تيانشان تورى   ›   ۇيرەنۋ   ›   شولۋ

پارتيانىڭ 100 جىلدىق كۇرەسىنىڭ تاريحي تاجىريبەسىن ىشكەرىلەي تۇسىنەيىك

− پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

    □ حالىق گازەتىنىڭ شولۋشىسى

  پارتيانىڭ تاريحى ەڭ جاندى، ەڭ يلاندىرىمدى وقۋلىق، پارتيامىز ەجەلدەن تاريحي تاجىريبەلەردى قورىتىندىلاۋعا ايرىقشا ءمان بەرەدى. پارتيانىڭ ءار قادامىن نىق باسىپ بۇگىنگە جەتۋىندەگى اسا ماڭىزدى ءبىر ءتۇيىن − تاجىريبەلەردى ۇزدىكسىز قورىتىندىلاپ، قابىلەتتى ءوسىرىپ، حاۋىپ - قاتەرگە توتەپ بەرۋ، سىن - سايىستاردى قارسى الۋ، قاتەردەن قۇتىلۋ قابىلەت دەڭگەيىن ۇزدىكسىز جوعارىلاتۋ.

  100 جىلدان بەرى پارتيا حالىققا باسشىلىق ەتىپ ۇلى كۇرەس جۇرگىزىپ، العا ۇمتىلۋ بارىسىندا اتويلاپ، ساتسىزدىكتەردەن كەيىن قايراتتانا ۇمتىلىپ، قورىتىندىلاۋ بارىسىندا دەڭگەيدى جوعارىلاتىپ، قىمباتتى تاريحي تاجىريبە توپتادى. پارتيا 19 - كەزەكتى ورتالىق كوميتەتى التىنشى جالپى ماجىلىسىندە قاراپ ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» ءتۇبىرلى جانە ۇزاق بولاشاقتىق جەتەكشىلىك ماڭىزعا يە 10 ءتۇرلى تاريحي تاجىريبەنى جيناقتادى: پارتيا باسشىلىعىنا تاباندى بولۋ، حالىقتى بارىنەن جوعارى قويۋعا تاباندى بولۋ، نازاريادا جاڭالىق اشۋعا تاباندى بولۋ، دەربەس، وزىنە - ءوزى قوجايىن بولۋعا تاباندى بولۋ، جۇڭگو جولىنا تاباندى بولۋ، كۇللى دۇنيەگە كەڭ پەيىل بولۋعا تاباندى بولۋ، تىڭنان جاڭالىق اشۋعا تاباندى بولۋ، باتىل كۇرەس جۇرگىزۋگە تاباندى بولۋ، بىرلىكساپقا تاباندى بولۋ، وزىنە - ءوزى توڭكەرىس جاساۋعا تاباندى بولۋ. بۇل 10 ءتۇرلى تاريحي تاجىريبە جۇيەلى دە تولىق، ءوزارا ساباقتاسىپ ۇشتاسقان ورگانيكالى تۇتاس تۇلعا، پارتيا مەن حالىق ىستەرىندە ۇزدىكىسز تابىسقا جەتۋدىڭ ءتۇبىرلى كەپىلىن تەرەڭ اشىپ كورسەتتى، پارتيانىڭ باستان - اياق جەڭىلمەس تۇعىردان تايماۋىنىڭ كۇش قاينارىن تەرەڭ اشىپ كورسەتتى، پارتيانىڭ باستان - اياق تاريحي ىرىقتىلىقتى يگەرۋىنىڭ ءتۇبىرلى سەبەبىن تەرەڭ اشىپ كورسەتتى، پارتيانىڭ العاباسارلىق پەن كىرشىكسىزدىكتى ماڭگى ساقتاۋىنىڭ، قاشاندا ءداۋىردىڭ الدىڭعى لەگىندە ءجۇرۋىنىڭ ءتۇبىرلى جولىن تەرەڭ اشىپ كورسەتتى، كەلەلى تاريحي ماڭىزعا جانە رەال جەتەكشىلىك ماڭىزعا يە.

  پارتيانىڭ تاجىريبەسىن پارتيامىز الۋان ماشاقاتتى باستان كەشىرىپ، ىستىق - سۋىقتى كوپ كورگەن ۇزاق ۋاقىتتىق ىزدەنىس بارىسىندا توپتاعان، وعان جەڭىس پەن جەڭىلىس، ۇتىس پەن ۇتىلىس قامتىلىپ، ىستىق قان مەن ماڭداي تەر سىڭگەن، ول پاراسات پەن قايسارلىققا تولى. تاريح پەن رەالدىق مىنانى تولىق ايگىلەدى: جۇڭگو كوممۋنيستىك پارتياسىنىڭ باسشىلىعى ءبىزدىڭ ىستەرىمىزدىڭ ۇيتقى كۇشى، جۇڭگو حالقى مەن جۇڭحۋا ۇلتىنىڭ تاياۋ زاماننان كەيىنگى تاريحي تاعدىرىن تۇزەي الۋىنىڭ، بۇگىنگىدەي ۇلى تابىسقا قول جەتكىزە الۋىنىڭ ەڭ ءتۇبىرلى سەبەبى جۇڭگو كوممۋنيستىك پارتياسىنىڭ پارمەندى باسشىلىعى بولعاندىعىندا؛ پارتيانىڭ نەگىزى حالىقتا، جان تامىرى حالىقتا، كۇشى حالىقتا، حالىق − پارتيانىڭ بيلىك جۇرگىزىپ، ەلدى كوركەيتۋىندەگى ەڭ زور سەنىم؛ ماركسيزم ءبىزدىڭ پارتيا قۇرىپ، مەملەكەت بولۋىمىزدىڭ، پارتيانى كوركەيتىپ، مەملەكەتتى قۇدىرەتتەندىرۋىمىزدىڭ ءتۇبىرلى جەتەكشى يدەياسى، ماركسيزم نازارياسى دوگما ەمەس، قايتا ارەكەت باعدارناماسى، ءسوز جوق، امالياتتىڭ دامۋىنا ىلەسە دامۋ كەرەك، ءسوز جوق، جۇڭگوشالاندىرعاندا عانا تياناقتانىپ تامىر تارتا الادى، جەرگىلىكتەندىرگەندە عانا جۇرت جۇرەگىنە تەرەڭ ۇيالايدى؛ دەربەس، وزىنە - ءوزى قوجايىن بولۋ − جۇڭحۋا ۇلتى رۋحىنىڭ جانى، ءبىزدىڭ پارتيا بولىپ تۇرۋىمىزدىڭ، مەملەكەت بولىپ تۇرۋىمىزدىڭ ماڭىزدى پرينسيبى، ءوز جولىمىزبەن ءجۇرۋ − پارتيانىڭ 100 جىلدىق كۇرەسىنەن شىعارىلعان تاريحي قورىتىندى؛ باعىت جولدى بەلگىلەيدى، جول تاعدىردى بەلگىلەيدى، پارتيا 100 جىلدىق كۇرەسىندە باستان - اياق ەلىمىزدىڭ مەملەكەت جاعدايىن نەگىزگە الۋعا تاباندى بولىپ، جۇڭگونىڭ ءىس جۇزىندىگىنە ۇيلەسەتىن دۇرىس جول قاراستىردى جانە قالىپتاستىردى، جۇڭگوشا سوتسياليزم جولى حالىقتىڭ تاماشا تۇرمىسىن جاراتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ سارا جولى؛ ادىلەتتىڭ داڭعىل جولىمەن جۇرسەڭ، دۇنيە كوپكە ورتاق بولادى، پارتيا قاشاندا دۇنيە جۇزىلىك كوز ايامەن ادامزاتتىڭ بولاشاعى مەن تاعدىرىن نازاردا ۇستاپ، سىرتقى دۇنيەمەن قارىم - قاتىناستى ادامزات دامۋىنىڭ زور اعىمىنان، دۇنيە ءجۇزى وزگەرىسىنىڭ ۇلكەن اۋقىمىنان، جۇڭگو دامۋىنىڭ جالپى تاريحىنان دۇرىس تانىپ جانە ءبىر جاقتى ەتىپ، تاريحتىڭ دۇرىس جاعىندا تۇردى، ادامزاتتىڭ العا باسۋ جاعىندا تۇردى؛ نەعۇرلىم ۇلى ءىس بولعان سايىن، سولعۇرلىم ماشاقات - قيىندىققا، قاتەر - بوگەتكە تولى بولادى، قاجىرلىلىقپەن كۇرەس جۇرگىزۋدى، ءورىس اشا جاڭالىق جاساۋدى قاجەت ەتەدى، پارتيا حالىققا باسشىلىق ەتىپ نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي - اق باسقا جاقتاردا جاڭالىق اشۋدى ۇزدىكسىز ىلگەرىلەتىپ، ۇمتىلا الدا جۇرەتىن باتىلدىقپەن الدىڭعىلار ءجۇرىپ كورمەگەن سونى جول تاپتى؛ كۇرەس جۇرگىزۋگە، جەڭىسكە جەتۋگە باتىل بولۋ − پارتيا مەن حالىقتىڭ جەڭىمپاز قۋاتتى رۋحاني كۇشى، پارتيا مەن حالىق قول جەتكىزگەن بارلىق تابىستار كوكتەن تۇسكەن جوق، باسقالار جارىلقاپ بەرە سالعان دا ەمەس، قايتا ۇزدىكسىز كۇرەس جۇرگىزۋمەن قولعا كەلگەن؛ ىنتىماق − كۇش، ەڭ كەڭ كولەمدى بىرلىكساپ قۇرۋ − پارتيانىڭ جاۋدى جەڭىپ جەڭىسكە جەتۋىنىڭ ماڭىزدى اسىلى، سونداي - اق پارتيانىڭ بيلىك جۇرگىزىپ، ەلدى كوركەيتۋىنىڭ ماڭىزدى اسىلى؛ وزىنە - ءوزى توڭكەرىس جاساۋعا باتىل بولۋ − جۇڭگو كوممۋنيستىك پارتياسىنىڭ باسقا ساياسي پارتيالاردان پارىقتى كورنەكتى بەلگىسى، ءوز - وزىنە توڭكەرىس جاساۋ رۋحى پارتيانىڭ ماڭگى جاستىق ومىرشەڭدىكتى ساقتاۋىنىڭ قۋاتتى تىرەگى. «قاراردا» ەگجەي - تەگجەيلى جيناقتالعان 10 ءتۇرلى تاريحي تاجىريبە − ۇزاق ۋاقىت اماليات ارقىلى توپتالعان باعالى تاجىريبە، پارتيا مەن حالىق بىرگە جاراتقان رۋحاني بايلىق، ونى، ءسوز جوق، بارىنشا قاستەرلەۋ، وعان ۇزاق ۋاقىت تاباندى بولۋ، سونىمەن بىرگە جاڭا ءداۋىر امالياتىندا ونى ۇزدىكسىز بايىتۋ جانە دامىتۋ كەرەك.

  وتكەن كۇندەردەگى كۇرەس جولدارىنا ءۇڭىلىپ، الداعى قايراتتانا ۇمتىلۋ جولىنا كوز سالعانىمىزدا، ءبىز، ءسوز جوق، پارتيانىڭ تاريحىن ويداعىداي ۇيرەنىپ، ويداعىداي قورىتىندىلاپ، پارتيانىڭ تابىستى تاجىريبەلەرىن ويداعىداي جالعاستىرۋىمىز، ويداعىداي ساۋلەلەندىرۋىمىز كەرەك. العا باسۋ جولىندا ءبىز پارتيانىڭ جالپى بەتتىك باسشىلىعىنا بۇلجىماي تاباندى بولىپ، پارتيانىڭ ۇيتقىسى مەن پارتيا ورتالىق كوميتەتىنىڭ بەدەلىن باتىل قورعاپ، پارتيا باسشىلىعىنىڭ ساياسي باسىمدىعىن تولىق ساۋلەلەندىرىپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار سالاسىنا، ءار جاعىنا، ءار بۋىنىنا تياناقتاندىرساق بولعانى، ءسوز جوق، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا وتىرىپ بەرەكە - بىرلىكپەن العا ۇمتىلۋىنا شىنايى كەپىلدىك ەتە الامىز؛ ءبىز بۇكىل ىنتا - پەيىلمەن حالىق ءۇشىن قىزمەت ىستەۋ سىندى ءتۇبىرلى باس ماقساتقا قاشاندا تاباندى بولىپ، پارتيانىڭ بۇقارالىق لۋشيانىنا تاباندى بولىپ، بيلىك دەگەنىمىزدىڭ حالىق، حالىق دەگەنىمىزدىڭ بيلىك ەكەندىگىن قاشاندا بەرىك ەستە ساقتاپ، بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، حالىق ءۇشىن بيلىك جۇرگىزۋگە، حالىققا سۇيەنىپ بيلىك جۇرگىزۋگە تاباندى بولىپ، حالىق ءۇشىن دامۋعا، دامۋدا حالىققا سۇيەنۋگە، دامۋ تابىستارىنان حالىقتى تەڭ يگىلىكتەندىرۋگە تاباندى بولىپ، جالپى حالىق بىرگە بايۋ جولىمەن بۇلجىماي جۇرسەك بولعانى، ءسوز جوق، حالىققا باسشىلىق ەتىپ جۇڭگوشا سوتسياليزمنىڭ تىڭ، اناعۇرلىم زور جەڭىسىنە قول جەتكىزە الامىز، جۇڭگو كوممۋنيستىك پارتياسىن جۇڭگو حالقىنان ءبولىپ تاستاعىسى كەلەتىن، جۇڭگو حالقىنا قاراما - قارسى قويعىسى كەلەتىن ءارقانداي قاسكۇنەمدىك ماڭگى ىسكە اسپايدى؛ ءبىز باتىلدىقپەن جاڭا امالياتپەن ۇشتاستىرىپ نازاريادا جاڭالىق اشۋدى ۇزدىكسىز ىلگەرىلەتسەك، شەبەرلىكپەن جاڭا نازاريا ارقىلى جاڭا امالياتقا جەتەكشىلىك ەتسەك بولعانى، ءسوز جوق، ماركسيزم جۇڭگونىڭ بايتاق دالاسىندا اناعۇرلىم قۋاتتى، اناعۇرلىم يلاندىرىمدى اقيقات كۇشىن ايگىلەيتىن بولادى؛ ءبىز دەربەس، وزىنە - ءوزى قوجايىن بولۋعا، ءوز كۇشىنە سۇيەنىپ ءومىر سۇرۋگە تاباندى بولىپ، شەتەلدىڭ پايدالى تاجىريبەلەرىنەن كىشى پەيىلدىكپەن ۇيرەنۋمەن، ۇلگى الۋمەن بىرگە، ۇلتتىڭ ار - نامىسى مەن وزىنە سەنىمىن بەكەمدەپ، ساندىراقتارعا سەنبەسەك، قىسىمنان قورىقپاساق بولعانى، ءسوز جوق، جۇڭگونىڭ دامۋ، العا باسۋ تاعدىرىن قاشاندا ءوز قولىمىزدا مىقتى ۇستاي الامىز؛ ءبىز توماعا - تۇيىق، قاتىپ - سەمگەن كونە سۇردەكپەن دە، تۋ وزگەرتىپ، بايراق اۋىستىراتىن تەرىس جولمەن دە جۇرمەي، جۇڭگوشا سوتسياليزم جولىمەن مىزعىماس تاباندىلىقپەن جۇرسەك بولعانى، ءسوز جوق، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعا الامىز؛ ءبىز بەيبىت دامۋ جولىمەن جۇرۋگە تاباندى بولىپ، دۇنيە ءجۇزىنىڭ بەيبىتشىلىگىن قورعاۋ ارقىلى ءوزىمىزدى دامىتۋمەن قوسا، ءوز دامۋىمىز ارقىلى دا دۇنيە ءجۇزىنىڭ بەيبىتشىلىگىن قورعاپ، دۇنيە جۇزىندەگى بارلىق العاباسار كۇشتەرمەن قول ۇستاسا العا ىلگەرىلەپ، وزگەلەرگە يەك سۇيەمەي، وزگەلەردىڭ شىلاۋىندا بولماي، ماڭگى زورەكەر بولماساق بولعانى، ءسوز جوق، ادامزات وركەنيەتىنىڭ العا باسۋىنا ۇزدىكسىز پاراسات جانە كۇش ارناپ، دۇنيە جۇزىندەگى ءار ەل حالقىمەن بىرگە تاريح دوڭعالاعىنىڭ جارقىن بولاشاققا قاراي ىلگەرىلەۋىن العا ىلگەرىلەتە الامىز؛ ءبىز ءداۋىر اعىمىنا ۇيلەسىپ، حالىقتىڭ تالابىنا ءۇن قاتىپ، باتىلدىقپەن رەفورمانى ىلگەرىلەتىپ، وزگەرىستى ءدال تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، قاتىپ - سەمۋدەن، توقىراۋدان ماڭگى اۋلاق بولساق بولعانى، ءسوز جوق، جۇرتتى جالت قاراتارلىق اناعۇرلىم كوپ دۇنيە كەرەمەتتەرىن جاراتا الامىز؛ ءبىز جاڭا ۇلى كۇرەستىڭ تاريحي ەرەكشەلىگىن يگەرىپ، تاريحي ورايدى مىقتى ۇستاپ جانە ودان جاقسى پايدالانىپ، العاشقى قادامدى جاقسى باسىپ، ىرىقتى شايقاستى ويداعىداي جۇرگىزىپ، كۇرەسكەرلىك رۋحتى ساۋلەلەندىرىپ، كۇرەسكەرلىك قابىلەتتى كۇشەيتىپ، بۇكىل پارتيانىڭ، بۇكىل ەل حالقىنىڭ جىگەر - قايراتىن جۇمىلدىرساق بولعانى، بولجاۋعا بولاتىن جانە بولجاۋعا بولمايتىن حاۋىپ - قاتەر، سىن - سايىس اتاۋلىنى جەڭىپ شىعا الامىز؛ ءبىز ۇلتتاردىڭ ۇلى ىنتىماعىن، بۇكىل ەل حالقىنىڭ ۇلى ىنتىماعىن، بارشا جۇڭحۋا پەرزەنتتەرىنىىڭ ۇلى ىنتىماعىن ۇزدىكسىز بەكەمدەپ جانە دامىتىپ، جۇڭحۋا ۇلتى ورتاق تۇلعا تانىمىن مىقتاپ ورناتىپ، ەل ءىشى - سىرتىنداعى بارلىق جۇڭحۋا پەرزەنتتەرى ويدى ءبىر ارناعا شوعىرلاندىرىپ، كۇشتى ءبىر اراعا جۇمسايتىن جالىندى جاعداي قالىپتاستىرساق بولعانى، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي ۇلى كۇشىن توپتاي الامىز؛ ءبىز پارتيانىڭ العاباسارلىعى مەن كىرشىكسىزدىگىنە نۇقسان كەلتىرەتىن بارلىق فاكتورلاردى ۇزدىكسىز الاستاپ، پارتيانىڭ سالامات تۇلعاسىن جەمىرەتىن بارلىق ۆيرۋستى ۇزدىكسىز جويىپ وتىرساق بولعانى، ءسوز جوق، پارتيانىڭ ساپاسىنىڭ وزگەرمەۋىنە، قاسيەتىنىڭ وزگەرمەۋىنە، ءتۇسىنىڭ وزگەرمەۋىنە شىنايى كەپىلدىك ەتە الامىز، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى تاريحي ۇردىستە قاشاندا پارمەندى باسشىلىق ۇيتقى بولۋىنا شىنايى كەپىلدىك ەتە الامىز.

  ماڭگىلىك ۇلى ىسكە قۇشاق اشۋدا 100 جىل تەك ونىڭ باستاماسى عانا. جاڭا ۇلى جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن ىشكەرىلەي ءتۇسىنىپ، العا باسۋعا ۇزدىكسىز پاراسات جانە كۇش قابىلداپ، قايسارلىقپەن كۇرەس جۇرگىزسەك، قاجىماي - تالماي كۇرەس جۇرگىزسەك، ءبىز، ءسوز جوق، ماشاقات - قيىندىق اتاۋلىنى، قاتەر - بوگەت اتاۋلىنى جەڭىپ شىعىپ، جاڭا دا ايبىندى تاراۋ جازىپ، تىڭ دا اناعۇرلىم زور كەرەمەت جاراتا الامىز!

  (شينحۋا اگەنتتىگىنىڭ 11 - ايدىڭ 14 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.