− پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
ماركسيزم ءبىزدىڭ پارتيا قۇرۋىمىزدىڭ، مەملەكەت قۇرۋىمىزدىڭ، پارتيانى كوركەيتىپ، مەملەكەتتى قۇدىرەتتەندىرۋىمىزدىڭ ءتۇبىرلى جەتەكشى يدەياسى، پارتيامىزدىڭ جانى جانە تۋى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، ماركسيزمنىڭ جۇڭگوشالانۋىن ۇزدىكسىز ىلگەرىلەتكەن 100 جىلدىق بارىسىن ىشكەرىلەي زەرتتەپ، پارتيانىڭ 100 جىلدىق كۇرەسىنىڭ ماركسيزمنىڭ قۇدىرەتتى ومىرشەڭدىگىن ايگىلەگەندىگىن تەرەڭ اشىپ كورسەتىپ، ”نازاريادا جاڭالىق اشۋعا تاباندى بولۋدى“ پارتيانىڭ 100 جىلدىق كۇرەسىندەگى 10 ءتۇرلى تاريحي تاجىريبەنىڭ ءبىرى ەتىپ جيناقتادى، بۇكىل پارتيادا جاڭا داۋىردەگى پارتيانىڭ جاسامپاز نازارياسىن ءتۇسىنۋدى جانە يگەرۋدى تەرەڭدەتۋدە كەلەلى جەتەكشىلىك ماڭىزعا يە، ءسوز جوق، تەرەڭ ىقپال تۋدىرادى.
نازاريانىڭ ومىرشەڭدىگى جاڭالىق اشۋدا. ماركسيزم جۇڭگونى تەرەڭ وزگەرتتى، جۇڭگو دا ماركسيزمدى وراسان زور بايىتتى. پارتيانىڭ حالىققا باسشىلىق ەتىپ قايتا - قايتا ىزدەنۋ، قايتا - قايتا ساتسىزدىككە ۇشىراۋ، قايتا - قايتا ءورىس اشۋ بارىسىندا جۇڭگونىڭ باسقا ءار ءتۇرلى ساياسي كۇشتەرىنىڭ ورىنداۋى مۇمكىن ەمەس جاپالى مىندەتتى ورىنداي الۋى، تۇبىرىنەن العاندا، يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ ناقتى ىستەر ىستەۋگە تاباندى بولىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، امالياتتىڭ اقيقاتتى سىننان وتكىزۋدەگى بىردەن - ءبىر ولشەم ەكەندىگىنە تاباندى بولىپ، بارىندە ءىس جۇزىندىكتى نەگىزگە الۋعا تاباندى بولىپ، ءداۋىردىڭ سۇراۋىنا، حالىقتىڭ سۇراۋىنا دەر كەزىندە جاۋاپ قايتارىپ، ماركسيزمنىڭ جۇڭگوشالانۋىن، داۋىرلەنۋىن ۇزدىكسىز ىلگەرىلەتىپ، ماركسيزمنىڭ جۇڭگوشالانعان عىلمي نازارياسى ارقىلى ۇلى امالياتقا جەتەكشىلىك ەتكەندىگىنەن بولىپ تابىلادى. جاڭا دەموكراتيالىق توڭكەرىس كەزەڭىندە پارتيامىز ماۋ زىدۇڭ يدەياسىن ورناتتى، بۇل ماركسيزمنىڭ جۇڭگوشالانۋىنداعى ءبىرىنشى رەتكى تاريحي سەكىرۋ. رەفورما جاساۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جاڭا كەزەڭىندە پارتيامىز دىڭ شياۋپيڭ نازارياسىن ورناتتى، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن قالىپتاستىردى، جۇڭگوشا سوتسياليزم نازاريا جۇيەسىن قالىپتاستىرىپ، ماركسيزمنىڭ جۇڭگوشالانۋىنداعى تىڭ سەكىرۋدى جۇزەگە اسىردى. جۇڭگوشا سوتسياليزم جاڭا داۋىرىندە پارتيامىز شي جينپيڭ جاڭا ءداۋىر جۇڭگوشا سوتسياليزم يدەياسىن ورناتىپ، ماركسيزمنىڭ جۇڭگوشالانۋىنداعى تىڭ سەكىرۋدى جۇزەگە اسىردى. پارتيامىزدىڭ تاريحى ماركسيزمنىڭ جۇڭگوشالانۋىن ۇزدىكسىز ىلگەرىلەتۋ تاريحى، نازاريادا جاڭالىق اشۋدى، نازاريالىق جاسامپازدىق جاساۋدى ۇزدىكسىز ىلگەرىلەتۋ تاريحى. اماليات ماركسيزمنىڭ دۇنيەنى تانۋداعى، دۇنيەنى وزگەرتۋدەگى عىلمي اقيقات ەكەندىگىن، ماركسيزمنىڭ عىلميلىعى مەن اقيقاتتىعىنىڭ جۇڭگودا تولىق سىننان وتكەندىگىن، ماركسيزمنىڭ حالىقتىق سيپاتى مەن امالياتتىق سيپاتىنىڭ جۇڭگودا تولىق دايەكتىلەندىرىلگەندىگىن، ماركسيزمنىڭ اشىقتىق سيپاتى مەن داۋىرلىك سيپاتىنىڭ جۇڭگودا تولىق ايگىلەنگەندىگىن تولىق دالەلدەدى.
پارتيا 18 - قۇرىلتايىنان بەرى جۇڭگوشا سوتسياليزم جاڭا داۋىرگە ءوتتى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ يگەرىپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك بورىشپەن ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى. باس شۋجي شي جينپيڭ جاڭا داۋىردەگى پارتيا مەن مەملەكەت ىستەرىنىڭ دامۋىنا قاتىستى ءبىر قىدىرۋ كەلەلى نازاريالىق جانە امالياتتىق ماسەلەلەرگە تەرەڭ وي جۇگىرتىپ جانە عىلمي تۇجىرىم جاساپ، جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ، قانداي سوتسياليستىك وسىزاماندانعان قۇدىرەتتى مەملەكەت قۇرۋ، سوتسياليستىك وسىزاماندانعان قۇدىرەتتى مەملەكەتتى قالاي قۇرۋ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سياقتى كەلەلى داۋىرلىك تاقىرىپتار جونىندە ءتول جاسامپازدىق سيپاتقا يە ءبىر قىدىرۋ ەل باسقارۋ جاڭا ۇستانىمدارىن، جاڭا يدەيالارىن، جاڭا ستراتەگيالارىن العا قويدى، ول شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى ورناتۋشىسى. جالپى ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» پارتيا 19 - قۇرىلتايى بايانداماسىنداعى ”سەگىزدى ايقىنداۋ“ نەگىزىندە، ”وندى ايقىنداۋ“ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وزەكتى مازمۇنى جونىندە ىشكەرىلەي قورىتىندى جاسادى. «قارار» تاعى 13 جاقتان جاڭا داۋىردە پارتيانىڭ حالىققا باسشىلىق ەتىپ قول جەتكىزگەن وراسان زور تابىستارىن سالا بويىنشا قورىتىندىلادى، سونداي - اق ونداعى ءتول جاسامپازدىق سيپاتقا يە ۇستانىمدار مەن يدەيالاردى ءتۇيىندى قورىتىندىلادى. وسى ستراتەگيالىق يدەيالار مەن جاسامپاز ۇستانىمدار پارتيانىڭ جۇڭگوشا سوتسياليزم قۇرىلىسى قاعيدالارىنا بولعان تانىمدى تەرەڭدەتۋ مەن نازاريالىق جاڭالىق اشۋداعى كەلەلى جەتىستىگى. اماليات مىنانى تولىق دالەلدەدى: شي جينپيڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى. پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋ جونىنەن شەشۋشى ماڭىزعا يە.
امالياتتىڭ شەگى بولمايدى، نازاريادا جاڭالىق اشۋدىڭ دا شەگى بولمايدى. ءبىز تىڭ امالياتپەن ۇشتاستىرىپ نازاريادا جاڭالىق اشۋدى ۇزدىكسىز ىلگەرىلەتىپ، تىڭ نازاريا ارقىلى تىڭ امالياتقا شەبەرلىكپەن جەتەكشىلىك ەتسەك بولعانى، ءسوز جوق، ماركسيزمنىڭ جۇڭگونىڭ بايتاق دالاسىندا اناعۇرلىم قۇدىرەتتى، اناعۇرلىم يلاندىرۋ قۋاتىنا يە اقيقات كۇشىن ايگىلەۋىنە مۇمكىندىك جاساي الامىز. العا باسۋ جولىندا ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جالپى بەتتىك دايەكتىلەندىرىپ، ماركسيزمدىك تۇرعى، كوزقاراس، ءادىس ارقىلى ءداۋىردى زەردەلەپ، ءداۋىردى يگەرىپ، داۋىرگە جەتەكشىلىك ەتىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى ۇزدىكسىز تەرەڭدەتىپ، پارتيانىڭ جاسامپاز نازارياسىنىڭ ەڭ جاڭا جەتىستىكتەرى ارقىلى وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە مىزعىماستان تاباندى بولىپ، ماركسيزم اقيقاتىنىڭ نۇر شۇعىلاسىمەن العا باسۋ جولىمىزدى نۇرلاندىرىپ، حالىقتى ىنتىماقتاستىرىپ جانە باستاپ، بارلىق ماشاقات - قيىندىق، قاتەر - بوگەتتەردى جەڭىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا تىڭ دا اناعۇرلىم زور كەرەمەتتەر جاراتۋىمىز كەرەك!
(شينحۋا اگەنتتىگىنىڭ 11 - ايدىڭ 15 - كۇنى بەيجيڭنەن بەرگەن حابارى)
