جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى

　　شينحۋا اگەنتتىگىنىڭ 11-ايدىڭ 16-كۇنى بەيجيڭنەن جولداعان تەلەگرامماسى

جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى

(جۇڭگو كوممۋنيستىك پارتياسى 19 – كەزەكتى ورتالىق كوميتەتىنىڭ التىنشى جالپى ماجىلىسىندە 2021 – جىلى 11 – ايدىڭ 11 - كۇنى ماقۇلداندى)

　　العى ٴسوز

　　جۇڭگو كوممۋنيستىك پارتياسى 1921-جىلى قۇرىلعاننان بەرى، جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى باستان-اياق ٴوزىنىڭ اۋەلگى ماقساتى مەن بورىشى ەتىپ، كوممۋنيزم مۇراتى مەن سوتسياليزم سەنىمىنە باستان-اياق تاباندى بولىپ، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ باي دا قۇدىرەتتى بولۋىن، حالىقتىڭ باقىتىن جۇزەگە اسىرۋ جولىندا قاجىماي-تالماي كۇرەس جۇرگىزىپ، 100 جىلدىق شۇعىلالى بارىستى باسىپ ٴوتتى.

　　100 جىلدان بەرى، پارتيا حالىققا باسشىلىق ەتىپ، قاندى شايقاستار جۇرگىزىپ، قاجىماس قايسارلىق كورسەتىپ، جاڭا دەموكراتيالىق توڭكەرىستىڭ ۇلى تابىستارىن جاراتتى؛ ٴوز كۇشىنە سۇيەنىپ ٴومىر ٴسۇرىپ، كوركەيۋ جولىندا قۇلشىنىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتتى؛ يدەيانى ازات ەتىپ، جىگەرلەنە العا باسىپ، رەفورمالاۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارىن جاراتتى؛ وزىنە سەنىپ، ٴوزىن الۋەتتەندىرىپ، تۋراشىلدىقتان اينىماي، جاڭالىق اشىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى. پارتيا مەن حالىق 100 جىل كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ۇلى داستاندى جازدى.

　　پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋ — پارتيا قۇرىلعاندىعىنىڭ 100 جىلدىق تاريحي شارت-جاعدايىندا جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتى؛ ساياسي تانىمدى، كەلەلى جاعداي تانىمىن، ۇيتقى تانىمىن، قاتار تۇزەۋ تانىمىن كۇشەيتىپ، جول سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن بەكەمدەپ، شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ٴبىرتۇتاس باسشىلىعىن باتىل قورعاپ، بۇكىل پارتيانىڭ بىركەلكى اياق الىسپەن العا باسۋىنا شىنايى كەپىلدىك ەتۋدىڭ قاجەتى؛ پارتيانىڭ وزىنە-ٴوزى توڭكەرىس جاساۋىن ىلگەرىلەتىپ، بۇكىل پارتيانىڭ كۇرەسكەرلىك قابىلەتىن جانە حاۋىپ-قاتەرلەر مەن سىن-سايىستارعا توتەپ بەرۋ قابىلەتىن جوعارىلاتىپ، پارتيانىڭ ومىرشەڭدىك قۋاتىن ماڭگى ساقتاپ، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز كۇرەس جۇرگىزۋىنىڭ قاجەتى. بۇكىل پارتيا تاريحقا ماتەرياليستىك كوزقاراس پەن پارتيا تاريحىنا دۇرىس كوزقاراسقا تاباندى بولىپ، پارتيانىڭ 100 جىلدىق كۇرەسىنەن ىلگەرىدە نە ٴۇشىن تابىسقا جەتە العانىمىزدى ايقىن كورىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، سول ارقىلى اۋەلگى ماقسات پەن بورىشتى اناعۇرلىم باتىل، اناعۇرلىم سانالى تۇردە امالياتتا ايگىلەپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋ جانە ونى دامىتۋ كەرەك.

　　1945-جىلى پارتيا 6-كەزەكتى ورتالىق كوميتەتىنىڭ جەتىنشى جالپى ماجىلىسىندە ماقۇلدانعان «ٴبىرقانشا تاريحي ماسەلە تۋرالى قارار»، 1981-جىلى پارتيا 11-كەزەكتى ورتالىق كوميتەتىنىڭ التىنشى جالپى ماجىلىسىندە ماقۇلدانعان «پارتيانىڭ رەسپۋبليكامىز قۇرىلعاننان بەرگى ٴبىرقانشا تاريحي ماسەلەسى تۋرالى قارار» پارتيانىڭ كەلەلى تاريحي ىستەرى مەن ماڭىزدى تاجىريبە ساباقتارىن شىندىقتى ٴىس جۇزىنەن ىزدەي وتىرىپ قورىتىندىلاپ، كەلەلى تاريحي كەزەڭدە بۇكىل پارتيانىڭ يدەياسى مەن ارەكەتىن بىرلىككە كەلتىرىپ، پارتيا مەن حالىقتىڭ ىستەرىن ىلگەرىلەتۋدە ماڭىزدى جەتەكشىلىك رول اتقاردى، ونىڭ نەگىزگى بايىمداۋلارى مەن قورىتىندىلارى كۇنى بۇگىنگە دەيىن قولدانىلىپ كەلەدى.

　　ٴبىرىنشى، جاڭا دەموكراتيالىق توڭكەرىستىڭ ۇلى جەڭىسىنە قول جەتكىزۋ

　　جاڭا دەموكراتيالىق توڭكەرىس كەزەڭىندە پارتيا ٴدوپ كەلگەن باستى مىندەت — يمپەرياليزمگە، فەوداليزمگە، بيۋروكرات كاپيتاليزمگە قارسى تۇرىپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ٴۇشىن ٴتۇبىرلى قوعامدىق شارت-جاعداي ازىرلەۋ.

　　جۇڭحۋا ۇلتى — بەس مىڭ جىلدان ۇزاق ۋاقىت جالعاسقان شۇعىلالى وركەنيەت جاراتىپ، ادامزات وركەنيەتىنىڭ العا باسۋىنا وشپەس ۇلەس قوسقان دۇنيە جۇزىندەگى بايىرعى ٴارى ۇلى ۇلت. 1840-جىلعى اپيىن سوعىسىنان كەيىن، باتىستاعى بەلدى ەلدەردىڭ شاپقىنشىلىعى مەن فەودالدىق ۇستەمدىكتىڭ شىرىكتەسۋىنەن جۇڭگو بىرتە-بىرتە جارتىلاي وتار، جارتىلاي فەودالدىق قوعامعا اينالىپ، مەملەكەت قورلىققا ۇشىراپ، حالىق سەرگەلدەڭگە ٴتۇسىپ، وركەنيەت زوبالاڭعا كىرىپتار بولدى، جۇڭحۋا ۇلتى بۇرىن بولىپ كورمەگەن اۋىر الاپاتتى باسىنان كەشىردى. ۇلتتى جويىلۋ حاۋىپىنەن قۇتقارۋ ٴۇشىن جۇڭگو حالقى ەرلىكپەن قارسىلىق كورسەتتى، ارداگەر ازاماتتار جان ۇشىرا ۇرانداپ، جان تەبىرەنتەرلىك كۇرەستەر جۇرگىزدى. تايپيڭ تيانگو قوزعالىسى، شەتەلشىلدىك قوزعالىسى، ۋشۇي جىلعى جاڭالىققا كوشۋ، يحىتۋان قوزعالىسى ىركەس-تىركەس تۋىلىپ، وتاندى قۇتقارۋدىڭ ٴتۇرلى جوباسى ىلگەرىندى-كەيىندى العا قويىلدى، ٴبىراق، بارلىعى جەڭىلىسپەن تىندى. سۇن جۇڭشان مىرزا باسشىلىق ەتكەن شينحاي توڭكەرىسى جۇڭگوعا نەشە مىڭ جىل ۇستەمدىك ەتكەن پاتشالىق دارا بيلىك ٴتۇزىمدى اۋدارىپ تاستادى، الايدا جۇڭگونىڭ جارتىلاي وتار، جارتىلاي فەودالدىق قوعامدىق سيپاتى مەن جۇڭگو حالقىنىڭ ايانىشتى تاعدىرىن وزگەرتە المادى. جۇڭگو جاڭا يدەيانىڭ وتاندى جويىلۋدان قۇتقارۋ قوزعالىسىنا جەتەكشىلىك ەتۋىنە، جاڭا ۇيىمنىڭ توڭكەرىستىك كۇشتەردى ۇيىستىرۋىنا شۇعىل ٴزارۋ ەدى.

　　وكتابر توڭكەرىسىنىڭ زەڭبىرەك ٴۇنى جۇڭگوعا ماركسيزم-لەنينيزمدى الا كەلدى. 4-مامىر قوزعالىسى ماركسيزمنىڭ جۇڭگودا تارالۋىن جەبەدى. جۇڭگو حالقى مەن جۇڭحۋا ۇلتىنىڭ ۇلى ويانۋى بارىسىندا، ماركسيزم-لەنينيزمنىڭ جۇڭگو جۇمىسشىلار قوزعالىسىمەن تىعىز ۇشتاسۋى بارىسىندا، 1921-جىلى 7-ايدا جۇڭگو كوممۋنيستىك پارتياسى زامانىنا ساي دۇنيەگە كەلدى. جۇڭگودا كوممۋنيستىك پارتيانىڭ دۇنيەگە كەلۋى تەڭدەسسىز ۇلى بۇرىلىس بولىپ، جۇڭگو توڭكەرىسىنىڭ بەت-بەينەسى وسىدان باستاپ شىت جاڭا تۇسكە ەندى.

　　پارتيا تاياۋ زامانعى جۇڭگو قوعامىنداعى باستى قايشىلىقتىڭ يمپەرياليزم مەن جۇڭحۋا ۇلتى اراسىنداعى قايشىلىق، فەوداليزم مەن حالىق بۇقاراسى اراسىنداعى قايشىلىق ەكەندىگىن تەرەڭ تانىپ جەتتى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ٴۇشىن، ٴسوز جوق، يمپەرياليزمگە، فەوداليزمگە قارسى كۇرەس جۇرگىزۋ كەرەك.

　　پارتيا قۇرىلعان العاشقى كەزدە جانە زور توڭكەرىس كەزەڭىندە پارتيا دەموكراتيالىق توڭكەرىس تۇعىرناماسىن جاساپ، جۇمىسشىلار قوزعالىسىن، جاستار قوزعالىسىن، ديقاندار قوزعالىسىن، ايەلدەر قوزعالىسىن قوزعاپ، گومينداڭنىڭ قايتا قۇرىلۋىن جانە ۇلتتىق توڭكەرىستىك ارميانىڭ قۇرىلۋىن ىلگەرىلەتتى جانە وعان كومەكتەستى، بۇكىل ەل بويىنشا يمپەرياليزمگە، فەوداليزمگە قارسى ۇلى كۇرەسكە باسشىلىق ەتىپ، زور توڭكەرىس ورلەۋىن كوتەردى. 1927-جىلى گومينداڭنىڭ ىشىندەگى كەرتارتپا توپ توڭكەرىسكە وپاسىزدىق جاساپ، كوممۋنيستەردى جانە توڭكەرىسشىل حالىقتى اياۋسىز قىرعىندادى، پارتيا ىشىندە چىن دۋشيۋدى ۋاكىل ەتكەن وڭشىلدىق يدەيا دامىپ، وڭشىل ورايشىلدىق قاتەلىككە اينالعاندىقتان ٴارى پارتيانىڭ باسشىلىق ورگانىندا ۇستەم ورىندا تۇرعاندىقتان، پارتيا مەن حالىق ٴونىمدى قارسىلىق ۇيىمداستىرا الماي، زور توڭكەرىس كۇشتى جاۋدىڭ تۇتقيىل سوققىسىندا اۋىر جەڭىلىسكە ۇشىرادى.

　　جەر توڭكەرىسى سوعىسى كەزەڭىندە پارتيا راقىمسىز رەالدىقتان توڭكەرىستىك قارۋ بولمايىنشا، قارۋلى كەرى توڭكەرىستى جەڭۋدىڭ مۇمكىن ەمەستىگىن، جۇڭگو توڭكەرىسىنىڭ جەڭىسىنە قول جەتكىزۋدىڭ مۇمكىن ەمەستىگىن، جۇڭگو حالقى مەن جۇڭحۋا ۇلتىنىڭ تاعدىرىن وزگەرتۋدىڭ مۇمكىن ەمەستىگىن، ٴسوز جوق، قارۋلى توڭكەرىس ارقىلى قارۋلى كەرى توڭكەرىسكە قارسى تۇرۋ كەرەكتىگىن تانىپ جەتتى. نانچاڭ كوتەرىلىسى گومينداڭ كەرتارتپاشىلارىنا قارۋلى كۇشپەن قارسى تۇرۋدىڭ ٴبىرىنشى وعىن اتىپ، جۇڭگو كوممۋنيستىك پارتياسىنىڭ توڭكەرىستىك سوعىسقا دەربەس باسشىلىق ەتكەندىگىنىڭ بەلگىسىنە اينالىپ، حالىق ارمياسىن قۇرۋىنىڭ جانە بيلىكتى قارۋلى كۇشپەن تارتىپ الۋىنىڭ باستاماسى بولدى. 7-اۆگۋست ٴماجىلىسى جەر توڭكەرىسىن جۇرگىزۋ جانە قارۋلى كوتەرىلىس قوزعاۋ باعىتىن بەلگىلەدى. پارتيا باسشىلىق ەتىپ كۇزگى جيىن-تەرىن كوتەرىلىسىن، گۋاڭجوۋ كوتەرىلىسىن جانە باسقا كوپتەگەن ٴوڭىردىڭ كوتەرىلىسىن قوزعادى، ٴبىراق جاۋ مەن ٴبىزدىڭ كۇشىمىزدە پارىق زور بولعاندىقتان، بۇل كوتەرىلىستەردىڭ كوبى جەڭىلىسپەن اياقتادى. اماليات سول كەزدەگى وبيەكتيۆ شارت-جاعدايدا، جۇڭگو كوممۋنيستەرىنىڭ روسسيا وكتابر توڭكەرىسى سياقتى ەڭ الدىمەن ورتالىق قالالاردى باسىپ الۋ ارقىلى توڭكەرىستىڭ بۇكىل ەل بويىنشا جەڭىسىنە قول جەتكىزۋىنىڭ مۇمكىن ەمەستىگىن، پارتيا جۇڭگونىڭ مەملەكەت جاعدايىنا ۇيلەسەتىن توڭكەرىس جولىن تابۋعا شۇعىل ٴزارۋ ەكەندىگىن دالەلدەدى.

　　ٴىرى قالالارعا شابۋىل جاساۋدان اۋىل-قىستاققا جورىق جاساۋعا ويىسۋ — جۇڭگو توڭكەرىسىنىڭ شەشۋشى ماڭىزعا يە جاڭا باستاماسى. ماۋ زىدۇڭ جولداس ارميا مەن حالىققا باسشىلىق ەتىپ، جيڭگاڭشاندا تۇڭعىش اۋىل-قىستاق توڭكەرىستىك بازاسىن قۇردى، پارتيا حالىققا باسشىلىق ەتىپ، جۋان جۇدىرىقتارعا سوققى بەرىپ، جەردى بولىسكە سالدى. گۋتيان ماجىلىسىندە پارتيانى يدەيالىق جاقتان قۇرۋ، ارميانى ساياسي جاقتان قۇرۋ پرينسيبى ايقىندالدى. كۇرەستىڭ دامۋىنا بايلانىستى، پارتيا ورتالىق توڭكەرىستىك بازالار مەن حۋنان-باتىس حۋبەي، حايفىڭ-لۋفىڭ، حۋبەي-حىنان-انحۇي، چيۇڭ-يا، فۋجيان-جىجياڭ-جياڭشي، حۋنان-حۋبەي-جياڭشي، حۋنان-جياڭشي، زوجياڭ-يوۋجياڭ، سىچۋان-شانشي، شانشي-گانسۋ، حۋنان-حۋبەي-سىچۋان-گۇيجوۋ قاتارلى بازالاردى قۇردى. پارتيا گومينداڭ ۇستەمدىگىندەگى اق رايونداردا دا پارتيا مەن باسقا توڭكەرىستىك ۇيىمداردى قۇرىپ، بۇقارالىق توڭكەرىستىك كۇرەستى ورىستەتتى. الايدا، ۋاڭ ميڭنىڭ ”سولشىلدىق“ دوگماتيزمىنىڭ پارتيا ىشىندەگى قاتە باسشىلىعىنا بايلانىستى، ورتالىق توڭكەرىستىك بازانىڭ بەسىنشى رەتكى ”قورشاپ جويۋعا“ قارسى تۇرۋى جەڭىلىسكە ۇشىراپ، قىزىل ارميا ستراتەگيالىق جوتكەلۋگە ٴماجبۇر بولدى، ەرەكشە ماشاقاتتى ۇزاق جورىقتى باستان كەشىرىپ، سولتۇستىك شانشيعا جەتتى. ”سولشىل“ لۋشياننىڭ قاتەلىگى توڭكەرىستىك بازالار مەن اق رايوندارداعى توڭكەرىستىك كۇشتەرگە وراسان زور زيان جەتكىزدى.

　　1935-جىلى 1-ايدا، ورتالىق كوميتەت ساياسي بيۋروسى ۇزاق جورىق ۇستىندە زۇن-ي ٴماجىلىسىن اشىپ، ماۋ زىدۇڭ جولداستىڭ پارتيا ورتالىق كوميتەتى مەن قىزىل ارمياداعى باسشىلىق ورنى ٴىس جۇزىندىك جاقتان تۇراقتانىپ، ماۋ زىدۇڭ جولداستى باستى ۋاكىل ەتكەن ماركستىك دۇرىس لۋشياننىڭ پارتيا ورتالىق كوميتەتىندەگى باسشىلىق ورنى تۇراقتانا باستادى، ماۋ زىدۇڭ جولداستى ۇيتقى ەتكەن پارتيانىڭ ٴبىرىنشى بۋىن ورتالىق باسشىلىق كوللەكتيۆى قالىپتاسا باستادى، پارتيانىڭ جۇڭگو توڭكەرىسىنىڭ ٴىس جۇزىندىك ماسەلەلەرىن دەربەس، وزىنە-ٴوزى قوجايىن بولا وتىرىپ شەشۋىنىڭ جاڭا كەزەڭى باستالىپ، ەڭ حاۋىپتى كەزەڭدە پارتيانى قۇتقاردى، قىزىل ارميانى قۇتقاردى، جۇڭگو توڭكەرىسىن قۇتقاردى، سونداي-اق وسىدان كەيىن پارتيا جاڭ گوتاۋدىڭ بولشەكتەۋشىلىگىن جەڭىپ، ۇزاق جورىقتى جەڭىسپەن ورىنداپ، جۇڭگو توڭكەرىسىنىڭ جاڭا جاعدايىن اشتى. مىنە، بۇل پارتيا تاريحىنداعى ٴومىر مەن ٴولىم تايتالاسقان بۇرىلىس ٴتۇيىنى بولىپ تابىلادى.

　　جاپون شاپقىنشىلارىنا قارسى سوعىس كەزەڭىندە، 18-قىركۇيەك ۋاقيعاسىنان كەيىن، جۇڭگو مەن جاپونيانىڭ ۇلتتىق قايشىلىعى ەل ىشىندەگى تاپتىق قايشىلىقتان بىرتىندەپ اسقىنىپ، باستى قايشىلىققا اينالدى. جاپون يمپەرياليستەرى ەلىمىزگە شاپقىنشىلىق جاساۋىن جيىلەتىپ، ۇلتتىق داعدارىس بۇرىن بولىپ كورىلمەگەن اۋىر ساتتە، پارتيا جاپون شاپقىنشىلارىنا قارسى قارۋلى كۇرەس تۋىن ەڭ الدىمەن بيىك ۇستاپ، جاپون شاپقىنشىلارىنا قارسى تۇرىپ، وتاندى جويىلۋدان قۇتقارۋ قوزعالىسىن كەڭ كولەمدە ورىستەتىپ، شي-ان وقيعاسىنىڭ بەيبىت جولمەن شەشىلۋىنە تۇرتكى بولىپ، گومينداڭ مەن كوممۋنيستىك پارتيانىڭ تاعى دا سەلبەسىپ، ىنتىماقتاسا جاپون شاپقىنشىلارىنا قارسى تۇرۋىن ىلگەرىلەتۋدە كەلەلى تاريحي رول اتقاردى. 7-يۋل وقيعاسىنان كەيىن، پارتيا جاپون شاپقىنشىلارىنا قارسى دۇرىس ۇلتتىق بىرلىكساپ ساياساتىن جۇرگىزىپ، جاپون شاپقىنشىلارىنا قارسى جالپى بەتتىك سوعىس لۋشيانىنا تاباندى بولىپ، ۇزاققا سوزىلاتىن سوعىس سىندى ستراتەگيالىق باس باعىتتى جانە حالىقتىق سوعىس سىندى ستراتەگيالىق تاكتيكانى العا قويىپ جانە اتقارىپ، جاۋ ارتقى شەبىندەگى كەڭ سوعىس مايدانى مەن جاپون شاپقىنشىلارىنا قارسى بازالاردى اشىپ، 8-ارميانىڭ، جاڭا 4-ارميانىڭ، جاپون شاپقىنشىلارىنا قارسى شىعىس سولتۇستىك بىرلەسكەن ارمياسىنىڭ جانە جاپون شاپقىنشىلارىنا قارسى باسقا حالىقتىق قارۋلى كۇشتەردىڭ ەرلىكپەن سوعىس جۇرگىزۋىنە باسشىلىق ەتىپ، جۇڭگو حالقىنىڭ جاپون شاپقىنشىلارىنا قارسى سوعىسىنىڭ ەڭ سوڭعى جەڭىسىنە قول جەتكىزگەنگە دەيىن بۇكىل ۇلتتىڭ جاپون شاپقىنشىلارىنا قارسى سوعىسىنىڭ نەگىزگى تىرەگىنە اينالدى. بۇل — تاياۋ زاماننان بەرگى جۇڭگو حالقى سىرتقى جاۋدىڭ شاپقىنشىلىعىنا قارسى تۇرۋدا تۇڭعىش رەت بۇكىلدەي جەڭىسكە جەتكەن ۇلت ازاتتىق كۇرەسى ٴارى دۇنيە جۇزىلىك فاشيزمگە قارسى سوعىس جەڭىسىنىڭ ماڭىزدى قۇرامداس بولىگى.

　　ازاتتىق سوعىس كەزەڭىندە، گومينداڭ كەرتارتپاشىلارى شىمىرىكپەستەن قوزعاعان جالپى بەتتىك ىشكى سوعىس الدىندا، پارتيا بارشا ارميا مەن حالىققا باسشىلىق ەتىپ، بەلسەندى قورعانىستان بىرتىندەپ ستراتەگيالىق شابۋىلعا ٴوتىپ، لياۋنيڭ-شىنياڭ شايقاسى، حۋايحى-حايجوۋ شايقاسى، بەيجيڭ-تيانجين شايقاسى سىندى ٴۇش ٴىرى شايقاس پەن چاڭجياڭنان ٴوتۋ شايقاسىندا جەڭىسكە جەتىپ، ورتا وڭتۇستىككە، باتىس سولتۇستىككە، باتىس وڭتۇستىككە جەڭىسپەن جورىق جاساپ، گومينداڭ كەرتارتپاشىلارىنىڭ سەگىز ميلليون ادامدىق ارمياسىن جويىپ، گومينداڭ كەرتارتپا ۇكىمەتىن قۇلاتىپ، يمپەرياليزم، فەوداليزم، بيۋروكرات كاپيتاليزم سىندى ٴۇش ۇلكەن تاۋدى اۋدارىپ تاستادى. پارتيا باسشىلىعىنداعى حالىق ارمياسى حالىقتىڭ قولداۋىندا، العان بەتىنەن قايتپايتىن ەرلىك جىگەرمەن قانپەزەر جاۋمەن باسىن ٴباي تىگە كۇرەس جۇرگىزىپ، جاڭا دەموكراتيالىق توڭكەرىستىڭ جەڭىسىنە قول جەتكىزۋ جولىندا تاريحي ەڭبەك ٴسىڭىردى.

　　توڭكەرىستىك كۇرەس بارىسىندا، ماۋ زىدۇڭ جولداستى باستى ۋاكىل ەتكەن جۇڭگو كوممۋنيستەرى ماركسيزم-لەنينيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن ۇشتاستىرىپ، قاجىرلىلىقپەن ىزدەنىس جاساپ، وراسان زور قۇرباندىقتار بەرىپ توپتاعان دارا جاسامپازدىققا يە ٴبىر قىدىرۋ تاجىريبەگە نازاريالىق تۇجىرىم جاساپ، اۋىل-قىستاق ارقىلى قالانى قورشاۋعا الۋ، بيلىكتى قارۋلى كۇشپەن تارتىپ الۋدىڭ دۇرىس توڭكەرىستىك جولىن اشىپ، ماۋ زىدۇڭ يدەياسىن جاراتىپ، جاڭا دەموكراتيالىق توڭكەرىستىڭ جەڭىسىنە قول جەتكىزۋ ٴۇشىن دۇرىس باعدار كورسەتىپ بەردى.

　　توڭكەرىستىك كۇرەس بارىسىندا، پارتيا اقيقاتقا تاباندى بولۋ، مۇراتتان اينىماۋ، اۋەلگى ماقساتتى امالياتتا ايگىلەۋ، بورىش ارقالاۋ، قۇرباندىق بەرۋدەن قورىقپاۋ، ەرلىكپەن كۇرەس جۇرگىزۋ، پارتياعا ادال بولۋ، حالىقتىڭ ٴۇمىتىن اقتاۋ سىندى پارتيا قۇرۋ ۇلى رۋحىن ساۋلەلەندىرىپ، پارتيا قۇرىلىسى ۇلى ينجەنەرياسىن اتقارىپ جانە ىلگەرىلەتىپ، يدەيالىق جاقتان پارتيا قۇرۋ پرينسيبىن باسا دارىپتەپ، دەموكراتيالىق ورتالىقتاندىرۋ تۇزىمىنە تاباندى بولىپ، نازاريانى امالياتپەن ۇشتاستىرۋعا، بۇقارامەن تىعىز بايلانىس جاساۋعا، سىن جانە ٴوز-وزىنە سىن ايتۋعا تاباندى بولۋ سىندى ٴۇش ٴىرى تاماشا ستيلدى ورتاعا قويىپ، بىرلىكساپ، قارۋلى كۇرەس، پارتيا قۇرىلىسى سىندى ٴۇش ۇلكەن اسىلدى قالىپتاستىرىپ، بۇكىل ەل كولەمىندە، كەڭ بۇقارالىق سيپات العان، يدەيالىق جاقتا، ساياسي جاقتا، ۇيىمدىق جاقتا تولىق نىعايعان ماركسيزمدىك ساياسي پارتيا قۇرۋعا كۇش سالدى. پارتيا 1942-جىلدان باستاپ بۇكىل پارتيادا ستيل دۇرىستاۋ جۇرگىزىپ، وسى رەتكى ماركسيزمدىك يدەيالىق تاربيە قوزعالىسى وراسان زور تابىستارعا جەتتى. پارتيا «ٴبىرقانشا تاريحي ماسەلە تۋرالى قاراردى» جاساپ، بۇكىل پارتيانىڭ جۇڭگو توڭكەرىسىنىڭ نەگىزگى ماسەلەسى جونىندەگى تانىمىن بىرلىككە كەلتىردى. پارتيا 7-قۇرىلتايى جاڭا دەموكراتيالىق جاڭا جۇڭگو قۇرۋ ٴۇشىن، دۇرىس لۋشيان، باعىت-ساياسات بەلگىلەپ، بۇكىل پارتيانى يدەيالىق جاقتا، ساياسي جاقتا، ۇيىمدىق جاقتا بۇرىن بولىپ كورمەگەن دارەجەدە بىرلىككە كەلتىردى جانە ىنتىماقتاستىردى.

　　28 جىل قاندى شايقاس جۇرگىزۋ ارقىلى پارتيا حالىققا باسشىلىق ەتىپ، دەموكراتيالىق پارتيا-توپتار مەن پارتيا-توپتا جوق دەموكراتتاردىڭ بەلسەنە سەلبەسۋىندە، 1949-جىلى 10-ايدىڭ 1-كۇنى جۇڭحۋا حالىق رەسپۋبليكاسىنىڭ قۇرىلعاندىعىن جاريالاپ، ۇلتتىڭ تاۋەلسىزدىگىن، حالىقتىڭ ازاتتىعىن جۇزەگە اسىرىپ، كونە جۇڭگونىڭ جارتىلاي وتار، جارتىلاي فەودالدىق قوعامدىق تاريحىن تۇبەگەيلى اياقتاتتى، وتە از ساندى قاناۋشىلار بارشا ەڭبەكشى حالىقتى بيلەپ-توستەپ كەلگەن تاريحتى تۇبەگەيلى اياقتاتتى، كونە جۇڭگونىڭ تورعايداي توزعان جاعدايىن ٴۇزىلدى-كەسىلدى اياقتاتىپ، بەلدى ەلدەردىڭ جۇڭگوعا زورلىقپەن تاڭعان تەڭسىز شارتتارىن جانە يمپەرياليستەردىڭ جۇڭگوداعى بارلىق ەرەكشە ۇقىقتارىن تۇبەگەيلى كۇشىنەن قالدىرىپ، جۇڭگونىڭ نەشە مىڭ جىلدىق فەودالدىق دارا بيلىك ساياسيدان حالىق دەموكراتياسىنا دەيىنگى ۇلى سەكىرۋىن جۇزەگە اسىرىپ، دۇنيە ٴجۇزىنىڭ ساياسي جاعدايىن دا بارىنشا وزگەرتىپ، دۇنيە جۇزىندەگى ەزىلگەن ۇلتتار مەن ەزىلگەن حالىقتىڭ ازاتتىق جولىنداعى كۇرەسىنە دەم بەردى.

　　اماليات تاريح پەن حالىقتىڭ جۇڭگو كوممۋنيستىك پارتياسىن تاڭداعانىن، جۇڭگو كوممۋنيستىك پارتياسىنىڭ باسشىلىعى بولماسا، ۇلتتىڭ تاۋەلسىزدىگىن، حالىقتىڭ ازاتتىعىن جۇزەگە اسىرۋدىڭ مۇمكىن ەمەستىگىن تولىق دالەلدەدى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭگو حالقىنىڭ وسىدان باستاپ ورنىنان تۇرعاندىعىن، جۇڭحۋا ۇلتىن كىم كورىنگەن باسىناتىن، قورلايتىن ٴداۋىردىڭ ەندىگارى كەلمەسكە كەتكەندىگىن، جۇڭگونىڭ دامۋى وسىدان باستاپ جاڭا عاسىر اشقاندىعىن سالتاناتپەن جاريالادى.

　　ەكىنشى، سوتسياليستىك توڭكەرىستى ورىنداۋ جانە سوتسياليستىك قۇرىلىستى ىلگەرىلەتۋ

　　سوتسياليستىك توڭكەرىس پەن قۇرىلىس كەزەڭىندە پارتيا ٴدوپ كەلگەن باستى مىندەت — جاڭا دەموكراتيزمنەن سوتسياليزمگە بۇرىلىس جاساۋدى جۇزەگە اسىرىپ، سوتسياليستىك توڭكەرىس جۇرگىزىپ، سوتسياليستىك قۇرىلىستى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ٴۇشىن ٴتۇبىرلى ساياسي العى شارت جانە تۇزىمدىك نەگىز قالاۋ.

　　جاڭا جۇڭگو قۇرىلعاننان كەيىن، پارتيا حالىققا باسشىلىق ەتىپ، ساياسي، ەكونوميكا، اسكەري ىستەر سياقتى جاقتارداعى ٴبىرقىدىرۋ قاتاڭ سىن-سايىستى جەڭىپ، گومينداڭ كەرتارتپاشىلارىنىڭ قالدىق قارۋلى كۇشتەرى مەن باندىلاردى الاستاپ، شيزاڭدى بەيبىت جولمەن ازات ەتىپ، وتانىمىزدىڭ ۇلى قۇرلىعىنىڭ بۇكىلدەي بىرلىككە كەلۋىن جۇزەگە اسىردى؛ زات باعاسىن ورنىقتىردى، قازىنا قىزمەتىن بىرلىككە كەلتىردى، جەر رەفورماسىن ورىندادى، قوعامنىڭ ٴارقايسى جاقتارىندا دەموكراتيالىق رەفورما جۇرگىزدى، ەر-ايەل ۇقىعى تەڭدىگىن جۇزەگە اسىردى، كەرى توڭكەرىسشىلەردى جانىشتادى، ”ۇشكە قارسى تۇرۋ“، ”بەسكە قارسى تۇرۋ“ ناۋقانىن ورىستەتتى، كونە قوعامنان قالعان قوقىر-قوقسىقتاردى تازالاپ، قوعامنىڭ بەت-بەينەسى شىت جاڭا تۇسكە ەندى. جۇڭگو حالىق ەرىكتىلەر ارمياسى ايباتتى دا اسقاق جىگەرمەن يالۋجياڭ وزەنىنەن ٴوتىپ، چاۋشيان حالقىمەن جانە ارمياسىمەن تىزە قوسا شايقاس جاساپ، ٴتىس-تىرناعىنا دەيىن قارۋلانعان كۇشتى جاۋدى جەڭىپ، مەملەكەتتىڭ ايبىنىن، ارميامىزدىڭ ايباتىن كورسەتىپ، جۇڭگو حالقىنىڭ رۋحاني ارىنىن ايگىلەدى، امەريكاعا قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسىنە قول جەتكىزىپ، جاڭا جۇڭگونىڭ حاۋىپسىزدىگىن قورعاپ، جاڭا جۇڭگونىڭ ٴىرى ەلدىك ورنىن ايگىلەدى. جاڭا جۇڭگو قىم-قۋىت كۇردەلى ەل ٴىشى جانە حالىقارالىق ورتادا تابان تىرەپ تۇرا الدى.

　　پارتيا جۇمىسشى تابى جەتەكشىلىك ەتەتىن، جۇمىسشى-ديقان وداعىن نەگىز ەتكەن حالىق دەموكراتياسى ديكتاتۋراسىندىق مەملەكەت بيلىگىن ورناتۋعا جانە بەكەمدەۋگە باسشىلىق ەتىپ، مەملەكەتتىڭ تەز دامۋى ٴۇشىن شارت-جاعداي جاراتتى. 1949-جىلى جۇڭگو حالىق ساياسي ٴماسليحات كەڭەسىنىڭ 1-كەزەكتى جالپى ٴماجىلىسى «جۇڭگو حالىق ساياسي ٴماسليحات كەڭەسىنىڭ ورتاق تۇعىرناماسىن» جاسادى. 1953-جىلى پارتيا وتپەلى كەزەڭدەگى باس لۋشياندى رەسمي العا قويدى، اتاپ ايتقاندا، نەداۋىر ۇزاق مەزگىل ىشىندە مەملەكەتتىڭ سوتسياليستىك ونەركاسىپتەنۋىن بىرتىندەپ جۇزەگە اسىردى ٴارى مەملەكەتتىڭ اۋىل شارۋاشىلىعىنا، قولونەركاسىپكە جانە كاپيتاليستىك ونەركاسىپ پەن ساۋداعا سوتسياليستىك وزگەرىس جاساۋىن بىرتىندەپ جۇزەگە اسىردى. 1954-جىلى 1-كەزەكتى مەملەكەتتىك حالىق قۇرىلتايىنىڭ 1-ٴماجىلىسىن اشىپ، «جۇڭحۋا حالىق رەسپۋبليكاسىنىڭ نەگىزگى زاڭىن» قابىلدادى. 1956-جىلى ەلىمىز ٴوندىرىس قۇرال-جابدىقتارىن جەكە مەنشىكتەنۋ تۇزىمىنە سوتسياليستىك وزگەرىس جاساۋدى نەگىزىنەن ورىنداپ، ٴوندىرىس قۇرال-جابدىقتارىن جالپىلىق مەنشىكتەنۋ ٴتۇزىمىن جانە ەڭبەگىنە قاراي ٴبولۋدى نەگىزىنەن جۇزەگە اسىرىپ، سوتسياليستىك ەكونوميكالىق ٴتۇزىمدى ورناتتى. پارتيا حالىق قۇرىلتايى ٴتۇزىمىن، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ٴتۇزىمىن، ۇلتتىق وڭىرلىك اۆتونوميا ٴتۇزىمىن ورناتۋعا باسشىلىق ەتىپ، حالىقتىڭ وزىنە-ٴوزى قوجايىن بولۋىن تۇزىمدىك جاقتان كەپىلدەندىردى. پارتيا بۇكىل ەلدەگى ٴار ۇلت حالقىنىڭ ۇلى ىنتىماعىن جۇزەگە اسىرۋعا جانە بەكەمدەۋگە باسشىلىق ەتىپ، ۇلتتار ٴوزارا تەڭ بولاتىن، ٴبىر-بىرىنە كومەكتەسەتىن سوتسياليستىك ۇلت قاتىناسىن قالىپتاستىرىپ جانە دامىتىپ، بۇكىل ەلدەگى جۇمىسشىلاردىڭ، ديقانداردىڭ، زيالىلاردىڭ جانە باسقا ٴارقايسى جىكتەگى حالىقتىڭ ۇلى ىنتىماعىن جۇزەگە اسىرىپ جانە بەكەمدەپ، كەڭ بىرلىكساپتى نىعايتتى جانە ۇلعايتتى. سوتسياليستىك ٴتۇزىمنىڭ ورناۋى ەلىمىزدىڭ بارلىق العا باسۋى مەن دامۋىنا ماڭىزدى نەگىز قالادى.

　　پارتيا 8-قۇرىلتايى ەلىمىز سوتسياليستىك وزگەرىس جاساۋدى نەگىزىنەن ورىنداعاننان كەيىنگى جاعدايعا نەگىزدەلىپ، ەل ىشىندەگى باستى قايشىلىقتىڭ ەندىگارى جۇمىسشى تابى مەن بۇرجۋازيا اراسىنداعى قايشىلىق ەمەس، قايتا حالىقتىڭ ەكونوميكا مەن مادەنيەتتىڭ تەز قارقىنمەن دامۋىنا بولعان قاجەتى مەن كەزەكتەگى ەكونوميكا مەن مادەنيەتتىڭ حالىقتىڭ قاجەتىن قاناعاتتاندىرا الماۋى اراسىنداعى قايشىلىق ەكەندىگىن، بۇكىل ەل حالقىنىڭ باستى مىندەتى كۇشتى شوعىرلاندىرىپ قوعامدىق وندىرگىش كۇشتەردى دامىتۋ، مەملەكەتتىڭ ونەركاسىپتەنۋىن جۇزەگە اسىرۋ، حالىقتىڭ كۇن سايىن ارتىپ وتىرعان ماتەريالدىق جانە مادەنيەتتىك قاجەتىن بىرتىندەپ قاناعاتتاندىرۋ ەكەندىگىن العا قويدى. پارتيا ەلىمىزدى بىرتە-بىرتە وسىزامانعى اۋىل شارۋاشىلىعى، وسىزامانعى ونەركاسىبى، وسىزامانعى مەملەكەت قورعانىسى جانە وسىزامانعى عىلىم-تەحنيكاسى بار سوتسياليستىك قۋاتتى ەل ەتىپ قۇرىپ شىعۋعا كۇش سالۋدى العا قويىپ، حالىققا باسشىلىق ەتىپ، جاپپاي، كەڭ كولەمدى سوتسياليستىك قۇرىلىس جۇرگىزدى. بىرنەشە رەتكى بەسجىلدىق جوسپاردى اتقارۋ ارقىلى ەلىمىزدە دەربەس، ٴبىرشاما كەمەلدى ونەركاسىپ جۇيەسى مەن حالىق شارۋاشىلىعى جۇيەسىن ورناتىپ، اۋىل شارۋاشىلىق ٴوندىرىس شارت-جاعدايىن كورنەكتى جاقسارتىپ، وقۋ-اعارتۋ، عىلىم، مادەنيەت، دەنساۋلىق ساقتاۋ، دەنە تاربيە ىستەرىندە زور دامۋشىلىقتار بولدى. ”ەكى بومبى، ٴبىر جاساندى سەرىك“ سياقتى مەملەكەت قورعانىسىندىق وزىق عىلىم-تەحنيكادا ۇزدىكسىز تابىستارعا قول جەتكىزىپ، مەملەكەت قورعانىسى ونەركاسىبىن جوقتان بار ەتىپ، بىرتىندەپ دامىتتى. حالىق ازاتتىق ارمياسى كۇشەيىپ جانە دەڭگەيى جوعارىلاپ، جالاڭ قۇرلىق ارميادان تەڭىز ارمياسىن، اۋە ارمياسىن جانە باسقا تەحنيكالىق اسكەر تۇرلەرىن قامتىعان بىرىككەن ارمياعا دامىپ، جاڭادان دۇنيەگە كەلگەن حالىق بيلىگىن بەكەمدەۋ، جۇڭگونىڭ ٴىرى ەلدىك ورنىن ايقىنداۋ، جۇڭحۋا ۇلتىنىڭ ار-نامىسىن قورعاۋ ٴۇشىن بەرىك تىرەك ازىرلەدى.

　　پارتيا دەربەس، وزىنە-ٴوزى قوجايىن بولۋ سىندى بەيبىت ديپلوماتيالىق ساياساتقا تاباندى بولىپ، بەيبىت قاتار تۇرۋ بەس پرينسيبىن دارىپتەپ جانە وعان تاباندى بولىپ، مەملەكەتتىڭ تاۋەلسىزدىگىن، يەلىك ۇقىعىن، بەدەلىن باتىل قورعاپ، دۇنيە جۇزىندەگى ەزىلگەن ۇلتتاردى ازات ەتۋ ىستەرىن، جاڭا تاۋەلسىز مەملەكەتتەردىڭ قۇرىلىس ىستەرىن جانە ٴار ەل حالقىنىڭ ادىلەتتى كۇرەسىن قولداپ جانە وعان كومەك بەرىپ، يمپەرياليزمگە، زورەكەرلىككە، وتارشىلدىققا، ناسىلشىلدىككە قارسى تۇرىپ، كونە جۇڭگونىڭ قورلانعان ديپلوماتياسىن تۇبەگەيلى اياقتاتتى. پارتيا اۋقىمعا قاراي ديپلوماتيا ستراتەگياسىن رەتكە سالىپ، ەلىمىزدىڭ بىرلەسكەن مەملەكەتتەر ۇيىمىنداعى بارلىق زاڭدى ۇقىعىن قالپىنا كەلتىرۋدى ىلگەرىلەتىپ، سىرتقا باعىتتالعان قىزمەتتە جاڭا جاعداي جاراتىپ، حالىقارالىق قوعامنىڭ ٴبىر جۇڭگو پرينسيبىنە تاباندى بولۋ اۋقىمىن قالىپتاستىرۋدى ىلگەرىلەتتى. پارتيا ٴۇش دۇنيەگە ايىرۋ ستراتەگياسىن العا قويىپ، جۇڭگو ماڭگى زورەكەر بولمايدى دەگەن ايبىندى ۋادە بەرىپ، حالىقارالىق قوعامنىڭ، اسىرەسە، دامۋ جولىنداعى ەلدەردىڭ قۇرمەتىنە جانە القاۋىنا يە بولدى.

　　پارتيا بۇكىل ەل بويىنشا بيلىك جۇرگىزۋدە ٴدوپ كەلەتىن جاڭا سىن-سايىستاردى تولىق مەجەلەپ، سوناۋ ازاتتىق سوعىسىنىڭ بۇكىل مەملەكەت بويىنشا جەڭىسكە جەتۋى قارساڭىندا اشىلعان پارتيا 7-كەزەكتى ورتالىق كوميتەتىنىڭ ەكىنشى جالپى ماجىلىسىندە بۇكىل پارتياعا كىشى پەيىل، بايىپتى، داندايسىمايتىن، ۇشقالاقتىققا سالىنبايتىن ستيلدى، ٴسوز جوق، ۇزدىكسىز ساقتاۋدى، قاجىرلىلىقپەن كۇرەس جۇرگىزۋ ستيلىن، ٴسوز جوق، ۇزدىكسىز ساقتاۋدى العا قويدى. جاڭا جۇڭگو قۇرىلعاننان كەيىن، پارتيا بيلىك جۇرگىزۋ شارت-جاعدايىنداعى پارتيا قۇرىلىسى سىندى كەلەلى تاقىرىپتى ايرىقشا العا قويىپ، يدەيالىق جاقتان، ۇيىمدىق جاقتان، ستيل جاقتان پارتيا قۇرىلىسىن كۇشەيتىپ، پارتيا باسشىلىعىن بەكەمدەدى. پارتيا كادرلاردىڭ نازاريا ۇيرەنۋىن جانە ٴبىلىم ۇيرەنۋىن كۇشەيتىپ، پارتيانىڭ باسشىلىق دەڭگەيىن جوعارىلاتىپ، بۇكىل پارتيادان، اسىرەسە پارتيانىڭ جوعارى دارەجەلى كادرلارىنان پارتيانىڭ ىنتىماعىن، بىرلىگىن قورعاۋ سانالىلىعىن كۇشەيتۋدى تالاپ ەتتى. پارتيا ستيل دۇرىستاۋدى، پارتيانى رەتتەۋدى ورىستەتىپ، پارتيا ىشىندەگى تاربيەنى كۇشەيتىپ، نەگىزگى ساتى پارتيا ۇيىمدارىن رەتكە سالىپ، پارتيا مۇشەلەرىنىڭ شارتىن جوعارىلاتىپ، تورەشىلدىككە، بۇيرىقشىلدىققا جانە قياناتشىلدىققا، ىسىراپشىلدىققا قارسى تۇردى. پارتيا پارتيالى كادرلاردىڭ شىرىكتەسۋىنەن، ازعىنداۋىنان اسا قىراعى بولىپ جانە ودان بارىنشا ساقتانىپ، شىرىكتەسۋدى باتىل جازالادى. وسى ماڭىزدى شارالار پارتيانىڭ كىرشىكسىزدىگى مەن بۇكىل پارتيانىڭ ىنتىماعىن كۇشەيتىپ، پارتيانىڭ حالىق بۇقاراسىمەن بايلانىسىن قويۋلاتىپ، بيلىك باسىنداعى پارتيا قۇرىلىسىنىڭ العاشقى تاجىريبەلەرىن توپتادى.

　　وسى كەزەڭدە، ماۋ زىدۇڭ جولداس ماركسيزم-لەنينيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن ”ەكىنشى رەت ۇشتاستىرۋدى“ العا قويدى، ماۋ زىدۇڭ جولداستى باستى ۋاكىل ەتكەن جۇڭگو كوممۋنيستەرى جاڭا ٴىس جۇزىندىككە ۇشتاستىرا وتىرىپ، ماۋ زىدۇڭ يدەياسىن بايىتىپ جانە دامىتىپ، سوتسياليستىك قۇرىلىس جونىندە سوتسياليستىك قوعام وتە ۇزاق تاريحي كەزەڭ، جاۋ مەن ٴبىزدىڭ ارامىزداعى قايشىلىق پەن حالىق ىشىندەگى قايشىلىقتى قاتاڭ پارىقتاۋ جانە دۇرىس شەشۋ، ەلىمىز سوتسياليستىك قۇرىلىسىنىڭ ون ٴىرى قاتىناسىن دۇرىس شەشۋ، ەلىمىزدىڭ مەملەكەت جاعدايىنا ۇيلەسەتىن ونەركاسىپتەنۋ جولىمەن ٴجۇرۋ، قۇن زاڭدىلىعىنا قۇرمەت ەتۋ، پارتيا مەن دەموكراتيالىق پارتيا-توپتاردىڭ ارا قاتىناسى جاعىندا ”ۇزاق ۋاقىت قاتار ٴومىر ٴسۇرۋ، ٴوزارا باقىلاۋ“ باعىتىن اتقارۋ، عىلىم، مادەنيەت قىزمەتىندە ”بارلىق گۇل شەشەك اتسىن، جالپى جارىسا ٴۇن قاتسىن“ باعىتىن ۇستانۋ سياقتىلاردى قامتىعان ٴبىرقىدىرۋ ماڭىزدى يدەيانى العا قويدى. وسى جاسامپازدىق سيپاتتى نازاريالىق جەتىستىكتەر كۇنى بۇگىنگە دەيىن ماڭىزدى جەتەكشىلىك مانگە يە.

　　ماۋ زىدۇڭ يدەياسى — ماركسيزم-لەنينيزمنىڭ جۇڭگوداعى جاسامپازدىقپەن قولدانىلۋى جانە دامىتىلۋى، اماليات بارىسىندا دالەلدەنگەن جۇڭگو توڭكەرىسى مەن قۇرىلىسى جونىندەگى دۇرىس نازاريالىق پرينسيپ جانە تاجىريبەلەردىڭ قورىتىندىسى، ماركسيزمنىڭ جۇڭگوشالانۋىنداعى ٴبىرىنشى رەتكى تاريحي سەكىرۋ. ماۋ زىدۇڭ يدەياسىنىڭ جاندى رۋحى ٴارقايسى قۇرامداس ٴبولىمىنىڭ تۇرعىسىنا، كوزقاراسىنا، ادىسىنە ٴسىڭىپ، شىندىقتى ٴىس جۇزىنەن ىزدەۋ، بۇقارالىق لۋشيان، دەربەس، وزىنە-ٴوزى قوجايىن بولۋ سىندى ٴۇش نەگىزگى جاقتان ايگىلەنىپ، پارتيا مەن حالىقتىڭ ىستەرىنىڭ دامۋىنا عىلىمي جەتەكشىلىك ازىرلەدى.

　　وكىنەرلىگى، پارتيا 8-قۇرىلتايىندا قالىپتاسقان دۇرىس لۋشيانعا تولىق تاباندى بولا الماي، ىلگەرىندى-كەيىندى ”زور سەكىرىپ ىلگەرىلەۋ“ قوزعالىسى، حالىق گۇڭشىلاسۋ قوزعالىسى قاتارلى قاتەلىكتەر جارىققا شىقتى، وڭشىلدارعا قارسى تۇرۋ كۇرەسىندە دە اسىرا سىلتەۋشىلىك اۋىر بولدى. سول كەزدەگى اۋىر دا كۇردەلى سىرتقى ورتا جاعدايىندا، پارتيا سوتسياليستىك بيلىكتى بەكەمدەۋگە ەرەكشە نازار اۋدارىپ، وسى ٴۇشىن كوپ جاقتى قۇلشىنىس جاسادى. الايدا، ماۋ زىدۇڭ جولداستىڭ سوتسياليستىك قوعامداعى تاپتىق كۇرەس جونىندەگى نازاريا جانە امالياتى جاعىنداعى قاتەلىگى بارعان سايىن اۋىرلاي ٴتۇستى، پارتيا ورتالىق كوميتەتى بۇل قاتەلىكتەردى دەر كەزىندە تۇزەتە المادى. ماۋ زىدۇڭ جولداس سول كەزدەگى ەلىمىزدىڭ تاپتىق جاعدايىنا جانە پارتيا مەن مەملەكەتتىڭ ساياسي احۋالىنا بۇكىلدەي قاتە مولشەر جاساپ، ”مادەنيەت زور توڭكەرىسىن“ قوزعادى جانە وعان باسشىلىق ەتتى، لين بياۋ، جياڭ چيڭ كەرى توڭكەرىستىك توپتارى ماۋ زىدۇڭ جولداستىڭ قاتەلىگىنەن پايدالانىپ، مەملەكەتكە اپات، حالىققا زوبالاڭ اكەلگەن قىرۋار قىلمىستى ارەكەت جۇرگىزىپ، ون جىلدىق ىشكى بىلىقپالىقتى تۋدىرىپ، پارتيا، مەملەكەت، حالىق جاڭا جۇڭگو قۇرىلعاننان بەرگى ەڭ اۋىر ساتسىزدىكتەر مەن زياندارعا ۇشىرادى، بۇل اشتى ساباق بولدى. 1976-جىلى 10-ايدا، ورتالىق كوميتەت ساياسي بيۋروسى پارتيا مەن حالىقتىڭ تىلەگىن ورىنداپ، ”تورتتىك توبەنى“ باتىل تالقانداپ، ”مادەنيەت زور توڭكەرىسى“ اتتى اپاتتى اياقتاتتى.

　　جاڭا جۇڭگو قۇرىلعاننان رەفورمالاۋ، ەسىك اشۋ قارساڭىنا دەيىن پارتيا حالىققا باسشىلىق ەتىپ، سوتسياليستىك توڭكەرىستى ورىندادى، بارلىق قاناۋ ٴتۇزىمىن جويىپ، جۇڭحۋا ۇلتىنىڭ تاريحىنداعى ەڭ كەڭ كولەمدى ٴارى تەرەڭ قوعامدىق وزگەرىستى جۇزەگە اسىردى، بىرىنشىدەن كەدەي، ەكىنشىدەن اق، جان سانى كوپ شىعىستاعى ٴىرى ەل سوتسياليستىك قوعامعا ارشىندى قادام تاستاعان ۇلى سەكىرۋدى جۇزەگە اسىردى. ىزدەنۋ بارىسىندا، اۋىر بۇراڭدىقتاردى باستان كەشىرسە دە، ٴبىراق، پارتيانىڭ سوتسياليستىك توڭكەرىس پەن قۇرىلىس بارىسىندا قول جەتكىزگەن دارا جاسامپازدىققا يە نازاريالىق جەتىستىكتەرى مەن وراسان زور تابىستارى جاڭا تاريحي كەزەڭدە جۇڭگوشا سوتسياليزم قۇرۋعا باعالى تاجىريبە، نازاريالىق دايىندىق، ماتەريالدىق نەگىز ازىرلەپ بەردى.

　　جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭگو حالقىنىڭ ەسكى دۇنيەنى قيراتا بىلۋمەن بىرگە جاڭا دۇنيەنى ورناتا دا بىلەتىندىگىن، تەك سوتسياليزم عانا جۇڭگونى قۇتقارا الاتىندىعىن، سوتسياليزم عانا جۇڭگونى دامىتا الاتىندىعىن سالتاناتپەن جاريالادى.

　　ٴۇشىنشى، رەفورمالاۋ، ەسىك اشۋدى جانە سوتسياليستىك وسىزامانداندىرۋ قۇرىلىسىن جۇرگىزۋ

　　رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا كەزەڭىندە پارتيا ٴدوپ كەلگەن باستى مىندەت — جۇڭگونىڭ سوتسياليزمدى كوركەيتۋىنىڭ دۇرىس جولىن ۇزدىكسىز قاراستىرىپ، قوعامدىق وندىرگىش كۇشتەردى ازات ەتىپ جانە دامىتىپ، حالىقتى كەدەيلىكتەن ارىلتىپ، تەز ارادا بايىتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ٴۇشىن تىڭ ومىرشەڭدىككە تولى تۇزىلىستىك كەپىلدىك جانە تەز دامۋدىڭ ماتەريالدىق شارت-جاعدايىن ازىرلەۋ.

　　”مادەنيەت زور توڭكەرىسى“ اياقتاعاننان كەيىن، پارتيامىز بەن مەملەكەتىمىز قايدا بارىپ، قايدا تۇرادى دەگەن ماڭىزدى تاريحي ساتتە، پارتيا رەفورمالاۋ، ەسىك اشۋ عانا بىردەن-ٴبىر شىعار جول ەكەندىگىن، ويتپەگەندە، وسىزامانداندىرۋ ىستەرىمىز بەن سوتسياليزم ىستەرىمىزدىڭ قۇردىمعا كەتەتىندىگىن تەرەڭ تانىپ جەتتى. 1978-جىلى 12-ايدا، پارتيا 11-كەزەكتى ورتالىق كوميتەتتىڭ ٴۇشىنشى جالپى ٴماجىلىسىن اشىپ، ”تاپتىق كۇرەستى ارقاۋ ەتۋدى“ باتىل اياقتاتىپ، پارتيا مەن مەملەكەت قىزمەتىنىڭ تۇيىنىنە ستراتەگيالىق بۇرىلىس جاساۋدى جۇزەگە اسىرىپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا ٴداۋىرىن اشىپ، جاڭا جۇڭگو قۇرىلعاننان بەرگى پارتيا تاريحىندا تەرەڭ ماڭىزعا يە ۇلى بۇرىلىستى جۇزەگە اسىردى. پارتيا ”مادەنيەت زور توڭكەرىسىن“ تۇبەگەيلى تەرىسكە شىعارۋ جونىندە كەلەلى شەشىم جاسادى. 40 نەشە جىلدان بەرى، پارتيا وسى رەتكى جالپى ماجىلىستە بەلگىلەنگەن لۋشيان، باعىت-ساياساتقا باستان-اياق تاباندى بولىپ كەلەدى.

　　پارتيا 11-كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن كەيىن، دىڭ شياۋپيڭ جولداستى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاڭا جۇڭگو قۇرىلعاننان بەرگى ۇنامدى-ۇنامسىز جاقتارداعى تاجىريبەلەردى تەرەڭ قورىتىندىلاپ، سوتسياليزم دەگەن نە، سوتسياليزمدى قالاي كوركەيتۋ كەرەك دەگەن وسى ٴبىر ٴتۇبىرلى ماسەلەنى نەگىز ەتىپ، دۇنيە ٴجۇزى سوتسياليزمىنىڭ تاريحي تاجىريبەلەرىنەن ۇلگى الىپ، دىڭ شياۋپيڭ نازارياسىن جاراتىپ، يدەيانى ازات ەتىپ، شىندىقتى ٴىس جۇزىنەن ىزدەپ، پارتيا مەن مەملەكەت قىزمەتىنىڭ ٴتۇيىنىن ەكونوميكالىق قۇرىلىسقا اۋدارۋ، رەفورمالاۋ، ەسىك اشۋ سىندى تاريحي شەشىم جاساپ، سوتسياليزمنىڭ ٴمانىن شىنايى اشىپ، سوتسياليزمنىڭ العاشقى ساتىسىنداعى نەگىزگى لۋشياندى بەلگىلەپ، ٴوز جولىمىزبەن ٴجۇرۋدى، جۇڭگوشا سوتسياليزم قۇرۋدى ايقىن العا قويىپ، جۇڭگوشا سوتسياليزم قۇرۋداعى ٴبىرقىدىرۋ نەگىزگى ماسەلەگە عىلىمي جاۋاپ بەرىپ، 21-عاسىردىڭ ورتاسىنا دەيىن ٴۇش ساتىعا ٴبولىپ جۇرگىزۋ، سوتسياليستىك وسىزامانداندىرۋدى نەگىزىنەن جۇزەگە اسىرۋ سىندى دامۋ ستراتەگياسىن بەلگىلەپ، جۇڭگوشا سوتسياليزمنىڭ نەگىزىن ٴساتتى قالادى.

　　پارتيا 13-كەزەكتى ورتالىق كوميتەتىنىڭ ٴتورتىنشى جالپى ماجىلىسىنەن كەيىن، جياڭ زىمين جولداستى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، پارتيانىڭ نەگىزگى نازارياسىنا، نەگىزگى لۋشيانىنا تاباندى بولىپ، سوتسياليزم دەگەن نە، سوتسياليزمدى قالاي كوركەيتۋ جانە قانداي پارتيا قۇرۋ، پارتيانى قالاي قۇرۋ جونىندەگى تانىمدى تەرەڭدەتىپ، ”ۇشكە ۋاكىلدىك ەتۋ“ ماڭىزدى يدەياسىن قالىپتاستىردى، ىشكى-سىرتقى جاعداي توتەنشە كۇردەلى بولىپ، دۇنيە ٴجۇزى سوتسياليزمى اۋىر بۇراڭدىققا جولىققان قاتاڭ سىناق الدىندا جۇڭگوشا سوتسياليزمدى قورعاپ، سوتسياليستىك بازار ەكونوميكاسى ٴتۇزىلىسىنىڭ رەفورما نىساناسى مەن نەگىزگى جۇلگەسىن ايقىنداپ، سوتسياليزمنىڭ العاشقى ساتىسىنداعى جالپىلىق مەنشىكتى نەگىزگى تۇلعا ەتكەن، كوپ ٴتۇرلى مەنشىكتەگى شارۋاشىلىق قاتار داميتىن نەگىزگى ەكونوميكالىق ٴتۇزىمدى جانە ەڭبەگىنە قاراي ٴبولۋدى نەگىزگى تۇلعا ەتكەن، كوپ ٴتۇرلى ٴبولىس ٴتاسىلى قاتار ٴومىر سۇرەتىن ٴبولىس ٴتۇزىمىن ورناتىپ، جاپپاي رەفورمالاۋ، ەسىك اشۋدىڭ جاڭا جاعدايىن اشىپ، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، جۇڭگوشا سوتسياليزمدى 21-عاسىرعا ٴساتتى جەتكىزدى.

　　پارتيا 16-قۇرىلتايىنان كەيىن، حۋ جينتاۋ جولداستى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاپپاي دوڭگەلەك داۋلەتتى قوعام قۇرۋ بارىسىندا امالياتتا جاڭالىق اشۋدى، نازاريادا جاڭالىق اشۋدى، تۇزىمدە جاڭالىق اشۋدى ىلگەرىلەتىپ، جاڭا جاعدايدا قانداي دامۋدى جۇزەگە اسىرۋ، قالاي دامۋ سياقتى كەلەلى ماسەلەلەردى جەتە تانىپ جانە وعان جاۋاپ بەرىپ، عىلىمي دامۋ كوزقاراسىن قالىپتاستىرىپ، ماڭىزدى ستراتەگيالىق وراي مەزگىلىن مىقتى ۇستاپ، بار ىقىلاسىن قۇرىلىس جۇرگىزۋگە شوعىرلاندىرىپ، بار زەيىنىمەن دامۋدى كوزدەپ، ادامدى نەگىز ەتۋدەن، جاپپاي، سايكەستى، باياندى دامۋدان جازباۋدى باسا دارىپتەپ، حالىق تۇرمىسىن قامتاماسىز ەتۋگە جانە جاقسارتۋعا كۇش سالىپ، قوعامدىق ادىلدىكتى، تۋراشىلدىقتى جەبەپ، پارتيانىڭ بيلىك جۇرگىزۋ قابىلەتى قۇرىلىسى مەن العاباسارلىق قۇرىلىسىن ىلگەرىلەتىپ، جاڭا جاعدايدا جۇڭگوشا سوتسياليزمگە ٴساتتى تاباندى بولدى جانە ونى دامىتتى.

　　رەفورمالاۋ، ەسىك اشۋدى ىلگەرىلەتۋ ٴۇشىن، پارتيا ماركسيزمنىڭ يدەيالىق لۋشيانىن، ساياسي لۋشيانىن، ۇيىمدىق لۋشيانىن قايتا بەلگىلەپ، ”ەكى ايتەۋىر“ قاتە باعىتىن تۇبەگەيلى تەرىسكە شىعاردى، ماۋ زىدۇڭ جولداستىڭ تاريحي ورنى مەن ماۋ زىدۇڭ يدەياسىنىڭ عىلىمي جۇيەسىنە دۇرىس باعا بەردى. پارتيا ەلىمىز قوعامىنىڭ باستى قايشىلىعىنىڭ حالىقتىڭ كۇن سايىن ارتىپ وتىرعان ماتەريالدىق، مادەنيەتتىك قاجەتى مەن مەشەۋ قوعامدىق ٴوندىرىس اراسىنداعى قايشىلىق ەكەندىگىن، وسى باستى قايشىلىقتى شەشۋ ٴبىزدىڭ وزەكتى مىندەتىمىز ەكەندىگىن ايقىنداپ، دوڭگەلەك داۋلەتتى قوعام نىساناسىن ورتاعا قويدى. پارتيا ٴار جاقتاعى قىزمەتتەردە ٴبىرقىدىرۋ دۇرىس ساياساتتى قالپىنا كەلتىرىپ جانە بەلگىلەپ، حالىق شارۋاشىلىعىن رەتكە سالدى. پارتيا يدەيا، ساياسي، ۇيىم سياقتى سالالارداعى بىلىقپالىقتى جونگە سالۋدى جاپپاي ورىستەتۋگە باسشىلىق ەتىپ، ناقاق، جالعان، قاتە دەلولاردى كەڭ كولەمدە اداقتادى جانە قوعامدىق قاتىناستى رەتتەدى. پارتيانىڭ «پارتيانىڭ رەسپۋبليكامىز قۇرىلعاننان بەرگى ٴبىرقانشا تاريحي ماسەلەسى تۋرالى قاراردى» جاساۋى پارتيانىڭ جەتەكشى يدەيا جاعىنداعى بىلىقپالىقتى جونگە سالۋىنىڭ جەڭىسپەن ورىندالعاندىعىن كورسەتتى.

　　پارتيا رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىندا جاڭا جاعداي اشۋ ٴۇشىن، ٴسوز جوق، نازاريادا جاڭالىق اشۋ ارقىلى ىستەرىمىزدىڭ دامۋىنا جەتەكشىلىك ەتۋ كەرەكتىگىن تەرەڭ تانىپ جەتتى. دىڭ شياۋپيڭ جولداس بىلاي دەپ اتاپ كورسەتكەن ەدى: ٴبىر پارتيا، ٴبىر مەملەكەت، ٴبىر ۇلت ەگەر بارلىق ىستە كىتاپپازدىقتى شىعار ٴتۇيىن ەتىپ، يدەيادا توقىراسا، سوقىر سەنىمدى وربىتسە، وندا ول العا باسا المايدى، ومىرشەڭدىگىنەن ايرىلادى، قۇرىپ-جوعالادى. پارتيا اقيقاتتىڭ ولشەمى ماسەلەسى جونىندە زور تالقى ورىستەتۋگە باسشىلىق ەتىپ جانە ونى قولداپ، جاڭا اماليات پەن داۋىرلىك ەرەكشەلىكتى نەگىز ەتىپ، ماركسيزمگە تاباندى بولدى جانە ونى دامىتتى، جۇڭگوشا سوتسياليزم قۇرۋدىڭ دامۋ جولى، دامۋ ساتىسى، ٴتۇبىرلى مىندەتى، دامۋدىڭ قوزعاۋشى كۇشى، دامۋ ستراتەگياسى، ساياسي كەپىلى، وتاننىڭ تۇتاستىعى، ديپلوماتياسى جانە حالىقارالىق ستراتەگياسى، باسشىلىق كۇشى جانە سۇيەنىش كۇشى سياقتى ٴبىرقىدىرۋ نەگىزگى ماسەلەگە عىلىمي جاۋاپ بەرىپ، جۇڭگوشا سوتسياليزمنىڭ نازاريالىق جۇيەسىن قالىپتاستىرىپ، ماركسيزمنىڭ جۇڭگوشالانۋى سىندى تىڭ سەكىرۋدى جۇزەگە اسىردى.

　　پارتيا 12-قۇرىلتايى، 13-قۇرىلتايى، 14-قۇرىلتايى، 15-قۇرىلتايى، 16-قۇرىلتايى، 17-قۇرىلتايى حالىقارالىق جانە ەل ىشىندەگى جاعدايدىڭ دامۋ وزگەرىسىنە نەگىزدەلىپ، ەلىمىز دامۋىنىڭ جاڭا تالابىن شىعار ٴتۇيىن ەتىپ، رەفورمالاۋ، ەسىك اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋ جونىندە باستان-اياق جاپپاي دايەكتى ورنالاستىرۋلار جاسادى، سونداي-اق كوپ رەت ورتالىق كوميتەتتىڭ جالپى ٴماجىلىسىن اشىپ، رەفورما، دامۋ، ورنىقتىلىق جاعىنداعى ماڭىزدى قىزمەتتەردى ارناۋلى زەرتتەپ، ورنالاستىرۋ جاسادى. ەلىمىز رەفورماسى اۋىل-قىستاقتاردا ونىمگە بىرلەستىرىپ وتباسىلارىنا كوتەرتىپ بەرۋ جاۋاپكەرشىلىك ٴتۇزىمىن جولعا قويۋدان الدىمەن تابىسقا جەتىپ، قالالاردىڭ ەكونوميكالىق ٴتۇزىلىس رەفورماسىنا قاراي بىرتىندەپ بۇرىلىس جاسادى جانە جاپپاي ورىستەتىلدى، سوتسياليستىك بازار ەكونوميكاسى رەفورماسىنىڭ باعىتىن بەلگىلەپ، بازاردىڭ بايلىقتى ىڭعايلاۋداعى نەگىزدىك رولىن اناعۇرلىم زور دارەجەدە، اناعۇرلىم كەڭ كولەمدە ساۋلەلەندىرىپ، نەگىزگى ەكونوميكالىق ٴتۇزىم مەن ٴبولىس تۇزىمىنە تاباندى بولدى جانە ونى كەمەلدەندىردى. پارتيا ەكونوميكالىق ٴتۇزىلىس رەفورماسىن باتىل ىلگەرىلەتۋمەن بىرگە ساياسي، مادەنيەت، قوعام قاتارلى سالالارداعى ٴتۇزىلىس رەفورماسىن جۇرگىزىپ، پارتيا قۇرىلىسى ٴتۇزىمى رەفورماسىن ىلگەرىلەتىپ، زامانىمىزداعى جۇڭگونىڭ جاعدايىنا ۇيلەسەتىن، ومىرشەڭدىككە تولى ٴتۇزىلىس-مەحانيزمىن ۇزدىكسىز قالىپتاستىردى جانە دامىتتى. پارتيا سىرتقا ەسىك اشۋدى نەگىزگى مەملەكەت ساياساتى ەتىپ بەلگىلەپ، شىنجىن قاتارلى ەكونوميكالىق ەرەكشە رايونداردى قۇرۋدان، پۋدۇڭدى اشۋ، اشىق ۇستاۋ، تەڭىز جاعالاۋىنداعى، شەكارا بويىنداعى، چاڭجياڭ جاعالاۋىنداعى، جول بويىنداعى جانە ىشكى قۇرلىقتاعى ورتالىق قالالاردى سىرتقا اشىق ۇستاۋدان دۇنيە جۇزىلىك ساۋدا ۇيىمىنا كىرۋگە دەيىن، ”سىرتتان ەنگىزۋدەن“ ”سىرتقا شىعارۋعا“ دەيىن، حالىقارالىق جانە ەل ٴىشى سىندى ەكى بازاردان، ەكى ٴتۇرلى بايلىقتان تولىق پايدالاندى. رەفورمالاۋ، ەسىك اشۋدى ۇزدىكسىز ىلگەرىلەتۋ ارقىلى ەلىمىز بارىنشا شوعىرلانعان جوسپارلى شارۋاشىلىق تۇزىلىسىنەن ومىرشەڭدىككە تولى سوتسياليستىك بازار ەكونوميكاسى تۇزىلىسىنە، تۇيىق، جارتىلاي تۇيىق كۇيدەن شار تاراپقا ەسىك اشۋعا دەيىنگى تاريحي بۇرىلىستى جۇزەگە اسىردى.

　　سوتسياليستىك وسىزامانداندىرۋدى جەدەل ىلگەرىلەتۋ ٴۇشىن، پارتيا حالىققا باسشىلىق ەتىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى جۇرگىزىپ، ٴبىرقىدىرۋ كەلەلى تابىستارعا قول جەتكىزدى. پارتيا ەكونوميكالىق قۇرىلىستى وزەك ەتۋگە تاباندى بولىپ، دامۋ — بۇلجىماس قاعيدا دەگەنگە تاباندى بولىپ، عىلىم-تەحنيكا — ٴبىرىنشى وندىرگىش كۇش دەگەندى العا قويىپ، مەملەكەتتى عىلىممەن، وقۋ-اعارتۋمەن كوركەيتۋ، باياندى دامۋ، مەملەكەتتى دارىندىلار ارقىلى قۇدىرەتتەندىرۋ سياقتى ماڭىزدى ستراتەگيالاردى اتقاردى، باتىس بولىكتى قاۋىرت اشۋدى ىلگەرىلەتىپ، شىعىس سولتۇستىك ٴوڭىر سياقتى بايىرعى ونەركاسىپ بازالارىن كوركەيتىپ، ورتا بولىك وڭىرلەردىڭ كوركەيۋىن جەبەپ، شىعىس بولىك وڭىرلەردىڭ الدىمەن دامۋىنا قولداۋ كورسەتىپ، قالا مەن اۋىلدىڭ، وڭىرلەردىڭ سايكەسە دامۋىن جەبەپ، مەملەكەت مەنشىگىندەگى كاسىپورىنداردىڭ رەفورماسى مەن دامۋىن ىلگەرىلەتىپ، جالپىلىق مەنشىككە جاتپايتىن شارۋاشىلىقتى دامىتۋعا دەم بەرىپ جانە وعان قولداۋ كورسەتىپ، ەكونوميكانىڭ دامۋ تاسىلىندە بۇرىلىس جاساۋدى جەدەلدەتتى، ەكولوگيالىق ورتانى قورعاۋدى كۇشەيتىپ، ەكونوميكانىڭ باياندى، قارقىندى دامۋىن ىلگەرىلەتىپ، مەملەكەتتىڭ كەشەندى قۋاتىن بارىنشا جوعارىلاتتى. پارتيا پارتيا باسشىلىعىنىڭ، حالىقتىڭ وزىنە-ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، سوتسياليستىك دەموكراتيالىق ساياسيدى دامىتىپ، سوتسياليستىك ساياسي وركەنيەتتى گۇلدەندىرىپ، ساياسي ٴتۇزىلىس رەفورماسىن بەلسەندى، ورنىقتى ىلگەرىلەتىپ، مەملەكەتتى زاڭمەن باسقارۋ مەن مەملەكەتتى مورالمەن باسقارۋدى ۇشتاستىرۋعا تاباندى بولىپ، جاڭا نەگىزگى زاڭدى جاساپ، سوتسياليستىك زاڭمەن باسقارىلاتىن مەملەكەت قۇرىپ، جۇڭگوشا سوتسياليستىك زاڭ جۇيەسىن قالىپتاستىرىپ، ادامدىق ۇقىققا قۇرمەت ەتىپ جانە ونى قامتاماسىز ەتىپ، ەڭ كەڭ وتانشىلدىق بىرلىكساپتى بەكەمدەدى جانە دامىتتى. پارتيا مۇرات-سەنىم تاربيەسىن كۇشەيتىپ، سوتسياليستىك وزەكتى قۇن جۇيەسى قۇرىلىسىن ىلگەرىلەتىپ، سوتسياليستىك رۋحاني وركەنيەتتى گۇلدەندىرىپ، سوتسياليستىك وزىق مادەنيەتتى دامىتىپ، سوتسياليستىك مادەنيەتتىڭ قاۋىرت دامۋىن، قاۋىرت گۇلدەنۋىن ىلگەرىلەتتى. پارتيا حالىق تۇرمىسىن جاقسارتۋدى ٴتۇيىن ەتكەن قوعامدىق قۇرىلىستى جەدەل ىلگەرىلەتىپ، حالىق تۇرمىسىن جاقسارتىپ، اۋىل شارۋاشىلىق باجىسىن كۇشىنەن قالدىرىپ، ٴبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن يگىلىكتەندىرۋدى ۇزدىكسىز ىلگەرىلەتىپ، قوعامنىڭ جاراسىمدىلىعى مەن ورنىقتىلىعىن جەبەدى. پارتيا وسىزاماندانعان، جۇيەلىلەنگەن قۇدىرەتتى توڭكەرىستىك ارميا قۇرۋ سىندى باس نىسانانى ورتاعا قويىپ، اسكەري كۇرەس دايىندىعىنىڭ ٴتۇيىنىن ينفورماتسيالانعان ٴ ىشىنارالىق سوعىستا جەڭىپ شىعۋ جاعىنا قويىپ، جۇڭگوشا اسكەري ىستەر رەفورماسىن ىلگەرىلەتىپ، جۇڭگوشا ارميانى بىرەگەيلەندىرۋ جولىمەن ٴجۇردى.

　　اۋمالى-توكپەلى حالىقارالىق جاعداي الدىندا، پارتيا ٴتورت نەگىزگى پرينسيپكە بۇلجىماستان تاباندى بولىپ، ٴتۇرلى كەدەرگىلەردى باتىل الاستاپ، ەلىمىزدىڭ رەفورمالاۋ، دامۋ، ورنىقتىلىق جالپى جاعدايىنا ساياتىن ٴبىرقىدىرۋ حاۋىپ-قاتەر مەن سىناققا بايىپتىلىقپەن توتەپ بەردى. 20-عاسىردىڭ 80-جىلدارىنىڭ سوڭى مەن 90-جىلدارىنىڭ باسىندا، سوۆەت وداعى ىدىراپ، شىعىس ەۆروپادا شۇعىل وزگەرىس تۋىلدى. حالىقاراداعى كوممۋنيستىك پارتياعا قارسى، سوتسياليزمگە قارسى جاۋ كۇشتەردىڭ قولداۋى مەن جەلىكتىرۋىنە بايلانىستى، حالىقارالىق جالپى اۋقىم مەن ىشكى اۋقىم 1989-جىلى جازعا سالىم ەلىمىزدە اۋىر ساياسي تولقۋ تۋدىردى. پارتيا مەن ۇكىمەت حالىققا سۇيەنىپ، بىلىقپالىققا تۋى ايقىن تۇردە قارسى تۇرىپ، سوتسياليستىك مەملەكەت بيلىگىن ساقتاپ، حالىقتىڭ ٴتۇبىرلى مۇددەسىن قورعادى. پارتيا حالىققا باسشىلىق ەتىپ، ازيا فينانس داعدارىسى، حالىقارالىق فينانس داعدارىسى سياقتى ەكونوميكالىق حاۋىپ-قاتەرلەرگە ٴساتتى توتەپ بەرىپ، 2008-جىلعى بەيجيڭ وليمپياداسىن، پاروليمپياداسىن ٴساتتى وتكىزىپ، چاڭجياڭ دارياسى جانە نىنجياڭ دارياسى، سۇڭحۋاجياڭ دارياسى الابىنداعى اۋىر تاسقىن، ۋىنچۋانداعى ەرەكشە اۋىر جەر سىلكىنىسى سياقتى جاراتىلىستىق اپاتتاردى جەڭىپ، سارس ىندەتىن جەڭىپ، پارتيانىڭ حاۋىپ-قاتەرگە توتەپ بەرۋ جانە كۇردەلى جاعدايدى مەڭگەرۋ قابىلەتىن ايگىلەدى.

　　پارتيا وتاندى بىرلىككە كەلتىرۋ ۇلى ٴىسىن ورىنداۋدى تاريحي ماڭىزدى مىندەتى ەتىپ، وسى ٴۇشىن تىنباي قۇلشىندى. دىڭ شياۋپيڭ جولداس ”ٴبىر ەل، ەكى ٴتۇرلى ٴتۇزىم“ سىندى عىلىمي وي جۇيەسىن جاسامپازدىقپەن العا قويىپ، وتاندى بەيبىت جولمەن بىرلىككە كەلتىرۋدىڭ جاڭا جولىن اشتى. قاجىرلىلىقپەن قىزمەت ىستەۋ جانە كۇرەس جۇرگىزۋ ارقىلى ەلىمىز ۇكىمەتى شياڭگاڭعا، اۋمىنعا يەلىك ۇقىعىن ارت-ارتىنان قالپىنا كەلتىرىپ، جۇڭحۋا ۇلتىن عاسىرلىق قورلىقتان ادا-كۇدە ارىلتتى. شياڭگاڭ، اۋمىن وتان قۇشاعىنا ورالعاننان كەيىن، ورتالىق ۇكىمەت جۇمىستى نەگىزگى زاڭ مەن ەرەكشە اكىمشىلىك رايوننىڭ ٴتۇبىرلى زاڭىنا ساي قاتاڭ جۇرگىزىپ، شياڭگاڭنىڭ، اۋمىننىڭ ۇزاق ۋاقىت گۇلدەنىپ-كوركەيۋىن جانە ورنىقتىلىعىن ساقتادى. پارتيا تايۋان ماسەلەسىن شەشۋدىڭ كەلەلى جاعدايىن يگەرىپ، ”بەيبىت جولمەن بىرلىككە كەلۋ، ٴبىر ەل، ەكى ٴتۇزىم“ نەگىزگى باعىتىن تۇراقتاندىرىپ، ەكى جاعالاۋداعىلاردىڭ ٴبىر جۇڭگو پرينسيبىن ايگىلەيتىن ”1992-جىلعى ورتاق تانىمعا“ كەلۋىن ىلگەرىلەتىپ، ەكى جاعالاۋدىڭ اقىلداسىپ، كەلىسسوز وتكىزۋىن ىلگەرىلەتىپ، جان-جاقتى، توتە، قوس باعىتتى ”ٴۇش قاتىناستى“ جۇزەگە اسىرىپ، ەكى جاعالاۋداعى ساياسي پارتيالاردىڭ اۋىس-تۇيىسىنە جول اشتى. مەملەكەتتى بولشەكتەۋگە قارسى تۇرۋ زاڭىن جاساپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەردى باتىل تەجەپ، وتاننىڭ بىرلىككە كەلۋىن جەبەپ، ”ەكى جۇڭگو“، ”ٴبىر جۇڭگو، ٴبىر تايۋان“، ”تايۋان دەربەستىگى“ دەيتىن ٴتۇرلى پيعىلداردى پارمەندى تالقاندادى.

　　پارتيا ٴداۋىردىڭ ەرەكشەلىگى مەن حالىقارالىق جاعدايعا عىلىمي تۇجىرىم جاساپ، بەيبىتشىلىك پەن دامۋدىڭ بۇگىنگى ٴداۋىردىڭ باستى تاقىرىبى ەكەندىگىن العا قويدى. پارتيا دۇنيە ٴجۇزىنىڭ بەيبىتشىلىگىن قورعاۋ، بىرگە دامۋدى جەبەۋ ديپلوماتيالىق ساياساتىنىڭ تۇپكى ماقساتىنا تاباندى بولىپ، باستى ٴىرى مەملەكەتتەرمەن بولعان قاتىناستى رەتكە سالىپ، توڭىرەكتەگى مەملەكەتتەرمەن بولعان كورشىلىك، دوستىق قاتىناستى دامىتىپ، بارشا دامۋ جولىنداعى مەملەكەتتەرمەن دوستىق سەلبەستىكتى تەرەڭدەتىپ، حالىقارالىق جانە وڭىرلىك ىستەرگە بەلسەنە ات سالىسىپ، سىرتقا باعىتتالعان قاتىناستىڭ جان-جاقتى، كوپ ساتىلى جاڭا جاعدايىن قالىپتاستىردى. پارتيا دۇنيە ٴجۇزىنىڭ كوپ ۇيەكتەنۋى مەن حالىقارالىق قاتىناستىڭ دەموكراتيالانۋىن بەلسەنە جەبەپ، ەكونوميكانىڭ جاھاندانۋىنىڭ بىرگە گۇلدەنىپ-كوركەيۋگە ٴتيىمدى بەتالىسقا قاراي دامۋىن ىلگەرىلەتىپ، زورەكەرلىك پەن وكتەمدىك ساياسيعا تۋى ايقىن تۇردە قارسى تۇرىپ، بارشا دامۋ جولىنداعى مەملەكەتتەردىڭ مۇددەسىن باتىل قورعاپ، ٴادىل، ۇيلەسىمدى حالىقارالىق ساياسيدىڭ، ەكونوميكانىڭ جاڭا ٴتارتىبىن ورناتۋدى ىلگەرىلەتىپ، دۇنيە ٴجۇزىنىڭ باياندى بەيبىتشىلىگىن، بىرگە گۇلدەنىپ-كوركەيۋىن جەبەدى.

　　پارتيا مەملەكەتتى باسقارۋدا، ٴسوز جوق، الدىمەن پارتيانى باسقارۋ، پارتيانى باسقارۋدا، ٴسوز جوق، قاتاڭ بولۋدى باستان-اياق باسا دارىپتەپ، پارتيا قۇرىلىسىن دەن قويا مىقتى يگەرىپ، پارتيا قۇرىلىسىنىڭ جاڭا ۇلى ينجەنەرياسىن باستادى جانە ىلگەرىلەتتى. پارتيا پارتيانىڭ ىشكى ساياسي تۇرمىسى جونىندەگى ٴبىرقانشا ولشەمدى جاساپ، دەموكراتيالىق ورتالىقتاندىرۋ ٴتۇزىمىن كەمەلدەندىرىپ، پارتيا ىشىندەگى دەموكراتيانى ساۋلەلەندىرىپ، پارتيانىڭ ىشكى ساياسي تۇرمىسىن قالىپقا ٴتۇسىرۋدى جۇزەگە اسىردى؛ پارتيانى رەتتەۋدى جوسپارلى، ساتىلى تۇردە جۇرگىزىپ، پارتيا ىشىندەگى يدەيانىڭ كىرشىكسىز بولماۋى، ستيلدىڭ كىرشىكسىز بولماۋى، ۇيىمنىڭ كىرشىكسىز بولماۋى ماسەلەسىن كۇش سالا شەشتى؛ كادرلار قوسىنى قۇرىلىسىن توڭكەرىسشىل، جاس، ٴبىلىمدى، ماماندانۋ باعىتى بويىنشا كۇشەيتىپ، ورتا جاس، جاس كادرلاردى تاڭداپ وسىرۋگە زور كۇش سالىپ، كادرلار قوسىنىنداعى قارتتار مەن جاستاردىڭ كەزەك اۋىسۋىن جەبەدى. پارتيا پارتيانىڭ باسشىلىق دەڭگەيى مەن بيلىك جۇرگىزۋ دەڭگەيىن جوعارىلاتۋ، شىرىكتەسۋدەن اۋلاق بولىپ، ازعىنداۋدان ساقتانۋ جانە حاۋىپ-قاتەرگە توتەپ بەرۋ قابىلەتىن جوعارىلاتۋ سىندى وسى ەكى ۇلكەن تاريحي تاقىرىپتى ويداعىداي شەشۋدى ارقاۋ ەتىپ، بيلىك جۇرگىزۋ قابىلەتى قۇرىلىسى مەن العاباسارلىق قۇرىلىسىن نەگىزگى جەلى ەتىپ، پارتيانىڭ حالىق بۇقاراسىمەن بايلانىسىن كۇشەيتۋ، پارتيانىڭ ستيل قۇرىلىسىن كۇشەيتۋ جانە جاقسارتۋ، پارتيانىڭ بيلىك جۇرگىزۋ قابىلەتى قۇرىلىسىن كۇشەيتۋ سياقتى كەلەلى ماسەلەلەر جونىندە ىلگەرىندى-كەيىندى قاۋلى شىعارىپ، ”ۇيرەنۋدى دارىپتەۋ، ساياسيدى دارىپتەۋ، تۋراشىلدىقتى دارىپتەۋ“ تاربيەسى، ”ۇشكە ۋاكىلدىك ەتۋ“ ماڭىزدى يدەياسىن ۇيرەنۋ-تاربيەسى قيمىلىن، كوممۋنيستەردىڭ العاباسارلىعىن ساقتاۋ تاربيەسى قيمىلىن، عىلىمي دامۋ كوزقاراسىن ۇيرەنۋ جانە ونى امالياتتان وتكىزۋ قيمىلى سياقتى شوعىرلى ۇيرەنۋ-تاربيەسىن ورىستەتۋگە ۇيىمداستىردى. پارتيا پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن پارتيا مەن مەملەكەتتىڭ تاعدىرىنا ساياتىن جوعارى دەڭگەيگە كوتەرىپ، شىرىكتەسۋدى جازالاۋ جانە ودان ساقتانۋ جۇيەسى قۇرىلىسىن ىلگەرىلەتتى.

　　رەفورمالاۋ، ەسىك اشۋدىڭ 40 جىلدىعى قارساڭىندا، پارتيا ورتالىق كوميتەتى سالتاناتتى قۇتتىقتاۋ جينالىسىن وتكىزدى، شي جينپيڭ جولداس ماڭىزدى ٴسوز سويلەپ، رەفورما جۇرگىزىپ، ەسىك اشقان 40 جىلدا قول جەتكىزگەن ۇلى تابىستار مەن باعالى تاجىريبەلەردى جان-جاقتى قورىتىندىلاپ، رەفورمالاۋ، ەسىك اشۋ — پارتيانىڭ ٴبىر رەتكى ۇلى ويانۋى ٴارى جۇڭگو حالقى مەن جۇڭحۋا ۇلتىنىڭ دامۋ تاريحىنداعى ٴبىر رەتكى ۇلى توڭكەرىس ەكەندىگىن باسا دارىپتەپ، رەفورمالاۋ، ەسىك اشۋدى سوڭىنا دەيىن جۇرگىزۋ ۇلى ۇندەۋىن شىعاردى. رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارى دۇنيەنى جالت قاراتتى، ەلىمىز وندىرگىش كۇشتەردىڭ سالىستىرمالى تۇردە مەشەۋ قالۋى جاعدايىنان ەكونوميكانىڭ جالپى مولشەرى دۇنيە ٴجۇزى بويىنشا 2-ورىنعا كوتەرىلۋگە دەيىنگى تاريحي سيپاتتى قامال الۋدى جۇزەگە اسىردى، حالىق تۇرمىسىنىڭ ىشەر اس، كيەر كيىمگە جارىماۋدان جالپى تۇلعالىق جاقتان دوڭگەلەك داۋلەتتىلىككە جەتىپ، جاپپاي دوڭگەلەك داۋلەتتىلىككە بەت الۋى سىندى تاريحي سەكىرۋدى جۇزەگە اسىردى، جۇڭحۋا ۇلتىنىڭ ەڭسە كوتەرۋدەن بايۋعا دەيىنگى ۇلى سەكىرۋىن ىلگەرىلەتتى.

　　جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە رەفورمالاۋ، ەسىك اشۋدىڭ زامانىمىزداعى جۇڭگونىڭ بولاشاعى مەن تاعدىرىن بەلگىلەيتىن شەشۋشى شارا ەكەندىگىن، جۇڭگوشا سوتسياليزم جولىنىڭ جۇڭگونىڭ دامۋىنا، گۇلدەنىپ-كوركەيۋىنە جەتەكشىلىك ەتەتىن دۇرىس جول ەكەندىگىن، جۇڭگونىڭ ارشىندى قاداممەن ٴداۋىر كوشىن قۋىپ جەتكەندىگىن سالتاناتپەن جاريالادى.

　　ٴتورتىنشى، جۇڭگوشا سوتسياليزمنىڭ جاڭا ٴداۋىرىن اشتى

　　پارتيا 18-قۇرىلتايىنان بەرى، جۇڭگوشا سوتسياليزم جاڭا داۋىرگە ٴوتتى. پارتيا ٴدوپ كەلگەن باستى مىندەت — ٴبىرىنشى 100 جىلدىق كۇرەس نىساناسىن جۇزەگە اسىرىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا جورىعىن باستاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ۇلى نىساناسىنا قاراي ۇزدىكسىز العا باسۋ.

　　شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە ٴجۇز جىلدا بولماعان زور وزگەرىستەردى ٴبىرتۇتاس يگەرىپ، جۇڭگوشا سوتسياليزمنىڭ جاڭا ٴداۋىرى الدىڭعىلارعا مۇراگەر، كەيىنگىلەرگە بۇيداگەر بولىپ، بولاشاققا جول اشاتىن، جاڭا تاريحي شارت-جاعدايدا جۇڭگوشا سوتسياليزمنىڭ ۇلى جەڭىسىنە ۇزدىكسىز قول جەتكىزەتىن ٴداۋىر، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، سول ارقىلى جاپپاي سوتسياليستىك وسىزاماندانعان قۇدىرەتتى مەملەكەت قۇراتىن ٴداۋىر، بۇكىل ەلدەگى ٴار ۇلت حالقى ىنتىماقتاسا كۇرەس جۇرگىزەتىن، ۇزدىكسز تاماشا تۇرمىس جاراتاتىن، جالپى حالىقتىڭ بىرگە بايۋىن بىرتىندەپ جۇزەگە اسىراتىن ٴداۋىر، بارلىق جۇڭحۋا پەرزەنتتەرى ٴبىر جاعادان باس، ٴبىر جەڭنەن قول شىعارىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن قۇلشىنا جۇزەگە اسىراتىن ٴداۋىر، ەلىمىز ادامزات ٴۇشىن ۇزدىكسىز اناعۇرلىم زور ۇلەس قوساتىن ٴداۋىر ەكەندىگىن باسا دارىپتەدى. جۇڭگوشا سوتسياليزمنىڭ جاڭا ٴداۋىرى — ەلىمىز دامۋىنىڭ جاڭا تاريحي ورنى.

　　شي جينپيڭ جولداستى باستى ۋاكىل ەتكەن جۇڭگو كوممۋنيستەرى ماركسيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋعا تاباندى بولىپ، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلىمي دامۋ كوزقاراسىنا تاباندى بولىپ، پارتيا قۇرىلعاننان بەرگى تاريحي تاجىريبەلەردى تەرەڭ قورىتىندىلاپ جانە ودان تولىق پايدالانىپ، جاڭا ٴىس جۇزىندىكتى نەگىزگە الىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاراتىپ، جۇڭگوشا سوتسياليزمنىڭ ەڭ ماندىك ەرەكشەلىگى جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ٴتۇزىمنىڭ ەڭ ۇلكەن ابزالدىلىعى جۇڭگو كوممۋنيستىك پارتياسىنىڭ باسشىلىعى، جۇڭگو كوممۋنيستىك پارتياسى ەڭ جوعارى ساياسي باسشىلىق كۇش ەكەندىگىن، بۇكىل پارتيا، ٴسوز جوق، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداۋى كەرەكتىگىن ايقىندادى؛ جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ باس مىندەتى سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرىپ، جاپپاي دوڭگەلەك داۋلەتتى قوعام ورناتۋ نەگىزىندە، ەكى قادامعا ٴبولىپ ٴجۇرىپ، وسى عاسىردىڭ ورتاسىندا باي دا قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۋاتتى مەملەكەت قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتۋ ەكەندىگىن ايقىندادى؛ جاڭا داۋىردەگى ەلىمىز قوعامىنداعى باستى قايشىلىقتىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق ەكەندىگىن، ٴسوز جوق، حالىقتى وزەك ەتكەن دامۋ يدەياسىنا تاباندى بولىپ، جالپى بارىستىق حالىق دەموكراتياسىن دامىتىپ، ادامنىڭ جان-جاقتى جەتىلۋىن، جالپى حالىقتىڭ بىرگە بايۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزۋ كەرەكتىگىن ايقىندادى؛ جۇڭگوشا سوتسياليزم ىستەرىنىڭ جالپى تۇلعالىق ورنالاستىرۋى ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى سىندى بەس قۇرىلىستى ٴبىر تۇلعالاندىرۋ، ستراتەگيالىق ورنالاستىرۋى جاپپاي سوتسياليستىك وسىزاماندانعان مەملەكەت قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن باسقارۋ، پارتيانى جاپپاي قاتاڭ باسقارۋ سىندى ٴتورتتى جاپپاي ورىنداۋ ەكەندىگىن ايقىندادى؛ رەفورمانى جاپپاي تەرەڭدەتۋدىڭ باس نىساناسى جۇڭگوشا سوتسياليستىك ٴتۇزىمدى كەمەلدەندىرۋ جانە دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ ەكەندىگىن ايقىندادى؛ مەملەكەتتى زاڭمەن باسقارۋدى جاپپاي ىلگەرىلەتۋدىڭ باس نىساناسى جۇڭگوشا سوتسياليستىك زاڭمەن باسقارۋ جۇيەسىن ورناتۋ، سوتسياليستىك زاڭمەن باسقارىلاتىن مەملەكەت قۇرۋ ەكەندىگىن ايقىندادى؛ سوتسياليستىك نەگىزگى ەكونوميكالىق تۇزىمگە، ٴسوز جوق، تاباندى بولىپ جانە ونى كەمەلدەندىرىپ، بازاردىڭ بايلىقتى ىڭعايلاۋدا شەشۋشى رول اتقارۋىنا مۇمكىندىك جاساپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، جاڭا دامۋ كەزەڭىن يگەرىپ، جاڭالىق اشاتىن، سايكەستى، جاسىل، اشىق، تەرەڭ يگىلىكتەنەتىن جاڭا دامۋ ۇستانىمىن دايەكتىلەندىرىپ، ىشكى ۇلكەن اينالىمدى نەگىزگى تۇلعا ەتكەن، ەل ٴىشى جانە حالىقارا سىندى قوس اينالىم ٴبىرىن-ٴبىرى جەبەيتىن جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى ىلگەرىلەتىپ، دامۋ مەن حاۋىپسىزدىكتى ٴبىرتۇتاس جوسپارلاۋ كەرەكتىگىن ايقىندادى؛ پارتيانىڭ جاڭا داۋىردەگى ارميانى قۇدىرەتتەندىرۋ نىساناسى پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزە الاتىن، ستيلى تاماشا حالىق ارمياسىن قۇرۋ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋ ەكەندىگىن ايقىندادى؛ جۇڭگوشا ٴىرى ەلدىك ديپلوماتيانىڭ ۇلتتىڭ گۇلدەنۋىنە قىزمەت وتەۋ، ادامزاتتىڭ العا باسۋىن جەبەۋ، جاڭاشا حالىقارالىق قاتىناس ورناتۋدى ىلگەرىلەتۋ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ كەرەكتىگىن ايقىندادى؛ پارتيانى جاپپاي قاتاڭ باسقارۋ ستراتەگيالىق باعىتىندا، جاڭا داۋىردەگى پارتيا قۇرىلىسىنىڭ جالپى تالابىن ورتاعا قويىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ٴتارتىپ قۇرىلىسىن جاپپاي ىلگەرىلەتۋ، ٴتۇزىم قۇرىلىسىن وعان ٴسىڭىرۋ، شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن تياناقتاندىرۋ، وزىنە-ٴوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ كەرەكتىگىن ايقىندادى. وسى ستراتەگيالىق يدەيالار مەن جاڭالىق اشۋ ۇستانىمدارى — پارتيانىڭ جۇڭگوشا سوتسياليزم قۇرىلىسىنىڭ زاڭدىلىعى جونىندەگى تانىمىنىڭ تەرەڭدەۋى مەن نازاريادا جاڭالىق اشۋىنىڭ كەلەلى تابىسى.

　　شي جينپيڭ جولداس جاڭا داۋىردەگى پارتيا مەن مەملەكەت ىستەرىنىڭ دامۋىنا قاتىستى ٴبىرقىدىرۋ كەلەلى نازاريالىق جانە امالياتتىق ماسەلەلەرگە تەرەڭ وي جۇگىرتىپ جانە عىلىمي تۇجىرىم جاساپ، جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ، قانداي سوتسياليستىك وسىزاماندانعان قۇدىرەتتى مەملەكەت قۇرۋ، سوتسياليستىك وسىزاماندانعان قۇدىرەتتى مەملەكەتتى قالاي قۇرۋ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سياقتى كەلەلى داۋىرلىك تاقىرىپتار جونىندە اۋەلگى جاسامپازدىق سيپاتقا يە ٴبىرقىدىرۋ ەل باسقارۋ جاڭا ۇستانىمدارىن، جاڭا يدەيالارىن، جاڭا ستراتەگيالارىن العا قويدى، ول شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ نەگىزگى جاراتۋشىسى. شي جينپيڭ جاڭا ٴداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21-عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى بولىپ، ماركسيزمنىڭ جۇڭگوشالانۋىنىڭ تىڭ سەكىرۋىن جۇزەگە اسىردى. پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ ورتاق تىلەگىن بەينەلەدى، ول جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي ٴۇردىستى ىلگەرىلەتۋ جونىنەن شەشۋشى ماڭىزعا يە.

　　رەفورما جۇرگىزىپ، ەسىك اشقاننان كەيىن، پارتيا مەن مەملەكەت ىستەرىندە كەلەلى تابىستارعا قول جەتىپ، جاڭا داۋىردەگى جۇڭگوشا سوتسياليزم ىستەرىن دامىتۋعا بەرىك نەگىز قالاپ، ٴتيىمدى شارت-جاعداي جاراتىپ بەردى. سونىمەن بىرگە، پارتيا مىنانى سەرگەكتىكپەن تانىپ جەتتى: سىرتقى ورتانىڭ وزگەرىسى كوپتەگەن جاڭا حاۋىپ-قاتەر مەن سىن-سايىس الا كەلدى، ەل ىشىندەگى رەفورما، دامۋ، ورنىقتىلىق ۇزاق ۋاقىتتان بەرى شەشىلمەگەن كوپتەگەن تەرەڭ قاتپارلى قايشىلىق پەن ماسەلەگە، سونداي-اق، جاڭادان جارىققا شىققان كەيبىر قايشىلىق پەن ماسەلەگە ٴدوپ كەلدى، پارتيانى باسقارۋ، پارتيانى جونگە سالۋ ٴبىر مەزەت كەڭ، بوس، ٴالسىز بولعاندىقتان، پارتيا ىشىندە كەرەناۋلىق، شىرىكتەسۋ قۇبىلىستارى ٴورشىپ، ساياسي ەكولوگيادا اۋىر ماسەلەلەر جارىققا شىعىپ، پارتيا مەن بۇقارانىڭ، كادرلار مەن بۇقارانىڭ قاتىناسىنا كەسىرىن تيگىزدى، پارتيانىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى السىرەپ، پارتيانىڭ ەل باسقارۋى اۋىر سىناققا ٴدوپ كەلدى.

　　شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك بورىشپەن، ەل ٴىشى جانە حالىقارا سىندى ەكى كەلەلى جاعدايدى ٴبىرتۇتاس ەسكەرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن دايەكتىلەندىرىپ، ۇلى كۇرەستى، ۇلى ينجەنەريانى، ۇلى ٴىستى، ۇلى ارماندى ٴبىرتۇتاس مەڭگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ٴبىرقىدىرۋ كەلەلى باعىت-ساياساتتى شىعارىپ، ٴبىرقىدىرۋ كەلەلى شارانى العا قويىپ، ٴبىرقىدىرۋ كەلەلى قىزمەتتى ىلگەرىلەتىپ، ٴبىرقىدىرۋ ٴىرى حاۋىپ-قاتەر مەن سىن-سايىستى جەڭىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن ٴبىرتالاي قيىن ماسەلەنى شەشىپ، كەزىندە ىستەۋدى ويلاساق تا ىستەي الماي كەلگەن ٴبىرتالاي ٴىرى ىستەردى تىندىرىپ، پارتيا مەن مەملەكەت ىستەرىندە تاريحي سيپاتتى تابىسقا جەتۋدى، تاريحي سيپاتتى بۇرىلىس جاساۋدى ىلگەرىلەتتى.

　　1) پارتيانىڭ جالپى بەتتىك باسشىلىعىنا تاباندى بولۋ جاعىندا

　　رەفورما جۇرگىزىپ، ەسىك اشقاننان كەيىن، پارتيا پارتيانىڭ باسشىلىعىن كۇشەيتۋ جانە جاقسارتۋ جولىندا ۇزدىكسىز قۇلشىنىس جاساپ، پارتيا مەن مەملەكەت ىستەرىنىڭ دامۋىنا ٴتۇبىرلى ساياسي كەپىلدىك ازىرلەدى. سونىمەن بىرگە، پارتيا ىشىندە دە پارتيا باسشىلىعىنا تاباندى بولۋ تانىمى كۇڭگىرتتەنۋ، ارەكەتى ٴالسىز بولۋ ماسەلەلەرى، پارتيا باسشىلىعىن تياناقتاندىرۋدىڭ السىرەۋى، قۇر فورماعا اينالۋى، سولعىنداۋى، وقشاۋ قالۋى ماسەلەلەرى ورىن تەۋىپ وتىر، اسىرەسە، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن پارمەندى اتقارماي، كەيبىرەۋى ساياساتقا قارسى ٴتاسىل سايلادى، ٴتىپتى، ٴسوزى دۇرىس، نيەتى بۇرىس بولىپ، ٴوز بىلگەنىنشە ىستەدى. شي جينپيڭ جولداستى ۇيتقى ەتكەن پارتيا ورتالىق كوميتەتى تۋى ايقىن تۇردە مىنالاردى العا قويدى: پارتيا باسشىلىعى — پارتيا مەن مەملەكەتتىڭ ٴتۇبىرلى تياناعى، جانى، بۇكىل ەلدەگى ٴار ۇلت حالقىنىڭ مۇددەسىنە، تاعدىرىنا سايادى، بۇكىل پارتيا يدەيادا، ساياسيدا، ارەكەتتە، ٴسوز جوق، پارتيا ورتالىق كوميتەتىمەن سانالى تۇردە وسكەلەڭ ٴبىر اۋىزدىلىقتى ساقتاپ، بيلىكتى عىلىمي جۇرگىزۋ، بيلىكتى دەموكراتيالى جۇرگىزۋ، بيلىكتى زاڭ بويىنشا جۇرگىزۋ دەڭگەيىن ۇزدىكسىز جوعارىلاتىپ، بەتالىستى يگەرۋ، كەلەلى جاعدايدى كوزدەۋ، ساياسات بەلگىلەۋ، رەفورمانى جەبەۋ قابىلەتىن جوعارىلاتىپ، پارتيانىڭ جالپى جاعدايدى جالپىلاي مەڭگەرۋ، ٴار جاقتى سايكەستىرۋدەگى باسشىلىق ۇيتقىلىق رولىن تولىق ساۋلەلەندىرۋگە شىنايى كەپىلدىك ەتۋ كەرەك.

　　پارتيا مىنانى ايقىن العا قويدى: پارتيا باسشىلىعى — جان-جاقتى، جۇيەلى، تۇتاس تۇلعا، پارتيانىڭ ىنتىماعى مەن بىرلىگىنە كەپىلدىك ەتۋ — پارتيانىڭ جانى؛ پارتيا ورتالىق كوميتەتىنىڭ ورتالىقتانعان ٴبىرتۇتاس باسشىلىعى — پارتيا باسشىلىعىنىڭ ەڭ جوعارى پرينسيبى، پارتيا ورتالىق كوميتەتىنىڭ ورتالىقتانعان ٴبىرتۇتاس باسشىلىعىن كۇشەيتۋ جانە ونى قورعاۋ — بۇكىل پارتيانىڭ ورتاق ساياسي جاۋاپكەرشىلىگى، پارتيا باسشىلىعىنا تاباندى بولۋدا، الدىمەن تۋى ايقىن تۇردە ساياسيدى دارىپتەپ، بۇكىل پارتيانىڭ ورتالىققا بويسۇنۋىنا كەپىلدىك ەتۋ كەرەك. پارتيا 18-كەزەكتى ورتالىق كوميتەتىنىڭ التىنشى جالپى ٴماجىلىسى جاڭا جاعدايداعى پارتيانىڭ ىشكى ساياسي تۇرمىسى جونىندەگى ٴبىرقانشا ولشەمدى ماقۇلدادى، پارتيا ورتالىق كوميتەتى ورتالىق كوميتەت ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ٴبىرتۇتاس باسشىلىعىن كۇشەيتۋى جانە قورعاۋى جونىندە ٴبىرقانشا بەلگىلەمە شىعارىپ، پارتيانىڭ ساياسي ٴتارتىبى مەن ساياسي قاعيداسىن قاتايتىپ، جەكەشىلدىك، بىتىراندىلىق، ەركىنسۋشىلدىك، ورىنشىلدىق، جاقسى اتتانۋشىلدىق سياقتىلاردان ساقتانىپ جانە وعان قارسى تۇرىپ، پارتيا ىشىندەگى بەلسەندى دە اقاۋسىز ساياسي مادەنيەتتى دامىتىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋدى ىلگەرىلەتتى. پارتيا ورتالىق كوميتەتى پارتيانىڭ باسشى كادرلارىنان ساياسي تۇجىرىم جاساۋ قابىلەتىن، ساياسي مەڭگەرۋ قابىلەتىن، ساياسي اتقارۋ قابىلەتىن جوعارىلاتىپ، ”مەملەكەتتىڭ ۇلى ٴىسىن“ كوكەيدە ساقتاپ، پارتياعا ادال بولىپ، پارتيانىڭ قولباسشىلىعىنا بويسۇنىپ، پارتيا ٴۇشىن جاۋاپكەرشىلىگىن ادا ەتۋدى تالاپ ەتتى. پارتيا پارتيانىڭ باسشىلىق ٴتۇزىمى جۇيەسىن كەمەلدەندىرىپ، پارتيانىڭ حالىق قۇرىلتايى، ۇكىمەت، ساياسي كەڭەس، باقىلاۋ-تەكسەرۋ ورگانى، سوت ورگانى، پروكۋراتۋرا ورگانى، قارۋلى كۇش، حالىقتىق ۇيىمدار، كاسىپورىن-ٴىسورىن، نەگىزگى ساتىداعى بۇقارالىق ٴوزىن-ٴوزى باسقارۋ ۇيىمى، قوعامدىق ۇيىم قاتارلىلارعا باسشىلىق ەتۋ ٴتۇزىمىن كەمەلدەندىرىپ، پارتيانىڭ ٴتۇرلى ۇيىمدارداعى باسشىلىق رولىن ساۋلەلەندىرۋگە شىنايى كەپىلدىك ەتتى. پارتيا دەموكراتيالىق ورتالىقتاندىرۋ تۇزىمىنە تاباندى بولىپ، پارتيانىڭ كەلەلى قىزمەتتەرگە باسشىلىق ەتۋ ٴتۇزىلىسىن ورناتىپ جانە كەمەلدەندىرىپ، پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمىنىڭ فۋنكتسيالىق رولىن كۇشەيتىپ، پارتيا ورتالىق كوميتەتىنىڭ كەلەلى شەشىمدەرىن تياناقتاندىرۋ مەحانيزمىن كەمەلدەندىرىپ جانە ىلگەرىلەتىپ، پارتيا ورتالىق كوميتەتىنەن نۇسقاۋ سۇراۋ جانە مالىمەت بەرۋ ٴتۇزىمىن قاتاڭ اتقارىپ، ساياسي باقىلاۋدى كۇشەيتىپ، ساياسي ارالاپ تەكسەرۋدى تەرەڭدەتىپ، پارتيانىڭ لۋشيان، باعىت-ساياساتتارىنا قايشىلىق جاساپ، پارتيانىڭ ورتالىقتانعان ٴبىرتۇتاس باسشىلىعىن بۇلدىرگەن ماسەلەلەردى تەكسەرىپ ٴبىر جاقتى ەتىپ، ”ەكى بەتكەيلەردى“ الاستاپ، بۇكىل پارتيانىڭ ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋىنا كەپىلدىك ەتتى.

　　پارتيا 18-قۇرىلتايىنان بەرى، پارتيا ورتالىق كوميتەتىنىڭ بەدەلى مەن ورتالىقتانعان ٴبىرتۇتاس باسشىلىعى پارمەندى كەپىلدىككە يە بولىپ، پارتيانىڭ باسشىلىق ٴتۇزىمى جۇيەسى ۇزدىكسىز كەمەلدەنىپ، پارتيانىڭ باسشىلىق ٴتاسىلى اناعۇرلىم عىلىمي بولىپ، بۇكىل پارتيا يدەيالىق جاقتان اناعۇرلىم بىرلىككە كەلىپ، ساياسي جاقتان اناعۇرلىم ىنتىماقتاسىپ، ارەكەت جاعىنان اناعۇرلىم بىركەلكى بولىپ، پارتيانىڭ ساياسي باسشىلىق قۋاتى، يدەيالىق جەتەكشىلىك قۋاتى، بۇقارانى ۇيىمداستىرۋ قۋاتى، قوعامدىق ۇندەۋ قۋاتى كورنەكتى كۇشەيدى.

　　2) پارتيانى جاپپاي قاتاڭ باسقارۋ جاعىندا

　　رەفورما جۇرگىزىپ، ەسىك اشقاننان كەيىن، پارتيا ٴوزىن باسقارۋعا، ٴوزىن قاتاڭ جونگە سالۋعا تاباندى بولىپ، پارتيا قۇرىلىسىن ىلگەرىلەتۋدە كورنەكتى ونىمدىلىككە قول جەتكىزدى. سونىمەن بىرگە، ٴبىر مەزەت پارتيانى باسقارۋدا دارمەنسىز بولۋ، پارتيانى جونگە سالۋدا قاتاڭ بولماۋ ماسەلەسىنەن كەيبىر پارتيا مۇشەلەرىنىڭ، كادرلاردىڭ ساياسي سەنىمىندە اۋىر داعدارىس تۋىلىپ، كەيبىر جەرلەر مەن تاراۋلاردىڭ ادام تاڭداۋ، ادام ىستەتۋ ستيلى مەن سالتى دۇرىس بولماۋ جايتى جارىققا شىعىپ، فورماشىلدىق، تورەشىلدىك، راقاتقۇمارلىق پەن استا-توك ىسىراپشىلدىق ٴورشىپ، ەرەكشە ۇقىق يدەياسى مەن ەرەكشە ۇقىق قۇبىلىسى نەداۋىر جاپپاي ٴومىر ٴسۇردى. اسىرەسە، جاقىندارىن عانا قىزمەتكە قويىپ، وزگە پىكىرلەردى قاقپايلاۋ، توپتاسىپ امپەي-جامپەي بولىپ، سىبايلاس جيىپ بولەكتەنۋ، باسقالارعا جالا جاۋىپ، وسەك-اياڭ تاراتۋ، ەلدى وزىنە تارتىپ، سايلاۋدا داۋىس جيۋ، ٴمانساپ-مارتەبە ارقىلى شىرعالاپ، سىبايلاستارىنا ٴمانساپ-مارتەبە بەرۋ، ٴار كىم وزىنىكىن عانا ٴجون ساناپ، كورىنىستە بويسۇنعانسىپ، كومەسكىدە قارسىلاسۋ، قۇرىلىمداعى شۇبالشاڭدىقتان پايدالانىپ، ورتالىق ۇكىمەتتى مىنەپ-سىناۋ، ساياسي ماسەلە مەن ەكونوميكالىق ماسەلە قاباتتاسىپ، شىرىكتەسۋ دارەجەسى جان تۇرشىكتىرەدى. بۇل ”جەتى ٴتۇرلى نىساي“ ماسەلەسى پارتيانىڭ وبرازى مەن بەدەلىنە اۋىر نۇقسان جەتكىزىپ، پارتيا مەن بۇقارانىڭ، كادرلار مەن بۇقارانىڭ قاتىناسىنا اۋىر نۇقسان جەتكىزىپ، بارشا پارتيا مۇشەلەرىنىڭ، كادرلاردىڭ، بۇقارانىڭ كۇشتى نارازىلىعىن جانە كەگىن قوزعادى. شي جينپيڭ جولداس تەمىر سوقساڭ قۇرىش بول، جۇڭگونىڭ ىستەرىن ويداعىداي ىستەۋدىڭ تەتىگى پارتيادا، پارتيا ٴوزىن باسقارۋدا، ٴوزىن جاپپاي قاتاڭ جونگە سالۋدا ەكەندىگىن باسا دارىپتەدى. ٴسوز جوق، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىق جانە كىرشىكسىزدىك قۇرىلىسىن كۇشەيتۋدى نەگىزگى جەلى ەتىپ، پارتيانىڭ ساياسي قۇرىلىسىن ٴبىرتۇتاس جەتەكشى ەتىپ، مىزعىماس مۇرات-سەنىمىن، تۇپكى ماقساتىن ٴتۇبىرلى ارقاۋ ەتىپ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدى كۇش سالۋ ٴتۇيىنى ەتىپ، پارتيا قۇرىلىسىنىڭ ساپاسىن ۇزدىكسىز جوعارىلاتىپ، پارتيانى باستان-اياق ٴداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە-ٴوزى توڭكەرىس جاساۋعا باتىل، داۋىلدى تولقىنداردىڭ سىنىنان وتە الاتىن، كۇش-قايراتى تاسقىنداعان ماركسيزمدىك بيلىك باسىنداعى پارتيا ەتىپ قۇرىپ شىعۋ كەرەك. پارتيا ماڭگى جالعاسادى دەيتىن سەرگەكتىكپەن جانە تاباندىلىقپەن، قاتاڭدىق سىندى نەگىزگى ارناعا تاباندى بولىپ، ”شەشۋشى از ساندىلاردى“ كورنەكتى تۇردە مىقتى يگەرىپ، نەگىزگى تۇلعالىق جاۋاپكەرشىلىك پەن باقىلاۋ جاۋاپكەرشىلىگىن تياناقتاندىرىپ،ٴتارتىپتىڭ اتقارىلۋىن باقىلاۋدى، جاۋاپكەرشىلىكتى تەكتەۋدى كۇشەيتىپ، پارتيانى جاپپاي قاتاڭ باسقارۋدى پارتيا قۇرىلىسىنىڭ ٴارقايسى جاقتارىنا ٴسىڭىردى. پارتيا ورتالىق كوميتەتى ٴار سالانىڭ پارتيا قۇرىلىسى قىزمەتى ٴماجىلىسىن اشىپ، پارمەندى ورنالاستىرۋلار جاساپ، پارتيا قۇرىلىسىنىڭ جاپپاي العا باسۋىن ىلگەرىلەتتى.

　　پارتيا ورتالىق كوميتەتى مىنالاردى باسا دارىپتەدى: پارتيامىز حالىقتان كەلگەن، حالىققا تامىر تارتقان، حالىققا قىزمەت ەتەدى، الدا-جالدا بۇقارادان قول ۇزەتىن بولسا، ومىرشەڭدىگىنەن ايرىلادى، پارتيانى جاپپاي قاتاڭ باسقارۋدا، ٴسوز جوق، حالىق بۇقاراسىنىڭ اڭىسى كۇشتى بولعان ستيل ماسەلەسىن يگەرۋدەن باستاۋ كەرەك. پارتيا ورتالىق كوميتەتى ورتالىقتىڭ سەگىز تارماقتى بەلگىلەمەسىن شىعارۋدى جانە تياناقتاندىرۋدى بەتاشار ەتىپ، ورتالىق كوميتەت ساياسي بيۋروسىنان باستاپ كىرىسىپ، باسشى كادرلاردان باستاپ يگەرىپ، جوعارى ارقىلى تومەنگە ۇلگى بولىپ، قىزمەت ستيلىن جاقسارتتى. ورتالىق كوميتەت ساياسي بيۋروسى ٴار جىلى دەموكراتيالىق تۇرمىس جيىنىن اشىپ، سەگىز تارماقتى بەلگىلەمەنى دايەكتى اتقارۋ احۋالىنان مالىمەت تىڭداپ، سىن جانە ٴوز-وزىنە سىندى ورىستەتتى. پارتيا ورتالىق كوميتەتى شەگە قاعۋ رۋحىن ساۋلەلەندىرىپ، ”ٴتورت بۇرىس ستيلدى“ بۇلجىماستان تۇزەتىپ، ەرەكشە ۇقىق يدەياسى مەن ەرەكشە ۇقىق قۇبىلىسىنا قارسى تۇرىپ، ۇكىمەت اقشاسىمەن ساۋعا ۇسىنۋ، ۇكىمەت اقشاسىمەن ٴىشىپ-جەۋ، ۇكىمەت اقشاسىمەن ساياحاتتاۋ، ٴسان-سالتاناتقا بەرىلۋ، ىسىراپشىلدىق سياقتى بۇرىس ستيلدەردى قاتاڭ تەجەپ، بۇقارانىڭ اڭىسى كۇشتى بولعان، بۇقارانىڭ مۇددەسىنە زيان جەتكىزەتىن كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋدى ىلگەرىلەتىپ، ۇقىپتىلىقتى، ۇنەمشىلدىكتى دارىپتەپ، استا-توك ىسىراپشىلدىققا قارسى تۇرىپ، بۇرىن تەجەۋ مۇمكىن ەمەس دەپ قارالعان بۇرىس ستيلدەردى تەجەپ، كوپ جىلدان بەرى ارىلماعان ەسكىلىكتى دەرتتەردى الاستاپ، پارتيا ستيلى، ۇكىمەت ستيلى جانە قوعامدىق سالت شىت جاڭا تۇسكە ەندى.

　　پارتيا ەجەلدەن بىلاي دەپ باسا دارىپتەپ كەلەدى: بۇكىل پارتيانىڭ، ٴسوز جوق، مۇرات-سەنىمى بەرىك، ۇيىمدىق جۇيەسى كەمەلدى، ٴتارتىپ-قاعيداسى قاتاڭ بولۋ كەرەك. ماركسيزم سەنىمى، كوممۋنيزم ۇلى مۇراتى، جۇڭگوشا سوتسياليزم ورتاق مۇراتى — جۇڭگو كوممۋنيستەرىنىڭ رۋحاني تىرەگى جانە ساياسي جانى ٴارى پارتيانىڭ ىنتىماعىن، بىرلىگىن ساقتاۋدىڭ يدەيالىق نەگىزى. پارتيا ورتالىق كوميتەتى مىنانى باسا دارىپتەدى: مۇرات-سەنىم — كوممۋنيستەردىڭ رۋحاني ”كالتسيى“، كوممۋنيستەردە مۇرات-سەنىم بولماسا، رۋحاني جاقتا ”كالتسي كەمەيىپ“، ”جۇمساق سۇيەك اۋرۋىنا“ شالدىعادى دا، ٴسوز جوق، ساياسي جاقتاعى قاسيەتىن جويادى، ەكونوميكالىق جاقتا وبىرلانادى، ٴمورالدىق جاقتان ازعىندايدى، تۇرمىستىق جاقتان شىرىكتەسەدى. پارتيا پارتيانى يدەيالىق جاقتان قۇرۋ مەن پارتيانى ٴتۇزىم ارقىلى باسقارۋعا بىردەي كۇش سالۋعا تاباندى بولىپ، ىلگەرىندى-كەيىندى پارتيانىڭ بۇقارالىق لۋشيان تاربيەسى جانە ونى امالياتتا ايگىلەۋ قيمىلىن، ”تاربيەلەنۋدە، ۇقىق ىستەتۋدە، تارتىپكە بويسۇنۋدا قاتاڭ بولۋ، ٴىس تىندىرۋدا، شارۋاشىلىق قۇرۋدا، ادام بولۋدا شىنايى بولۋ“ ارناۋلى تاقىرىپتىق تاربيەسىن، ”پارتيا ۋستاۆى مەن پارتيا ەرەجەسىن ۇيرەنىپ، جەلىلەس سوزدەردى ۇيرەنىپ، تولىمدى پارتيا مۇشەسى بولۋ“ ۇيرەنۋ-تاربيەسى، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى، پارتيا تاريحىن ۇيرەنۋ-تاربيەسى قاتارلى قيمىلداردى ورىستەتىپ، بۇكىل پارتيانى پارتيانىڭ جاڭالىق اشۋ نازارياسىمەن قارۋلاندىرىپ، ۇيرەنۋگە قۇلىقتى ساياسي پارتيا قۇرىلىسىن ىلگەرىلەتىپ، بارشا پارتيا مۇشەلەرىن، كادرلاردى، اسىرەسە، باسشى كادرلاردى يدەيالىق جاقتان تۇبىرىنەن تازارتىپ، نەگىزىن بەكەمدەۋگە تاربيەلەپ جانە جەتەكتەپ، سەنىم نەگىزىن بەرىك قالاپ، رۋحاني كالتسيدى تولىقتاپ، يدەيالىق تىزگىندى مىقتى ۇستاپ، كوممۋنيستەردىڭ ساياسي قاسيەتىن ساقتاپ، كوممۋنيستەرگە ٴتان رۋحاني تىرەكتى تىكتەدى. پارتيا جاڭا داۋىردەگى پارتيانىڭ ۇيىمدىق لۋشيانىن العا قويىپ جانە دايەكتىلەندىرىپ، سەنىمى بەرىك، حالىق ٴۇشىن قىزمەت ىستەيتىن، ۇكىمەت ىسىندە شوگەل، ناقتى ٴىس تىندىراتىن، جاۋاپكەرشىلىك ارقالاۋعا باتىل، تۋراشىل، پاك جاڭا داۋىردەگى جاقسى كادر ولشەمىن ايقىنداپ، ساياسي ساپا تالابىن كورنەكتىلەندىرىپ، ادام ىستەتۋدىڭ دۇرىس بەتالىسىن تىكتەپ، ٴ مورالدى دا قابىلەتتى بولۋعا، ٴ مورالدى الدىڭعى ورىنعا قويۋعا تاباندى بولىپ، توڭىرەكتىڭ ٴ تورت بۇرىشىنان بولۋعا، قابىلەتتىلەردى عانا مىندەتكە تاعايىنداۋعا تاباندى بولىپ، كاسىپتى باستى ورىنعا قويۋدان، ٴ ادىل، تۋراشىل بولۋدان جازباي، بەلەتكە، نومىرگە، ٴوندىرىس قۇنىنا، جاسقا عانا قاراماۋعا تاباندى بولىپ، ”توپىرلاتا تانىستىرىپ“، ”توبىمەن سايلاۋدى“ تەكتەپ، پارتيا ۇيىمىنىڭ باسشىلىق ەتۋ جانە مەڭگەرۋ رولىن كۇشەيتىپ، ادام تاڭداۋ، ادام ىستەتۋ جاعىنداعى بۇرىس ستيلدەردى تۇزەتتى. پارتيا ٴار دارەجەلى باسشى كادرلاردان دۇنيەگە كوزقاراس، ومىرگە كوزقاراس، قۇن كوزقاراسى سىندى وسى ”باس تەتىك“ ماسەلەسىن ويداعىداي شەشىپ، ۇقىقتى قاستەرلەپ، ۇقىقتى جاقسى تىزگىندەپ، ۇقىقتى بايىپتىلىقپەن ىستەتىپ، ٴار جاقتىڭ باقىلاۋىن سانالىلىقپەن قابىلداپ، قاي-قاشان دا پارتيانىڭ قامىن جەۋدى، وتانعا ۇلەس قوسۋدى، حالىقتى باقىتقا كەنەلتۋدى تالاپ ەتتى. پارتيا دارىندىلاردى پارتيا باسقارۋ پرينسيبىنە تاباندى بولىپ، اناعۇرلىم بەلسەندى، اناعۇرىم اشىق، اناعۇرلىم ۇتىمدى دارىندىلار ساياساتىن اتقارىپ، جاڭا داۋىردەگى دارىندىلار ارقىلى مەملەكەتتى قۇدىرەتتەندىرۋ ستراتەگياسىن ىشكەرىلەي اتقارىپ، دۇنيە جۇزىندەگى ماڭىزدى دارىندىلار ورتالىعىن جانە جاڭالىق اشۋدىڭ بيىك ٴورىسىن جەدەل قالىپتاستىرىپ، جەر جۇزىندەگى دارىندىلاردى باۋرادى جانە ولاردان پايدالاندى. پارتيا ۇيىمدىق جۇيەنى ۇزدىكسىز كەمەلدەندىرىپ، ۇيىمداستىرۋ قۋاتىن جوعارىلاتۋدى ٴتۇيىن ەتىپ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتىپ، نەگىزگى ساتىنى مىقتاپ يگەرۋدىڭ ايقىن بەتالىسىن ورناتىپ، پارتيانىڭ ۇيىمدارى مەن پارتيانىڭ قىزمەتىن جاپپاي قامتۋدى ىلگەرىلەتتى. پارتيا ٴتارتىپتىڭ زاڭنان قاتاڭ بولۋىنا، ٴتارتىپتى اتقارۋ مەن زاڭدى اتقارۋدى ۇشتاستىرۋعا تاباندى بولىپ، ٴتارتىپتىڭ اتقارىلۋىن باقىلايتىن ”ٴتورت ٴتۇرلى فورمادان“ ويداعىداي پايدالانىپ، ساياسي ٴتارتىپ پەن ۇيىمدىق ٴتارتىپتى كۇشەيتىپ، ٴتۇرلى تارتىپتەردى جاپپاي قاتايتۋعا باستاماشىلىق ەتتى. پارتيا پارتيانى ەرەجە بويىنشا باسقارۋعا تاباندى بولىپ، پارتيا ۋستاۆىنا قاتاڭ بويسۇنىپ، پارتيا ىشىندە ٴبىرشاما كەمەلدەنگەن زاڭدىق ەرەجە جۇيەسىن قالىپتاستىرىپ، ٴتۇزىمدى قاتاڭ اتقارىپ، پارتيا قۇرىلىسىنىڭ عىلىميلانۋ، تۇزىمدەنۋ، جۇيەلىلەنۋ دەڭگەيىن كورنەكتى جوعارىلاتتى.

　　پارتيا ورتالىق كوميتەتى مىنالاردى باسا دارىپتەدى: شىرىكتەسۋ — پارتيامىزدىڭ ۇزاق ۋاقىت بيلىك جۇرگىزۋىندەگى ەڭ ۇلكەن قاتەر، شىرىكتەسۋگە قارسى تۇرۋ — جەڭىلىستى كوتەرمەيتىن ٴارى استە جەڭىلۋگە بولمايتىن كەلەلى ساياسي كۇرەس، جۇزدەگەن، مىڭداعان شىرىكتەسكەن ەلەمەنتتەرگە تيسپەسەك، ٴبىر ميلليارد 400 ميلليون حالىقتىڭ كوڭىلىن قالدىرامىز، ۇقىقتى، ٴسوز جوق، ٴتارتىپ شەڭبەرىنەن شىعارماي، ۇقىقتى ٴتارتىپ بويىنشا، زاڭ بويىنشا بەلگىلەپ، ۇقىقتى ارناعا ٴتۇسىرىپ، ۇقىقتى تەجەپ، ۇقىقتى باقىلاۋ كەرەك. پارتيا شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ٴبىر تۇلعالاندىرىپ ىلگەرىلەتۋگە تاباندى بولىپ، جازالاۋ-تىكسىندىرۋدى، تۇزىمدىك تەجەۋدى، سانانى جوعارىلاتۋدى ٴبىر تۇلعالاندىرۋعا كۇش سالىپ، پارتيا مەن حالىق بەرگەن ۇقىقتى باستان-اياق حالىقتىڭ باقىتىن كوزدەۋگە پايدالانۋعا شىنايى كەپىلدىك ەتتى. شەكتەلگەن ٴوڭىر بولماۋعا، تەگىس قامتۋعا، استە كەشىرىم ەتپەۋگە تاباندى بولىپ، قاتاڭ تيۋعا، تەگەۋرىندى قاتايتۋعا، ۇنەمى تىكسىندىرىپ وتىرۋعا تاباندى بولىپ، پارا الۋ مەن پارا بەرۋدى بىرگە تەكسەرۋدەن جازباي، دەلو بولادى ەكەن، ٴ سوزسىز، تەكسەرۋگە، شىرىكتەسۋ بولادى ەكەن، ٴ سوزسىز، جازاعا تارتۋعا تاباندى بولىپ، كۇشتى ٴدارى ارقىلى اۋرۋدى ەمدەۋ، كۇشتى شارا ارقىلى بىلىقپالىقتى وڭاۋ بەكىمىمەن، سۇيەكتى قىرىپ، ۋىتتى ايدايتىن، شۇعىل شەشىم جاسايتىن جىگەرمەن ”جولبارىستى سوعۋدان“، ”شىبىندى قاعۋدان“، ”تۇلكىنى اۋلاۋدان“ اۋىتقىمادى. بۇقارانىڭ ماڭايىنداعى شىرىكتەسۋ ماسەلەلەرىن باتىل جونگە سالىپ، حالىقارالىق قۋعىنداۋدى، ارام اقشانى قايتارىپ الۋدى ىشكەرىلەي ورىستەتىپ، شىرىكتەسكەن بارلىق ەلەمەنتتى الاستادى. پارتيا نازاردى ساياسي ماسەلە مەن ەكونوميكالىق ماسەلە قاباتتاسقان شىرىكتەسۋ دەلوسىنا شوعىرلاندىرىپ، پارتيا ىشىندە مۇددەلىك توپتىڭ قالىپتاسۋىنان ساقتانىپ، جوۋ يۇڭكاڭ، بو شيلاي، سۇن جىڭساي، ليڭ جيحۋا قاتارلىلاردىڭ تارتىپكە، زاڭعا اۋىر قايشىلىق جاساعان دەلولارىن تەكسەرىپ ٴبىر جاقتى ەتتى. پارتيا پارتيا مەن مەملەكەتتىڭ باقىلاۋ جۇيەسىن كەمەلدەندىرۋگە باسشىلىق ەتىپ، مەملەكەتتىك باقىلاۋ-تەكسەرۋ كوميتەتى مەن جەرگىلىكتى ٴار دارەجەلى باقىلاۋ-تەكسەرۋ كوميتەتتەرىن قۇرۋدى ىلگەرىلەتىپ، ارالاپ تەكسەرۋ مەن شارلاپ تەكسەرۋدىڭ جوعارى-تومەن ىقپالداسقان ارناسىن قالىپتاستىرىپ، پارتيا ىشىندەگى باقىلاۋدى جەتەكشى ەتكەن، ٴتۇرلى باقىلاۋ ۇلاستىرىلعان، سايكەستىرىلگەن مەحانيزم ورناتىپ، ۇقىق جۇرگىزۋدى تەجەۋ مەن باقىلاۋدى كۇشەيتتى.

　　پارتيا 18-قۇرىلتايىنان بەرى، باتىل كۇرەس جۇرگىزۋ ارقىلى پارتيانى جاپپاي قاتاڭ باسقارۋدىڭ ساياسي جەتەكشىلىك جانە ساياسي كەپىلدىك رولى تولىق ساۋلەلەنىپ، پارتيانىڭ ٴوزىن-ٴوزى كىرشىكسىزدەندىرۋ، ٴوزىن-ٴوزى كەمەلدەندىرۋ، ٴوزىن-ٴوزى جاڭارتۋ، ٴوز دەڭگەيىن جوعارىلاتۋ قابىلەتى كورنەكتى كۇشەيىپ، پارتيانى باسقارۋ، پارتيانى جونگە سالۋداعى كەڭ بولۋ، بوس بولۋ، ٴالسىز بولۋ جاعدايىندا ٴتۇبىرلى بۇرىلىس بولىپ، شىرىكتەسۋگە قارسى كۇرەس ۇستەم جەڭىسكە جەتتى ٴارى جاپپاي بەكەمدەلدى، پارتيانىڭ، مەملەكەتتىڭ، ارميانىڭ ىشكى بولىگىندە ٴومىر ٴسۇرىپ وتىرعان اۋىر كومەسكى قاتەرلەردى الاستاپ، پارتيا توڭكەرىستىك شىڭدالۋ بارىسىندا ٴتىپتى دە كۇشەيدى.

　　3) ەكونوميكالىق قۇرىلىس جاعىندا

　　رەفورما جۇرگىزىپ، ەسىك اشقاننان كەيىن، پارتيا ەكونوميكالىق قۇرىلىس سىندى وسى وزەكتى مىقتى مەڭگەرىپ، حالىققا باسشىلىق ەتىپ، قاجىرلىلىقپەن قۇلشىنا ىستەپ، ەكونوميكانىڭ تەز قارقىنمەن دامۋ كەرەمەتىن جاراتىپ، مەملەكەتتىڭ ەكونوميكالىق قۋاتىن بارىنشا جوعارىلاتتى. سونىمەن بىرگە، كەيبىر جەرلەر مەن تاراۋلاردا قارقىن مەن كولەمگە سىڭار جاقتىلىقپەن بوي ۇرۋ، دامۋ ٴتاسىلى ۇتىمسىز بولۋ سياقتى ماسەلەلەر ورىن تەپكەندىكتەن، ونىڭ ۇستىنە، حالىقارالىق فينانس داعدارىسىنان كەيىنگى دۇنيە ٴجۇزى ەكونوميكاسىنىڭ ٴۇرتىس تۇرالاۋ ىقپالىندا، ەكونوميكانىڭ قۇرىلىمدىق، تۇزىلىستىك قايشىلىعى ۇزدىكسىز جينالىپ، دامۋدىڭ بىركەلكى بولماۋ، سايكەسىمدى بولماۋ، باياندى بولماۋ ماسەلەسى توتەنشە كورنەكتى بولدى. پارتيا ورتالىق كوميتەتى مىنانى العا قويدى: ەلىمىز ەكونوميكاسىنىڭ دامۋى جاڭا قالىپتى جاعدايعا ٴوتىپ، جوعارى قارقىنمەن ارتۋ كەزەڭىنەن جوعارى ساپالى دامۋ كەزەڭىنە بۇرىلىس جاساپ، ارتۋ قارقىنىن وزگەرتۋ مەزگىلى، قۇرىلىم رەتتەۋدىڭ تولعاقتى مەزگىلى، الدىڭعى كەزەڭدەگى ىنتالاندىرۋ ساياساتىن تياناقتاندىرۋ مەزگىلى سىندى ”ٴ ۇش مەزگىل قاباتتاسقان“ كۇردەلى جاعدايعا ٴدوپ كەلىپ، ٴداستۇرلى دامۋ ۇلگىسىن جالعاستىرۋ قيىنعا سوقتى. پارتيا ورتالىق كوميتەتى مىنانى باسا دارىپتەدى: جاڭا دامۋ ۇستانىمىن دايەكتىلەندىرۋ — ەلىمىز دامۋىنىڭ جالپى جاعدايىنا قاتىستى تەرەڭ وزگەرىس، جاي عانا ٴوندىرىس جالپى قۇنىنىڭ ارتۋ مولشەرىمەن كۇپيمەي، ٴسوز جوق، جاڭالىق اشۋ ٴبىرىنشى قوزعاۋشى كۇشكە، سايكەسۋ ىشكى ەرەكشەلىككە، جاسىل دامۋ جالپىلىق فورماتسياعا، ەسىك اشۋ، ٴسوزسىز، باسىپ وتەتىن جولعا، تەڭ يگىلىكتەنۋ ٴتۇبىرلى ماقساتقا اينالعان جوعارى ساپالى دامۋدى جۇزەگە اسىرىپ، ەكونوميكالىق دامۋدىڭ ساپاسىندا بۇرىلىس جاساۋدى، ونىمدىلىگىندە بۇرىلىس جاساۋدى، قوزعاۋشى كۇشىندە بۇرىلىس جاساۋدى ىلگەرىلەتۋ كەرەك.

　　پارتيا ەكونوميكالىق قىزمەت جونىندەگى ستراتەگيالىق جوسپارلاۋ مەن ٴبىرتۇتاس باسشىلىقتى كۇشەيتىپ، پارتيانىڭ ەكونوميكالىق قىزمەتكە باسشىلىق ەتۋ ٴتۇزىلىس-مەحانيزمىن كەمەلدەندىردى. پارتيا 18-كەزەكتى ورتالىق كوميتەتىنىڭ بەسىنشى جالپى ٴماجىلىسى، پارتيا 19-قۇرىلتايى، پارتيا 19-كەزەكتى ورتالىق كوميتەتىنىڭ بەسىنشى جالپى ٴماجىلىسى جانە ورتالىقتىڭ ٴار رەتكى ەكونوميكالىق قىزمەت ٴماجىلىسى ەلىمىزدىڭ دامۋى جونىندە شوعىرلى ورنالاستىرۋ جاساپ، جوعارى ساپالى دامۋدى نەگىزگى تاقىرىپ ەتۋگە، ۇسىنىم جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، وسىزاماندانعان ەكونوميكالىق جۇيە قۇرىپ، ىشكى سۇرانىمدى ۇلعايتۋ ستراتەگياسىنىڭ نەگىزگى ٴتۇيىنىن يگەرىپ، اۋىر حاۋىپ-قاتەردەن ساقتانۋ جانە ونى جويۋ، كەدەيلىكتەن دالمە-ٴدال ارىلتۋ، لاستانۋدان ساقتانۋ جانە ونى وڭاۋ سىندى ٴۇش ۇلكەن قامال الۋ شايقاسىن ويداعىداي جۇرگىزۋ سياقتى كەلەلى شەشىمدەردى جاسادى. پارتيا جالپىلىق مەنشىكتەگى شارۋاشىلىقتى بۇلجىتپاي بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا بۇلجىماي دەم بەرىپ، قولداۋ كورسەتىپ، جەتەكشىلىك ەتىپ، مەملەكەت مەنشىگىندەگى كاپيتال مەن مەملەكەت مەنشىگىندەگى كاسىپورىنداردىڭ الۋەتتەنۋىن، ساپالىلانۋىن، زورايۋىن قولداپ، جۇڭگوشا وسىزامانعى كاسىپورىن ٴتۇزىمىن ورناتىپ، مەملەكەت مەنشىگىندەگى شارۋاشىلىقتىڭ باسەكەلىك قۋاتىن، جاڭالىق اشۋ قۋاتىن، مەڭگەرۋ قۋاتىن، ىقپال كۇشىن، حاۋىپ-قاتەرگە توتەپ بەرۋ قۋاتىن كۇشەيتتى؛ اكىمشىلىك پەن ساۋدانىڭ باۋىرمال، پاك قاتىناسىن ورناتىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىقپەن شۇعىلداناتىن قايراتكەرلەردىڭ اقاۋسىز جەتىلۋىن جەبەدى. پارتيا جاڭالىق اشۋ ارقىلى دامۋعا دەم بەرۋ ستراتەگياسىن اتقارۋعا تاباندى بولىپ، عىلىم-تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى مەملەكەت دامۋىنىڭ ستراتەگيالىق تىرەگى ەتىپ، جاڭاشا بۇكىل مەملەكەت جۇمىلاتىن ٴتۇزىلىستى كەمەلدەندىرىپ، مەملەكەتتىڭ ستراتەگيالىق عىلىم-تەحنيكالىق قۋاتىن كۇشەيتىپ، نەگىزدىك زەرتتەۋدى كۇشەيتىپ، شەشۋشى، وزەكتى تەحنيكالاردان قامال الۋ مەن دەربەس جاڭالىق اشۋدى ىلگەرىلەتىپ، ٴبىلىم مەنشىك ۇقىعى جاعىندا جاسامپازدىق جاراتۋدى، ونى قورعاۋدى، پايدالانۋدى كۇشەيتىپ، جاڭاشىل مەملەكەت جانە دۇنيە جۇزىندەگى عىلىم-تەحنيكا جاعىندا قۋاتتى مەملەكەت قۇرۋدى جەدەلدەتتى. ۇسىنىم جاعىنداعى قۇرىلىمدىق رەفورمانى جاپپاي جۇرگىزىپ، ارتىق ٴوندىرىس قۋاتىن قاتاردان قالدىرۋدى، باسىلىپ قالعان تاۋارلاردى ٴبىر جاقتى ەتۋدى، سۇيمەندەردى كۇشىنەن قالدىرۋدى، وزىندىك قۇندى تومەندەتۋدى، ولقىلىقتاردى تولىقتاۋدى ىلگەرىلەتىپ، بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ تالابىن تياناقتاندىرىپ، جاساۋ كاسىبى جاعىندا قۋاتتى ەل قۇرۋدى ىلگەرىلەتىپ، وسىزامانعى شارۋاشىلىق جۇيەسىن جەدەل دامىتىپ، تۇلعالىق شارۋاشىلىقتى ۇلعايتىپ، سيفرلى شارۋاشىلىقتى دامىتتى. ماكرولىق ەكونوميكانى باسقارۋدى كەمەلدەندىرىپ، ماكرولىق تىزگىندەۋ وي جەلىسى مەن تاسىلىندە جاڭالىق اشىپ، ماكرولىق ساياساتتىڭ دەربەستىگىن ارتتىرىپ، بەلسەندى قازىنا ساياساتى مەن ورنىقتى اقشا ساياساتىن اتقارىپ، ۇكىمەت ورىندارىن ىقشامداپ، ۇقىقتى تومەنگە بەرۋگە، ۇقىقتى تومەنگە بەرۋ مەن باسقارۋدى ۇشتاستىرۋعا، قىزمەت وتەۋدى ساپالىلاندىرۋدى ىلگەرىلەتۋگە تاباندى بولىپ، استىق حاۋىپسىزدىگىن، ەنەرگيا بايلىعى حاۋىپسىزدىگىن، شارۋاشىلىق تىزبەگىنىڭ، ۇسىنىم تىزبەگىنىڭ حاۋىپسىزدىگىن قامتاماسىز ەتىپ، فينانستىڭ تۇلعالىق شارۋاشىلىققا قىزمەت كورسەتۋىنە تاباندى بولىپ، فينانستىق باقىلاۋ-باسقارۋدى جاپپاي كۇشەيتىپ، ەكونوميكا، فينانس سالاسىنداعى حاۋىپ-قاتەردەن ساقتانىپ جانە ونى جويىپ، بازاردى باقىلاۋ-باسقارۋ مەن مونوپوليالاۋعا قارسى تۇرۋ جاعىنداعى ەرەجە-ٴتۇزىمدى كۇشەيتىپ، كاپيتالدىڭ رەتسىز ۇلعايۋىنىڭ الدىن الىپ، بازار ٴتارتىبىن قورعاپ، ٴتۇرلى بازار سۋبيەكتىلەرىنىڭ، اسىرەسە، ورتاشا، شاعىن، ۇساق كاسىپورىنداردىڭ ومىرشەڭدىك قۋاتىن تاسقىنداتىپ، بارشا ەڭبەكشىلەر مەن تۇتىنۋشىلاردىڭ ۇقىق-مۇددەسىن قورعادى. پارتيا وڭىرلىك سايكەستى دامۋ ستراتەگياسىن اتقارىپ، بەيجيڭ-تيانجين-حىبەيدىڭ سايكەستى دامۋىن، چاڭجياڭ ەكونوميكالىق بەلدەۋىنىڭ دامۋىن، گۋاڭدۇڭ-شياڭگاڭ-اۋمىن ۇلكەن شىعاناق رايونى قۇرىلىسىن، چاڭجياڭ اتىراۋىنىڭ ٴبىر تۇلعالانىپ دامۋىن، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن جەبەپ، شيۇڭ-ان جاڭا رايونىن جوعارى ولشەممەن، جوعارى ساپامەن قۇرىپ، باتىس بولىكتى قاۋىرت اشۋدا جاڭا جاعداي قالىپتاستىرۋدى ىلگەرىلەتىپ، شىعىس سولتۇستىكتى كوركەيتۋدە تىڭ تابىستارعا قول جەتكىزۋدى ىلگەرىلەتىپ، ورتا بولىكتەگى وڭىرلەردىڭ جوعارى ساپالى دامۋىن ىلگەرىلەتىپ، شىعىس بولىكتەگى وڭىرلەردى وسىزاماندانۋدى جەدەل ىلگەرىلەتۋگە شابىتتاندىرىپ، بايىرعى توڭكەرىستىك بازالاردىڭ، ۇلتتىق وڭىرلەردىڭ، شەكارا وڭىرلەردىڭ، كەدەي وڭىرلەردىڭ ٴوندىرىس، تۇرمىس شارت-جاعدايىن جاقسارتۋعا قولداۋ كورسەتتى. ادامدى وزەك ەتكەن جاڭاشا قالا-قالاشىقتانۋدى ىلگەرىلەتىپ، قالانى پلانداۋدى، كوركەيتۋدى، باسقارۋدى كۇشەيتتى. پارتيا اۋىل شارۋاشىلىعى، اۋىل-قىستاق، ديقاندار ماسەلەسىن ويداعىداي شەشۋدى باستان-اياق بۇكىل پارتيا قىزمەتىنىڭ ەڭ ماڭىزدى ٴتۇيىنى ەتىپ، اۋىل-قىستاقتى كوركەيتۋ ستراتەگياسىن اتقارىپ، اۋىل شارۋاشىلىعىن، اۋىل-قىستاقتى وسىزامانداندىرۋدى جەدەل ىلگەرىلەتىپ، ەگىستىك جەردىڭ ساپاسىن جوعارىلاتىپ، استىقتى عىلىمي جولمەن ەگۋگە تاباندى بولىپ، ەگىستىك جەردى قورعاۋدىڭ ەڭ قاتاڭ ٴتۇزىمىن اتقارىپ، تۇقىم شارۋاشىلىعى عىلىم-تەحنيكاسىندا وزىنە سۇيەنۋدى، ٴوزىن الۋەتتەندىرۋدى، تۇقىم قاينارىن دەربەس مەڭگەرۋدى ىلگەرىلەتىپ، جۇڭگو حالقىنىڭ ازىق-تۇلىك ماسەلەسىن بۇكىلدەي ٴوزى مەڭگەرۋىنە شىنايى كەپىلدىك ەتتى.

　　پارتيا 18-قۇرىلتايىنان بەرى، ەلىمىز ەكونوميكاسى دامۋىنىڭ تەپە-تەڭدىگى، سايكەسىمدىلىگى، باياندىلىعى كورنەكتى دارەجەدە كۇشەيدى، ىشكى ٴوندىرىستىڭ جالپى قۇنى ٴجۇز تريلليون يۋاندىق ۇلكەن وتكەلدەن ٴوتىپ، جان باسىندىق ىشكى ٴوندىرىستىڭ جالپى قۇنى 10 مىڭ ا ق ش دوللارىنان استى، مەملەكەتتىڭ ەكونوميكالىق قۋاتى، عىلىم-تەحنيكالىق قۋاتى، مەملەكەتتىڭ كەشەندى قۋاتى تىڭ بەلەسكە كوتەرىلدى، ەلىمىز ەكونوميكاسى اناعۇرلىم جوعارى ساپالى، اناعۇرلىم ٴونىمدى، اناعۇرلىم ٴادىل، اناعۇرلىم باياندى، اناعۇرلىم حاۋىپسىز دامۋ جولىنا ٴتۇستى.

　　4) رەفورما جۇرگىزىپ، ەسىك اشۋدى جاپپاي تەرەڭدەتۋ جاعىندا

　　پارتيا 11-كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن كەيىن، ەلىمىزدىڭ رەفورما جۇرگىزىپ، ەسىك اشۋى ايبىندى دا دابىرالى بارىستى باسىپ ٴوتىپ، دۇنيەنى جالت قاراتقان تابىستارعا قول جەتكىزدى. ٴىس جۇزىندىك دامۋعا ىلەسە، كەيبىر تەرەڭ قاتپارلى ٴتۇزىلىس-مەحانيزمدىك ماسەلەلەر جانە قاتىپ-سەمگەن مۇددەلىك بوگەتتەر كۇن سايىن كورنەكتىلەنىپ، رەفورما قامال الۋ كەزەڭى مەن شەشۋشى كەزەڭگە ٴوتتى. پارتيا ورتالىق كوميتەتى مىنانى تەرەڭ تانىپ جەتتى: ٴىس جۇزىندىك دامۋدىڭ شەگى ماڭگى بولمايدى، يدەيانى ازات ەتۋدىڭ شەگى ماڭگى بولمايدى، رەفورمالاۋ، ەسىك اشۋدىڭ دا شەگى ماڭگى بولمايدى، رەفورما تەك توقتاۋسىز جۇرگىزىلە بەرەدى، اياقتامايدى، ايالداۋ مەن كەرى شەگىنۋدەن شىعار جول جوق، ٴسوز جوق، رەفورمانى جاپپاي تەرەڭدەتۋدى اناعۇرلىم زور ساياسي باتىلدىقپەن جانە اقىل-پاراساتپەن ىلگەرىلەتىپ، قيىن ىستەردى تىندىرۋعا باتىل بولىپ، حاۋىپ-قاتەردەن جاسقانباي، ٴتۇزىم قۇرىلىسىن كورنەكتىلەندىرىپ، رەفورمانىڭ ۇلاسپالىلىعى مەن سايكەسىمدىلىگىنە باسا ٴمان بەرىپ، رەفورمانى تىڭعىلىقتى ىلگەرىلەتىپ، ٴارقايسى جاقتاعى ٴتۇزىلىس-مەحانيزمدىك كىناراتتاردى ٴونىمدى تۇردە الاستاۋ كەرەك.

　　پارتيا 18-كەزەكتى ورتالىق كوميتەتىنىڭ ٴۇشىنشى جالپى ٴماجىلىسى ەكونوميكالىق ٴتۇزىلىس، ساياسي ٴتۇزىلىس، مادەنيەت ٴتۇزىلىسى، قوعامدىق ٴتۇزىلىس، ەكولوگيالىق وركەنيەت ٴتۇزىلىسى، مەملەكەت قورعانىسى مەن ارميا رەفورماسى جانە پارتيا قۇرىلىسىنىڭ ٴتۇزىم رەفورماسى جونىندە ورنالاستىرۋ جاساپ، رەفورمانى جاپپاي تەرەڭدەتۋدىڭ باس نىساناسىن، ستراتەگيالىق ٴتۇيىنىن، ىلگەرىندى-كەيىندىلىك ٴتارتىبىن، قامال الۋ بەتالىسىن، قىزمەت مەحانيزمىن، ىلگەرىلەتۋ ٴتاسىلىن جانە ۋاقىت كەستەسىن، جول كارتاسىن تۇراقتاندىردى. پارتيا 11-كەزەكتى ورتالىق كوميتەتىنىڭ ٴۇشىنشى جالپى ٴماجىلىسى ٴداۋىر بولگىش ٴماجىلىس بولىپ، رەفورمالاۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جاڭا ٴداۋىرىن باستادى. پارتيا 18-كەزەكتى ورتالىق كوميتەتىنىڭ ٴۇشىنشى جالپى ٴماجىلىسى دە ٴداۋىر بولگىش ٴماجىلىس بولىپ، رەفورمادا ٴىشىنارالىق ىزدەنىس جاساۋدان، تىڭنان تۇرەن سالۋدان جۇيەلى دە شوعىرلى، جاپپاي تەرەڭدەتۋگە قاراي بۇرىلىس جاساۋدى جۇزەگە اسىرىپ، ەلىمىزدىڭ رەفورمالاۋ، ەسىك اشۋىنىڭ جاڭا جاعدايىن اشتى.

　　پارتيا رەفورمانىڭ دۇرىس باعىتىنان جازباي، قوعامدىق ادىلدىكتى، تۋراشىلدىقتى جەبەۋدى، حالىقتىڭ ىرىسىن ارتتىرۋدى شىعار ٴتۇيىن جانە تابان تىرەر تياناق ەتىپ، ماسەلەنى باعدار ەتۋدى كورنەكتىلەندىرىپ، نازاردى يدەيانى ونان ارى ازات ەتۋگە، قوعامدىق وندىرگىش كۇشتەردى ازات ەتۋگە جانە دامىتۋعا، قوعامدىق ومىرشەڭدىك كۇشتى ازات ەتۋگە جانە كۇشەيتۋگە شوعىرلاندىرىپ، جوعارى دەڭگەيلى جوبالاۋ مەن جالپى تۇلعالىق جوسپار جاساۋدى كۇشەيتىپ، رەفورمانىڭ جۇيەلىلىگىن، تۇتاس تۇلعالىلىعىن، سايكەسىمدىلىگىن كۇشەيتىپ، حالىقتىڭ ٴتول جاسامپازدىق رۋحىن تاسقىنداتىپ، ماڭىزدى سالالار مەن شەشۋشى بۋىندارداعى رەفورمانى تىڭعىلىقتى، ىشكەرىلەي ىلگەرىلەتتى. پارتيا رەفورمانى جاپپاي تەبىندى جۇرگىزىپ، كوپ تۇيىندە تابىسقا جەتىپ، تەز، ورنىقتى قاداممەن جۇرگىزىپ، جان-جاقتى ىلگەرىلەتىپ، نەگىزىن بەكەمدەپ، تۇلعاسىن تۇرعىزۋدان جاپپاي ىلگەرىلەتىپ، نەگىزىن قوردالاندىرىپ، اۋقىم قالىپتاستىرۋعا دەيىن، ودان شوعىرلى جۇيە، سايكەستى دە ٴونىمدى بولۋعا دەيىن، ٴار سالانىڭ نەگىزدىك ٴتۇزىم جۇلگەسىن نەگىزىنەن تۇراقتاندىرىپ، كوپتەگەن سالادا تاريحي وزگەرىس، جۇيەلى جاڭارۋ، تۇتاس تۇلعالىق قايتا قۇرىلۋ جۇزەگە استى.

　　پارتيا ورتالىق كوميتەتى مىنانى تەرەڭ تانىپ جەتتى: ەسىك اشۋ العا باستىرادى، توماعا-تۇيىقتىق، ٴسوز جوق، ارتتا قالدىرادى؛ ەلىمىزدىڭ دامۋى ابزالدىلىققا قول جەتكىزۋدە، ىرىقتىلىققا قول جەتكىزۋدە، بولاشاققا جول اشۋدا، ٴسوز جوق، ەكونوميكانىڭ جاھاندانۋىنا سايكەسىپ، ەلىمىزدىڭ اسقان زور كولەمدى بازار ابزالدىلىعىنا سۇيەنىپ، اناعۇرلىم بەلسەندى، ىرىقتى ەسىك اشۋ ستراتەگياسىن اتقارۋ كەرەك. ەلىمىز بىرگە اقىلداسۋدان، بىرگە قۇرۋدان، بىرگە يگىلىكتەنۋدەن جازباي، ”ٴبىر بەلدەۋ، ٴبىر جولدى“ بىرگە گۇلدەندىرۋدىڭ جوعارى ساپالى دامۋىن ىلگەرىلەتىپ، جول بويىنداعى ەلدەردىڭ ەكونوميكالىق دامۋىنا، حالىق تۇرمىسىن جاقسارتۋعا قاتىستى ٴبىر توپ سەلبەستىك نىساندارىن ىلگەرىلەتىپ، بەيبىتشىلىك جولىن، گۇلدەنىپ-كوركەيۋ جولىن، ەسىك اشۋ جولىن، جاسىل دامۋ جولىن، جاڭالىق اشۋ جولىن، وركەنيەت جولىن سالىپ، ”ٴبىر بەلدەۋ، ٴبىر جولدى“ بىرگە گۇلدەندىرۋدىڭ بۇگىنگى دۇنيە جۇزىندەگى ەڭ قارسى الۋعا بولەنگەن حالىقارالىق الەۋمەتتىك ٴونىم جانە حالىقارالىق سەلبەستىك تەكشەسىنە اينالۋىنا مۇمكىندىك جاسادى. ەلىمىز ىشكە-سىرتقا ەسىك اشۋدىڭ ٴبىرىن-ٴبىرى جەبەۋىنە، ”سىرتتان ەنگىزۋ “ مەن ”سىرتقا شىعارۋدى“ اناعۇرلىم ويداعىداي ۇشتاستىرۋعا تاباندى بولىپ، ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتىپ، الەمگە باعىتتالعان جوعارى ولشەمدى ەركىن ساۋدا ٴوڭىرى تورابىن قالىپتاستىرىپ، ەركىن ساۋدا سىناق ٴوڭىرى مەن حاينان ەركىن ساۋدا پورتىن قۇرىپ، ەرەجە، ەرەجە-ٴتۇزىم، باسقارۋ، ولشەم سياقتىلار تۇزىمدىك ەسىك اشۋدى ىلگەرىلەتىپ، اناعۇرلىم كەڭ كولەمدى، اناعۇرلىم كەڭ سالالى، اناعۇرلىم تەرەڭ ساتىلى سىرتقا ەسىك اشۋ جۇيەسىن قالىپتاستىرىپ، ٴوزارا تيىمدىلىك جاساپ، تەڭ يگىلىكتەنەتىن، كوپ نەگىزدى، تەپە-تەڭ، حاۋىپسىز، جوعارى ٴونىمدى اشىق ەكونوميكالىق جۇيە قالىپتاستىرىپ، ەلىمىزدىڭ حالىقارالىق ەكونوميكالىق سەلبەستىك پەن باسەكەدەگى تىڭ ابزالدىلىعىن ۇزدىكسىز كۇشەيتتى.

　　پارتيا 18-قۇرىلتايىنان بەرى، پارتيا رەفورمانى جاپپاي تەرەڭدەتۋدىڭ كەڭدىك جانە تەرەڭدىككە قاراي بەت الۋىن ۇزدىكسىز ىلگەرىلەتىپ، جۇڭگوشا سوتسياليستىك ٴتۇزىم اناعۇرلىم كەمەلدەنىپ، اناعۇرلىم تۇلعالانا ٴتۇستى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيى ۇزدىكسىز جوعارىلاپ، پارتيا مەن مەملەكەت ىستەرى تىڭ جالىندى ومىرشەڭدىك قۋاتقا يە بولدى.

　　5) ساياسي قۇرىلىس جاعىندا

　　رەفورما جۇرگىزىپ، ەسىك اشقاننان كەيىن، پارتيا حالىققا باسشىلىق ەتىپ، جۇڭگوشا سوتسياليستىك ساياسي دامۋ جولىنا تاباندى بولىپ، سوتسياليستىك دەموكراتيانى دامىتىپ، كەلەلى ىلگەرىلەۋشىلىككە قول جەتكىزدى. پارتيا ەل ٴىشى-سىرتىنداعى ساياسي دامۋدىڭ ٴساتتى-ٴساتسىز تاجىريبەلەرىنەن مىنانى تەرەڭ تانىپ جەتتى: جۇڭگوشا سوتسياليستىك ٴتۇزىم سەنىمىن بەكەمدەۋدە، الدىمەن جۇڭگوشا سوتسياليستىك ساياسي ٴتۇزىم جونىندەگى سەنىمدى بەكەمدەپ، سوتسياليستىك دەموكراتيالىق ساياسيدى كوركەيتىپ، سوتسياليستىك ساياسي وركەنيەتتى دامىتىپ، جۇڭگوشا سوتسياليستىك ساياسي ٴتۇزىمدى، ٴسوز جوق، جۇڭگو قوعامىنىڭ توپىراعىنا تەرەڭ تامىر تارتتىرۋ كەرەك، وزگە ەلدىڭ ساياسي ٴتۇزىمىن قاز-قالپىندا كوشىرىپ قولدانۋ جارامايدى، ٴتىپتى ول مەملەكەتتىڭ بولاشاعى مەن تاعدىرىن قۇرىدىمعا جىبەرەدى. پارتيا باسشىلىعىنىڭ، حالىقتىڭ وزىنە-ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە، ٴسوز جوق، تاباندى بولىپ، جالپى بارىستىق حالىق دەموكراتياسىن بەلسەنە دامىتىپ، جان-جاقتى، كەڭ كولەمدى، ورگانيكالى ۇشتاسقان حالىقتىڭ وزىنە-ٴوزى قوجايىن بولۋ ٴتۇزىمى جۇيەسىن اقاۋسىزداندىرىپ، الۋان ٴتۇرلى، ىركىلىسسىز، ٴتارتىپتى دەموكراتيا ارناسىن قالىپتاستىرىپ، دەموكراتيا فورماسىن بايىتىپ، ٴار ساتىدان، ٴار سالادان بارشا حالىقتىڭ ساياسيعا تارتىپپەن ات سالىسۋىن كەڭەيتىپ، ٴار جاقتاعى ٴتۇزىم مەن مەملەكەتتى باسقارۋدا حالىقتىڭ ەركىن اناعۇرلىم ويداعىداي ايگىلەپ، حالىقتىڭ ۇقىق-مۇددەسىن قامتاماسىز ەتىپ، حالىقتىڭ جاسامپازدىعىن تاسقىنداتۋ كەرەك. باتىس ەلدەرىنىڭ اتالمىش ”نەگىزگى زاڭدىق بيلىك“، كوپ پارتيانىڭ الما كەزەك بيلىك جۇرگىزۋى، ”ٴۇش بيلىك قاتار تۇرۋ“ سياقتى ساياسي اعىمىنىڭ ٴشىرىتۋ ىقپالىنان، ٴسوز جوق، قىراعى بولۋ جانە ودان ساقتانۋ كەرەك.

　　پارتيا 19-كەزەكتى ورتالىق كوميتەتىنىڭ ٴتورتىنشى جالپى ٴماجىلىسى پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىن كوزدە ۇستاپ، جۇڭگوشا سوتسياليستىك تۇزىمگە تاباندى بولۋ جانە ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ جونىندە جالپى تۇلعالىق جوبا جاساپ، جۇڭگوشا سوتسياليستىك تۇزىمگە تىرەك بولاتىن ٴتۇبىرلى تۇزىمگە، نەگىزگى تۇزىمگە، ماڭىزدى تۇزىمگە تاباندى بولۋ جانە ونى كەمەلدەندىرۋ جونىندە ٴتۇيىندى ورنالاستىرۋ جاسادى. پارتيا ورتالىق كوميتەتى مىنانى باسا دارىپتەدى: حالىقتىڭ نەگىزگى تۇلعالىق ورنىنا، ٴسوز جوق، تاباندى بولىپ، حالىقتىڭ زاڭ بويىنشا دەموكراتيالىق سايلاۋ جۇرگىزۋىنە، دەموكراتيالىق كەڭەسۋىنە، دەموكراتيالىق شەشىم جاساۋىنا، دەموكراتيالىق باسقارۋىنا، دەموكراتيالىق باقىلاۋىنا كەپىلدىك ەتۋ كەرەك. پارتيا حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىن قولداپ جانە وعان كەپىلدىك ەتىپ، حالىق قۇرىلتايىنىڭ زاڭ شىعارۋ ۇقىعىن، باقىلاۋ ۇقىعىن، ۇيعارىم جاساۋ ۇقىعىن، مىندەتكە تاعايىنداۋ-مىندەتىنەن قالدىرۋ ۇقىعىن زاڭ بويىنشا جۇرگىزۋىن قولداپ جانە وعان كەپىلدىك ەتىپ، داۋىس جيىپ، پارا بەرىپ سايلانۋ دەلوسىن باتىل تەكسەرىپ، ٴبىر جاقتى ەتىپ، حالىق قۇرىلتايى ٴتۇزىمىنىڭ بەدەلى مەن ابىرويىن قورعاپ، حالىق قۇرىلتايى ٴتۇزىمىنىڭ ٴتۇبىرلى ساياسي تۇزىمدىك رولىن ساۋلەلەندىردى. پارتيا جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، دەموكراتيالىق پارتيا-توپتاردىڭ ورتالىق كوميتەتتەرىنىڭ كەلەلى شەشىمدەر مەن ورنالاستىرۋلاردى دايەكتى تياناقتاندىرۋ احۋالىنا ارناۋلى باقىلاۋ جۇرگىزىپ، جۇڭگو كوممۋنيستىك پارتياسى ورتالىق كوميتەتىنە تىكەلەي ۇسىنىس قويۋ سياقتى تۇزىمدەردى كەمەلدەندىرىپ، حالىق ساياسي كەڭەسىنىڭ ارناۋلى كەڭەس قۇرىلىمى ٴتۇزىمى قۇرىلىسىن كۇشەيتىپ، سوتسياليستىك ٴماسليحاتتىق دەموكراتيانىڭ كەڭ كولەمدى، كوپ ساتىلى، تۇزىمدەنە دامۋىن ىلگەرىلەتىپ، جۇڭگوشا ٴماسليحاتتىق دەموكراتيا جۇيەسىن قالىپتاستىردى. پارتيا نەگىزگى ساتىنىڭ بيلىگىن بەكەمدەۋگە تاباندى بولىپ، نەگىزگى ساتىنىڭ دەموكراتيالىق ٴتۇزىمىن كەمەلدەندىرىپ، ٴىستى جاريا ىستەۋ ٴتۇزىمىن كەمەلدەندىرىپ، حالىقتىڭ جاعدايدان حابارلى بولۋ ۇقىعىن، ارالاسۋ ۇقىعىن، ويىن ٴبىلدىرۋ ۇقىعىن، باقىلاۋ ۇقىعىن قامتاماسىز ەتتى. پارتيانىڭ جالپى بەتتىك باسشىلىعىنا تاباندى بولۋ، حالىقتى وزەك ەتۋگە تاباندى بولۋ، ساپالى، سايكەستى، جوعارى ٴونىمدى بولۋدان جازباۋ، مەملەكەتتى جاپپاي زاڭمەن باسقارۋعا تاباندى بولۋ پرينسيبىنە ساي، پارتيا مەن مەملەكەت قۇرىلىمدارى رەفورماسىن جاپپاي تەرەڭدەتىپ، پارتيا مەن مەملەكەت قۇرىلىمدارىنىڭ فۋنكتسياسى جۇيەلىك، تۇتاس تۇلعالىق جاقتان قايتا قۇرىلۋدى جۇزەگە اسىردى. پارتيا ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ٴجۇرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ نەگىزگى جەلىسى ەتۋدەن جازباي، جاڭا داۋىردەگى پارتيانىڭ شيزاڭدى باسقارۋ جالپى جوباسىن، شينجياڭدى باسقارۋ جالپى جوباسىن ورناتىپ، تەڭدىك، ىنتىماقتىلىق، قايىرىمدىلىق، جاراسىمدىلىق سىندى سوتسياليستىك ۇلتتار قاتىناسىن بەكەمدەپ جانە دامىتىپ، ۇلتتاردىڭ بىرگە ىنتىماقتاسا كۇرەس جاساپ، بىرگە گۇلدەنىپ-كوركەيۋى مەن دامۋىن جەبەدى. پارتيا پارتيانىڭ ٴدىن قىزمەتى جونىندەگى نەگىزگى باعىتىنا تاباندى بولىپ، ەلىمىزدەگى دىندەردى جۇڭگوشالاندىرۋ باعىتىنا تاباندى بولىپ، ٴدىندى سوتسياليستىك قوعامعا ۇيلەسۋگە بەلسەنە جەتەكتەدى. پارتيا زور بىرلىكساپ قىزمەتى جۇيەسىن كەمەلدەندىرىپ، ەڭ ۇلكەن ورتاق بولگىشتى كۇش سالا قاراستىرىپ، ەڭ ۇلكەن سەنترلەس شەڭبەردى سىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇشىن توپتادى. پارتيا ساياسي سيپاتىن، العاباسارلىق سيپاتىن، بۇقارالىق سيپاتىن كۇشەيتۋدى ارقاۋ ەتىپ، بۇقارالىق ۇيىمدار قىزمەتىن رەفورمالاۋدى، وندا جاڭالىق اشۋدى ىلگەرىلەتىپ، جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى قاتارلى حالىقتىق توپتار مەن بۇقارالىق ۇيىمداردىڭ رولىن اناعۇرلىم ويداعىداي ساۋلەلەندىردى. ٴبىز حالىقتىڭ ٴومىر ٴسۇرۋ ۇقىعىن، دامۋ ۇقىعىن قامتاماسىز ەتۋدى ماڭداي الدى ورىنعا قويىپ، ادامدىق ۇقىق ىستەرىنىڭ جاپپاي دامۋىن ىلگەرىلەتتىك.

　　پارتيا 18-قۇرىلتايىنان بەرى، ەلىمىزدىڭ سوتسياليستىك دەموكراتيالىق ساياسيىنىڭ تۇزىمدەنۋى، ارناعا ٴتۇسۋى، تارتىپكە ٴتۇسۋى جاپپاي ىلگەرىلەپ، جۇڭگوشا سوتسياليستىك ساياسي ٴتۇزىمنىڭ ابزالدىلىعى اناعۇرلىم ويداعىداي ساۋلەلەنىپ، جاندى دا جالىندى، تىنىش تا ىنتىماقتى ساياسي جاعداي بەكەمدەلدى جانە دامىدى.

　　6) مەملەكەتتى جاپپاي زاڭمەن باسقارۋ جاعىندا

　　رەفورما جۇرگىزىپ، ەسىك اشقاننان كەيىن، پارتيا مەملەكەتتى زاڭمەن باسقارۋعا تاباندى بولىپ، سوتسياليستىك زاڭمەن باسقارۋ قۇرىلىسىن ۇزدىكسىز ىلگەرىلەتتى. سونىمەن بىرگە، زاڭ بولا تۇرا وعان بويسۇنباۋ، زاڭدى قاتاڭ اتقارماۋ، ٴادىليادا ٴادىل بولماۋ، زاڭعا قايشىلىق جاساعانداردى قۋزاستىرماۋ سياقتى ماسەلەلەر اۋىر دارەجەدە ٴومىر ٴسۇرىپ، ٴادىليالىق شىرىكتەسۋ جايتتەرى ۇنەمى تۋىلىپ، كەيبىر زاڭ اتقارۋشىلار، ٴادىليا قىزمەتكەرلەرى كوڭىلگە قاراپ زاڭ بۇزىپ، ٴتىپتى قىلمىستىلاردىڭ باسقالقاسى بولىپ، زاڭمەن باسقارۋدىڭ بەدەلىنە اۋىر زالال جەتكىزىپ، قوعامنىڭ ادىلدىگىنە، تۋراشىلدىعىنا اۋىر ىقپال جاسادى. پارتيا مىنانى تەرەڭ تانىپ جەتتى: ۇقىق — ”قوس ٴجۇزدى قانجار“، ونى زاڭ بويىنشا، ەرەجە بويىنشا جۇرگىزگەندە، حالىققا يگىلىك جاراتۋعا بولادى، زاڭعا قايشى، ەرەجەگە قايشى جۇرگىزگەندە، مەملەكەت پەن حالىققا زوبالاڭ سالارى داۋسىز. پارتيا ورتالىق كوميتەتى مىنانى باسا دارىپتەدى: زاڭمەن باسقارۋ كەمەلدى بولسا، مەملەكەت كوركەيەدى، زاڭمەن باسقارۋ السىرەسە، مەملەكەت بىلىعادى؛ مەملەكەتتى جاپپاي زاڭمەن باسقارۋ — جۇڭگوشا سوتسياليزمنىڭ ماندىك تالابى جانە ماڭىزدى كەپىلى، مەملەكەتتى باسقارۋداعى تەرەڭ توڭكەرىس؛ مەملەكەتتى زاڭمەن باسقارۋعا تاباندى بولۋدا، الدىمەن مەملەكەتتى نەگىزگى زاڭ بويىنشا باسقارۋعا تاباندى بولۋ، بيلىكتى زاڭ بويىنشا جۇرگىزۋگە تاباندى بولۋدا، الدىمەن بيلىكتى نەگىزگى زاڭ بويىنشا جۇرگىزۋگە تاباندى بولۋ كەرەك. جۇڭگوشا سوتسياليستىك زاڭمەن باسقارۋ جولىنا، ٴسوز جوق، تاباندى بولىپ، جۇڭگوشا سوتسياليستىك زاڭمەن باسقارۋ نازارياسىن دايەكتىلەندىرىپ، مەملەكەتتى زاڭمەن باسقارۋدى، بيلىكتى زاڭ بويىنشا جۇرگىزۋدى، اكىمشىلىكتى زاڭ بويىنشا جۇرگىزۋدى قاتار ىلگەرىلەتۋگە تاباندى بولىپ، زاڭمەن باسقارىلاتىن مەملەكەت، زاڭمەن باسقارىلاتىن ۇكىمەت، زاڭمەن باسقارىلاتىن قوعامدى ٴبىر تۇلعالاندىرۋ قۇرىلىسىنا تاباندى بولىپ، تۇتاس قوعامنىڭ زاڭدى قۇرمەتتەۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ تانىمى مەن قابىلەتىن جاپپاي كۇشەيتۋ كەرەك.

　　پارتيا 18-كەزەكتى ورتالىق كوميتەتىنىڭ ٴتورتىنشى جالپى ٴماجىلىسى مەن ورتالىقتىڭ مەملەكەتتى جاپپاي زاڭمەن باسقارۋ قىزمەتى ٴماجىلىسى مەملەكەتتى جاپپاي زاڭمەن باسقارۋ ماسەلەسى جونىندە ارناۋلى تاقىرىپتا زەرتتەۋ جۇرگىزىپ، زاڭدى عىلىمي شىعارۋ، زاڭدى قاتاڭ اتقارۋ، ٴادىليادا ٴادىل بولۋ، جالپى حالىق زاڭعا بويسۇنۋ جونىندە جوعارى دەڭگەيلى جوبا جانە كەلەلى ورنالاستىرۋ جاساپ، زاڭدىق ولشەم جۇيەسى، زاڭمەن باسقارۋدى اتقارۋ جۇيەسى، زاڭمەن باسقارۋدى باقىلاۋ جۇيەسى، زاڭمەن باسقارۋدى قامتاماسىز ەتۋ جۇيەسى جانە پارتيانىڭ ىشكى زاڭدىق ەرەجە جۇيەسى قۇرىلىسىن ٴبىرتۇتاس جوسپارلاپ ىلگەرىلەتتى.

　　پارتيا مىنالاردى باسا دارىپتەدى: مەملەكەتتى جاپپاي زاڭمەن باسقارۋدىڭ ەڭ كەڭ، ەڭ تەرەڭ نەگىزى — حالىق، حالىقتىڭ مۇددەسىن ايگىلەۋدى، حالىقتىڭ تىلەگىن بەينەلەۋدى، حالىقتىڭ ۇقىق-مۇددەسىن قورعاۋدى، حالىقتىڭ ىرىسىن ارتتىرۋدى مەملەكەتتى جاپپاي زاڭمەن باسقارۋدىڭ ٴار سالاسىندا، تۇتاس بارىسىندا، ٴسوز جوق، تياناقتاندىرىپ، قوعامنىڭ ادىلدىگىن، تۋراشىلدىعىن قامتاماسىز ەتىپ جانە جەبەپ، حالىق بۇقاراسىنا ٴاربىر زاڭ-تۇزىمنەن، ٴاربىر زاڭ اتقارۋ ۇيعارىمىنان، ٴاربىر ٴادىليالىق دەلودان ادىلدىكتى، تۋراشىلدىقتى سەزىندىرۋگە قۇلشىنۋ كەرەك. پارتيا نەگىزگى زاڭنىڭ جاپپاي اتقارىلۋىنا كەپىلدىك ەتەتىن ٴتۇزىلىس-مەحانيزمدى اقاۋسىزداندىرۋعا باسشىلىق ەتىپ، نەگىزگى زاڭنىڭ الدىندا سەرت بەرۋ ٴتۇزىمىن ورناتىپ، سوتسياليستىك زاڭمەن باسقارۋ رۋحىن ساۋلەلەندىرىپ، مەملەكەت قۇرىلىمدارىنىڭ زاڭ بويىنشا مىندەت اتقارۋ قابىلەتىن جوعارىلاتىپ، ٴار دارەجەلى باسشى كادرلاردىڭ ماسەلەلەردى زاڭمەن باسقارۋ وي جەلىسى مەن زاڭمەن باسقارۋ ٴتاسىلى ارقىلى شەشۋ، دامۋدى ىلگەرىلەتۋ قابىلەتىن جوعارىلاتىپ، بۇكىل قوعامنىڭ زاڭمەن باسقارۋ تانىمىن كۇشەيتتى. نەگىزگى زاڭعا وزگەرىس ەنگىزۋ جوباسىن قابىلداپ، ازاماتتىق زاڭناما، شەتەل ساۋداگەرلەرى قارجىلاندىرۋ زاڭى، مەملەكەت حاۋىپسىزدىگى زاڭى، باقىلاۋ-تەكسەرۋ زاڭى قاتارلى زاڭداردى جاساپ، زاڭ شىعارۋ زاڭى، مەملەكەت قورعانىس زاڭى، ورتانى قورعاۋ زاڭى قاتارلى زاڭدارعا وزگەرىس ەنگىزىپ، ٴتۇيىندى سالالار، جاڭادان گۇلدەنگەن سالالار، شەتەلگە ساياتىن سالالار جونىندە زاڭ شىعارۋدى كۇشەيتىپ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن جەدەل كەمەلدەندىردى. پارتيا ٴادىليالىق جاۋاپكەرشىلىك ٴتۇزىمىن ٴتۇيىن ەتكەن ٴادىليا ٴتۇزىلىسى رەفورماسىن تەرەڭدەتۋگە باسشىلىق ەتىپ، ساياسي-زاڭ سالاسىنداعى رەفورمانى جاپپاي تەرەڭدەتۋدى ىلگەرىلەتىپ، زاڭ اتقارۋ، ٴادىليا قيمىلدارىن باقىلاۋ، تەجەۋدى كۇشەيتىپ، ساياسي-زاڭ قوسىنىن تاربيەلەۋ، تارتىپكە سالۋدى ورىستەتىپ، ناقاق، قاتە دەلولاردى زاڭ بويىنشا تۇزەتىپ، زاڭ اتقارۋ، ٴادىليا جاعىنداعى شىرىكتەسۋدى قاتاڭ جازالاپ، باسقارىپ، زاڭ اتقارۋدىڭ، ٴادىليانىڭ ٴادىل، پاك، جوعارى ٴونىمدى، بەدەلدى بولۋىنا شىنايى كەپىلدىك ەتتى.

　　پارتيا 18-قۇرىلتايىنان بەرى، جۇڭگوشا سوتسياليستىك زاڭمەن باسقارۋ جۇيەسى ۇزدىكسىز كەمەلدەنىپ، زاڭمەن باسقارىلاتىن جۇڭگو قۇرىلىسىندا نىق قادام تاستالدى، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا تيىمدىلىك جاساۋ سىندى قامتاماسىزداندىرۋ رولى ونان ارى ساۋلەلەنىپ، پارتيانىڭ زاڭمەن باسقارۋ تاسىلىنەن پايدالانىپ، مەملەكەتكە باسشىلىق ەتۋ جانە ونى باسقارۋ قابىلەتى كورنەكتى كۇشەيدى.

　　7) مادەنيەت قۇرىلىسى جاعىندا

　　رەفورما جۇرگىزىپ، ەسىك اشقاننان كەيىن، پارتيا ماتەريالدىق وركەنيەت پەن رۋحاني وركەنيەتتىڭ ەكەۋىن دە يگەرۋگە، ەكەۋىن دە مىقتى يگەرۋگە تاباندى بولىپ، سوتسياليستىك مادەنيەتتىڭ گۇلدەنىپ-كوركەيۋىن، دامۋىن ىلگەرىلەتىپ، ۇلتتىق رۋحتى سەرپىلتىپ، ۇلتتىق كۇش-قۋاتتى ۇيىستىردى. سونىمەن بىرگە، اقشا قۇمارلىق، راقاتقۇمارلىق، اسىرە وزىمشىلدىك جانە تاريحتى تەرىستەۋشىلدىك سياقتى قاتە يدەيالىق اعىمدار اۋىق-اۋىق تۋىلىپ، توراپتاعى جۇرتشىلىق پىكىرىندىك بىلىقپالىق ۇدەپ، كەيبىر باسشى كادرلاردىڭ ساياسي تۇرعىسى كۇڭگىرت، كۇرەسشەڭدىك رۋحى كەمشىل بولىپ، ادامداردىڭ يدەياسى مەن قوعامنىڭ جۇرتشىلىق پىكىرىندىك ورتاسىنا اۋىر ىقپال جاسادى. پارتيا دۇنيە ٴجۇزى كولەمىندەگى يدەيا مەن مادەنيەتتىڭ ٴبىر-بىرىنە اسەرىن، ەلىمىز قوعامىنىڭ يدەيالىق كوزقاراسىنداعى تەرەڭ وزگەرىستىڭ بەتالىسىن دۇرىس يگەردى، يدەولوگيالىق قىزمەتتىڭ مەملەكەتكە سەنىم، ۇلتقا رۋح بىتىرەتىن قىزمەت ەكەندىگىن، مادەنيەت سەنىمىنىڭ اناعۇرلىم نەگىزدىك، اناعۇرلىم كەڭ، اناعۇرلىم تەرەڭ سەنىم ەكەندىگىن، ٴبىر مەملەكەتتىڭ، ٴبىر ۇلتتىڭ دامۋىنداعى ەڭ نەگىزگى، ەڭ بايىپتى، ەڭ سالماقتى كۇش-قۋات ەكەندىگىن، وسكەلەڭ مادەنيەت سەنىمى بولماسا، مادەنيەتتىڭ گۇلدەنىپ-كوركەيۋى بولماسا، جۇڭحۋا ۇلتىنىڭ ۇلى گۇلدەنۋىنىڭ بولمايتىندىعىن باسا دارىپتەدى. حالىقتى وزەك ەتكەن قىزمەت باعدارىنا، ٴسوز جوق، تاباندى بولىپ، تۋدى بيىك ۇستاپ، حالىق تىلەگىن توعىستىرىپ، جاڭا ادام تاربيەلەپ، مادەنيەتتى وركەندەتىپ، وبرازدى ايگىلەپ، يدەولوگيالىق قىزمەتكە بولعان باسشىلىق ۇقىقتى مىقتى يگەرىپ، قۇدىرەتتى ۇيىستىرۋ قۋاتىنا جانە جەتەكشىلىك قۋاتقا يە سوتسياليستىك يدەولوگيانى ورناتىپ، مادەنيەتتە قۋاتتى سوتسياليستىك مەملەكەت قۇرىپ، بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك قۋاتىن تاسقىنداتىپ، جۇڭگو رۋحىن، جۇڭگو قۇنىن، جۇڭگو كۇش-قۋاتىن اناعۇرلىم ويداعىداي تۇلعالاپ، بۇكىل پارتيانىڭ، بۇكىل ەلدەگى ٴار ۇلت حالقىنىڭ ىنتىماقتاسا كۇرەس جاسايتىن ورتاق يدەيالىق نەگىزىن بەكەمدەۋ كەرەك.

　　پارتيا يدەولوگيا سالاسىنداعى پارتيا باسشىلىعىنىڭ السىرەۋى ماسەلەسىن كۇش سالا شەشىپ، ورناتۋ مەن قيراتۋدى قاتار يگەرىپ، جاقسىلىقتى ماقتاپ، جاماندىقتى داتتاپ، يدەولوگيا سالاسىنداعى كوپتەگەن بەتالىستىق، ستراتەگيالىق ماسەلەلەر جونىندە ورنالاستىرۋ جاساپ، ماركسيزمنىڭ يدەولوگيا سالاسىنداعى جەتەكشى ورنى سىندى ٴتۇبىرلى ٴتۇزىمدى ايقىنداپ جانە وعان تاباندى بولىپ، يدەيالوگيا قىزمەتىنىڭ جاۋاپكەرشىلىك ٴتۇزىمىن كەمەلدەندىرىپ، بۇكىل پارتيانىڭ ۇگىت-يدەيا قىزمەتىن مىقتى ۇستاۋىن ىلگەرىلەتىپ، جاۋاپكەرشىلىگى بار ەكەنىن ٴبىلىپ، جاۋاپكەرشىلىگىن ۇستىنە الىپ، جاۋاپكەرشىلىگىن ادا ەتىپ، ٴىستى مەڭگەرۋگە، باسقارۋعا باتىل بولىپ، كۇرەس جۇرگىزۋگە باتىل بولىپ، ٴتۇرلى قاتە كوزقاراستارعا تۋى ايقىن تۇردە قارسى تۇردى جانە ونى تەجەدى. پارتيا تۇبىرىنەن وڭاپ، قاينارىنان جونگە سالۋدان باستاپ كىرىسىپ، ۇگىت-يدەيا قىزمەتىن كۇشەيتىپ، مەملەكەتتىك ۇگىت-يدەيا قىزمەتى ٴماجىلىسىن اشىپ، ادەبيەت-كوركەمونەر قىزمەتى، پارتيانىڭ اقپاراتتىق جۇرتشىلىق پىكىرى قىزمەتى، توراپ حاۋىپسىزدىگى جانە ينفورماتسيالاندىرۋ قىزمەتى، فيلوسوفيا-قوعامدىق عىلىم قىزمەتى اڭگىمە ٴماجىلىسى مەن جوعارى مەكتەپتەردىڭ يدەيالىق-ساياسي قىزمەت ٴماجىلىسىن جەكە-جەكە اشىپ، ٴبىرقىدىرۋ ٴتۇبىرلى ماسەلەلەر جونىندە پرينسيپتىك تۇرعىنى ەگجەي-تەگجەيلى بايىمداپ، نازاريالىق دۇرىس پەن بۇرىستى ايقىنداپ، قىزمەت باعدارىن دۇرىستاپ، يدەيا، مادەنيەت سالاسىنىڭ العا باسۋ، جاقسارۋ اۋقىمىن ۇزدىكسىز دامىتتى. پارتيانىڭ جاڭالىق اشۋ نازارياسىمەن بۇكىل پارتيانى قارۋلاندىرۋدى، حالىقتى تاربيەلەۋدى، امالياتقا جەتەكشىلىك ەتۋدى ىلگەرىلەتىپ، ماركسيزمدىك نازاريانى زەرتتەۋ مەن ورناتۋدى تەرەڭدەتىپ، جۇڭگوشا فيلوسوفيا-قوعامدىق عىلىم ٴپان جۇيەسى، ٴىلىم جۇيەسى، ٴسوز بيلىگى جۇيەسى قۇرىلىسىن ىلگەرىلەتتى. تاراتۋ ٴتاسىلى قۇرىلىسىنا جانە وندا جاڭالىق اشۋعا وسكەلەڭ ٴمان بەرىپ، مەديالاردىڭ توعىسا دامۋىن ىلگەرىلەتىپ، اقپاراتتىق جۇرتشىلىق پىكىرىندىك تاراتۋ قۋاتىن، جەتەكتەۋ قۋاتىن، ىقپال كۇشىن، الەۋمەتتىك سەنىمدىلىگىن جوعارىلاتتى. پارتيا ورتالىق كوميتەتى ينتەرنەت وتكەلىنەن وتە الماساق، ۇزاق ۋاقىت بيلىك جۇرگىزۋ وتكەلىنەن دە وتە المايمىز دەپ ايقىن اتاپ كورسەتتى. پارتيا ينتەرنەت سىندى يدەولوگيا كۇرەسىنىڭ نەگىزگى شەبىنە، نەگىزگى شايقاس مايدانىنا، ەڭ الدىڭعى لەككە وسكەلەڭ ٴمان بەرىپ، ينتەرنەتكە باسشىلىق ەتۋ مەن ونى باسقارۋ ٴتۇزىلىسىن اقاۋسىزداندىرىپ، توراپتى زاڭمەن باسقارۋعا، جونگە سالۋعا تاباندى بولىپ، تازا توراپ كەڭىستىگىن قالىپتاستىردى.

　　پارتيا مادەنيەت قۇرىلىسىنا سوتسياليستىك وزەكتى قۇن كوزقاراسى ارقىلى جەتەكشىلىك ەتۋگە تاباندى بولىپ، سوتسياليستىك وزىق مادەنيەتپەن، توڭكەرىستىك مادەنيەتپەن، جۇڭحۋانىڭ تاڭداۋلى ٴداستۇرلى مادەنيەتىمەن نەگىزدى بەكەمدەپ، رۋحتى سومداۋعا باسا ٴمان بەرىپ، جۇڭگوشا سوتسياليزم مەن جۇڭگو ارمانى ۇگىت-تاربيەسىن كەڭىنەن ورىستەتىپ، مۇرات-سەنىم تاربيەسىن ۇدايىلاندىرۋدى، تۇزىمدەندىرۋدى ىلگەرىلەتتى، يدەيالىق-ساياسي قىزمەت جۇيەسىن كەمەلدەندىرىپ، پارتيا مەن مەملەكەتتىڭ ەلەۋلى ەڭبەك سىڭىرگەن ۇزدىكتەرگە وردەن، داڭقتى اتاق بەرۋ جانە ماراپاتتاۋ ٴتۇزىمىن ورناتىپ جانە كەمەلدەندىرىپ، قۇربانداردى ەسكە الۋ كۇنىن بەلگىلەپ، بۇقارالىق رۋحاني وركەنيەتتى جارىققا شىعارۋدى تەرەڭدەتىپ، جاڭا داۋىردەگى وركەنيەت امالياتى ورتالىعىن قۇرىپ، ۇيرەنۋگە قۇلىقتى ٴىرى ەل قۇرىلىسىن ىلگەرىلەتتى. پارتيا پارتيا تاريحىن، جاڭا جۇڭگو تاريحىن، رەفورمالاۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋدى ىلگەرىلەتىپ، جۇڭگو كوممۋنيستىك پارتياسىنىڭ تاريحى كورمە سارايىن سالىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن، رەفورمالاۋ، ەسىك اشۋدىڭ 40 جىلدىعىن قۇتتىقتاۋ جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 70 جىلدىعىن، جۇڭگو حالىق ەرىكتىلەر ارمياسىنىڭ امەريكاعا قارسى تۇرىپ، چاۋشيانعا كومەك بەرۋ ٴۇشىن شەتەلگە شىعىپ سوعىس جۇرگىزگەندىگىنىڭ 70 جىلدىعىن اتاپ ٴوتۋ سياقتى قيمىلداردى ورىستەتىپ، پارتيانىڭ تىلەگىن، حالىقتىڭ ارمانىن، مەملەكەتتىڭ ايبىنىن، ارميانىڭ ايباتىن تولىق كورسەتتى، بۇكىل قوعامدا نەگىزگى اۋەندى اسقاقتاتىپ، وڭ ەنەرگيانى ساۋلەلەندىردى. پارتيا قوعامدىق ونىمدىلىكتى ماڭداي الدى ورىنعا قويۋعا، قوعامدىق ونىمدىلىك پەن ەكونوميكالىق ونىمدىلىكتىڭ بىرلىگىنە تاباندى بولىپ، مادەنيەت ىستەرى مەن مادەنيەت شارۋاشىلىعىنىڭ جاپپاي دامۋىن ىلگەرىلەتىپ، ادەبيەت-كوركەمونەر جاسامپازدىعىن كوركەيتىپ، الەۋمەتتىك مادەنيەتتىك قىزمەت وتەۋ جۇيەسىن كەمەلدەندىرىپ، حالىققا اناعۇرلىم كوپ، اناعۇرلىم تاماشا رۋحاني ازىق بەردى.

　　پارتيا ورتالىق كوميتەتى مىنانى باسا دارىپتەدى: جۇڭحۋانىڭ تاڭداۋلى ٴداستۇرلى مادەنيەتى — جۇڭحۋا ۇلتىنىڭ كورنەكتى ابزالدىلىعى، ٴبىزدىڭ دۇنيە ٴجۇزى مادەنيەتىنىڭ اساۋ تولقىنىندا تابان تىرەپ تۇرا الۋىمىزدىڭ نەگىزى، ونى، ٴسوز جوق، جاڭا داۋىرلىك شارت-جاعدايمەن ۇشتاستىرىپ، ويداعىداي جالعاستىرۋ جانە ساۋلەلەندىرۋ كەرەك. ٴبىز جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋ، دامىتۋ ينجەنەرياسىن اتقارىپ، جۇڭحۋانىڭ تاڭداۋلى ٴداستۇرلى مادەنيەتىنىڭ جاسامپازدىقپەن تۇلەۋىن، جاڭالىق اشا دامۋىن ىلگەرىلەتىپ، بۇكىل قوعامنىڭ مادەني مۇراعاتتاردى قورعاۋ تانىمىن كۇشەيتىپ، مادەني مۇرالاردى قورعاۋ تەبىنىن ارتتىردىق. حالىقارالىق تاراتۋ قابىلەتى قۇرىلىسىن جەدەلدەتىپ، دۇنيە جۇزىنە جۇڭگو حيكاياسىن، جۇڭگو كوممۋنيستىك پارتياسىنىڭ حيكاياسىن جاقسى بايانداپ، جۇڭگو ٴۇنىن ويداعىداي جەتكىزىپ، ادامزات وركەنيەتىنىڭ اۋىس-ٴتۇيىسىن، ٴوزارا ۇلگى الۋىن جەبەپ، مەملەكەتتىڭ مادەنيەت جۇمساق كۇشى، جۇڭحۋا مادەنيەتىنىڭ ىقپال كۇشى كورنەكتى ارتتى.

　　پارتيا 18-قۇرىلتايىنان بەرى، ەلىمىزدىڭ يدەولوگيا سالاسىنىڭ جاعدايىندا جالپى جاعدايلىق، ٴتۇبىرلى سيپاتتى بۇرىلىس تۋىلىپ، بۇكىل پارتيانىڭ، بۇكىل ەلدەگى ٴار ۇلت حالقىنىڭ مادەنيەت سەنىمى كورنەكتى كۇشەيىپ، بۇكىل قوعامنىڭ ۇيىسقىشتىعى مەن باۋراعىشتىعى ايرىقشا جوعارىلاپ، جاڭا داۋىردە پارتيا مەن مەملەكەت ىستەرىندە جاڭا جاعداي اشۋعا پارمەندى يدەيالىق كەپىلدىك جانە قۇدىرەتتى رۋحاني كۇش ازىرلەدى.

　　8) قوعامدىق قۇرىلىس جاعىندا

　　رەفورما جۇرگىزىپ، ەسىك اشقاننان كەيىن، ەلىمىز حالقىنىڭ تۇرمىسى كورنەكتى جاقساردى، قوعامدىق باسقارۋ كورنەكتى وڭالدى. سونىمەن بىرگە، ٴداۋىردىڭ دامۋى مەن قوعامنىڭ العا باسۋىنا ىلەسە، حالىقتىڭ تاماشا تۇرمىسقا تالپىنىسى اناعۇرلىم كۇشەيىپ، دەموكراتيا، زاڭمەن باسقارۋ، ادىلدىك، تۋراشىلدىق، حاۋىپسىزدىك، ورتا سياقتى جاقتارعا بولعان تالابى كۇن سايىن ارتتى. پارتيا ورتالىق كوميتەتى مىنانى باسا دارىپتەدى: حالىقتىڭ تاماشا تۇرمىسقا تالپىنىسى − ٴبىزدىڭ كۇرەس نىسانامىز، حالىقتىڭ ىرىسىن ارتتىرۋ − ٴبىزدىڭ جالپى ٴۇشىن پارتيا قۇرۋعا، حالىق ٴۇشىن بيلىك جۇرگىزۋگە تاباندى بولۋىمىزدىڭ ماندىك تالابى، بۇقارانى جاقسى تۇرمىسقا كەنەلتۋ − ٴبىزدىڭ بارلىق قىزمەتىمىزدىڭ شىعار ٴتۇيىنى جانە تابان تىرەر تياناعى، حالىق تۇرمىسىن قامتاماسىز ەتۋدەگى ولقىلىقتاردى تولىقتاپ، حالىق بۇقاراسىنىڭ شۇعىل، قيىن، الاڭداۋلى، ٴزارۋ ماسەلەلەرىن ويداعىداي شەشۋ − قوعامدىق قۇرىلىستىڭ شۇعىل مىندەتى. حالىق تۇرمىسىن قامتاماسىز ەتۋ مەن جاقسارتۋدى ٴتۇيىن ەتكەن قوعامدىق قۇرىلىستى، ٴسوز جوق، كۇشەيتىپ، بار كۇشىن سالىپ ٴىس تىندىرىپ، شاماعا قاراي ٴىس ىستەپ، ٴىستى بىرىنەن سوڭ ٴبىرىن، جىلدان جىلعا جالعاستىرىپ ىستەپ، مەكتەپكە دەيىنگى تاربيەدەن، ٴبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن، دارمەنسىز جانداردى كومەكتەن يگىلىكتەندىرۋ جاقتارىندا ۇزدىكسىز كۇش جۇمساپ، قوعامدىق باسقارۋدى كۇشەيتىپ جانە وندا جاڭالىق اشىپ، حالىقتىڭ تابىس سەزىمىن مۇنان دا مول، باقىت سەزىمىن مۇنان دا قامسىز، حاۋىپسىزدىك سەزىمىن مۇنان دا باياندى ەتۋ كەرەك.

　　پارتيا مىنانى تەرەڭ تانىپ جەتتى: دوڭگەلەك داۋلەتتىلىككە جەتكەن-جەتپەگەندىگىن سارالاۋدا، بۇقاراعا قاراۋ كەرەك؛ كەدەيلىكتەن ارىلتۋدان قامال الۋ — جاپپاي دوڭگەلەك داۋلەتتى قوعام ورناتۋدىڭ تومەنگى شەك مىندەتى، تەك كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزگەندە عانا، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتىپ، ٴبىرىنشى 100 جىلدىق كۇرەس نىساناسىن جۇزەگە اسىرۋعا بولادى؛ ٴسوز جوق، اناعۇرلىم زور بەكىم، اناعۇرلىم دالمە-ٴدال وي جەلىسى، اناعۇرلىم پارمەندى شارا قولدانىپ، ەرەكشە امالدار ارقىلى كەدەيلىكتەن ارىلتۋدان قامال الۋ ينجەنەرياسىن اتقارۋ كەرەك. پارتيا كەدەيلەردى دالمە-ٴدال سۇيەمەلدەۋگە تاباندى بولىپ، ىشەر اس، كيەر كيىمنەن تارىقتىرماۋ، مىندەتتى وقۋ-اعارتۋمەن، نەگىزگى ەمدەلۋمەن، حاۋىپسىز تۇرعىن ۇيمەن قامتاماسىز ەتۋ قىزمەت نىساناسىن بەلگىلەپ، ”اسكەري سەرت بەرۋ“ فورماسىنداعى جاۋاپكەرشىلىك ٴتۇزىمىن اتقارىپ، بۇكىل پارتيانى، بۇكىل ەلدى، بۇكىل قوعامدىق كۇشتەردى اتتانىسقا كەلتىرىپ، جوعارى-تومەن ٴبىر نيەت، ٴبىر تىلەكتە بولىپ، شايقاسقا ساقاداي ساي بولىپ، ەڭ قيىن قامالدى الىپ، ەڭ قيىن ماسەلەلەردى شەشىپ، ادامزات تاريحىنداعى كولەمى ەڭ ۇلكەن، تەبىنى ەڭ كۇشتى كەدەيلىكتەن ارىلتۋدان قامال الۋ شايقاسىن ۇيىمداستىرىپ جانە اتقارىپ، كەدەيلىكتەن ارىلتۋدان قامال الۋ ۇلى رۋحىن قالىپتاستىردى. پارتيا 18-قۇرىلتايىنان بەرى، مەملەكەت بويىنشا 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق كەدەيلىك تىزىمدىگىنەن تولىق شىعارىلىپ، اۋىل-قىستاقتاعى ٴجۇز ميلليونعا تارتا كەدەي كەدەيلىكتەن ارىلىپ، بىرلەسكەن مەملەكەتتەر ۇيىمىنىڭ 2030-جىلعا دەيىنگى باياندى دامۋ كۇن تارتىبىندەگى كەدەيلەردى ازايتۋ نىساناسىن 10 جىل بۇرىن جۇزەگە اسىرىپ، مۇلدە كەدەيلىك ماسەلەسىن تاريحي سيپاتتى شەشىپ، ادامزاتتىڭ كەدەيلىكتى ازايتۋ تاريحىنداعى كەرەمەتتەردى جاراتتى.

　　2020-جىلى، توسىن تۋىلعان جاڭا تيپتى ايدارشا ۆيروس وكپە قابىنۋ ىندەتى الدىندا، پارتيا ورتالىق كوميتەتى باتىل شەشىم جاساپ، بايسالدىلىقپەن توتەپ بەرىپ، حالىقتى بارىنەن جوعارى قويۋعا، ادام ٴومىرىن بارىنەن جوعارى قويۋعا تاباندى بولىپ، سەنىمدى بەكەمدەۋ، تار جول، تايعاق كەشۋدەن بىرگە ٴوتۋ، عىلىمي جولمەن ساقتانۋ، ەمدەۋ، دالمە-ٴدال شارا قولدانۋ باس تالابىن ورتاعا قويىپ، ىندەتكە قارسى اتتانۋدىڭ حالىقتىق شايقاسىن، جالپى تۇلعالىق شايقاسىن، توسقاۋىلداۋ شايقاسىن ورىستەتىپ، ۋحاندى قورعاۋ شايقاسىن، حۋبەيدى قورعاۋ شايقاسىن مۇقيات ورنالاستىرىپ، بۇكىل مەملەكەتتىڭ كۇشىن شوعىرلاندىرىپ، بۇرىن بولىپ كورىلمەگەن كولەمدەگى ادام قۇتقارۋدى ورىستەتتى، ”ىندەتتىڭ سىرتتان كىرۋىنەن ساقتانۋ، ىشتە قايتا ٴورشۋىنىڭ الدىن الۋدى“ باستان-اياق تىڭعىلىقتى يگەرىپ، ىندەتتەن ساقتانۋ-تىزگىندەۋ مەن ەكونوميكالىق، قوعامدىق دامۋعا تاباندى بولىپ جانە ءبىرتۇتاس جوسپارلاپ، حالىقتىڭ ٴومىرىنىڭ اماندىعى مەن دەنساۋلىعىن ەڭ زور دارەجەدە قورعاپ، بۇكىل جەر شارى بويىنشا ىندەتتى ەڭ الدىمەن تىزگىندەپ، جۇمىستى، ٴوندىرىستى الدىمەن قالپىنا كەلتىرىپ، ەكونوميكالىق، قوعامدىق دامۋدى الدىمەن قالپىنا كەلتىرىپ، ىندەتكە قارسى كۇرەستە كەلەلى ستراتەگيالىق جەتىستىكتەرگە قول جەتكىزىپ، ىندەتكە قارسى تۇرۋ ۇلى رۋحىن سومدادى.

　　حالىق تۇرمىسىن قامتاماسىز ەتۋ جانە جاقسارتۋ ٴۇشىن، پارتيا سوڭعى شەكتەن اتتاماۋ، ٴتۇيىندى كورنەكتىلەندىرۋ، ٴتۇزىمدى كەمەلدەندىرۋ، مەجەلى نىساناعا جەتەكشىلىك ەتۋ وي جەلىسى بويىنشا، كىرىس ٴبولىسى، جۇمىستانۋ، وقۋ-اعارتۋ، قوعامدىق قامتاماسىزداندىرۋ، ەمدەۋ-دەنساۋلىق ساقتاۋ، تۇرعىن ۇيمەن قامتاماسىزداندىرۋ سياقتى جاقتاردا ٴبىرقىدىرۋ كەلەلى شارانى العا قويىپ، جالپىعا ٴتيىمدى، نەگىزدىك، تۇبەسەلىلىك حالىق تۇرمىسى قۇرىلىسىن كۇشەيتۋگە باسا ٴمان بەرىپ، نەگىزگى الەۋمەتتىك قىزمەت وتەۋدىڭ تەڭگەرىلۋىن ىلگەرىلەتتى. ٴبىز ونىمدىلىكتى ايگىلەيتىن، ادىلدىكتى جەبەيتىن كىرىس ٴبولىسى جۇيەسىن كۇش سالا ورناتىپ، تىم جوعارى كىرىستى رەتتەپ، زاڭسىز كىرىستى كۇشىنەن قالدىرىپ، تومەن كىرىستەگىلەردىڭ كىرىسىن ارتتىرىپ، ورتاشا كىرىستەگىلەردىڭ شوعىرىن ورنىقتى مولايتىپ، زايتۇن ۇلگىسىندەگى ٴبولىس جۇيەسىن قالىپتاستىرۋدى ىلگەرىلەتىپ، تۇرعىندار كىرىسىنىڭ ارتۋى ەكونوميكانىڭ ارتۋىمەن نەگىزىنەن تەڭەسىپ، اۋىل-قىستاق تۇرعىندارى كىرىسىنىڭ ارتۋ قارقىنى قالا-قالاشىق تۇرعىندارىنىكىنەن تەز بولدى. جۇمىستاندىرۋدى الدىمەن ويلاستىرۋ ساياساتىن اتقارىپ، اناعۇرلىم تولىق، اناعۇرلىم جوعارى ساپالى جۇمىستانۋدى جۇزەگە اسىرۋ ىلگەرىلەتىلدى. پارتيانىڭ وقۋ-اعارتۋ باعىتىن جاپپاي دايەكتىلەندىرىپ، وقۋ-اعارتۋ ىستەرىن الدىمەن دامىتتى، وقۋ-اعارتۋدىڭ ٴتۇبىرلى مىندەتى ٴمورالدى ادام تاربيەلەۋ، احىلاق، اقىل-وي، دەنە، ەستەتيكا، ەڭبەك جاقتارىنان جان-جاقتى جەتىلگەن سوتسياليزمنىڭ قۇرىلىسشىلارى مەن ٴىزباسارلارىن تاربيەلەۋ ەكەندىگىن ايقىنداپ، وقۋ-اعارتۋ، وقىتۋ رەفورماسىندا جاڭالىق اشۋدى تەرەڭدەتىپ، ادىلدىكتى جەبەپ، ساپانى جوعارىلاتىپ، مىندەتتى وقۋ-اعارتۋدىڭ تەڭگەرىلمەلى دامۋىن جانە قالا مەن اۋىلدىڭ ٴبىر تۇلعالانۋىن ىلگەرىلەتىپ، مەملەكەتتە ٴٴبىرتۇتاس قولدانىلاتىن ٴتىل-جازۋ تاربيەسىن، وقىتۋىن جالپى بەتتىك جۇرگىزىپ، مەكتەپ سىرتىنداعى تاربيەلەۋ قۇرىلىمدارىن ارناعا ٴتۇسىرىپ، كاسىپتىك وقۋ-اعارتۋدى بەلسەنە دامىتىپ، جوعارى دارەجەلى وقۋ-اعارتۋدىڭ مايەكتى دامۋىن ىلگەرىلەتىپ، وقۋ-اعارتۋ جاعىندا قۋاتتى ەل قۇرۋدى ىلگەرىلەتىپ، وقۋ-اعارتۋدى حالىق رازى بولاتىنداي جاقسى باسقارۋ كەرەك. ەلىمىزدە دۇنيە ٴجۇزى بويىنشا كولەمى ەڭ ۇلكەن قوعامدىق قامتاماسىزداندىرۋ جۇيەسى قۇرىلىپ، ٴبىر ميلليارد 20 ميلليون ادام نەگىزگى زەينەتكەرلىك قامسىزداندىرۋدان، ٴبىر ميلليارد 360 ميلليون ادام نەگىزگى مەديتسينالىق قامسىزداندىرۋدان يگىلىكتەندى. سالاماتتى جۇڭگو قۇرىلىسىن جاپپاي ىلگەرىلەتىپ، الدىن الۋدى نەگىز ەتۋ باعىتىنا تاباندى بولىپ، ەمدەۋ، ٴدارى-دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتىپ، ەمدەۋ، دەنساۋلىق ساقتاۋ قىزمەتىنىڭ ٴتۇيىنىن تومەنگە ويىستىرىپ، بايلىقتى تومەنگە تۇسىرۋگە جەتەكشىلىك ەتىپ، اۋىر ىندەتتەن ساقتانۋ-تىزگىندەۋ ٴتۇزىلىس-مەحانيزمىن كەمەلدەندىرۋدى دەر كەزىندە ىلگەرىلەتىپ، مەملەكەتتىڭ الەۋمەتتىك دەنساۋلىق ساقتاۋ ىستەرىندە شۇعىل جاعدايعا توتەپ بەرۋدى باسقارۋ جۇيەسىن اقاۋسىزداندىرىپ، جۇڭگوشا دارىگەرلىك، ٴدارى-دارمەك ىستەرىن جالعاستىرۋ جانە وندا جاڭالىق اشۋدى، دامىتۋدى جەبەپ، قالا-اۋىلدارعا جالپىلاسقان الەۋمەتتىك دەنساۋلىق ساقتاۋعا قىزمەت وتەۋ جۇيەسىن اقاۋسىزداندىردى. دەنە تاربيە جاعىندا قۇدىرەتتى ەل بولۋ قۇرىلىسىن جەدەلدەتىپ، جالپى حالىقتىق دەنە شىنىقتىرۋ قيمىلىن كەڭىنەن ورىستەتىپ، جۇڭحۋانىڭ دەنە تاربيە رۋحىن بارىنشا ساۋلەلەندىردى. حالىق سانىنىڭ دامۋ ستراتەگياسىن زەرتتەۋدى كۇشەيتىپ، حالىق سانىنىڭ قارتتانۋىنا بەلسەنە توتەپ بەرىپ، قارتتاردى كۇتىمدەۋگە قىزمەت وتەۋ جۇيەسىن قۇرۋدى جەدەلدەتىپ، تۋىت ساياساتىن رەتتەپ جانە ساپالىلاندىرىپ، حالىق سانىنىڭ ۇزاق ۋاقىت بىركەلكى دامۋىن جەبەدى. وتباسى، وتباسى تاربيەسى، وتباسى ستيلى قۇرىلىسىنا باسا ٴمان بەرىپ، ايەلدەر مەن بالالاردىڭ ۇقىق-مۇددەسىن قامتاماسىز ەتتى. مۇگەدەكتەر ٴىسىن جەدەل دامىتتى. ٴۇي ساۋدالاۋعا ەمەس، تۇرۋعا ارنالعان دەگەن ۇستانىمعا تاباندى بولىپ، كوپ سۋبيەكت ارقىلى ۇسىنىلاتىن، كوپ ارنامەن قامتاماسىز ەتىلەتىن، مايلاپ الۋ مەن ساتىپ الۋ قاتار اتقارىلاتىن تۇرعىن ٴۇي ٴتۇزىمىن جەدەل ورناتىپ، قامتاماسىزدىق تۇرعىن ٴۇي قۇرىلىسىنا قوسىلىم تەبىنىن ارتتىرىپ، قالا-اۋىل تۇرعىندارىنىڭ تۇرعىن ٴۇي شارت-جاعدايى كورنەكتى جاقساردى.

　　پارتيا مەملەكەتتىڭ باياندى تىنىشتىعىنا، حالىقتىڭ الاڭسىز تىرشىلىك ەتۋىنە نازار اۋدارىپ، اناعۇرلىم جوعارى دەڭگەيدەگى تىنىش جۇڭگو قۇرىپ، قوعامدىق باسقارۋ جۇيەسىن كەمەلدەندىرىپ، پارتيا ۇيىمى باسشىلىق ەتكەن ٴوزىن-ٴوزى باسقارۋ، زاڭمەن باسقارۋ، مورالمەن باسقارۋ ٴوزارا ۇشتاسقان قالا-اۋىل نەگىزگى ساتىلارىن باسقارۋ جۇيەسىن اقاۋسىزداندىرىپ، قوعامدىق باسقارۋ ٴتۇيىنىن نەگىزگى ساتىعا ويىستىرۋدى ىلگەرىلەتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ٴتۇزىمىن ورناتىپ، بارلىق ادام جاۋاپتى بولاتىن، بارلىق ادام جاۋاپكەرشىلىگىن ادا ەتەتىن، بارلىق ادام يگىلىكتەنەتىن قوعامدىق باسقارۋ ورتاق تۇلعاسىن قۇردى. اپاتتان ساقتانۋ، اپات زيانىن ازايتۋ، اپاتتان قۇتقارۋ جانە حاۋىپسىز ٴوندىرىس قىزمەتىن كۇشەيتىپ، مەملەكەتتىڭ شۇعىل جاعدايعا توتەپ بەرۋدى باسقارۋ جۇيەسى مەن قابىلەتى قۇرىلىسىن كۇشەيتتى. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، جۇيەلى باسقارۋعا، زاڭمەن باسقارۋعا، كەشەندى باسقارۋعا، تۋ باسىنان وڭاۋعا تاباندى بولىپ، ارىز-ارمان ٴتۇزىمىن كەمەلدەندىرىپ، قوعامدىق قايشىلىقتار مەن داۋ-شارلاردان جان-جاقتى ساقتانۋدىڭ، تەكسەرىپ ٴبىر جاقتى ەتۋدىڭ، ونى جويۋدىڭ كەشەندى مەحانيزمىن كەمەلدەندىرىپ، قوعام اماندىعىن كەشەندى باسقارۋدى كۇشەيتىپ، قارا قوعام سيپاتتى ۇيىمدار مەن سۇرقيا كۇشتەردى الاستاۋ ارناۋلى كۇرەسىن ورىستەتىپ، قارا، سۇرقيا كۇشتەردى ىرقىنا جىبەرىپ، قورعاشتايتىن، اۋەلى ولارعا باسقالقا بولعان پارتيالى كادرلاردى باتىل جازالاپ، زورلىقتى كۇش لاڭكەستىك، جاڭاشا توراپ قىلمىستارىنان، ەل اتتاعان قىلمىستاردان ساقتاندى جانە وعان سوققى بەردى.

　　پارتيا 18-قۇرىلتايىنان بەرى، ەلىمىزدىڭ قوعامدىق قۇرىلىسى جاپپاي كۇشەيىپ، حالىق تۇرمىسى جان-جاقتى جاقسارىپ، قوعامدىق باسقارۋدىڭ قوعامدانۋ، زاڭمەن باسقارۋ، زەردەلىلەنۋ، ماماندانۋ دەڭگەيى بارىنشا جوعارىلاپ، حالىق الاڭسىز تىرشىلىك ەتەتىن، قوعام تىنىش، ٴتارتىپتى بولاتىن تاماشا جاعداي دامىپ، قوعامنىڭ ۇزاق ۋاقىت ورنىقتى بولۋ كەرەمەتى ۇزدىكسىز جالعاستى.

　　9) ەكولوگيالىق وركەنيەت قۇرىلىسى جاعىندا

　　رەفورما جۇرگىزىپ، ەسىك اشقاننان كەيىن، پارتيا ەكولوگيالىق ورتانى قورعاۋعا بارعان سايىن باسا ٴمان بەردى. سونىمەن بىرگە، ەكولوگيالىق وركەنيەت قۇرىلىسى ٴالى دە كورنەكتى ولقىلىق بولىپ وتىر، بايلىق ورتاسى شەكتەمەسىنىڭ كۇشەيۋى، ەكولوگيالىق جۇيەنىڭ توزۋى قاتارلى ماسەلەلەر بارعان سايىن كورنەكتىلەنۋدە، اسىرەسە، ورتانىڭ الۋان ٴتۇرلى لاستانۋى، ەكولوگيانىڭ ٴبۇلىنۋى كوپ تۋىلاتىن جاعداي جارىققا شىعىپ، مەملەكەت جەرىنىڭ جاراقاتىنا، حالىق تۇرمىسىنىڭ قاسىرەتىنە اينالدى. ەگەر ەكولوگيالىق ورتانىڭ ويراندالۋ بەتالىسىن دەر كەزىندە وڭاماساق، ٴسوزسىز، توتەنشە اۋىر بوداۋ بەرەتىن بولامىز. پارتيا ورتالىق كوميتەتى مىنانى باسا دارىپتەدى: ەكولوگيالىق وركەنيەت قۇرىلىسى — جۇڭحۋا ۇلتىنىڭ باياندى دامۋىنا ساياتىن ٴتۇبىرلى ۇلى جوسپار، ەكولوگيالىق ورتانى قورعاۋ — وندىرگىش كۇشتى قورعاعاندىق، ەكولوگيالىق ورتانى جاقسارتۋ — وندىرگىش كۇشتى دامىتقاندىق، ٴبىر مەزەتتىك ەكونوميكالىق ارتۋعا بولا ورتانى قۇرباندىققا شالۋعا استە بولمايدى. تۇنىق سۋ، جاسىل تاۋ — باعالى بايلىق ۇستانىمىنا، ٴسوز جوق، تاباندى بولىپ، تاۋ، سۋ، ورمان، ەگىنجاي، كول، جايىلىم، قۇمدى ٴبىر تۇلعالاندىرىپ قورعاۋ مەن جۇيەلى وڭاۋعا تاباندى بولىپ، ەكولوگيالىق ورتانى كوزىمىزدىڭ قاراشىعىن قورعاعانداي قورعاپ، ەكولوگيالىق ورتانى جانىمىزدى ايالاعانداي ايالاپ، جاسىل دامۋدى، اينالمالى دامۋدى، تومەن كومىر قىشقىل گازدى دامۋدى اناعۇرلىم سانالىلىقپەن ىلگەرىلەتىپ، ٴوندىرىسى دامىعان، تۇرمىسى باردام، ەكولوگياسى تاماشا وركەنيەتتى دامۋ جولىمەن جۇرۋگە تاباندى بولۋ كەرەك.

　　پارتيا يدەيا، زاڭ، ٴتۇزىلىس، ۇيىم، ستيل جاقتان جاپپاي كۇش سالىپ، ەكولوگيالىق ورتانى جان-جاقتى، تۇتاس ٴوڭىر، تۇتاس بارىس بويىنشا قورعاۋدى كۇشەيتىپ، ەكولوگيانى قورعاۋدىڭ قىزىل سىزىعىن، ورتا ساپاسىنىڭ سوڭعى شەگىن، بايلىقتان پايدالانۋدىڭ جوعارعى سىزىعىن بەلگىلەۋدى ىلگەرىلەتىپ، ٴبىرقىدىرۋ ٴتۇبىرلى، جاسامپازدىق سيپاتتى، ۇزاق بولاشاقتىق قىزمەتتى ورىستەتتى. پارتيا ۇيىمى نەگىزگى تۇلعالىق فۋنكتسيالىق ٴوڭىر ستراتەگياسىن اتقارىپ، جاراتىلىستىق بايلىق، مال-مۇلىك ۇقىعى ٴتۇزىمى، جەر-كەڭىستىگىن اشۋ جانە قورعاۋ ٴتۇزىمى، ەكولوگيالىق وركەنيەت قۇرىلىسىن نىسانالىق باعالاۋ-تەكسەرۋ ٴتۇزىمى مەن جاۋاپكەرشىلىگىن قۋزاستىرۋ ٴتۇزىمى، ەكولوگيالىق تولىقتاما تولەم ٴتۇزىمى، وزەن، كول باستىعى ٴتۇزىمى، ورمان باستىعى ٴتۇزىمى، ورتانى قورعاۋدا ”پارتيا، ۇكىمەت بىرگە جاۋاپتى بولۋ“ مەن ”ٴبىر ورىندا قوس جاۋاپكەرشىلىك ارقالاۋ“ سياقتى تۇزىمدەردى ورناتىپ جانە اقاۋسىزداندىرىپ، قاتىستى زاڭداردى، زاڭدىق ەرەجەلەردى جاسادى جانە تۇزەتتى. جەر-كەڭىستىگىن اشۋ جانە قورعاۋ جۇيەسىن ساپالىلاندىرىپ، مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن ورناتىپ، مەملەكەت جەرىن كەڭ كولەمدە جاسىلداندىرۋ قيمىلىن ۇزدىكسىز ورىستەتىپ، ٴىرى وزەندەر مەن ماڭىزدى كول جانە سازدى جەرلەردىڭ، سونداي-اق تەڭىز جاعالاۋى وڭىرلەرىنىڭ ەكولوگياسىن قورعاۋدى جانە جۇيەلى وڭاۋدى كۇشەيتىپ، ەكولوگيالىق جۇيەنى قورعاۋ جانە قالپىنا كەلتىرۋ تەبىنىن ارتتىرىپ، ورگانيزمدەردىڭ الۋان تۇرلىلىگىن قورعاۋدى كۇشەيتىپ، بايلىقتى ۇنەمدەيتىن جانە ورتانى قورعايتىن كەڭىستىك جۇيەسىن، شارۋاشىلىق قۇرىلىمىن، ٴوندىرىس ٴتاسىلىن، تۇرمىس ٴتاسىلىن قالىپتاستىرۋدى ىلگەرىلەتتى. پارتيا لاستانۋدان ساقتانۋ جانە ونى وڭاۋدان قامال الۋ شايقاسىنىڭ جەڭىسىنە كۇش سالا قول جەتكىزۋگە باسشىلىق ەتىپ، اتموسفەرانىڭ، سۋدىڭ، توپىراقتىڭ لاستانۋىنان ساقتانۋ جانە ونى وڭاۋ سىندى ٴۇش ٴىرى ارەكەت جوسپارىن ىشكەرىلەي اتقارىپ، كوك اسپاندى، تۇنىق سۋدى، تازا توپىراقتى قورعاۋ شايقاسىن ويداعىداي جۇرگىزىپ، اۋىل-قىستاقتاردىڭ قونىستىق ورتاسىن وڭاۋدى ورىستەتىپ، ”شەتەل قوقىر-قوقسىقتارىنىڭ“ كىرۋىنە جاپپاي تيىم سالدى. ورتالىقتىڭ ەكولوگيالىق ورتانى قورعاۋدى باقىلاۋ-تەكسەرۋىن ورىستەتىپ، ەكولوگيالىق ورتانى بۇلدىرگەن ٴبىر توپ ٴىرى، تيپتىك دەلونى باتىل تەكسەرىپ ٴبىر جايلى ەتىپ، حالىق بۇقاراسىنىڭ اڭىسى كۇشتى بولعان ٴبىر توپ كورنەكتى ورتا ماسەلەسىن شەشتى. ەلىمىز جەر شارى ورتاسى مەن كليماتىن وڭاۋعا بەلسەنە ات سالىسىپ، 2030-جىلدان بۇرىن كومىرقىشقىل گازىن شىعارۋدىڭ ەڭ جوعارعى وركەشتىك ٴمانىن، 2060-جىلدان بۇرىن كومىرقىشقىل گازىن بەيتاراپتاۋدى جۇزەگە اسىرۋعا كۇش سالۋ جونىندە ايبىندى ۋادە بەرىپ، جاۋاپكەرشىلىك ارقالايتىن ٴىرى ەل ەكەنىن ايگىلەدى.

　　پارتيا 18-قۇرىلتايىنان بەرى، پارتيا ورتالىق كوميتەتى ەكولوگيالىق وركەنيەت قۇرىلىسىن بۇرىن بولماعان تەبىنمەن مىقتى ۇستاپ، بۇكىل پارتيانىڭ، بۇكىل ەلدىڭ جاسىل دامۋدى ىلگەرىلەتۋ سانالىلىعى مەن ىرىقتىلىعى كورنەكتى كۇشەيىپ، كورىكتى جۇڭگو قۇرىلىسىندا ماڭىزدى قادام تاستالدى، ەلىمىزدە ەكولوگيالىق ورتانى قورعاۋدا تاريحي سيپاتتى، بۇرىلىس سيپاتتى، جالپى جاعدايلىق سيپاتتى وزگەرىستەر تۋىلدى.

　　10) مەملەكەت قورعانىسى مەن ارميا قۇرىلىسى جاعىندا

　　رەفورما جۇرگىزىپ، ەسىك اشقاننان كەيىن، حالىق ارمياسىنىڭ توڭكەرىستەنۋ، وسىزاماندانۋ، جۇيەلىلەنۋ دەڭگەيى ۇزدىكسىز جوعارىلاپ، مەملەكەت قورعانىسى قۋاتى بارعان سايىن ارتىپ، مەملەكەتتىڭ رەفورما، دامۋ، ورنىقتىلىعىن سەنىمدى، حاۋىپسىز كەپىلمەن قامتاماسىز ەتتى. پارتيا ورتالىق كوميتەتى بىلاي دەپ باسا دارىپتەدى: مەملەكەتتى قۇدىرەتتەندىرۋ ٴۇشىن، ٴسوز جوق، ارميانى قۇدىرەتتەندىرۋ كەرەك، ارميا قۇدىرەتتى بولعاندا عانا، مەملەكەت تىنىش بولادى، ٴسوز جوق، ەلىمىزدىڭ حالىقارالىق ورنىنا لايىق، مەملەكەتتىڭ حاۋىپسىزدىگى مەن دامۋ مۇددەسىنە ۇيلەسەتىن بەرىك مەملەكەت قورعانىسى مەن قۇدىرەتتى حالىق ارمياسىن قۇرۋ كەرەك.

　　پارتيا جاڭا داۋىردەگى ارميانى قۇدىرەتتەندىرۋ نىساناسىن ورتاعا قويىپ، جاڭا داۋىردەگى اسكەري ستراتەگيالىق باعىتتى تۇراقتاندىرىپ، 2027-جىلعا بارعاندا ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋ، 2035-جىلعا بارعاندا مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋ، وسى عاسىردىڭ ورتاسىنا بارعاندا دۇنيە جۇزىندەگى بىرەگەي ارميانى جاپپاي قۇرىپ شىعۋ سىندى مەملەكەت قورعانىسى مەن ارميانى وسىزامانداندىرۋدىڭ جاڭا ”ٴۇش ساتىعا بولىپ جۇرگىزۋ“ ستراتەگياسىن جاساپ، ارميانى ساياسي جاقتان قۇرۋدى، ارميانى رەفورما ارقىلى قۇدىرەتتەندىرۋدى، عىلىم-تەحنيكا ارقىلى قۇدىرەتتەندىرۋدى، دارىندىلار ارقىلى قۇدىرەتتەندىرۋدى، ارميانى زاڭمەن باسقارۋدى ىلگەرىلەتىپ، اسكەري ىستەر نازارياسىنىڭ وسىزاماندانۋىن، ارميانىڭ ۇيىمدىق فورماسىنىڭ وسىزاماندانۋىن، اسكەري قىزمەتكەرلەردىڭ وسىزاماندانۋىن، قارۋ-جاراقتىڭ وسىزاماندانۋىن جەدەلدەتىپ، ماشينالانۋدىڭ، ينفورماتسيالانۋدىڭ، زەردەلىلەنۋدىڭ توعىسا دامۋىن جەدەلدەتىپ، اسكەرلەردى جاتتىقتىرۋدى، سوعىس دايىندىعىن جاپپاي كۇشەيتىپ، ارميانى قۇدىرەتتەندىرۋدىڭ جۇڭگوشا جولىمەن جۇرۋگە تاباندى بولدى.

　　قۇدىرەتتى حالىق ارمياسىن قۇرۋدا، ەڭ الدىمەن، پارتيانىڭ حالىق ارمياسىنا شارتسىز باسشىلىعى سىندى ٴتۇبىرلى پرينسيپ پەن تۇزىمگە بۇلجىماي تاباندى بولىپ، حالىق ارمياسىنىڭ ەڭ جوعارى باسشىلىق ۇقىعى مەن قولباسشىلىق ۇقىعى پارتيا ورتالىق كوميتەتى مەن ورتالىق اسكەري ىستەر كوميتەتىنە ٴتان بولۋعا تاباندى بولىپ، اسكەري ىستەر كوميتەتىنىڭ ٴتوراعاسى جاۋاپتى بولۋ ٴتۇزىمىن جاپپاي ىشكەرىلەي دايەكتىلەندىرۋ كەرەك. ٴبىر مەزگىل بويى پارتيانىڭ حالىق ارمياسىنا باسشىلىعىنىڭ السىرەۋى ماسەلەسى كورنەكتى بولدى، ەگەر ول تۇبەگەيلى شەشىلمەسە، جاۋىنگەرلىك قۋاتقا ىقپال جاساپ قانا قويماي، ونىڭ ۇستىنە مىلتىققا پارتيا قولباسشىلىق ەتۋ سىندى كەلەلى ساياسي پرينسيپكە سايادى. پارتيا ورتالىق كوميتەتى مەن ورتالىق اسكەري ىستەر كوميتەتى ارميانى جاپپاي قاتاڭ باسقارۋدى مىقتى يگەرىپ، حالىق ارمياسىنىڭ ساياسي ٴتارتىبىن رەتكە سالۋ جونىندە باتىل شەشىم جاساپ، گۋتياندا بۇكىل ارميانىڭ ساياسي قىزمەت ٴماجىلىسىن اشىپ، جاڭا داۋىردە ارميانى ساياسي جاقتان قۇرۋ جونىندە ورنالاستىرۋ جاساپ، پارتيامىز بەن ارميامىزدىڭ داڭقتى ٴداستۇرى مەن تاماشا ستيلىن قالپىنا كەلتىرىپ جانە ساۋلەلەندىرىپ، ستيل دۇرىستاۋ رۋحى ارقىلى ساياسي جاقتان رەتتەۋ، تاربيەلەۋدى ىلگەرىلەتىپ، ارمياداعى پارتيا باسشىلىعى مەن پارتيا قۇرىلىسىن جالپى بەتتىك كۇشەيتىپ، ارميانىڭ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، گو بوشيۇڭ، شۇي سايحوۋ، فاڭ فىڭحۇي، جاڭ ياڭ قاتارلىلاردىڭ تارتىپكە، زاڭعا اۋىر قايشىلىق جاساۋ دەلولارىن باتىل تەكسەرىپ ٴبىر جايلى ەتتى ٴارى ونىڭ زاردابىن، ىقپالىن تۇبەگەيلى الاستاپ، حالىق ارمياسىنىڭ ساياسي ەكولوگياسىنىڭ تۇبىرىنەن جاقسارۋىن ىلگەرىلەتتى.

　　پارتيا ارميانى رەفورما ارقىلى قۇدىرەتتەندىرۋ ستراتەگياسىن ورتاعا قويىپ، جاڭا جۇڭگو قۇرىلعاننان بەرگى ەڭ كەڭ، ەڭ تەرەڭ مەملەكەت قورعانىسى مەن ارميا رەفورماسىن ورىستەتۋگە باسشىلىق ەتىپ، حالىق ارمياسىنىڭ باسشىلىق، قولباسشىلىق ٴتۇزىلىسىن، وسى زامانعى اسكەري ىستەر قۋاتى جۇيەسىن، اسكەري ىستەر ساياسي ٴتۇزىمىن قايتا ورناتىپ، ارميادان اسكەري مىندەت وتەپ جاتقان 300 مىڭ ادامدى قىسقارتىپ، اسكەري ىستەر كوميتەتى جالپى جاقتان باسقاراتىن، سوعىس رايوندارى نەگىزگى سوعىس جۇرگىزەتىن، ارميا تۇرلەرى نەگىزگى قۇرىلىس جۇرگىزەتىن جاڭا جۇيەنى قالىپتاستىردى. دۇنيە جۇزىندەگى جاڭا اسكەري توڭكەرىس الدىندا، ٴبىز ارميانى عىلىم-تەحنيكا ارقىلى قۇدىرەتتەندىرۋ ستراتەگياسىن اتقارىپ، جاڭاشىل حالىق ارمياسىن، قۇدىرەتتى وسىزاماندانعان ارتقى شەپتى قۇرىپ، مەملەكەت قورعانىسى عىلىم-تەحنيكاسى مەن قارۋ-جاراق قۇرىلىسىندا كەلەلى ىلگەرىلەۋشىلىككە قول جەتكىزدىك. ارميانى دارىندىلار ارقىلى قۇدىرەتتەندىرۋ ستراتەگياسىن اتقارىپ، جاڭا داۋىردەگى اسكەري ٴبىلىم بەرۋ باعىتىن بەلگىلەپ، ارميانىڭ جاقسى كادر ولشەمىن ايقىنداپ، ٴۇشتى ٴبىر تۇلعالاندىرعان جاڭاشا اسكەري دارىندىلاردى تاربيەلەۋ جۇيەسىن قۇرۋدى ىلگەرىلەتىپ، ۇجداندى، قابىلەتتى، جىگەرلى، احىلاقتى جاڭا ٴداۋىر توڭكەرىستىك اسكەريلەرىن تاربيەلەپ، سەنىمى، ەركى قۇرىشتاي بەرىك، ٴتارتىبى تەمىردەي قاتاڭ، مىندەتتى قايىسپاي ورىندايتىن شىڭدالعان قوسىن جەتىلدىردى. ارميانى زاڭمەن باسقارۋ ستراتەگياسىن دايەكتىلەندىرىپ، جۇڭگوشا اسكەري ىستەردى زاڭمەن باسقارۋ جۇيەسىن قالىپتاستىرىپ، ارميانى باسقارۋ تاسىلىندە ٴتۇبىرلى بۇرىلىس جاساۋدى جەدەلدەتتى. اسكەريلەردىڭ داڭق جۇيەسى قۇرىلىسىن ىلگەرىلەتتى.

　　پارتيا جاڭا داۋىردەگى حالىق ارمياسىنىڭ بورىشى مەن مىندەتىن العا قويىپ، اسكەري ىستەرگە ستراتەگيالىق جەتەكشىلىك ەتۋدە جاڭالىق اشىپ، اسكەري ىستەردى ستراتەگيالىق ورنالاستىرۋدى رەتتەپ جانە ساپالىلاندىرىپ، حالىق ارمياسىنىڭ اۋقىم قالىپتاستىرۋ، داعدارىستى باسقارۋ-مەڭگەرۋ، سوعىستى تەجەۋ، سوعىستا جەڭۋ سىندى ستراتەگيالىق فۋنكتسياسىن كۇشەيتتى. حالىق ارمياسى جاۋىنگەرلىك قۋات سىندى وسى بىردەن-ٴبىر ٴتۇبىرلى ولشەمدى مىقتى ۇستاپ، سوعىس جۇرگىزە الاتىن، جەڭىستى سوعىس جۇرگىزەتىن وسى ٴتۇبىرلى باعىتتى مىقتى يگەرىپ، ستراتەگيالىق كۇشتەر مەن جاڭا سالا، جاڭا سيپاتتاعى سوعىستىق قۋاتتى زورايتىپ، بىرلەسىپ سوعىس جۇرگىزۋگە قولباسشىلىق ەتۋ جۇيەسى مەن قابىلەتى قۇرىلىسىن كۇشەيتىپ، ”بەيبىتشىلىك كىناراتىن“ كۇش سالا تۇزەتىپ، ناقتى سوعىستىق اسكەري جاتتىعۋدى بارىنشا يگەرىپ، قۇدىرەتتى دە بەرىك وسىزاماندانعان شەكارا، تەڭىز، اۋە قورعانىسىن قۇرىپ، اسكەري كۇرەستى باتىل دا يكەمدى ورىستەتىپ، سىرتقى اسكەري ارانداتۋشىلىققا ۇتىمدى توتەپ بەرىپ، ”تايۋاندى دەربەستەندىرۋدى“ كوزدەيتىن بولشەكتەۋشىلىك ارەكەتتەردى تىكسىندىرىپ، شەكارا قورعانىس كۇرەسى، تەڭىزدەگى ۇقىقتى قورعاۋ، لاڭكەستىككە قارسى تۇرىپ، ورنىقتىلىقتى ساقتاۋ، قاتەردەن اراشالاۋ، اپاتتان قۇتقارۋ، ىندەتكە قارسى اتتانۋ، تىنىشتىقتى قورعاۋ، اماندىقتى ساقتاۋ، ادامگەرشىلىك تۇرعىدا قۇتقارۋ، كومەك بەرۋ جانە حالىقارالىق اسكەري ىستەر سەلبەستىگى سياقتى كەلەلى مىندەتتەردى تابىسپەن ورىندادى.

　　پارتيا 18-قۇرىلتايىنان بەرى، پارتيانىڭ پارمەندى باسشىلىعىندا، حالىق ارمياسى تۇتاس تۇلعالىق، توڭكەرىستىك جاڭارۋدى جۇزەگە اسىرىپ، جاڭا بەينەمەن جورىققا قايتا اتتانىپ، مەملەكەت قورعانىسى قۋاتى مەن ەكونوميكالىق قۋاتى قاتار جوعارىلادى، مەملەكەتتىڭ ٴبىرتۇلعالانعان ستراتەگيالىق جۇيەسى مەن قابىلەتىن جەدەل قالىپتاستىرىپ، ارميادان قايتقان اسكەريلەردى باسقارۋ، قامتاماسىز ەتۋ ٴتۇزىلىسىن ورناتىپ جانە كەمەلدەندىرىپ، مەملەكەت قورعانىسىندىق جۇمىلدىرۋ اناعۇرلىم ٴونىمدى بولىپ، ارميا مەن ۇكىمەتتىڭ، ارميا مەن حالىقتىڭ ىنتىماعى اناعۇرلىم بەكەمدەلدى. حالىق ارمياسى جاڭا داۋىردەگى بورىش پەن مىندەتتى باتىل اتقارىپ، قايسارلىقپەن كۇرەس جۇرگىزۋ رۋحى جانە ٴىس جۇزىندىك ارەكەتى ارقىلى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعادى.

　　11) مەملەكەت حاۋىپسىزدىگىن قورعاۋ جاعىندا

　　رەفورما جۇرگىزىپ، ەسىك اشقاننان كەيىن، پارتيا رەفورما، دامۋ، ورنىقتىلىق قاتىناسىن دۇرىس ٴبىر جاقتى ەتۋگە وسكەلەڭ ٴمان بەرىپ، مەملەكەت حاۋىپسىزدىگىن قورعاۋ مەن قوعام تىنىشتىعىن ساقتاۋدى پارتيا مەن مەملەكەتتىڭ نەگىزدىك قىزمەتى رەتىندە مىقتى ۇستاپ، رەفورمالاۋ، ەسىك اشۋ مەن سوتسياليستىك وسىزامانداندىرۋ قۇرىلىسىنا تاماشا حاۋىپسىز ورتا جاراتتى. جاڭا داۋىرگە وتكەندە، ەلىمىز ٴتىپتى دە اۋىر مەملەكەت حاۋىپسىزدىگى جاعدايىنا ٴدوپ كەلىپ، سىرتتان كەلگەن قىسىم بۇرىن بولىپ كورىلمەگەن دارەجەدە بولىپ، ٴداستۇرلى حاۋىپسىزدىك قاتەرى مەن ٴداستۇرلى ەمەس حاۋىپسىزدىك قاتەرى قاباتتاسىپ، ”قاراقۋ“، ”سۇر ٴمۇيىزتۇمسىق“ وقيعالارى ۇنەمى تۋىلىپ تۇردى. جاعدايدىڭ، مىندەتتىڭ تالابىمەن سالىستىرعاندا، ەلىمىزدىڭ مەملەكەت حاۋىپسىزدىگىن قورعاۋ قابىلەتى جەتكىلىكسىز، ٴتۇرلى اۋىر حاۋىپ-قاتەرگە توتەپ بەرۋ قۋاتى ٴالسىز، مەملەكەت حاۋىپسىزدىگىن قورعاۋدى ٴبىرتۇتاس جوسپارلاۋ، سايكەستىرۋ مەحانيزمى كەمەلدى بولمادى. پارتيا ورتالىق كوميتەتى مىنانى باسا دارىپتەدى: ەلدىڭ اماندىعى، جۇرتتىڭ تىنىشتىعى — حالىق بۇقاراسىنىڭ ەڭ نەگىزگى، ەڭ جالپىلىق تىلەگى. سوڭعى شەكتىك وي جۇگىرتۋگە، زەينەتتى كۇندە بەينەتتى كۇننىڭ بولارىن ويلاۋعا، ەرتە قامدانۋعا، ٴسوز جوق، تاباندى بولىپ، مەملەكەت مۇددەسىن بارىنەن جوعارى قويىپ، حالىقتىڭ اماندىعىن تۇپكى ماقسات، ساياسي حاۋىپسىزدىكتى ارقاۋ، ەكونوميكالىق حاۋىپسىزدىكتى نەگىز، اسكەري ىستەر، عىلىم-تەحنيكا، مادەنيەت، قوعام حاۋىپسىزدىگىن كەپىل ەتىپ، حالىقارالىق حاۋىپسىزدىكتى جەبەۋدى سۇيەنىش ەتە وتىرىپ، دامۋ مەن حاۋىپسىزدىكتى ٴبىرتۇتاس جوسپارلاۋ، ەسىك اشۋ مەن حاۋىپسىزدىكتى ٴٴبىرتۇتاس جوسپارلاۋ، ٴداستۇرلى حاۋىپسىزدىك پەن ٴداستۇرلى ەمەس حاۋىپسىزدىكتى ٴٴبىرتۇتاس جوسپارلاۋ، وزىندىك حاۋىپسىزدىك پەن ورتاق حاۋىپسىزدىكتى ٴٴبىرتۇتاس جوسپارلاۋ، مەملەكەت حاۋىپسىزدىگىن قورعاۋ مەن مەملەكەت حاۋىپسىزدىگىن سومداۋدى ٴبىرتۇتاس جوسپارلاۋ كەرەك.

　　شي جينپيڭ جولداس مەملەكەت حاۋىپسىزدىگىنە كەپىلدىك ەتۋ ماڭداي الدى ٴىرى ٴىس ەكەندىگىن باسا دارىپتەپ، ساياسي، اسكەري ىستەر، مەملەكەت تەرريتورياسى، ەكونوميكا، مادەنيەت، قوعام، عىلىم-تەحنيكا، توراپ، ەكولوگيا، بايلىق قاينارى، يادرو، شەتەلدەگى مۇددە، عارىش، تەرەڭ تەڭىز، ۇيەكتىك وڭىرلەر، بيولوگيا سياقتى كوپتەگەن سالالاردى قامتىعان جالپى تۇلعالىق مەملەكەت حاۋىپسىزدىگى كوزقاراسىن ورتاعا قويىپ، بۇكىل پارتيادان كۇرەسكەرلىك رۋحتى كۇشەيتىپ، كۇرەسكەرلىك قابىلەتتى جوعارىلاتىپ، ٴتۇرلى حاۋىپ-قاتەردەن ساقتانۋدىڭ جانە ونى جويۋدىڭ باسشىلىق جاۋاپكەرشىلىگى مەن قىزمەت جاۋاپكەرشىلىگىن تياناقتاندىرۋدى تالاپ ەتتى. پارتيا ورتالىق كوميتەتى مىنانى تەرەڭ تانىپ جەتتى: سىرتتان كەلگەن ٴتۇرلى قورشاۋ، قىسىم كورسەتۋ، ٴبۇلدىرۋ، اۋدارۋ ارەكەتتەرى الدىندا، ٴسوز جوق، زۇلىم كۇشكە سەنبەۋ، سۇرقيا كۇشتەن قورىقپاۋ رۋحىن ساۋلەلەندىرۋمەن بىرگە، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ٴتۇزىمىن اۋدارۋعا ۇرىنعان، جۇڭحۋا ۇلتىنىڭ ۇلى گۇلدەنۋ ٴۇردىسىن كەشەۋىلدەتۋگە، ٴتىپتى وعان بوگەت بولۋعا ۇرىنعان بارلىق كۇشپەن سوڭىنا دەيىن كۇرەسۋ كەرەك، جول بەرە بەرۋ تەك بارعان سايىن ارانى اشىلعان زورەكەرلىككە ۇشىراتادى، ىمىراعا كەلۋ تەك ٴتىپتى دە اۋىر قورلىقتى جاعدايعا قالتىرادى.

　　پارتيا مەملەكەت حاۋىپسىزدىگى جۇيەسى مەن قابىلەتى قۇرىلىسىن كۇش سالا ىلگەرىلەتىپ، ورتالىق كوميتەتتىڭ مەملەكەت حاۋىپسىزدىگى كوميتەتىن قۇرىپ، ورتالىقتانعان، ٴبىرتۇتاس، جوعارى ٴونىمدى، بەدەلدى مەملەكەت حاۋىپسىزدىگىنە باسشىلىق ەتۋ ٴتۇزىلىسىن كەمەلدەندىرىپ، مەملەكەت حاۋىپسىزدىگىن زاڭمەن باسقارۋ جۇيەسىن، ستراتەگيالىق جۇيەسىن جانە ساياساتتىق جۇيەسىن كەمەلدەندىرىپ، مەملەكەت حاۋىپسىزدىگى قىزمەتىن سايكەستىرۋ مەحانيزمى مەن شۇعىل جاعدايعا توتەپ بەرۋدى باسقارۋ مەحانيزمىن ورناتتى. پارتيا حاۋىپسىز دامۋدى مەملەكەت دامۋىنىڭ ٴارقايسى سالاسىنىڭ جالپى بارىسىنا ٴسىڭىرىپ، ەلىمىزدىڭ وسىزاماندانۋ اياق-الىسىنا ىقپال جاسايتىن اۋىر حاۋىپ-قاتەرلەردەن ساقتانۋعا جانە ونى جويۋعا باسا ٴمان بەرىپ، مەملەكەت بيلىگىنىڭ حاۋىپسىزدىگىن، ٴتۇزىمىنىڭ حاۋىپسىزدىگىن، يدەولوگياسىنىڭ حاۋىپسىزدىگىن باتىل قورعاپ، مەملەكەت حاۋىپسىزدىگى جونىندەگى ۇگىت-تاربيە مەن جالپى حالىقتىق مەملەكەت قورعانىسى تاربيەسىن كۇشەيتىپ، مەملەكەت حاۋىپسىزدىگىنىڭ حالىقتىق قورعانىس شەبىن بەكەمدەپ، شەكارانى گۇلدەندىرىپ، حالىقتى بايىتىپ، شەكارانى ورنىقتىرىپ، شەكارانى بەكەمدەۋدى ىلگەرىلەتىپ، جاۋ كۇشتەردىڭ سىنالاپ كىرۋ، ٴبۇلدىرۋ، اۋدارۋ، بولشەكتەۋ ارەكەتتەرىنەن قاتاڭ ساقتانىپ جانە وعان قاتاڭ سوققى بەرىپ، سىرتقى ۇشقارى كۇشتەردىڭ قىسىمى مەن تەجەۋىنە توتەپ بەرىپ جانە قايتارما سوققى بەرىپ، شياڭگاڭعا ساياتىن، تايۋانعا ساياتىن، شينجياڭعا ساياتىن، شيزاڭعا ساياتىن، تەڭىز-مۇحيتقا، ت. ب. لارعا ساياتىن كۇرەستەردى ورىستەتىپ، تەڭىز-مۇحيت جاعىندا قۇدىرەتتى مەملەكەت قۇرۋدى تەزدەتىپ، مەملەكەت حاۋىپسىزدىگىن ۇتىمدى قورعادى.

　　پارتيا 18-قۇرىلتايىنان بەرى، مەملەكەت حاۋىپسىزدىگى جالپى بەتتىك كۇشەيىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتارداعى حاۋىپ-قاتەرلەر مەن سىن-سايىستاردىڭ سىناعىنان سۇرىنبەي ٴوتىپ، پارتيا مەن مەملەكەتتىڭ گۇلدەنىپ-كوركەيۋى، باياندى تىنىشتىعى ٴۇشىن پارمەندى كەپىلدىك ازىرلەدى.

　　12) ”ٴبىر ەل، ەكى تۇزىمگە“ تاباندى بولۋ جانە وتاننىڭ بىرلىككە كەلۋىن ىلگەرىلەتۋ جاعىندا

　　شياڭگاڭ، اۋمىن وتان قۇشاعىنا ورالعاننان كەيىن، مەملەكەتتى باسقارۋ جۇيەسىنە قايتادان كىرگىزىلىپ، وتانىمىزدىڭ ىشكى وڭىرلەرىمەن بىرگە ٴبىرىنىڭ ارتىقشىلىعىمەن ٴبىرىن تولىقتايتىن، بىرگە داميتىن داڭعىل جولعا ٴتۇسىپ، ”ٴبىر ەل، ەكى ٴتۇزىم“ امالياتى دۇنيە ٴجۇزى مويىنداعان تابىستارعا قول جەتكىزدى. سونىمەن بىرگە، ٴبىر مەزگىل بويى ىشكى-سىرتقى ٴتۇرلى كۇردەلى فاكتورلاردىڭ ىقپالىنا ۇشىراپ، ”ورتالىق ۇكىمەتكە قارسى تۇرىپ، شياڭگاڭدى بىلىقتىرۋ“ ارەكەتى ٴورشىپ، شياڭگاڭنىڭ جاعدايىندا ٴبىر مەزەت اۋىر جاعداي جارىققا شىقتى. پارتيا ورتالىق كوميتەتى مىنانى باسا دارىپتەدى: ”ٴبىر ەل، ەكى ٴتۇزىم“ باعىتىن، ٴسوز جوق، جاپپاي، دۇرىس، بۇلجىتپاي دايەكتىلەندىرىپ، ”ٴبىر ەل، ەكى ٴتۇزىم“ ٴتۇزىمى جۇيەسىنە تاباندى بولىپ جانە ونى كەمەلدەندىرىپ، شياڭگاڭدى، اۋمىندى زاڭ بويىنشا باسقارۋعا تاباندى بولىپ، نەگىزگى زاڭ مەن ٴتۇبىرلى زاڭدا بەلگىلەنگەن ەرەكشە اكىمشىلىك رايوننىڭ نەگىزگى زاڭدىق ەرەجە-ٴتارتىبىن قورعاپ، ورتالىق كوميتەتتىڭ ەرەكشە اكىمشىلىك رايونداردى جاپپاي باسقارۋ، جونگە سالۋ ۇقىعىن تياناقتاندىرىپ، ”وتانشىلداردىڭ شياڭگاڭدى باسقارۋىن“، ”وتانشىلداردىڭ اۋمىندى باسقارۋىن“ باتىل تياناقتاندىرۋ كەرەك.

　　پارتيا ورتالىق كوميتەتى اۋقىمدى باعامداپ، ورتالىقتىڭ نەگىزگى زاڭ مەن ٴتۇبىرلى زاڭعا ساي، ەرەكشە اكىمشىلىك رايونداردى جاپپاي باسقارۋ، جونگە سالۋ ۇقىعىن جۇرگىزۋىن اقاۋسىزداندىرۋ، ەرەكشە اكىمشىلىك رايوننىڭ نەگىزگى زاڭ مەن ٴتۇبىرلى زاڭدى اتقارۋىنا قاتىستى ٴتۇزىم مەحانيزمىن كەمەلدەندىرۋ جونىندە كەلەلى شەشىم جاساپ، ەرەكشە اكىمشىلىك رايونداردىڭ مەملەكەت حاۋىپسىزدىگىن قورعاۋداعى زاڭ-تۇزىمدەر مەن اتقارۋ مەحانيزمىن ورناتۋىن جانە اقاۋسىزداندىرۋىن ىلگەرىلەتىپ، «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىن» جاساپ، شياڭگاڭ ەرەكشە اكىمشىلىك رايونىنىڭ سايلاۋ ٴتۇزىمىن كەمەلدەندىرىپ، ”وتانشىلداردىڭ شياڭگاڭدى باسقارۋ“ پرينسيبىن تياناقتاندىرىپ، ەرەكشە اكىمشىلىك رايونىنىڭ ۇكىمەت قىزمەتكەرلەرىنىڭ سەرت بەرۋ ٴتۇزىمىن كەمەلدەندىرۋىنە قولداۋ كورسەتتى. ورتالىق حالىق ۇكىمەتى زاڭ بويىنشا شياڭگاڭ ەرەكشە اكىمشىلىك رايونىندا تۇراتىن مەملەكەت حاۋىپسىزدىگىن قورعاۋ مەكەمەسىن قۇرىپ، شياڭگاڭ ەرەكشە اكىمشىلىك رايونىندا زاڭ بويىنشا مەملەكەت حاۋىپسىزدىگىن قورعاۋ كوميتەتىن قۇردى. ورتالىق شياڭگاڭ ەرەكشە اكىمشىلىك رايونىنىڭ زاڭ بويىنشا بۇلىكتى تىنىشتاندىرىپ، ٴتارتىپتى قالپىنا كەلتىرۋىن باتىل قولداپ، اكىمدەر مەن ەرەكشە اكىمشىلىك رايون ۇكىمەتتەرىنىڭ زاڭ بويىنشا بيلىك جۇرگىزۋىن قولداپ، سىرتقى كۇشتەردىڭ شياڭگاڭ، اۋمىن ىستەرىنە كيلىگۋىنەن باتىل ساقتانىپ جانە ونى تەجەپ، بولشەكتەۋ، اۋدارۋ، سىنالاپ كىرۋ، ٴبۇلدىرۋ ارەكەتتەرىنە قاتاڭ سوققى بەردى. شياڭگاڭنىڭ، اۋمىننىڭ مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسۋىن جاپپاي قولداپ، گۋاڭدۇڭ، شياڭگاڭ، اۋمىن ۇلكەن شىعاناق رايونىن جوعارى ساپالى قۇرىپ، شياڭگاڭنىڭ، اۋمىننىڭ ەكونوميكانى دامىتۋىنا، حالىق تۇرمىسىن جاقسارتۋىنا قولداۋ كورسەتىپ، شياڭگاڭدىق، اۋمىندىق باۋىرلاستاردىڭ مەملەكەت تانىمى مەن وتانشىلدىق رۋحىن كۇشەيتتى. وسى ٴبىرقىدىرۋ ۇستىنەن دە، تۇبىرىنەن دە جونگە سالۋ شارالارى شياڭگاڭ جاعدايىنىڭ بىلىقپالىقتان وڭالۋعا دەيىنگى كەلەلى بۇرىلىسىن ىلگەرىلەتىپ، شياڭگاڭدى، اۋمىندى زاڭ بويىنشا باسقارۋدى ىلگەرىلەتۋ، ”ٴبىر ەل، ەكى ٴتۇزىم“ امالياتىنىڭ ورنىقتى، باياندى بولۋىن جەبەۋگە بەرىك نەگىز قالادى.

　　تايۋان ماسەلەسىن شەشىپ، وتاندى بۇكىلدەي بىرلىككە كەلتىرۋ — پارتيانىڭ مىزعىماس تاريحي مىندەتى، بۇكىل جۇڭحۋا ۇلاندارىنىڭ ورتاق تىلەگى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قاجەتتى تالابى. پارتيا ەكى جاعالاۋ قاتىناسىنىڭ داۋىرلىك وزگەرىسىن يگەرىپ، مەملەكەتتىڭ بىرلىككە كەلۋ نازارياسى مەن تايۋانعا قاراتىلعان باعىت-ساياساتتارىن بايىتىپ جانە دامىتىپ، ەكى جاعالاۋ قاتىناسىنىڭ دۇرىس بەتالىسقا قاراي دامۋىن ىلگەرىلەتتى. شي جينپيڭ جولداس تايۋان قىزمەتى جونىندە ٴبىرسىپىرا ماڭىزدى ۇستانىمداردى، كەلەلى ساياساتتىق قۋاتتامالاردى العا قويىپ، پارتيانىڭ جاڭا داۋىردە تايۋان ماسەلەسىن شەشۋدەگى جالپى تۇلعالىق جالپى جوباسىن قالىپتاستىردى. ٴبىز 1949-جىلدان بەرى ەكى جاعالاۋ باسشىلارىنىڭ تۇڭعىش رەت كەزدەسۋىن، ەكى جاعالاۋ باسشىلارىنىڭ تىكە پىكىرلەسۋى مەن بايلانىسىن جۇزەگە اسىرۋدى ىلگەرىلەتتىك. پارتيا ”ەكى جاعالاۋداعىلار ٴبىر وتباسىنىڭ ادامى“ دەيتىن ۇستانىمدى ۇستانىپ، ەكى جاعالاۋ قاتىناسىنىڭ بەيبىت دامۋىن ىلگەرىلەتىپ، بارشا تايۋاندىق باۋىرلاستارعا ٴتيىمدى ٴبىرقىدىرۋ ساياساتتار شىعارىپ، ەكى جاعالاۋدىڭ ەكونوميكا، مادەنيەت اۋىس-ٴتۇيىسىن، سەلبەستىگىن كۇشەيتتى. 2016-جىلدان بەرى، تايۋان بيلەۋشىلەرى ”تايۋاندى دەربەستەندىرۋدى“ كوزدەيتىن بولشەكتەۋ ارەكەتىن جىلدامداتىپ، ەكى جاعالاۋ قاتىناسىنىڭ بەيبىت دامۋ بەتالىسىن اۋىر سوققىعا ۇشىراتتى. ٴبىز ٴبىر جۇڭگو پرينسيبىنە جانە ”1992-جىلعى ورتاق تانىمعا“ تاباندى بولىپ، ”تايۋاندى دەربەستەندىرۋدى“ كوزدەيتىن بولشەكتەۋشىلىك ارەكەتتەرگە باتىل قارسى تۇرىپ، سىرتقى كۇشتەردىڭ كيلىگۋىنە باتىل قارسى تۇرىپ، ەكى جاعالاۋ قاتىناسىنىڭ جەتەكشىلىك ۇقىعى مەن ىرىقتىلىق ۇقىعىن مىقتى يگەردىك. وتاندى بۇكىلدەي بىرلىككە كەلتىرۋ ورايى مەن اۋقىمى قاشاندا ٴبىزدىڭ قولىمىزدا.

　　اماليات جۇڭگو كوممۋنيستىك پارتياسىنىڭ پارمەندى باسشىلىعىندا، ۇلى وتانىمىزدىڭ پارمەندى تىرەك بولۋىندا، شياڭگاڭ ەرەكشە اكىمشىلىك رايونىنداعى باۋىرلاستاردى، اۋمىن ەرەكشە اكىمشىلىك رايونىنداعى باۋىرلاستاردى جانە تايۋاندىق باۋىرلاستاردى قامتىعان بۇكىل ەلدەگى ٴار ۇلت حالقى ٴبىر نيەتپەن سەلبەسسە، شياڭگاڭنىڭ، اۋمىننىڭ ۇزاق ۋاقىت گۇلدەنىپ-كوركەيۋى مەن ورنىقتىلىعى، ٴسوز جوق، ساقتالاتىندىعىن، وتاننىڭ بۇكىلدەي بىرلىككە كەلۋى، ٴسوز جوق، جۇزەگە اساتىندىعىن دالەلدەدى.

　　13) ديپلوماتيالىق قىزمەت جاعىندا

　　رەفورما جۇرگىزىپ، ەسىك اشقاننان كەيىن، پارتيا دەربەس، وزىنە-ٴوزى قوجايىن بولۋ بەيبىت ديپلوماتيالىق ساياساتىنا تاباندى بولىپ، ەلىمىزدىڭ دامۋى ٴۇشىن تاماشا سىرتقى ورتا قالىپتاستىرىپ، ادامزاتتىڭ العا باسۋ ىستەرىنە ەلەۋلى ۇلەس قوستى. جاڭا داۋىرگە وتكەندە، حالىقارالىق كۇشتەردىڭ سالىستىرماسى تەرەڭ رەتتەلىپ، سىڭار جاقتىلىق، قورعانىمپازدىق، زورەكەرلىك، وكتەمدىك ساياسيدىڭ دۇنيە ٴجۇزىنىڭ بەيبىتشىلىگى مەن دامۋىنا حاۋىپى كۇشەيىپ، جاھاندانۋعا قارسى يدەيالىق اعىم كۇشەيىپ، دۇنيە ٴجۇزى اۋمالى-توكپەلى وزگەرىس كەزەڭىنە ٴوتتى. پارتيا ورتالىق كوميتەتى مىنانى باسا دارىپتەدى: كۇردەلى دە قاتاڭ حالىقارالىق جاعداي جانە بۇرىن بولىپ كورىلمەگەن سىرتقى حاۋىپ-قاتەرلەر مەن سىن-سايىستار الدىندا، ەل ٴىشى جانە حالىقارا سىندى ەكى كەلەلى جاعدايدى، ٴسوز جوق، ٴبىرتۇتاس ەسكەرىپ، پارتيانىڭ سىرتقى ىستەر قىزمەتىنە باسشىلىق ەتۋ ٴتۇزىلىس-مەحانيزمىن اقاۋسىزداندىرىپ، سىرتقا باعىتتالعان قىزمەتتى جوعارى دەڭگەيدە جوبالاۋدى كۇشەيتىپ، جۇڭگوشا ٴىرى ەلدىك ديپلوماتيا جونىندە ستراتەگيالىق جوسپار جاساپ، جاڭاشا حالىقارالىق قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتىپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتى ساۋلەلەندىرىپ، ادامزاتتىڭ العا باسۋ اعىمىنا جەتەكشىلىك ەتۋ كەرەك.

　　پارتيا جاڭا داۋىردەگى ديپلوماتيا قىزمەتىنىڭ كەلەلى جاعدايىن يگەرىپ، ۇلتتىڭ گۇلدەنۋىنە قىزمەت وتەۋ، ادامزاتتىڭ العا باسۋىن جەبەۋ سىندى نەگىزگى جەلىنى مىقتاپ ارقاۋ ەتىپ، بەيبىتشىلىك، دامۋ، سەلبەستىك، تەڭ يگىلىكتەنۋ تۋىن بيىك ۇستاپ، جان-جاقتى، كوپ ساتىلى، تولىق قامتىمدى ديپلوماتيالىق ورنالاسىمدى ىلگەرىلەتىپ جانە كەمەلدەندىرىپ، الەمدىك ارىپتەستىك قاتىناستى بەلسەنە دامىتتى. ٴبىز ٴىرى ەلدەر ارا قاتىناستى جوسپارلاپ، ٴىرى ەلدەردىڭ سايكەسۋى مەن سەلبەسۋىن ىلگەرىلەتتىك. تاتۋ، ادال، قايىرىمدى، كەڭ پەيىل بولۋ ۇستانىمى مەن كورشىلەرمەن تاتۋ-ٴتاتتى ٴوتۋ، كورشىلەردى سەرىك تۇتۋ سىندى توڭىرەكتىك ديپلوماتيا باعىتى بويىنشا توڭىرەگىمىزدەگى ەلدەرمەن بايلانىستى تەرەڭدەتىپ، توڭىرەكتىك ستراتەگيالىق سۇيەنىشتى ورنىقتىرىپ، توڭىرەكتىڭ تاعدىرلاس ورتاق تۇلعا قالىپتاستىردىق. دۇرىس ادىلەت-مۇددە كوزقاراسى جانە شىنايى، بۇكپەسىز، باۋىرمال، ادال بولۋ ۇستانىمىن ۇستانىپ، بارشا دامۋ جولىنداعى مەملەكەتتەرمەن ىنتىماقتاستىقتى، سەلبەستىكتى كۇشەيتىپ، تۇتاس تۇلعالىق سەلبەستىك مەحانيزمىنىڭ جاپپاي قامتۋىن جۇزەگە اسىردىق. پارتيا دۇنيە جۇزىندەگى 500 دەن استام ساياسي پارتيا جانە ساياسي ۇيىممەن ۇنەمىلىك بايلانىستى ساقتاپ، ساياسي پارتيالار اۋىس-ٴتۇيىسىن، سەلبەستىگىن تەرەڭدەتتى. ”سىرتقا ٴورىس اشۋ“ بارعان سايىن كەڭەيگەن جاڭا جاعدايعا سايكەسىپ، شەتەلدەگى مۇددەنى قورعاۋ جۇيەسىن ۇزدىكسىز كەمەلدەندىرىپ، شەتەلدەگى ٴبىرقىدىرۋ مۇددەلىك حاۋىپ-قاتەر مەن سىن-سايىسقا پارمەندى توتەپ بەردى.

　　ەلىمىز الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ٴتارتىپتى، بىرلەسكەن مەملەكەتتەر ۇيىمى ۋستاۆىنىڭ تۇپكى ماقساتى مەن پرينسيبىن نەگىز ەتكەن حالىقارالىق قاتىناستىڭ نەگىزگى ولشەمىن قورعاپ، ناعىز كوپ جاقتىلىقتى قورعاپ جانە امالياتتا ايگىلەپ، سىڭار جاقتىلىققا، قورعانىمپازدىققا، زورەكەرلىككە، وكتەمدىك ساياسيعا باتىل قارسى تۇرىپ، ەكونوميكانىڭ جاھاندانۋىنىڭ اناعۇرلىم اشىق، كەڭ پەيىل، جالپىعا ٴتيىمدى، تەڭگەرىلمەلى، تەڭ يگىلىكتەنۋ باعىتىنا قاراي دامۋىن بەلسەنە ىلگەرىلەتتى. ەلىمىز حالىقارالىق جانە وڭىرلىك قولامتالى ماسەلەلەردى ساياسي جولمەن شەشۋگە سىندارلى تۇردە ات سالىسىپ، كليمات وزگەرىسى، كەدەيلەر سانىن ازايتۋ، لاڭكەستىككە قارسى تۇرۋ، توراپ حاۋىپسىزدىگى جانە وڭىرلىك حاۋىپسىزدىكتى قورعاۋ سياقتى سالالاردا بەلسەندى رول اتقاردى. ەلىمىز جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا حالىقارالىق سەلبەستىكتى ورىستەتىپ، جاڭا جۇڭگو قۇرىلعاننان بەرگى الەمدە ەڭ زور كولەمدى ادامگەرشىلىك تۇرعىداعى شۇعىل ارەكەتتى باستاپ، كوپتەگەن ەلدەرگە، اسىرەسە، دامۋ جولىنداعى ەلدەرگە زاتتىق كومەك بەرىپ، ەمدەۋ جاعىندا قولداۋ كورسەتىپ، ۆاكسينا جاعىندا كومەك بەرىپ جانە سەلبەسىپ. جاۋاپكەرشىلىك ارقالايتىن ٴىرى ەلدىك وبرازىن ايگىلەدى.

　　ۇزدىكسىز قۇلشىنۋ ارقىلى جۇڭگوشا ٴىرى ەلدىك ديپلوماتيا جاپپاي ىلگەرىلەتىلىپ، ادامزاتتىڭ تاعدىرلاس ورتاق تۇلعاسىن قالىپتاستىرۋ ٴداۋىر اعىمى مەن ادامزاتتىڭ العا باسۋ بەتالىسىنا جەتەكشىلىك ەتەتىن ايقىن تۋعا اينالدى، ەلىمىزدىڭ ديپلوماتياسى دۇنيە جۇزىلىك زور وزگەرىس بارىسىندا جاڭا جاعداي اشىپ، دۇنيە ٴجۇزىنىڭ بىلىققان جاعدايىندا حاۋىپ-قاتەردى ورايعا اينالدىرىپ، ەلىمىزدىڭ حالىقاراداعى ىقپال كۇشى، باۋراۋ قۋاتى، سومداۋ قۋاتى كورنەكتى جوعارىلادى.

　　قورىتىپ ايتقاندا، پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتياعا، بۇكىل ارمياعا، بۇكىل ەلدەگى ٴار ۇلت حالقىنا باسشىلىق ەتىپ، ەرلىكپەن ۇدەرە العا تارتىپ، جاپپاي دوڭگەلەك داۋلەتتى قوعام ورناتۋ نىساناسىن ۋاعىندا جۇزەگە اسىرىپ، پارتيا مەن مەملەكەت ىستەرىندە تاريحي تابىستارعا جەتىپ، تاريحي وزگەرىستەر جاساپ، جۇڭگوشا سوتسياليزمنىڭ قۇدىرەتتى ومىرشەڭدىك كۇشىن ايگىلەپ، پارتيانىڭ تىلەگىن، ارميانىڭ تىلەگىن، حالىقتىڭ تىلەگىن بۇرىن بولىپ كورىلمەگەن دارەجەدە ۇيىستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ٴۇشىن اناعۇرلىم كەمەلدى تۇزىمدىك كەپىلدىك، اناعۇرلىم مىعىم ماتەريالدىق نەگىز، اناعۇرلىم ىرىقتى رۋحاني كۇش ازىرلەدى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرۋدى قارسى العاندىعىن سالتاناتپەن جاريالادى.

　　بەسىنشى، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي ماڭىزى

　　100 جىلدان بەرى، پارتيا باستان-اياق اۋەلگى ماقسات پەن بورىشتى امالياتتا ايگىلەپ، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ادامزات دامۋ تاريحىنىڭ ايبىندى كارتيناسىن سىزىپ، جۇڭحۋا ۇلتىنىڭ ۇلى گۇلدەنۋىنىڭ بۇرىن بولماعان شۇعىلالى بولاشاعىن ايگىلەدى.

　　1) پارتيانىڭ 100 جىلدىق كۇرەسى جۇڭگو حالقىنىڭ بولاشاعى مەن تاعدىرىن تۇبىرىنەن وزگەرتتى. تاياۋ زاماننان كەيىن، جۇڭگو حالقى ٴۇش ۇلكەن تاۋدىڭ ەزگىسىنە ۇشىراپ، باتىستاعى بەلدى ەلدەر جاعىنان ”شىعىس ازيا دىمكاستارى“ دەپ قورلاندى. 100 جىلدان بەرى، پارتيا حالىققا باسشىلىق ەتىپ، دابىرالى دا ايبىندى ۇلى كۇرەستەر ارقىلى جۇڭگو حالقى قورلانۋ، ەزىلۋ، قۇلدانۋ تاعدىرىنان تۇبەگەيلى قۇتىلىپ، مەملەكەتتىڭ، قوعامنىڭ جانە ٴوز تاعدىرىنىڭ قوجايىنى بولىپ، حالىق دەموكراتياسى ۇزدىكسىز دامىپ، ٴبىر ميلليارد 400 ميلليوننان استام حالىق جاپپاي دوڭگەلەك داۋلەتتى قوعامدى جۇزەگە اسىرىپ، جۇڭگو حالقىنىڭ تاماشا تۇرمىسقا تالپىنىسى ۇزدىكسىز رەالدىققا اينالدى. بۇگىن جۇڭگو حالقى اناعۇرلىم سەنىمدى، ەڭسەلى، الۋەتتى بولىپ، جىگەرى، نامىسى، قايراتى بارىنشا نىعايىپ، تاريحي بارىستا جينالعان قۇدىرەتتى كۇش-قۋاتىن تولىق تاسقىنداتىپ، بۇرىن بولماعان تاريحي ىرىقتىلىق رۋحىن، تاريحي جاسامپازدىق رۋحىن قاۋلاتىپ، جاڭا داۋىردەگى جۇڭگو دامۋىنىڭ ۇلى تاريحىن بەرىك سەنىممەن جازۋدا.

　　2) پارتيانىڭ 100 جىلدىق كۇرەسى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشتى. تاياۋ زاماننان كەيىن، شۇعىلالى وركەنيەت جاراتقان جۇڭحۋا ۇلتى وركەنيەتىن جالعاستىرۋ قيىنعا سوققان اۋىر داعدارىسقا تاپ بولىپ، دۇنيە ٴجۇزىنىڭ الدىندا تۇرالاعان، جۇتاعان بەينەدە كورىنگەن ەدى. 100 جىلدان بەرى، پارتيا حالىققا باسشىلىق ەتىپ، قاجىماي-تالماي كۇرەس جۇرگىزىپ، ۇزدىكسىز العا ۇمتىلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن ٴساتتى اشتى. جۇڭگو بەرەكەسى قاشىپ، تورعايداي توزعان كۇيدەن وسكەلەڭ بىرلىككە كەلگەن، ۇلتتارى ىنتىماقتى جاعدايعا دەيىن، كەدەيلىكتەن، دارمەنسىزدىكتەن، بىرىنشىدەن كەدەي، ەكىنشىدەن اق بولۋدان جاپپاي دوڭگەلەك داۋلەتتى، گۇلدەنىپ-كوركەيگەن، باي دا قۇدىرەتتى بولۋعا دەيىن، كىم كورىنگەن باسىناتىن، قورلايتىن كۇيدەن دەربەس ٴوز-وزىنە قوجايىن بولىپ، سەنىمىن بەكەمدەۋگە دەيىن، دامىعان ەلدەر نەشە ٴجۇز جىل جۇرگەن ونەركاسىپتەنۋ بارىسىن تەك بىرنەشە ون جىلدا باسىپ ٴوتىپ، ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتى. بۇگىنگى تاڭدا، جۇڭحۋا ۇلتى دۇنيە جۇزىنە گۇلدەنىپ-كوركەيگەن تىڭ تىنىس بايقاتىپ، دۇنيەنىڭ شىعىسىندا ەڭسە كوتەرىپ تۇر.

　　3) پارتيانىڭ 100 جىلدىق كۇرەسى ماركسيزمنىڭ قۇدىرەتتى ومىرشەڭدىك قۋاتىن ايگىلەدى. ماركسيزم ادامزات قوعامىنىڭ دامۋ زاڭدىلىعىن اشىپ كورسەتتى، ول — دۇنيەنى تانۋدىڭ، دۇنيەنى وزگەرتۋدىڭ عىلىمي اقيقاتى. سونىمەن بىرگە، ماركسيزمگە تاباندى بولۋ جانە ونى دامىتۋ، نازاريادان امالياتقا دەيىن بۇكىل دۇنيە جۇزىندەگى ماركسيزمشىلدەردىڭ توتەنشە جاپالى، ماشاقاتتى سىن-سايىستارعا تولى قۇلشىنىستارىنا مۇقتاج. 100 جىلدان بەرى، پارتيا ماركسيزمدى ٴوز تۋىنا جازۋعا تاباندى بولدى، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، دارقان كوڭىلمەن ادامزات جاراتقان بارلىق تاڭداۋلى وركەنيەت جەتىستىكتەرىن قابىلدادى، ماركسيزمنىڭ جۇڭگوشالانعان عىلىمي نازارياسى ارقىلى ۇلى امالياتقا جەتەكشىلىك ەتتى. ماركسيزمنىڭ عىلىميلىعى مەن اقيقاتتىعى جۇڭگودا تولىق سىننان ٴوتىپ، ماركسيزمنىڭ حالىقتىق سيپاتى مەن امالياتتىق سيپاتى جۇڭگودا تولىق دايەكتىلەنىپ، ماركسيزمنىڭ اشىقتىق سيپاتى مەن داۋىرلىك سيپاتى جۇڭگودا تولىق ايگىلەندى. ماركسيزمنىڭ جۇڭگوشالانۋىنىڭ، زامانالانۋىنىڭ ۇزدىكسىز تابىسقا جەتۋى ماركسيزمدى شىت جاڭا وبرازبەن دۇنيەگە ايگىلەپ، دۇنيە ٴجۇزى كولەمىندە سوتسياليزم مەن كاپيتاليزم سىندى ەكى ٴتۇرلى يدەولوگيانىڭ، ەكى ٴتۇرلى قوعامدىق ٴتۇزىمنىڭ بىرتىندەپ تاريحي دامۋى بارىسىندا جانە ولاردىڭ بەلدەسۋىندە سوتسياليزمگە ٴتيىمدى كەلەلى بۇرىلىس تۋىلدى.

　　4) پارتيانىڭ 100 جىلدىق كۇرەسى دۇنيە ٴجۇزىنىڭ تاريحي ۇردىسىنە تەرەڭ ىقپال جاسادى. پارتيا مەن حالىقتىڭ ىستەرى — ادامزاتتىڭ العا باسۋ ىستەرىنىڭ ماڭىزدى قۇرامداس بولىگى. 100 جىلدان بەرى، پارتيا ٴارى جۇڭگو حالقىنىڭ باقىتىن، جۇڭحۋا ۇلتىنىڭ گۇلدەنۋىن كوزدەپ ٴارى ادامزاتتىڭ العا باسۋىن، دۇنيە ٴجۇزىنىڭ ۇلى بىرلىگىن كوزدەپ، ٴوزىن ۇزدىكسىز الۋەتتەندىرۋ جولىنداعى كۇرەسى ارقىلى دۇنيە ٴجۇزىنىڭ دامۋ بەتالىسى مەن جۇيەسىندە تەرەڭ وزگەرىستەر تۋدىردى. پارتيا حالىققا باسشىلىق ەتىپ، جۇڭگو ۇلگىسىندەگى وسىزاماندانۋ جولىمەن ٴساتتى ٴجۇرىپ، ادامزات وركەنيەتىنىڭ جاڭا فورماتسياسىن جاراتىپ، دامۋ جولىنداعى ەلدەردىڭ وسىزاماندانۋعا بەت الۋ ارناسىن كەڭەيتىپ، دۇنيە جۇزىندەگى ٴارى جەدەل دامۋدى كوكسەيتىن ٴارى ٴوزىنىڭ دارالىعىن ساقتاۋدى ارماندايتىن مەملەكەتتەر مەن ۇلتتار جونىنەن شىت جاڭا تالعام ازىرلەدى. پارتيا ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتىپ، ادامزاتتىڭ كەلەلى ماسەلەلەرىن شەشۋ، باياندى، بەيبىت، جاپپاي حاۋىپسىز، بىرگە گۇلدەنگەن، اشىق، كەڭ پەيىل، تازا، كورىكتى دۇنيە قۇرۋ ٴۇشىن جۇڭگونىڭ اقىل-پاراساتىن، جۇڭگو جوباسىن، جۇڭگو كۇشىن ارناپ، ادامزاتتىڭ دامۋىن، العا باسۋىن ىلگەرىلەتەتىن ماڭىزدى كۇشكە اينالدى.

　　5) پارتيانىڭ 100 جىلدىق كۇرەسى ٴداۋىردىڭ الدىڭعى لەگىندە جۇرگەن جۇڭگو كوممۋنيستىك پارتياسىن شىڭدادى. جۇڭگو كوممۋنيستىك پارتياسى قۇرىلعان كەزدە نەبارى 50 دەن استام پارتيا مۇشەسى عانا بار ەدى، بۇگىنگى كۇنى 95 ميلليوننان استام پارتيا مۇشەسى بار، ٴبىر ميلليارد 400 ميلليوننان استام حالقى بار ٴىرى ەلگە باسشىلىق ەتكەن، الەمدىك ماڭىزدى ىقپالعا يە دۇنيە جۇزىندەگى ەڭ ٴىرى بيلىك باسىنداعى پارتياعا اينالدى. 100 جىلدان بەرى، پارتيا سيپاتىنا، تۇپكى ماقساتىنا تاباندى بولىپ، مۇرات-سەنىمىنەن جازباي، اۋەلگى ماقساتى مەن بورىشىنان بۇلجىماي، وزىنە-ٴوزى توڭكەرىس جاساۋعا باتىل بولىپ، ٴومىر مەن ٴولىم كۇرەسى جانە قاجىرلىلىقپەن كۇرەس جۇرگىزۋ بارىسىندا ٴتۇرلى حاۋىپ-قاتەرلەر مەن سىناقتاردان سۇرىنبەي ٴوتىپ، وراسان زور قۇرباندىق بەرىپ، ايقىن ساياسي قاسيەتىن سومداپ، پارتيا قۇرۋ ۇلى رۋحىن باستاۋ ەتكەن رۋحاني شەجىرەنى قالىپتاستىرىپ، پارتيانىڭ العاباسارلىعى مەن كىرشىكسىزدىگىن ساقتاپ، پارتيانىڭ بيلىك جۇرگىزۋ قابىلەتى مەن باسشىلىق دەڭگەيىن ۇزدىكسىز جوعارىلاتىپ، جۇڭگو حالقىنا باسشىلىق ەتىپ، جۇڭگوشا سوتسياليزم جولىندا بوگەۋ بەرمەس ارىنمەن جۇڭحۋا ۇلتىنىڭ ۇلى گۇلدەنۋىنە قاراي بەت الىپ، ايتسا ايتقانداي ۇلى، داڭقتى، دۇرىس پارتيا بولدى.

　　التىنشى، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي تاجىريبەلەرى

　　100 جىلدان بەرى، پارتيا حالىققا باسشىلىق ەتىپ، ۇلى كۇرەستەر جۇرگىزىپ، العا باسۋ بارىسىندا قامال الىپ، ساتسىزدىك بارىسىندا سەرپىلىپ، قورىتىندىلاۋ بارىسىندا كەمەلدەنىپ، باعالى تاريحي تاجىريبەلەر توپتادى.

　　1) پارتيا باسشىلىعىنا تاباندى بولۋ. جۇڭگو كوممۋنيستىك پارتياسى — ٴبىزدىڭ ىسىمىزگە باسشىلىق ەتەتىن ۇيتقى كۇش. جۇڭگو حالقى مەن جۇڭحۋا ۇلتىنىڭ تاياۋ زاماننان كەيىنگى تاريحي تاعدىرىن وزگەرتىپ، بۇگىنگى ۇلى تابىستارعا قول جەتكىزە الۋىنداعى ەڭ ٴتۇبىرلى سەبەپ — جۇڭگو كوممۋنيستىك پارتياسىنىڭ پارمەندى باسشىلىعى. تاريح پەن رەال مىنانى دالەلدەدى: جۇڭگو كوممۋنيستىك پارتياسى بولماسا، جاڭا جۇڭگو دا بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس. ٴبىزدىڭ دۇنيە جۇزىندەگى وسىنداي ەڭ ٴىرى بيلىك باسىنداعى پارتيا مەن جان سانى ەڭ كوپ مەملەكەتتى ويداعىداي باسقارۋدا، ٴسوز جوق، پارتيانىڭ جالپى بەتتىك باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ٴبىرتۇتاس باسشىلىعىنا تاباندى بولىپ، دەموكراتيالىق ورتالىقتاندىرۋ تۇزىمىنە تاباندى بولىپ، پارتيانىڭ باستان-اياق جالپى جاعدايدى جالپىلاي مەڭگەرىپ، ٴار جاقتى سايكەستىرۋىنە شىنايى كەپىلدىك ەتۋ كەرەك. ٴبىز تەك پارتيانىڭ جالپى بەتتىك باسشىلىعىنان اۋىتقىماۋعا تاباندى بولىپ، پارتيانىڭ ۇيتقىسى مەن پارتيا ورتالىق كوميتەتىنىڭ بەدەلىن باتىل قورعاپ، پارتيا باسشىلىعىنىڭ ساياسي ابزالدىلىعىن تولىق ساۋلەلەندىرىپ، پارتيا باسشىلىعىن پارتيا مەن مەملەكەت ىستەرىنىڭ ٴارقايسى سالاسىندا، ٴارقايسى جاعىندا، ٴارقايسى بۋىنىندا تياناقتاندىرساق بولعانى، ٴسوزسىز، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ بەرەكە-بىرلىكتە بولا وتىرىپ العا باسۋىنا شىنايى كەپىلدىك ەتە الامىز.

　　2) حالىقتى بارىنەن جوعارى قويۋعا تاباندى بولۋ. پارتيانىڭ نەگىزى حالىقتا، جانى حالىقتا، كۇش-قۋاتى حالىقتا، حالىق — پارتيانىڭ بيلىك جۇرگىزىپ، مەملەكەتتى كوركەيتۋىندەگى ەڭ ۇلكەن تىرەك. حالىق تىلەگى — ەڭ ۇلكەن ساياسي، تۋراشىلدىق — ەڭ قۇدىرەتتى كۇش. پارتيانىڭ ەڭ ۇلكەن ساياسي ابزالدىلىعى — بۇقارامەن تىعىز بايلانىس جاساۋ، پارتيا بيلىك جۇرگىزگەننەن كەيىنگى ەڭ ۇلكەن قاتەر — بۇقارادان قول ٴۇزۋ. پارتيا جۇڭگوداعى ەڭ قالىڭ حالىقتىڭ ٴتۇبىرلى مۇددەسىنە ۋاكىلدىك ەتەدى، ٴوزىنىڭ ەشقانداي ەرەكشە مۇددەسى جوق، ٴارقانداي مۇددەلىك توپتىڭ، ٴارقانداي ۇقىقتى ۇجىمىنىڭ، ٴارقانداي ەرەكشە ۇقىقتى جىكتىڭ مۇددەسىنە ەشقاشان ۋاكىلدىك ەتپەيدى، بۇل — پارتيانىڭ جەڭىمپاز ورىندا تۇرۋىنىڭ ٴتۇپ نەگىزى. ٴبىز تەك باستان-اياق بۇكىل ىنتا-پەيىلىمىزبەن حالىق ٴۇشىن قىزمەت ىستەۋ ٴتۇبىرلى ماقساتىنا تاباندى بولىپ، پارتيانىڭ بۇقارالىق لۋشيانىنا تاباندى بولىپ، مەملەكەت دەگەنىمىز حالىق، حالىق دەگەنىمىز مەملەكەت دەگەندى ٴارقاشان ەستە بەرىك ساقتاپ، بارلىعىن حالىق ٴۇشىن ىستەۋگە، بارلىعىندا حالىققا سۇيەنۋگە تاباندى بولىپ، بيلىكتى حالىق ٴۇشىن جۇرگىزۋگە، حالىققا سۇيەنىپ بيلىك جۇرگىزۋگە تاباندى بولىپ، حالىق ٴۇشىن دامۋعا، دامۋدا حالىققا سۇيەنۋگە، دامۋ جەتىستىكتەرىنەن حالىقتى تەڭ يگىلىكتەندىرۋگە تاباندى بولىپ، بارشا حالىقتىڭ بىرگە بايۋ جولىنان اۋىتقىماساق بولعانى، ٴسوزسىز، حالىققا باسشىلىق ەتىپ، جۇڭگوشا سوتسياليزمنىڭ تىڭ دا اناعۇرلىم زور جەڭىسىنە قول جەتكىزە الامىز، جۇڭگو كوممۋنيستىك پارتياسىن جۇڭگو حالقىنان ٴبولىپ تاستايتىن، قاراما-قارسى قوياتىن ٴارقانداي قاسكۇنەمدىك ماڭگى ىسكە اسپايدى.

　　3) نازاريادا جاڭالىق اشۋعا تاباندى بولۋ. ماركسيزم — ٴبىزدىڭ پارتيا قۇرۋىمىزداعى، مەملەكەت قۇرۋىمىزداعى، پارتيانى كوركەيتۋىمىزدەگى، مەملەكەتتى قۇدىرەتتەندىرۋىمىزدەگى ٴتۇبىرلى جەتەكشى يدەيا. ماركسيزمدىك نازاريا دوگما ەمەس، قايتا، ارەكەت باعدارناماسى، ول، ٴسوز جوق، امالياتتىڭ دامۋىنا ساي داميدى، ٴسوز جوق، جۇڭگوشالانعاندا عانا تەرەڭ تامىر تارتادى، وزىنە ۇيلەستىرگەندە عانا جۇرت جۇرەگىنە تەرەڭ ۇيالايدى. پارتيانىڭ حالىققا باسشىلىق ەتىپ، ۇزدىكسىز ىزدەنىس جاساپ، تالاي ساتسىزدىكتەردى باستان كەشىپ، تىنباي ٴورىس اشۋ بارىسىندا جۇڭگوداعى باسقا ٴتۇرلى ساياسي كۇشتەر ورىنداي المايتىن جاپالى مىندەتتەردى ورىنداي الۋىنىڭ ٴتۇپ نەگىزى يدەيانى ازات ەتۋگە، شىندىقتى ٴىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ، ناقتى ىستەر ىستەۋگە تاباندى بولۋىندا، ماركسيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋعا تاباندى بولىپ، اقيقاتتى سىننان وتكىزۋدىڭ بىردەن-ٴبىر ولشەمى اماليات ەكەندىگىنە تاباندى بولىپ، بارلىق ىستە ٴىس جۇزىندىكتى شىعار ٴتۇيىن ەتۋگە تاباندى بولىپ، ٴداۋىردىڭ سۇراعىنا، حالىقتىڭ ساۋالىنا دەر كەزىندە جاۋاپ بەرىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتۋىندە. شي جينپيڭ جولداس بىلاي دەپ اتاپ كورسەتتى: زامانىمىزداعى جۇڭگوداعى ۇلى قوعامدىق بۇرىلىس ەلىمىزدىڭ تاريحي مادەنيەتىنىڭ ٴتۇپ ۇلگىسىن قاراپايىم تاسىلىمەن جالعاستىرۋ دا، ماركسيزمدىك كلاسسيك جازۋشىلار بولجاعان ۇلگىنى قاراپايىم تۇردە قاز-قالپىندا قولدانۋ دا، باسقا مەملەكەتتەردىڭ سوتسياليزم امالياتىنىڭ قايتالانۋى دا ەمەس، سونداي-اق شەتەلدىڭ وسىزاماندانۋى مەن دامۋىنىڭ كوشىرمەسى دە ەمەس. ٴبىز تەك جاڭا امالياتقا ۇشتاستىرۋعا باتىل بولىپ، نازاريادا جاڭالىق اشۋدى ۇزدىكسىز ىلگەرىلەتىپ، جاڭا نازاريا ارقىلى جاڭا امالياتقا جەتەكشىلىك ەتە بىلسەك بولعانى، ٴسوزسىز، جۇڭگونىڭ ۇلان-بايتاق دالاسىندا ماركسيزمنىڭ اناعۇرلىم قۇدىرەتتى، اناعۇرلىم يلاندىرارلىق اقيقاتتىق قۇدىرەتىن ايگىلەيتىن بولامىز.

　　4) دەربەس، وزىنە-ٴوزى قوجايىن بولۋعا تاباندى بولۋ. دەربەس، وزىنە-ٴوزى قوجايىن بولۋ — جۇڭحۋا ۇلتى رۋحىنىڭ جانى، پارتيا قۇرۋىمىزدىڭ، مەملەكەت قۇرۋىمىزدىڭ ماڭىزدى پرينسيبى. ٴوز جولىمىزبەن ٴجۇرۋ — پارتيانىڭ 100 جىلدىق كۇرەسىنىڭ تاريحي قورىتىندىسى. پارتيا ەجەلدەن دەربەس، وزىنە-ٴوزى قوجايىن بولىپ، ٴورىس اشا العا باسۋ جولىنا تاباندى بولىپ كەلەدى، مەملەكەت پەن ۇلتتى دامىتۋدا ٴوز كۇشىمىزدى تياناق ەتۋگە تاباندى بولىپ، جۇڭگونىڭ ىستەرىن، ٴسوز جوق، جۇڭگو حالقىنىڭ ٴوزى ۇيعارۋعا، ٴوزى ٴبىر جايلى ەتۋگە تاباندى بولىپ كەلەدى. ادامزات تاريحىندا سىرتقى كۇشكە يەك سۇيەپ، شەتەلدىڭ ۇلگىسىن قاز-قالپىندا كوشىرىپ، ەلدىڭ ارتىنان سالپاقتاپ ەرىپ ٴجۇرىپ قۇدىرەتتەنگەن جانە گۇلدەنگەن بىردە-ٴبىر ۇلت، بىردە-ٴبىر مەملەكەت بولعان ەمەس. ولاي ىستەيتىن بولسا، ٴسوز جوق، ساتسىزدىككە ۇشىرايدى، اتاپ ايتقاندا، ٴسوز جوق، باسقالارعا باعىنىشتى بولادى. ٴبىز تەك دەربەس، وزىنە-ٴوزى قوجايىن بولۋعا، ٴوز كۇشىنە سۇيەنىپ ٴومىر سۇرۋگە تاباندى بولىپ ٴارى شەتەلدىڭ پايدالى تاجىريبەلەرىن كىشى پەيىلدىكپەن ۇيرەنسەك، ودان ونەگە الساق ٴارى ۇلتتىق ار-نامىس پەن سەنىمگە تاباندى بولىپ، زۇلىم كۇشكە سەنبەسەك، قىسىمنان جاسقانباساق بولعانى، ٴسوزسىز، جۇڭگونىڭ دامۋ، العا باسۋ تاعدىرىن باستان-اياق ٴوز قولىمىزدا مىقتاپ ۇستاي الامىز.

　　5) جۇڭگو جولىنا تاباندى بولۋ. بەتالىس جولدى، جول تاعدىردى بەلگىلەيدى. پارتيا 100 جىلدىق كۇرەس بارىسىندا باستان-اياق ەلىمىزدىڭ مەملەكەت جاعدايىن شىعار ٴتۇيىن ەتۋگە تاباندى بولىپ، جۇڭگونىڭ ٴىس جۇزىندىك جاعدايىنا ۇيلەسەتىن دۇرىس جولدى قاراستىردى جانە قالىپتاستىردى. جۇڭگوشا سوتسياليزم جولى — حالىققا تاماشا تۇرمىس جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اساتىن سارا جول. جۇڭحۋانىڭ بايتاق دالاسىندا تۇرىپ، جۇڭحۋا مادەنيەتىنە مۇراگەرلىك ەتىپ، جۇڭگونىڭ مەملەكەت جاعدايىنا ۇيلەسەتىن دۇرىس جولمەن جۇرسەك، پارتيا مەن حالىق شەكسىز كەڭ ورىسكە، تەڭدەسسىز مىعىم تاريحي نەگىزگە، ولشەۋسىز قۇدىرەتتى العا باسۋ قۋاتىنا يە بولادى. ٴبىز تەك تۇيىققا تىرەلەتىن كونە سۇردەكپەن دە جۇرمەي، باعداردان اداستىراتىن تەرىس جولعا دا تۇسپەي، جۇڭگوشا سوتسياليزم جولىنان اۋىتقىماساق بولعانى، ٴسوزسىز، ەلىمىزدى باي دا قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۋاتتى ەل ەتىپ قۇرىپ شىعا الامىز.

　　6) دۇنيەگە كەڭ پەيىل بولۋعا تاباندى بولۋ. اسقاق مۇرات بولعاندا، دۇنيە كوپكە ورتاق بولادى. پارتيا ادامزاتتىڭ بولاشاعى مەن تاعدىرىنا باستان-اياق الەمدىك كوز ايامەن نازار اۋدارىپ، ادامزات دامۋىنىڭ زور اعىمى، دۇنيە جۇزىلىك وزگەرىستىڭ ۇلى جۇلگەسى، جۇڭگونىڭ دامۋىنىڭ تارلان تاريحى تۇرعىسىنان سىرتقى دۇنيەمەن بولعان قاتىناسىن دۇرىس تانىپ جانە ٴبىر جاقتى ەتىپ، ەسىكتى اشىق ۇستاۋعا، تۇيىقتالماۋعا تاباندى بولىپ، ٴوزارا تيىمدىلىك جاساپ، تەڭ يگىلىكتەنۋگە، تەكە تىرەستىك ىستەمەۋگە تاباندى بولىپ، ادىلدىكتى جاقتاپ، تۋراشىلدىقتى دارىپتەۋگە تاباندى بولىپ، تاريحتىڭ دۇرىس جاعىندا تۇردى، ادامزاتتىڭ العا باسۋى جاعىندا تۇردى. ٴبىز تەك بەيبىت دامۋ جولىنا تاباندى بولىپ ٴارى دۇنيە ٴجۇزىنىڭ بەيبىتشىلىگىن قورعاۋ ارقىلى ٴوزىمىزدى دامىتىپ ٴارى ٴوزىمىزدى دامىتۋ ارقىلى دۇنيە ٴجۇزىنىڭ بەيبىتشىلىگىن قورعاپ، دۇنيە جۇزىندەگى بارلىق العاباسار كۇشتەرمەن قول ۇستاسا العا ىلگەرىلەپ، باسقالارعا يەك ارتپاساق، باسقالاردى تالان-تاراجىلاماساق، ماڭگى زورەكەر بولماساق بولعانى، ٴسوزسىز، ادامزات وركەنيەتىنىڭ العا باسۋىنا اقىل-پاراساتىمىز بەن كۇش-قۋاتىمىزدى ارناپ، دۇنيە جۇزىندەگى ٴار ەل حالقىمەن بىرگە، تاريحتىڭ تەگەرشىگىن نۇرلى بولاشاققا قاراي ىلگەرىلەتە الامىز.

　　7) تىڭنان جاڭالىق اشۋعا تاباندى بولۋ. جاڭالىق اشۋ — ٴبىر مەملەكەتتىڭ، ٴبىر ۇلتتىڭ دامۋىنداعى، العا باسۋىنداعى سارقىلماس قوزعاۋشى كۇش. ىستەگەن ٴىسىمىز نەعۇرلىم ۇلى بولعان سايىن، ونىڭ جاپا-ماشاقاتى مەن حاۋىپ-قاتەرى دە سولعۇرلىم كوپ بولادى، سولعۇرلىم قاجىرلىقپەن كۇرەس جاساۋعا، تىڭنان جاڭالىق اشۋعا تۋرا كەلەدى. پارتيا حالىققا باسشىلىق ەتىپ، بوگەتتەردى بۇزىپ، جان-جاقتى ىزدەنىس جاساپ، قۇلشىنا ٴورىس اشىپ، قايراتتانا العا ۇمتىلىپ، نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى جانە باسقا دا جاقتاردا جاڭالىق اشۋدى ۇزدىكسىز ىلگەرىلەتىپ، باسقالار ىستەپ كورمەگەندى الدىمەن ىستەۋگە باتىل بولىپ، بۇرىنعىلار ٴجۇرىپ كورمەگەن جولمەن ٴجۇردى، ٴارقانداي قيىنشىلىق پەن حاۋىپ-قاتەر پارتيا مەن حالىقتىڭ العا باسۋ قادامىنا بوگەت بولا المادى. ٴبىز تەك ٴداۋىر اعىمىنا سايكەسىپ، حالىقتىڭ تالابىنا جاۋاپ قايتارىپ، رەفورمانى باتىلدىقپەن ىلگەرىلەتىپ، جاڭالىقتى دۇرىس تانىپ، جاڭالىققا عىلىمي سايكەسىپ، جاڭالىققا ىرىقتىلىقپەن تالپىنىپ، قاتىپ–سەمۋدەن، توقىراپ قالۋدان ماڭگى اۋلاق بولساق بولعانى، ٴسوزسىز، تاڭداي قاقتىرارلىق ٴتىپتى دە كوپ كەرەمەتتەر جاراتا الامىز.

　　8) باتىل كۇرەس جۇرگىزۋگە تاباندى بولۋ. باتىل كۇرەس جۇرگىزۋ، جەڭىسكە جەتۋگە باتىل بولۋ — پارتيا مەن حالىقتىڭ جەڭىمپاز بولۋىنداعى قۇدىرەتتى رۋحاني كۇش. پارتيا مەن حالىق قول جەتكىزگەن بارلىق تابىستار اسپاننان تۇسكەن جوق، باسقالاردىڭ جارىلقاپ بەرگەنى ەمەس، قايتا ۇزدىكسىز كۇرەس جۇرگىزۋ ارقىلى قولعا كەلگەن. پارتيا ىشكى بىلىقپالىق پەن سىرتقى سۇعاناقتىق قاباتتاسقان ساتتە ومىرگە كەلىپ، قيىن-قىستاۋ كۇندەردى باستان كەشىرۋ بارىسىندا جەتىلىپ، قيىندىقتاردان قامال الۋ بارىسىندا تولىستى، حالىق ٴۇشىن، مەملەكەت ٴۇشىن، ۇلت ٴۇشىن، مۇرات-سەنىم ٴۇشىن، جاۋ قانداي كۇشتى، جول قانداي بۇراڭ بولسىن، سىن-سايىستار قانداي قيان-كەسكى بولسىن، پارتيا ەشقاشان تايسالمادى، استە شەگىنبەدى، قۇربان بەرۋدەن قورىقپادى، قاجىماس قايسارلىق كورسەتتى. ٴبىز تەك جاڭا ۇلى كۇرەستىڭ تاريحي ەرەكشەلىگىن يگەرىپ، تاريحي ورايدى مىقتى يگەرىپ جانە ودان ويداعىداي پايدالانىپ، ٴىستىڭ باستاماسىن جاقسى باستاپ، ىرىقتى شايقاستى ويداعىداي جۇرگىزىپ، كۇرەسكەرلىك رۋحتى ساۋلەلەندىرىپ، كۇرەسكەرلىك قابىلەتتى جوعارىلاتىپ، بۇكىل پارتيا، بۇكىل ەل حالقىنىڭ ەركى مەن كۇش-قۋاتىن ۇيىستىرساق بولعانى، ٴسوزسىز، بولجاۋعا بولاتىن جانە بولجاۋ قيىن حاۋىپ-قاتەرلەر مەن سىن-سايىستاردى جەڭە الامىز.

　　9) بىرلىكساپقا تاباندى بولۋ. ىنتىماق — كۇش. ەڭ كەڭ بىرلىكساپ قۇرۋ — پارتيانىڭ جاۋدى جەڭىپ، جەڭىسكە جەتۋىندەگى ماڭىزدى اسىل ٴارى پارتيانىڭ بيلىك جۇرگىزىپ، مەملەكەتتى كوركەيتۋىندەگى ماڭىزدى اسىل. پارتيا ۇلى ىنتىماققا، زور بىرلەسۋگە باستان-اياق تاباندى بولىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ساياسي پارتيالار قاتىناسىنىڭ، ۇلتتار قاتىناسىنىڭ، دىندەر قاتىناسىنىڭ، جىكتەر قاتىناسىنىڭ، ەل ٴىشى-سىرتىنداعى باۋىرلاستار قاتىناسىنىڭ جاراسىمدىلىعىن جەبەپ، بىرگە كۇرەس جۇرگىزەتىن كۇشتەردى مۇمكىندىكتىڭ بارىنشا ۇيىستىردى. ٴبىز تەك ۇلتتاردىڭ ۇلى ىنتىماعىن، بۇكىل ەل حالقىنىڭ ۇلى ىنتىماعىن، بۇكىل جۇڭحۋا پەرزەنتتەرىنىڭ ۇلى ىنتىماعىن ۇزدىكسىز بەكەمدەپ جانە دامىتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ەل ٴىشى-سىرتىنداعى بۇكىل جۇڭحۋا پەرزەنتتەرىنىڭ تىلەگىن ٴبىر جەرگە توعىستىرىپ، كۇشىن ٴبىر جەرگە شوعىرلاندىراتىن جالىندى جاعدايدى قالىپتاستىرساق بولعانى، ٴسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇشىن ۇيىستىرا الامىز.

　　10) وزىنە-ٴوزى توڭكەرىس جاساۋعا تاباندى بولۋ. وزىنە-ٴوزى توڭكەرىس جاساۋعا باتىل بولۋ — جۇڭگو كوممۋنيستىك پارتياسىن باسقا ساياسي پارتيالاردان پارىقتايتىن ايقىن بەلگى. وزىنە-ٴوزى توڭكەرىس جاساۋ رۋحى — پارتيانىڭ جاستىق ومىرشەڭدىك قۋاتىن ماڭگى ساقتاۋداعى قۇدىرەتتى تىرەك. العاباسار ماركسيزمدىك ساياسي پارتيا تۋا دا وسىلاي ەمەس، قايتا ۇزدىكسىز وزىنە-ٴوزى توڭكەرىس جاساۋ بارىسىندا شىڭدالىپ قالىپتاسقان. پارتيا 100 جىلدىق وزگەرىستى باستان كەشىرگەننەن كەيىن اناعۇرلىم ومىرشەڭدىك قۋاتقا يە بولدى، مۇنىڭ سىرى اقيقاتقا باستان-اياق تاباندى بولىپ، قاتەلىكتى تۇزەتىپ وتىرعانىندا. پارتيانىڭ ۇلىلىعى قاتەلىك وتكىزبەۋدە ەمەس، قايتا اۋرۋىن جاسىرماي، ۋاعىندا ەمدەلىپ، سىن جانە ٴوز-وزىنە سىن ايتۋدى بەلسەنە ورىستەتىپ، ماسەلەگە بەتپە-بەت كەلۋگە باتىل بولۋىندا، وزىنە-ٴوزى توڭكەرىس جاساۋعا باتىل بولۋىندا. ٴبىز تەك پارتيانىڭ العاباسارلىعى مەن كىرشىكسىزدىگىنە داق تۇسىرەتىن بارلىق فاكتورلاردى ۇزدىكسىز الاستاپ، پارتيانىڭ اقاۋسىز تۇلعاسىنا زالال جەتكىزەتىن ۆيروس اتاۋلىنى ۇزدىكسىز تازالاساق بولعانى، ٴسوزسىز، پارتيامىزدىڭ قاسيەتىن ماڭگى ساقتاۋعا، ٴتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتۋىمىزگە، پارتيانىڭ جاڭا داۋىردەگى جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە باستان-اياق پارمەندى باسشىلىق ۇيتقى بولۋىنا شىنايى كەپىلدىك ەتۋىمىزگە بولادى.

　　جوعارىداعى 10 جاق ۇزاق ۋاقىتتىق اماليات ارقىلى توپتالعان باعالى تاجىريبە، پارتيا مەن حالىق بىرگە جاراتقان رۋحاني بايلىق بولىپ تابىلادى، ونى، ٴسوز جوق، بارىنشا قاستەرلەۋ، وعان ۇزاق ۋاقىت تاباندى بولۋ ٴارى ونى جاڭا داۋىردەگى اماليات بارىسىندا ۇزدىكسىز بايىتۋ جانە دامىتۋ كەرەك.

　　جەتىنشى، جاڭا داۋىردەگى جۇڭگو كوممۋنيستىك پارتياسى

　　اۋەلگى ماقساتتى ۇمىتپاعاندا عانا، ٴىستىڭ سوڭى باياندى بولادى. جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ٴىسىن ٴوز مۇراتى ەتىپ، 100 جىلدىق كەمەل شاعىنا كەلدى. وتكەن 100 جىلدا پارتيا حالىققا، تاريحقا ۇزدىك جاۋاپ بەردى. قازىر، پارتيا جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋ جاڭا ەمتيحانىن تاپسىرۋ جولىنا قادام تاستادى. ٴداۋىر — ەمتيحان سۇراۋىن شىعارۋشى، ٴبىز — ەمتيحان تاپسىرۋشى، حالىق — ەمتيحان جاۋابىن تەكسەرۋشى. ٴبىز، ٴسوز جوق، ۇزدىكسىز جاقسى ناتيجە جاراتىپ، جاڭا داۋىردەگى جاڭا جورىقتا جاڭا بەينە كورسەتۋىمىز، تىڭ جۇمىستار تىندىرۋىمىز كەرەك.

　　پارتيا 19-قۇرىلتايى ەكىنشى 100 جىلدىق كۇرەس نىساناسىن جۇزەگە اسىرۋدى ەكى ساتىعا ٴبولىپ جۇرگىزۋ جونىندە ستراتەگيالىق ورنالاستىرۋ جاسادى. 2020-جىلدان 2035-جىلعا دەيىن سوتسياليستىك وسىزامانداندىرۋدى نەگىزىنەن جۇزەگە اسىرۋ، 2035-جىلدان وسى عاسىردىڭ ورتاسىنا دەيىن ەلىمىزدى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. ول كەزگە بارعاندا، ەلىمىزدىڭ ماتەريالدىق وركەنيەتى، ساياسي وركەنيەتى، رۋحاني وركەنيەتى، قوعامدىق وركەنيەتى، ەكولوگيالىق وركەنيەتى جاپپاي جوعارىلاپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ جۇزەگە اسىپ، مەملەكەتتىڭ كەشەندى قۋاتى مەن حالىقارالىق ىقپالى الدىڭعى قاتارداعى ەلگە اينالادى، جالپى حالىقتىڭ بىرگە بايۋى نەگىزىنەن جۇزەگە اسىپ، ەلىمىز حالقى اناعۇرلىم باقىتتى، الاڭسىز تۇرمىسقا كەنەلەدى، جۇڭحۋا ۇلتى اناعۇرلىم اسقاق بەينەمەن دۇنيە ٴجۇزى ۇلتتارىنىڭ قاتارىندا ەڭسە كوتەرىپ تۇراتىن بولادى.

　　بۇگىن، ٴبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ٴارقانداي كەزدەگىدەن دە اناعۇرلىم جاقىنداي تۇستىك، وعان سەنىمىمىز كامىل جانە قارىمىمىز قاپتال جەتەدى. سونىمەن بىرگە، بۇكىل پارتيا مىنانى، ٴسوز جوق، سەرگەكتىكپەن تانىپ جەتۋ كەرەك: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە قۇر ايعاي-سۇرەنمەن وڭاي-وسپاق بىتە سالاتىن شارۋا ەمەس، العا باسۋ جولىندا ٴالى دە مەجەلەۋگە بولاتىن جانە مەجەلەۋ قيىن حاۋىپ-قاتەرلەر مەن سىن-سايىستار ورىن تەۋىپ وتىر؛ مىنانى، ٴسوز جوق، سەرگەكتىكپەن تانىپ جەتۋ كەرەك: ەلىمىز ٴالى سوتسياليزمنىڭ العاشقى ساتىسىندا تۇر جانە ۇزاق ۋاقىت تۇرا بەرەدى، ەلىمىز ٴالى دۇنيە جۇزىندەگى ەڭ ٴىرى دامۋ جولىنداعى ەل، قوعامنىڭ باستى قايشىلىعى — حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق. بۇكىل پارتيا جۇڭگو كوممۋنيستىك پارتياسى دەگەن نە، نە ىستەۋى كەرەك دەگەن ٴتۇبىرلى ماسەلەنى ەستە بەرىك ساقتاپ، تاريح دامۋىنىڭ زور اۋقىمىن يگەرىپ، مۇرات-سەنىمدى بەكەمدەپ، اۋەلگى ماقسات پەن بورىشتى ەستە بەرىك ساقتاپ، باستان-اياق كىشى پەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن كۇرەس جۇرگىزىپ، ۇلى جەڭىستەن ەكپىندەي ىلگەرىلەيتىن كۇش قاۋلاتىپ، بۇراڭ جولدار مەن ساتسىزدىكتەردەن تاريحي ساباق الىپ، ٴارقانداي حاۋىپ-قاتەردەن قورىقپاي، ٴارقانداي كەدەرگىدەن جاسقانباي، ٴتۇبىرلى ماسەلەدە ويرانداۋ سيپاتتى قاتەلىك وتكىزۋگە استە جول بەرمەي، العان بەتتەن قايتپايتىن قايسارلىقپەن بەلگىلەنگەن نىسانانى كۇش سالا جۇزەگە اسىرىپ، ٴجۇز شاقىرىم جولدىڭ توقسان شاقىرىمىن باسساڭ دا جارىم جولدا ٴجۇرمىن دەپ ٴبىل دەيتىن تاباندىلىقپەن جۇڭحۋا ۇلتىنىڭ ۇلى گۇلدەنۋىن ىلگەرىلەتۋ كەرەك.

　　بۇكىل پارتيا ماركسيزم-لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا، ٴسوز جوق، تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمدىك تۇرعى، كوزقاراس، ٴادىس ارقىلى ٴداۋىردى زەرتتەپ، ٴداۋىردى يگەرىپ، داۋىرگە جەتەكشىلىك ەتىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى ۇزدىكسىز تەرەڭدەتۋ كەرەك. پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا، ٴسوز جوق، تاباندى بولىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇيە كوزقاراسىنا تاباندى بولىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىرتۇتاس ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، جوعارى ساپالى دامۋدى ىلگەرىلەتىپ، رەفورمالاۋ، ەسىك اشۋدى جاپپاي تەرەڭدەتىپ، بىرگە بايۋدى جەبەپ، عىلىم-تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى ىلگەرىلەتىپ، جالپى بارىستىق حالىق دەموكراتياسىن دامىتىپ، حالىقتىڭ وزىنە-ٴوزى قوجايىن بولۋىنا كەپىلدىك ەتۋ، مەملەكەتتى جاپپاي زاڭمەن باسقارۋعا تاباندى بولۋ، سوتسياليستىك وزەكتى قۇن جۇيەسىنە تاباندى بولۋ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋ، ادام مەن تابيعاتتىڭ جاراسىمدى قاتار ٴومىر سۇرۋىنە تاباندى بولۋ، دامۋ مەن حاۋىپسىزدىكتى ٴبىرتۇتاس جوسپارلاۋ، مەملەكەت قورعانىسى مەن ارميانى وسىزامانداندىرۋدى جەدەلدەتۋ، حالىقتى بايىتۋدى، مەملەكەتتى قۇدىرەتتەندىرۋدى، كورىكتى جۇڭگو قۇرۋدى سايكەستى ىلگەرىلەتۋ كەرەك.

　　بۇكىل پارتيا، حالىق بۇقاراسىمەن ەتەنە بايلانىستى ٴسوز جوق، ماڭگى ساقتاپ، حالىقتىق تۇرعىدا بەرىك تۇرىپ، حالىقتىڭ نەگىزگى تۇلعالىق ورنىنا تاباندى بولىپ، حالىقتىڭ ٴتول جاسامپازدىق رۋحىنا قۇرمەت ەتىپ، حالىقتى وزەك ەتكەن دامۋ يدەياسىن امالياتتا ايگىلەپ، قوعامدىق ادىلدىكتى، تۋراشىلدىقتى قورعاپ، دامۋدىڭ بىركەلكى، تولىق بولماۋى ماسەلەسى مەن حالىق بۇقاراسىنىڭ شۇعىل، قيىن، الاڭداۋلى، ٴزارۋ ماسەلەلەرىن كۇش سالا شەشىپ، ەڭ كوپ حالىقتىڭ ٴتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، تاماشا تۇرمىس جولىندا ۇزدىكسىز كۇرەس جۇرگىزۋ كەرەك.

　　بۇكىل پارتيا ۋايىم مەن تارشىلىق ادامدى ٴومىر سۇرۋگە جەتەلەيتىندىگىن، جايلى، راحات تىرشىلىك زاۋالعا قاراي يتەرمەلەيتىندىگىن، قاشان دا ۇزاق بولاشاقتى كوزدەۋ كەرەكتىگىن، امانشىلىقتا جامانشىلىقتىڭ بولارىن، ٴسوز جوق، ەستەن شىعارماي، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، پارتيانى جاپپاي قاتاڭ باسقارۋعا تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تاباندىلىقپەن ىلگەرىلەتىپ، پارتيا ٴدوپ كەلىپ وتىرعان ۇزاق ۋاقىتتىق بيلىك جۇرگىزۋ سىناعىنا، رەفورمالاۋ، ەسىك اشۋ سىناعىنا، بازار ەكونوميكاسى سىناعىنا، سىرتقى ورتا سىناعىنا باتىلدىقپەن توتەپ بەرىپ، رۋحاني بويكۇيەزدىك قاتەرىن، قابىلەت تايازدىعى قاتەرىن، بۇقارادان الشاقتاۋ قاتەرىن، كەرەناۋلىق، شىرىكتەسۋ قاتەرىن باتىل جەڭۋ كەرەك. ٴسوز جوق، قانشالىق جاپالى، قيىن بولعان سايىن سونشالىق العا ىلگەرىلەيتىن ەرلىك جىگەردى ساقتاپ، كۇرەس جۇرگىزۋگە باتىل بولىپ، كۇرەس جۇرگىزۋگە شەبەر بولىپ، تاۋ كەزىكسە جول اشىپ، سۋ كەزىكسە كوپىر سالىپ، قيىندىققا مويىمايتىن، قىسىمنان جاسقانبايتىن بولىپ، جۇڭگوشا سوتسياليزم ىستەرى كەمەسىنىڭ تولقىن جارا العا تارتىپ، العان بەتىنەن قايتپاۋىن ىلگەرىلەتۋ كەرەك.

　　پارتيا مەن حالىقتىڭ ىستەرىنىڭ دامۋى ۇرپاقتان-ۇرپاققا جالعاسقان جۇڭگو كوممۋنيستەرىنىڭ دامىلسىز كۇرەس جاساۋىن قاجەت ەتەدى، ٴىزباسارلاردى جەتىلدىرۋ سىندى ٴتۇبىرلى ۇلى جوسپاردى، ٴسوز جوق، ويداعىداي يگەرۋ كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىمەن ادام تاربيەلەۋگە تاباندى بولىپ، پارتيانىڭ مۇرات-سەنىمى ارقىلى ادام توپتاپ، سوتسياليستىك وزەكتى قۇن كوزقاراسى ارقىلى ادام باۋلىپ، جۇڭحۋا ۇلتىنىڭ ۇلى گۇلدەنۋى سىندى تاريحي بورىش ارقىلى ادامدى ىنتالاندىرىپ، ٴداۋىردىڭ اۋىر جۇگىن ارقالاي الاتىن زور توپتاعى ٴىزباسارلاردى باۋلۋ، جەتىلدىرۋ كەرەك. ٴمورالدى دا قابىلەتتى، ادال، كىرشىكسىز، جاۋاپكەرشىلىك ارقالايتىن، جوعارى ساپالى، ماماندانعان كادرلاردى، اسىرەسە، تاڭداۋلى جاس كادرلاردى توقتاۋسىز جەتىلدىرىپ، تاڭداپ ٴوسىرىپ، بارشا پارتيا مۇشەلەرىن، كادرلاردى سانالى تۇردە شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ كامىل سەنۋشىسى جانە ادال ىسكە اسىرۋشىسى بولۋعا تاربيەلەپ جانە جەتەكتەپ، قۇر ٴسوز ەلدى توزدىرار، ىسكەرلىك ەلدى وزدىرار دەگەن قاعيدانى ەستە بەرىك ساقتاپ، حالىقتىڭ ٴۇمىتىن اقتاپ، وتباسىنا، وتانعا سۇيىسپەنشىلىك تىكتەپ، اسقاق يدەيالىق ورىسكە تالپىنىپ، جەتىلگەن جاۋاپكەرشىلىك ارقالاۋ قابىلەتىن كۇشەيتۋ كەرەك. ٴار جاقتاعى العاباسارلاردى، اسىرەسە، تاڭداۋلى جاستاردى توقتاۋسىز پارتيا ىشىنە قابىلداپ، جاس پارتيا مۇشەلەرىن قاشاندا پارتيانىڭ تۋىن تۋ، پارتيانىڭ بەتالىسىن بەتالىس ەتىپ، پارتيانىڭ ەركىن ەركى ەتۋگە تاربيەلەپ جانە جەتەكتەپ، پارتيانىڭ توڭكەرىستىك رۋحىن ۇزدىكسىز جالعاستىرىپ، پارتيانىڭ تاڭداۋلى ٴداستۇرىن ساۋلەلەندىرىپ، كۇرەس بارىسىندا بوران-شاشىندى باستان وتكەرىپ، ىستىق-سۋىقتى باستان كەشىرىپ، تولىسا شىمىرلانىپ، قابىلەتىن ارتتىرۋ كەرەك. وتانشىل، ۇلەس قوسۋعا پەيىلدى، جاڭالىق اشۋعا باتىل تاڭداۋلى دارىندىلاردى توقتاۋسىز، باۋلىپ، جەتىلدىرىپ، دارىندىلاردى شىنايى ايالاپ، دارىندىلاردى دەن قويا باۋلىپ، دارىندىلاردى زەر سالا ىستەتىپ، ٴار جاقتاعى تاڭداۋلى دارىندىلاردى پارتيا مەن حالىقتىڭ ۇلى كۇرەسىنە شوعىرلاندىرۋ كەرەك.

　　پارتيا ورتالىق كوميتەتى مىناعان ۇندەدى: بۇكىل پارتيا، بۇكىل ارميا، بۇكىل ەلدەگى ٴار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن زور كۇشپەن ساۋلەلەندىرىپ، كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىنداپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي-تالماي كۇرەس جۇرگىزۋ كەرەك. وتكەن 100 جىلدا ۇلى جەڭىسكە جانە داڭققا قول جەتكىزگەن جۇڭگو كوممۋنيستىك پارتياسى مەن جۇڭگو حالقىنىڭ، ٴسوز جوق، جاڭا داۋىردەگى جاڭا جورىقتا اناعۇرلىم ۇلى جەڭىسكە جانە داڭققا قول جەتكىزە الاتىندىعىنا كامىل سەنەمىز!