تيانشان تورى   ›   جاڭالىقتار   ›   عىلىم-تەحنيكا

2025 - جىلدىڭ سوڭىندا اكىمشىلىك قىستاقتارعا 5Gدىڭ جالعانۋ سالىستىرماسى %80كە جەتكىزىلەدى

رايونىمىزدىڭ ينفورماتسيا، حابارلاسۋ سالاسىنىڭ ”14 - بەسجىلدىق“ دامۋ جوباسى جاريالاندى

2025 - جىلدىڭ سوڭىندا اكىمشىلىك قىستاقتارعا 5Gدىڭ جالعانۋ سالىستىرماسى %80كە جەتكىزىلەدى

  انار بۇلت / شينجياڭ گازەتىنىڭ ءتىلشىسى فان چيۇڭيان 11 - ايدىڭ 14 - كۇنى ۇرىمجىدەن حابارلايدى. شينجياڭ حابارلاسۋدى باسقارۋ مەكەمەسىنەن ۇعىسۋعا قاراعاندا، جۋىقتا «شينجياڭ ۇيعۇر اۆتونوميالى رايونىنىڭ ينفورماتسيا، حابارلاسۋ سالاسىنىڭ ”14 - بەسجىلدىق“ دامۋ جوباسى» (تومەندە قىسقارتىلىپ «جوبا» دەلىنەدى) باسىپ تاراتىلعان. «جوبادا» 2025 - جىلدىڭ سوڭىنا بارعاندا 5G پايدالانۋشىلاردىڭ جالپىلاسۋ سالىستىرماسىن %56كە جەتكىزىلىپ، اكىمشىلىك قىستاقتارعا 5Gدىڭ جالعانۋ سالىستىرماسىن %80كە جەتكىزۋ العا قويىلعان.

  «جوبادا» اۆتونوميالى رايوننىڭ ەكونوميكاسىنىڭ، قوعامىنىڭ سيفرلانۋعا بۇرىلىس جاساۋىنا تىرەك بولۋ، سولتۇستىك شينجياڭ مەن وڭتۇستىك شينجياڭنىڭ سايكەستى دامۋىن جەبەۋ، ورتا ازياعا، باتىس ازياعا باعىتتالعان سىرتقا بەيىمدەلمەلى ەكونوميكا، مادەنيەت ورتالىعىن تۇلعالاۋ نىسانا ەتىلىپ، جاڭاشا ينفورماتسيا نەگىزدىك قۇرىلعىلارىن ورنالاستىرۋ، سيفرلانعان قولدانبالى قىزمەت كورسەتۋدى كەڭەيتۋ، جاڭاشا كاسىپ باسقارۋ جۇيەسىن قۇرۋ، ينتەرنەت حاۋىپسىزدىگى جانە توتەنشە جاعدايعا توتەپ بەرۋ، قامتاماسىز ەتۋ قابىلەتىن كۇشەيتۋ سىندى 4 باستى مىندەت ارقاۋ ەتىلىپ، 20 تارماقتى ناقتى شارا، 12 ءتۇرلى ءتۇيىندى ينجەنەريا العا قويىلدى.

  «جوبادا» رايونىمىزدىڭ ينفورماتسيا، حابارلاسۋ سالاسىنىڭ دامۋىنا جالپى جاعدايلىق جوسپار، ورنالاستىرۋ جاسالىپ، 2025 - جىلدىڭ سوڭىنا بارعاندا 5G پايدالانۋشىلاردىڭ جالپىلاسۋ سالىستىرماسى %56كە، اكىمشىلىك قىستاقتارعا 5Gدىڭ جالعانۋ سالىستىرماسىن %80كە، مىڭ مەگاۆاتتىق وپتيكالىق كابەل پورتىنىڭ يەلەيتىنسالىستىرماسىن %12كە جەتكىزىپ، بۇكىل ەلدىڭ ورتاشا ورەسىمەن بىردەيلەستىرۋدى؛ ءار 10 مىڭ ادامعا تيەسىلى 5G بازالىق ستانسيا سانىن 20.75كە، مىڭ مەگاۆاتتىق كەڭ جولاقتى ينتەرنەت جەلىسىن پايدالانۋشىلاردىڭ سالىستىرماسىن %10كە جەتكىزۋدى العا قويدى.

  ۇعىسۋعا قاراعاندا، ”13 - بەسجىلدىق“ مەزگىلىندە شينجياڭنىڭ ينفورماتسيا، حابارلاسۋ سالاسى جالپى تۇلعالىق جاقتان ورنىقتى، ءبىرشاما تەز دامۋدى ساقتاپ، كەڭ جولاقتى ينتەرنەت جەلىسىنىڭ جىلدامدىعىن ارتتىرىپ، اقىسىن تومەندەتۋ ونىمدىلىگى كورنەكتى بولىپ، كەڭ جولاقتى ينتەرنەت جەلىسىن وپتيكالىق كابەلگە اينالدىرىپ جاڭالاۋ نەگىزىنەن اياقتاپ، وپتيكالىق كابەل پايدالانۋشىلاردىڭ سالىستىرماسى %96.97كە جەتكەن؛ 4G ينتەرنەت جەلىسى نەگىزىنەن بۇكىل رايوندى قامتىپ، 4G بازالىق ستانسيالارى 140 مىڭ 700 بولىپ، ءار 10 مىڭ ادامعا تيەسىلى 4G بازالىق ستانسياسى سانى 54.43 بولعان؛ 5G ينتەرنەت جەلىسى نەگىزىنەن بارلىق ايماق دارەجەلى قالالاردىڭ ورتالىق اۋماقتارىن قامتىپ، 5G بازالىق ستانسياسىنان 6508ى سالىنىپ، 5G پايدالانۋشىلاردىڭ سانى 3 ميلليون 420 مىڭعا جەتكەن؛ تەلەگرافتىڭ جالپىلىق قىزمەت وتەۋىن تۇيىندەردە سىناق ەتۋ قىزمەتىنىڭ ناتيجەسى ايتارلىقتاي بولىپ، بۇكىل شينجياڭداعى اكىمشىلىك قىستاقتارعا كەڭ جولاقتى ينتەرنەت جەلىسىنىڭ جالپىلاسۋ سالىستىرماسى %99كە جەتكەن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.