاقىت تاباندى بولۋ ءارى جاڭا ءداۋىر امالياتى بارىسىندا ۇزدىكسىز بايىتۋ جانە دامىتۋ كەرەك.
ورتالىق كوميتەت ۇيىمداستىرۋ ءبولىمىنىڭ، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، اۋىل شارۋاشىلىعى، اۋىل - قىستاق مينيسترلىگىنىڭ كادر، جۇمىسشى - قىزمەتكەرلەرى مىنانى ءبىلدىردى: ءسوز جوق، پارتيانىڭ جاپپاي باسشىلىعىنا تاباندى بولىپ، پارتيانىڭ باسشىلىعىن ۇزدىكسىز كەمەلدەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جالپى جاعدايدى تەگىس مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋ كەرەك. بۇل ءبىزدىڭ بۇرىن تابىسقا جەتۋىمىزدىڭ قۇپيا سيفرى، سونداي - اق بۇدان كەيىن ۇزدىكسىز تابىسقا جەتە بەرۋىمىزدىڭ تەتىگى.
پارمەندى باسشىلىق ۇيتقى مەن عىلمي نازاريالىق جەتەكشىلىك − پارتيا مەن مەملەكەتتىڭ بولاشاعىنا، تاعدىرىنا، پارتيا مەن حالىق ىستەرىنىڭ تابىستى بولۋ - بولماۋىنا ساياتىن ءتۇبىرلى ماسەلە.
ورتالىق كوميتەت سىرتپەن بايلانىس جاساۋ ءبولىمىنىڭ، سۋ يگىلىگى مينيسترلىگىنىڭ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ، مەملەكەتتىك ايەلدەر بىرلەستىگىنىڭ كادر، جۇمىسشى - قىزمەتكەرلەرى مىنانى ءبىلدىردى: پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋ جونىنەن شەشۋشى ماڭىز الدى.
”شي جينپيڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى بولىپ، ماركسيزمنىڭ جۇڭگوشالانۋىنىڭ تىڭ سەكىرۋىن جۇزەگە اسىردى“. مەملەكەتتىك دامۋ جانە رەفورما كوميتەتىنىڭ، عىلىم - تەحنيكا مينيسترلىگىنىڭ، ونەركاسىپ جانە ينفورماتسيالاندىرۋ مينيسترلىگىنىڭ، مەملەكەتتىك باس جۇمىسشى ۇيىمىنىڭ كادر، جۇمىسشى - قىزمەتكەرلەرى مىنانى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باستان - اياق دامۋ زاڭدىلىعىن يگەرىپ، عىلمي دۇنيە كوزقاراسى مەن ادىستەمەلەردى قولدانىپ ىستەردىڭ دامۋىن جوسپارلاساق، حاۋىپ - قاتەر، سىن - سايىستارعا توتەپ بەرسەك، پارتيامىز بۇكىل ەلدەگى ءار ۇلت حالقىن باستاپ داۋىلعا قاسقايا تولقىن جارىپ، ۇزدىكسىز تىڭ دا اناعۇرلىم زور كەرەمەتتەر اشا الادى.
جاڭا ەمتيحان تاپسىرۋ جورىعىنا قادام تاستاپ، جاڭا ۇلى جەڭىستەرگە قول جەتكىزەمىز
وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر پارتيا جۇڭگو حالقىن ىنتىماقتاستىرىپ جانە باستاپ ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا قادام تاستادى.
ورتالىق كوميتەت بىرلىكساپ ءبولىمىنىڭ، مەملەكەتتىك ۇلت ىستەرى كوميتەتىنىڭ، ءادىليا مينيسترلىگىنىڭ كادر، جۇمىسشى - قىزمەتكەرلەرى مىنانى ءبىلدىردى: تۋى ايقىن تۇردە ساياسيدى دارىپتەپ، تانىم مەن ارەكەتتى بىرلىككە كەلتىرە ادالدىقتى ايگىلەپ، جالپى ءماجىلىس رۋحىن جوعارى ساپادا، جوعارى ونىممەن دايەكتىلەندىرىپ، تياناقتاندىرىپ، جاۋھارىن ىشكەرىلەي يگەرىپ، جەتە ۇعىنىپ، تولىق ءتۇسىنۋدى ورىندايمىز. ۇيرەنۋ ءونىمىن امالياتقا جەتەكشىلىك ەتۋدىڭ، قىزمەتتەردى ىلگەرىلەتۋدىڭ قابىلەتىنە اينالدىرىپ، اۋەلگى ماقساتتى، بورىشتى اناعۇرلىم سانالى تۇردە امالياتتا ايگىلەپ، التىنشى جالپى ءماجىلىس رۋحىن ارەكەتتە تياناقتاندىرۋ، قىزمەت بارىسىندا دايەكتىلەندىرۋ كەرەك.
بۇرىن بولىپ كورىلمەگەن وزگەرىس داۋىرىندە تۇرعان، بۇرىنعىلار ىستەمەگەن ۇلى ىستەردى تىندىرعان بۇگىنگى ءبىز جۇڭحۋا ۇلتىنىڭ ۇلى گۇلدەنۋىن ىسكە اسىرۋ نىساناسىنا تاريحتاعى ءارقانداي كەزەڭدەگىدەن دە جاقىنداي تۇستىك، وعان سەنىمىمىز بەن قابىلەتىمىز قاپتال جەتەدى، سونىمەن بىرگە، ءسوز جوق، اناعۇرلىم اۋىر، اناعۇرلىم جاپالى قۇلشىنىس جاساۋعا دايىن بولۋىمىز كەرەك.
ساۋدا ىستەرى مينيسترلىگىنىڭ، مادەنيەت جانە ساياحات مينيسترلىگىنىڭ، قوسىننان شەگىنگەن اسكەريلەر ىستەرى مينيسترلىگىنىڭ، توتەنشە جاعدايعا توتەپ بەرۋدى باسقارۋ مينيسترلىگىنىڭ كادر، جۇمىسشى - قىزمەتكەرلەرى ءبىر اۋىزدان بىلاي دەپ قارادى: التىنشى جالپى ءماجىلىس رۋحىن مۇقياتتىلىقپەن ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، جۇڭگو كوممۋنيستىك پارتياسى دەگەن نە، نە ىستەۋى كەرەك دەگەن ءتۇبىرلى ماسەلەنى ەستە بەرىك ساقتاپ، باستان - اياق ەمتيحان تاپسىرۋ سەرگەكتىگى مەن بەكىمىن ساقتاپ، العان بەتتەن قايتپايتىن قايسارلىقپەن بەلگىلەنگەن نىسانانى كۇش سالا جۇزەگە اسىرىپ، 100 شاقىرىم جولدىڭ توقسان شاقىرىمىن باسساڭ دا جارىم جولدا ءجۇرمىن دەپ ءبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتەمىز.
جالپى ءماجىلىس جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىن 2022 - جىلدىڭ سوڭعى جارىمىندا بەيجيڭدە اشۋدى ۇيعاردى.
ورتالىق ساياسي - زاڭ كوميتەتىنىڭ، ەڭ جوعارى حالىق سوتى مەكەمەسىنىڭ، جاراتىلىستىق بايلىق مينيسترلىگىنىڭ كادر، جۇمىسشى - قىزمەتكەرلەرى مىنانى ءبىلدىردى: جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، حالىقتى بايىتۋدى، مەملەكەتتى قۇدىرەتتەندىرۋدى، كورىكتى جۇڭگو قۇرۋدى سايكەستى ىلگەرىلەتىپ، ەڭ كوپ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، پارتيا 20 - قۇرىلتايىنىڭ اشىلۋىن ۇزدىك ناتيجەمەن قارسى الامىز.
كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىندايمىز.
ەڭ جوعارى حالىق پروكۋراتۋراسىنىڭ، ەكولوگيالىق ورتا مينيسترلىگىنىڭ، كوممۋنيستىك جاستار وداعى ورتالىق كوميتەتىنىڭ كادر، جۇمىسشى - قىزمەتكەرلەرى جالپى ءماجىلىستىڭ جەڭىسپەن اشىلۋى، ءسوز جوق، بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن زور كۇشپەن ساۋلەلەندىرىپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاڭا داۋىردەگى جاڭا جورىقتا اناعۇرلىم ۇلى جەڭىسكە جانە داڭققا قول جەتكىزۋگە جىگەرلەندىرەتىنىنە كامىل سەندى!
(شينحۋا اگەنتتىگىنىڭ 11 - ايدىڭ 12 - كۇنى بەيجيڭنەن بەرگەن حابارى)
