− اۆتونوميالى رايوندىق حالىق ۇكىمەتى كەڭسەسىنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ورىستەتكەندىگى جونىندە
□ انار بۇلت / شينجياڭ گازەتىنىڭ ءتىلشىسى لي ياڭ
11 - ايدىڭ 4 - كۇنى اۆتونوميالى رايوندىق 12345 اكىمشىلىك ىستەر قىزمەت وتەۋى حالىققا قولايلى ىستىق لەنيا تۇعىرى رەسمي جۇمىسقا كىرىستى. بۇل تۇعىر 14 ايماق، وبلىس، قالاداعى 12345 ىستىق لەنياسىمەن تۇتاسىپ، 32 اكىمشىلىك ىستەر قىزمەت وتەۋى حالىققا قولايلى ىستىق لەنياسىمەن بىرىگىپ، ”N+14+1“ اكىمشىلىك ىستەر قىزمەت وتەۋى حالىققا قولايلى ىستىق لەنيا جۇيەسىن قالىپتاستىرىپ، ءبىر ءنومىر ارقىلى ءارقايسى ىستىق لەنيامەن جالعانۋدى، ءبىر ءنومىر ارقىلى ءارقايسى تاراۋمەن تۇتاسۋدى جۇزەگە اسىردى.
بۇل اۆتونوميالى رايوندىق حالىق ۇكىمەتى كەڭسەسىنىڭ اكىمشىلىك ىستەر قىزمەت وتەۋ قابىلەتىن جوعارىلاتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى بارىسىندا اۋەلگى ماقساتتى، بورىشتى امالياتتا ايگىلەگەندىگىنىڭ شاعىن كارتيناسى ەسەپتەلەدى.
ءتۇرلى جولدار ارقىلى بۇقارانىڭ ارمان - تىلەگىنە قۇلاق اسىپ، بۇقارانى مازالاعان ىستەردى، ۋايىمداتقان ىستەردى، الاڭداتقان ىستەردى بۇقارانى الاڭسىز ەتەتىن ىستەرگە، كوڭىل قالاۋىنان شىعاتىن ىستەرگە، جانعا شۋاق شاشاتىن ىستەرگە اينالدىرۋ كەرەك. پارتيا تاريحىن ۇيرەنۋ تاربيەسى ورىستەتىلگەننەن بەرى اۆتونوميالى رايوندىق حالىق ۇكىمەتى كەڭسەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ورىستەتىپ، بۇقارا ەڭ كوڭىل بولەتىن، ەڭ تىكە، ەڭ رەال حالىق تۇرمىسىنداعى ءبىر توپ قيىن ماسەلەلەردى كۇش سالا شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىن مانىندە كۇشەيتتى.
” تومەنگە بەرۋ، باسقارۋ، قىزمەت وتەۋ“ رەفورماسى قىزمەت وتەۋ ونىمدىلىگىن جوعارىلاتتى
11 - ايدىڭ 10 - كۇنى تۇستەن بۇرىن ءۇرىمجى كەدەن قازىنا ىستەرى باسقارماسىنىڭ كادرى ليۋ حۇي شينجياڭ اكىمشىلىك ىستەر قىزمەت وتەۋ سايتىن اشىپ، ”مەن تۋىسىما ءىس ءبىتىرىپ بەرەمىن“ ارناۋلى اۋماعىن اشىپ، ”قوعامدىق قامسىزداندىرۋ جونىنەن قىزمەت وتەۋدى“ اشتى، جۇپ قۇراعان تۋىسى تۇرسىن توحتىنىڭ ازاماتتىق كۋالىك ءنومىرى سياقتى ينفورماتسيالارىن كىرگىزگەننەن كەيىن، تۋىسىنا كومەكتەسىپ قامسىزداندىرۋ كارتچكاسىنىڭ جوعالعانىن مالىمدەپ تىزىمگە الدىرۋدى ءاپ - ساتتە ورىندادى. ”’مەن تۋىسىما ءىس ءبىتىرىپ بەرەمىن‘ ارناۋلى اۋماعى اشىلعاننان كەيىن، تۋىسىما كومەكتەسىپ ناقتى ءىس ىستەۋىمە ءتىپتى دە قولايلى بولدى“− ، دەدى ليۋ حۇي قۋانىشپەن.
بيىل اۆتونوميالى رايوندىق حالىق ۇكىمەتى كەڭسەسى اۆتونوميالى رايوننىڭ ءبىر تۇلعالانعان اكىمشىلىك ىستەر قىزمەت وتەۋ تۇعىرى قۇرىلىسىن زور كۇشپەن ىلگەرىلەتىپ، شينجياڭ اكىمشىلىك ىستەر قىزمەت وتەۋ سايتىندا ”مەن تۋىسىما ءىس ءبىتىرىپ بەرەمىن“، ءبىر بەكەتتىك فينانستىق قىزمەت وتەۋ، ءبىر بەكەتتىك كاسىپورىندارعا قىزمەت وتەۋ، ”قارتتارعا كەدەرگىسىز قىزمەت وتەۋ“ سياقتى ارناۋلى قىزمەت وتەۋ اۋماقتارىن قۇردى. مۇنىڭ ىشىندە ءبىر بەكەتتىك كاسىپورىندارعا قىزمەت وتەۋ ارناۋلى اۋماعى جيىنى 58 مىڭ 93 نۇسقا ءىس ءبىتىردى، ”قارتتارعا كەدەرگىسىز قىزمەت وتەۋ“ ارناۋلى اۋماعى ءبىر ميلليون 760 مىڭ رەتتەن استام قىزمەت وتەۋمەن قامدادى.
ۇعىسۋعا قاراعاندا، اۆتونوميالى رايون ءبىر تۇلعالانعان جەلىدە اكىمشىلىك ىستەر قىزمەت وتەۋ تۇعىرى مەملەكەتتىك اكىمشىلىك ىستەر قىزمەت وتەۋ توعىرىمەن ۇلاسۋ - تۇتاسۋ ارقىلى تۇتاس رايوندى قامتىعان، 5 دارەجە بىرلەسىپ ارەكەتتەنەتىن، بايلىقتان بىرگە يگىلىكتەنەتىن، تاراۋلار سايكەسەتىن اكىمشىلىك ىستەر قىزمەت وتەۋ جۇيەسىن قالىپتاستىرىپ، رايونداعى، ايماقتارداعى، اۋداندارداعى 3813 تاراۋدى قامتىدى، تىركەۋگە الدىرعان تۇتىنۋشىلارى 12 ميلليون 730 مىڭعا جەتىپ، كاسىپورىن، بۇقارا ءىس بىتىرگەندە تەك ءبىر عانا ”سايتقا كىرۋدى“ جۇزەگە اسىرعان. جەر - جەر، تاراۋلار وسى تۇعىرعا سۇيەنىپ اكىمشىلىك ىستەردى قابىلداۋدى جانە ءبىتىرۋدى ورىستەتتى، 80 مىڭ 306 ءىس ”ەڭ كوپ بولعاندا ءبىر رەت بارۋدى“ جۇزەگە اسىرعان، 81 مىڭ 53 ءىستىڭ تۇتاس بارىسى ينتەرنەتتە بىتىرىلگەن، 26 كاسىپكە ساياتىن 383 ءىس بۇكىل رايون بويىنشا باسقا جەردە ءبىتىرۋدى جۇزەگە اسىرعان.
اۆتونوميالى رايوندىق حالىق ۇكىمەتى كەڭسەسى شارۋاشىلىق - ساۋدا ورتاسىن جاقسارتۋدى ارناۋلى جونگە سالۋدى ىشكەرىلەي ورىستەتىپ، داعدىلى، ارناۋلى، يكەمدى شارلاۋ، شارلاپ - تەكسەرۋ سياقتى تاسىلدەردى جان - جاقتى پايدالانىپ، تالداۋ جاساپ، تۇجىرىم جاساپ، رەتتەۋ - تۇزەتۋ ۇسىنىسىن ورتاعا قويىپ، قاتىستى جاقتاردى قاز - قالپىندا رەتتەۋ - تۇزەتۋدى تياناقتاندىرۋعا قۋزادى، سايكەستىردى. قازىرگە دەيىن 14 ايماق، وبلىس، قالادا جاپپاي باقىلاۋ جۇرگىزىپ، شارۋاشىلىق - ساۋدا ورتاسىن ساپالىلاندىرۋدى جونگە سالۋ جاعىنداعى 74 ماسەلەنى بايقادى ءارى رەتتەۋ - تۇزەتۋگە قۋزادى.
”ينتەرنەت + باقىلاۋ - تەكسەرۋ“ قيىنشىلىقتى شەشىپ، قىسپاقتان ارىلتىپ، ماداقتاۋعا يە بولدى
”5007 جىلدام الەۋمەتتىك قاتىناس جەلىسى بيىل قاتىناپ جۇمىس باستادى، بۇل بۇقاراعا، شىنىندا، ەرەكشە ءتيىمدى بولدى“. 9 - ايدىڭ 15 - كۇنى ءۇرىمجى قالاسىنداعى تان مىرزا كەلتە بەينە كەسكىن تۇعىرىندا ءبىر بەينە كەسكىن جاريالاپ، العىستى سەزىمىن ءبىلدىردى.
بيىل 1 - ايدا تان مىرزا ”ينتەرنەت + باقىلاۋ - تەكسەرۋ“ تۇعىرىندا ءسوز قالدىرىپ، D007 الەۋمەتتىك قاتىناس جەلىسى توقتاتىلعاننان كەيىن جەلى بويىنداعى بۇقاراعا قولايسىزدىق الا كەلگەنىن اڭىس ەتەدى. اۆتونوميالى رايوندىق حالىق ۇكىمەتىنىڭ باقىلاۋ - تەكسەرۋ كەڭسەسى جاعدايعا تەكسەرۋ جۇرگىزگەننەن كەيىن، ءۇرىمجى قالالىق ۇكىمەتپەن، ءۇرىمجى قالالىق قاتىناس - تاسىمال مەكەمەسىمەن اقىلداسۋ، دالەلدەۋ قىزمەتىن ورىستەتتى، سونداي - اق 3 ايدا تان مىرزانى جانە مىندەتكە العان ورىننىڭ جاۋاپتى جولداستارىن اۋىس - كۇيىس جاساۋعا، اڭگىمەلەسۋگە ۇسىنىس ەتتى. مىندەتكە العان ورىن جۇمىس باسىندا: ءۇرىمجى قالاسى 2021 - جىلعى حالىق تۇرمىسى ينجەنەرياسىنداعى 10 ءىرى ناقتى ىستە باينياۋحۋ شاعىن اۋماعى الەۋمەتتىك قاتىناس جەلىسىن جاقسارتۋ ءىسىن ءوز ىشىنە العاندىعىن، بەلسەندىلىكپەن ىلگەرىلەتىلىپ جاتقاندىعىن ايتتى. 9 - ايدىڭ 15 - كۇنى 5007 جىلدام الەۋمەتتىك قاتىناس جەلىسى اشىلدى، 5201، 5031 سياقتى الەۋمەتتىك قاتىناس جەلىلەرىنە دە جاقسارتۋ، رەتتەۋ جۇرگىزىلدى.
بۇقارا كوڭىل بولگەن تۇيىندەر قىزمەتتەگى كۇش سالۋ ءتۇيىنى بولدى. بيىل 6 - ايدىڭ باسىندا اۆتونوميالى رايوندىق حالىق ۇكىمەتى كەڭسەسى جىبەرگەن قىزمەت گرۋپپالارى 10 ايماق، وبلىس، قالاعا، 28 اۋدان، قالا، رايونعا بارىپ، ”ينتەرنەت + باقىلاۋ - تەكسەرۋ“ تۇعىرىنداعى بۇقارا اڭىس ەتكەن لەبىزدى، دەرەكتەردى ”قايتا قاداعالادى“ ءارى سول جەردىڭ وزىندە قۋزاپ ءبىتىرىپ، بۇقارا نازار اۋدارعان ءبىر توپ ”شۇعىل، قيىن، الاڭداعان، ءزارۋ“ ماسەلەلەردى شەشتى.
”ءبىز بۇقارا اڭىس ەتكەن دەرەكتەردى ءتۇيىندى تەكسەرىپ، ءبىتىرىپ، قاتىستى جەرگىلىكتى ورىندار مەن تاراۋلاردى ’تۇيىندەگى‘ ماسەلەلەردى تەكسەرۋدى، ’كولەمدەگى‘ ماسەلەلەردى رەتتەۋ - تۇزەتۋدى تىڭعىلىقتى تۇردە ويداعىداي ىستەپ، كاسىپورىنعا، بۇقارا اسىعاتىن، ءزارۋ ىستەرگە ءونىمدى اڭىس قايتارىپ، بۇقارا ءۇشىن ناقتى ءىس ىستەۋدىڭ قامتيتىن كولەمىن اناعۇرلىم كەڭەيتتىك“، - دەدى اۆتونوميالى رايوندىق حالىق ۇكىمەتى باقىلاۋ - تەكسەرۋ كەڭسەسىنىڭ مەڭگەرۋشىسى تاۋ جيە.
11 - ايدىڭ 10 - كۇنىنە دەيىن، اۆتونوميالى رايوندىق حالىق ۇكىمەتىنىڭ باقىلاۋ - تەكسەرۋ كەڭسەسى جيىنى 2494 ماسەلە دەرەگىن تەكسەرىپ ءبىر جاقتى ەتكەن، 82 مىڭ 21 بۇقارا يگىلىككە كەنەلگەن. قاتىستى جەرگىلىكتى ورىنداردىڭ جانە تاراۋلاردىڭ ەڭبەكاقى تاراتا الماۋ ماسەلەسىنەن ساقتانۋ جانە شەشۋ جونىندە ءتۇرلى ءتۇزىم شارالاردى اقاۋسىزداندىرىپ، قۇرىلىس سالاسىنداعى كەشەۋىلدەتىلگەن 129 ميلليون 200 مىڭ يۋان ينجەنەريا اقىسىن انىقتاپ، حالىق جۇمىسكەرلەرىنىڭ 2 ميلليون 511 مىڭ 900 يۋان ەڭبەكاقىسىن اداقتاپ بەردى.
ءبىر پارتيا مۇشەسى، تۇپتەپ كەلگەندە، بۇقاراعا قىزمەت وتەيتىن تۋ
”كوزىم جازىلعاننان كەيىن، مەن بارىنەن بۇرىن انامنىڭ كۇلىمسىرەگەن ءجۇزىن كورگىم كەلدى“. 9 - ايدىڭ 30 - كۇنى تۇستەن كەيىن جاڭا ءشار اۋدانى جاڭا اۋات اۋىلى توپچاقا قىستاعىنداعى 14 جاستاعى ءوسپىرىم ابدۇعيني مامۇت جۇڭشان داشۋەسى جۇڭشان كوز اۋرۋلار ءبولىمى ورتالىعىنىڭ وپەراتسيا جاساۋ بولىمىنە كىرگىزىلۋدەن ىلگەرى وسىلاي دەدى. بۇل كۇندەرى وپەراتسيا جاساتىپ اۋىلىنا قايتقان ابدۇعينيدىڭ ارمانى ورىندالدى.
ابدۇعيني اۆتونوميالى رايوندىق حالىق ۇكىمەتى كەڭسەسىنىڭ توپچاقا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىندەگىلەرىنىڭ بەلسەنە بايلانىس جاساۋىمەن، اۆتونوميالى رايوندىق حالىق ۇكىمەتىنىڭ گۋاڭجوۋداعى ءىس باسقارماسىنىڭ كوپ جاقپەن سايكەستىرۋىمەن ءوزىنىڭ گۋاڭجوۋعا بارىپ، كوز ءمۇيىز قابىعىن الماستىرۋ وپەراتسياسىن جاساتا العاندىعىن ۇمىتا المايدى. ”قىزمەت اترەتىندەگى اعايلارعا راقىمەت ايتامىن، سەندەر مەنىڭ جارىق دۇنيەمەن قايتا قاۋىشۋىما كومەكتەستىڭدەر“، - دەدى ابدۇعيني.
ءبىر پارتيا مۇشەسى، تۇپتەپ كەلگەندە، بۇقاراعا قىزمەت وتەيتىن تۋ. اۆتونوميالى رايوندىق حالىق ۇكىمەتى كەڭسەسىندەگى ءار ۇلت پارتيا مۇشەلەرى، كادرلارى ءوز قىزمەت ورنىن تياناق ەتىپ، شاعىن ىستەردەن باستاپ ىسكە كىرىسىپ، مۇمكىندىكتىڭ بارىنشا بۇقارا ءۇشىن ناقتى ءىس ىستەۋگە شاماسىنىڭ جەتىسىىنشە قۇلشىندى. ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى نەگىزگى ساتىعا تامىر تارتۋ رولىن تولىق ساۋلەلەندىرىپ، 26 قىستاق تۇرعىندار مادەنيەت الاڭىن، 27 پارتيا مۇشەلەرى قيمىل ءۇيىن، قىستاق دارەجەلى 22 ”ءتورت تاريح“ سارايىن سالدى؛ حالىققا تيىمدىلىك جاساۋ جونىنەن 13 ميلليون 983 مىڭ يۋان قارجى قوسىپ، بۇقارانىڭ ءوندىرىس، تۇرمىس، جۇمىستانۋ قيىنشىلىعىن شەشۋىنە كومەكتەسىپ، حالىق تۇرمىسىنداعى ناقتى ىستەردى ويداعىداي ىستەدى؛ 300دەن استام پارتيا مۇشەسى، كادرلار قىزمەتتەگى پارتيا مۇشەلەرىنىڭ ”ەكىگە تىزىمدەلۋ“ ەرىكتى قىزمەت وتەۋىنە ىرىقتىلىقپەن قاتىناستى، 47 مىڭ 200 بۇقارا يگىلىككە كەنەلدى.
