− رايونىمىزدىڭ جەر - جەرىندەگى نەگىزگى ساتىداعى پارتيا مۇشەلەرى، كادرلار، بۇقارا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن قىزۋ تالقىلادى
انار بۇلت / شينجياڭ گازەتىنىڭ تىلشىلەرى
بىرنەشە كۇننەن بەرى رايونىمىزدىڭ جەر - جەرىندەگى نەگىزگى ساتىداعى پارتيا مۇشەلەرى، كادرلار، بۇقارا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەندى. كوپشىلىك ءبىر اۋىزدان مىنالاردى ءبىلدىردى: جالپى ءماجىلىس رۋحىن ۇيرەنۋدى، دايەكتىلەندىرۋدى قوزعاۋشى كۇش ەتىپ، پارتيانىڭ شۇعىلالى تاريحىنان قايراتتانا ەكپىندەي ىلگەرىلەيتىن رۋحاني كۇش قابىلداپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاڭا ەمتيحان تاپسىرۋ جولىندا ءتىپتى دە ۇزدىك جاۋاپناما تاپسىرۋعا قۇلشىنىپ، جاڭا ءداۋىردىڭ جاڭا جورىعىندا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن كۇش سالا ويداعىداي جازامىز.
پارتيانىڭ 100 جىلدىق تاريحىنان اقىل - پاراسات جانە كۇش - قۋات الدى
”پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» تاريحتى قورىتىندىلاپ، قازىرگى كەزدى مەڭگەرىپ، بولاشاققا كوز جىبەردى“. شايار اۋدانى تويبولدى قالاشىعى پارتكومىنىڭ شۋجيى يان يان بىلاي دەدى: ءبىز جالپى ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ شۇعىلالى تاريحىنان قايراتتانا ەكپىندەي ىلگەرىلەيتىن رۋحاني كۇش قابىلداپ، پارتيانىڭ تابىستى تاجىريبەلەرىن اناعۇرلىم سانالىلىقپەن جالعاستىرىپ، ويداعىداي ساۋلەلەندىرىپ، قايراتتانا ىسكەرلىك كورسەتۋ بارىسىندا اۋەلگى ماقساتتى، بورىشتى امالياتتا ايگىلەپ، اناعۇرلىم اسقاق بەينەمەن، اناعۇرلىم تاسقىنداعان ىنتامەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتىلاندىرامىز، تياناقتاندىرامىز.
”100 جىلدىق ساپارعا قايىرىلا قاراعاندا، تەرەڭ شابىت الىپ، ەرەكشە جىگەرلەنەمىز“. بۋرىلتوعاي اۋدانى قاراماعاي قالاشىعى پارتكومىنىڭ ورىنباسار شۋجيى، قالاشىق باستىعى سەرىكبول بازىحان بىلاي دەدى: ”اۋەلگى ماقساتتى ۇمىتپايتىن“ تاسقىنداعان ىنتامەن ”ءىستى باياندى ىستەيتىن“ جاۋاپكەرشىلىك، ىسكەرلىك كورسەتىپ، قاراماعاي قالاشىعىنىڭ ءىس جۇزىندىگىمەن بىرلەستىرە وتىرىپ، نەگىزگى ساتى پارتيا قۇرىلىسىن ناقتى يگەرۋ، شىنايى يگەرۋ، كاسىپ سالاسىن دامىتۋدى زورايتۋ، كۇشەيتۋ، اۋىل - قىستاقتى گۇلدەندىرۋدى ىلگەرىلەتۋ جاعىندا الدا جۇرۋگە، نەگىزگى كۇش بولۋعا قۇلشىنىپ، قىزمەت مىندەتىن وتەپ، جاۋاپكەرشىلىكتى ادا ەتە وتىرىپ بۇقارا ءۇشىن قىزمەت وتەپ، اناعۇرلىم كوپ بۇقارانى كاسىپ سالاسى دامۋىنىڭ پايداسىنان يگىلىكتەندىرەمىز.
”الاقات كاسىپ سالاسىن دامىتۋ ارقىلى قىستاق تۇرعىندارىمىزدىڭ قالتاسى بارعان سايىن قامپايدى“. جىڭ اۋدانى تولى قالاشىعى ەلسىناكىن قىستاعىنداعى الاقات ەگۋشى يۇي فيحۋ قۋانا بىلاي دەدى: بۇدان كەيىن باس شۋجيدىڭ ىقىلاستى تاپسىرماسىن ەستە بەرىك ساقتاپ، قازىرگى باقىتتى تۇرمىستى قاستەرلەپ، الاقات ەگىمشىلىگى تەحنيكاسىن جوعارىلاتىپ، قىستاقتىڭ الاقات ماركاسىن تۇلعالاۋىنا كۇش - قۋاتىمدى ارنايمىن.
العان بەتىنەن قايتپايتىن قاجىرلىلىقپەن توقتاۋسىز كۇرەس جۇرگىزدى
”جالپى ءماجىلىس العان بەتتەن قايتپايتىن قايسارلىقپەن بەلگىلەنگەن نىسانانى كۇش سالا جۇزەگە اسىرىپ، ءجۇز شاقىرىم جولدىڭ توقسان شاقىرىمىن باسساڭ دا جارىم جولدا ءجۇرمىن دەپ ءبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋ كەرەكتىگىن ورتاعا قويدى“. جەمسارى اۋداندىق پارتكومنىڭ شۋجيى پان سۋحۋا مىنالاردى ءبىلدىردى: جەمسارى اۋدانى جالپى ءماجىلىس رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە الداعى ءبىر مەزگىلدەگى كەلەلى ساياسي مىندەت ەتىپ، باس نىسانانى مىقتاپ يگەرىپ، قوعام ورنىقتىلىعىن قورعاۋ، جوعارى ساپالى دامۋ، اۋىل - قىستاقتى گۇلدەندىرۋ، حالىق تۇرمىسىن جاقسارتۋ، پارتيا قۇرىلىسى سياقتى قىزمەتتەردى قۇلشىنا ويداعىداي يگەرىپ، بيىلعى نىسانا - مىندەتتەردى تولىق ورىنداۋعا شىنايى كەپىلدىك ەتىپ، كەلەر جىلعى قىزمەتتەردى عىلمي، ويداعىداي جوسپارلايدى.
”جالپى ءماجىلىس مىنانى باسا دارىپتەدى: بۇكىل پارتيا حالىق بۇقاراسىمەن ەتەنە بايلانىسىن،ءسوز جوق، ماڭگى ساقتاپ، حالىقتى وزەك ەتكەن دامۋ يدەياسىن امالياتتا ايگىلەپ، ەڭ كوپ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تاماشا تۇرمىس جولىندا ۇزدىكسىز كۇرەس جۇرگىزۋ كەرەك“. شاعانتوعاي اۋدانى جاڭاجەر اۋىلدىق پارتكومنىڭ شۋجيى دوۋ چياڭ بىلاي دەدى: جالپى ءماجىلىس رۋحىن باتىل دايەكتىلەندىرىپ، تياناقتاندىرىپ، حالىقتى باقىتقا كەنەلتۋ، ۇلتتىڭ گۇلدەنۋىن جۇزەگە اسىرۋ اۋەلگى ماقسات، بورىشقا باستان - اياق تاباندى بولىپ، بۇقارانىڭ ءاربىر ءىسىن دەن قويا، كۇش سالا ىستەپ، تۇتاس اۋىلداعى ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىق، اناعۇرلىم قامتاماسىز، اناعۇرلىم باياندى ەتۋگە مۇمكىندىك جاسايمىز.
”جالپى ءماجىلىس رۋحىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ءىس جۇزىندىك قىزمەت بارىسىندا تياناقتاندىرامىز“. يىڭسار اۋدانى سيتلا اۋىلى قالجاق قىستاعى پارتيا ياچەيكاسىنىڭ شۋجيى امينام روزى مىنالاردى ءبىلدىردى: بار ىنتا - پەيىلىمەن الدا ءجۇرىپ جۇمىس ىستەپ، قالجاق قىستاعىنداعى بۇقارانى باستاپ ەگىنشىلىك وڭىرىندە باعىمشىلىق كاسىبىن دامىتىپ، كوكونىس كاسىپ سالاسى كولەمىن كەڭەيتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ناقتى، ويداعىداي يگەرىپ، قىستاق تۇرعىندارىن كورىكتى مەكەندى قۇرۋعا قاجىماي - تالماي باستايمىز.
جاڭا ەمتيحان تاپسىرۋ جولىندا باتىلدىقپەن العا ىلگەرىلەپ، ۇزدىكسىز كۇرەس جاسادى
”جاڭا ەمتيحان تاپسىرۋ جولىندا تەك قيىنشىلىقتاردان قامال الىپ، قاجىماي - تالماي كۇرەس جاساعاندا عانا، پارتيا مەن حالىقتىڭ بىزدەن كۇتكەن شىنايى ءۇمىتىن اقتاي الامىز“. قاراقاش اۋدانى ماڭلاي اۋىلى شىنارباق قىستاعى پارتيا ياچەيكاسىنىڭ شۋجيى ەرشات ناسىر بىلاي دەدى: كەدەيلىكتەن ارىلتىپ، كەدەيلىك قالپاعىن الۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. بۇدان كەيىنگى قىزمەت بارىسىندا قىستاق تۇرعىندارىن كوپ ءتولدى قوي باعىمشىلىعىن دامىتۋعا جالعاستى جەتەكشىلىك ەتىپ، جىگەرلەندىرىپ، قورانى جاڭالاۋ، تەحنيكالىق باۋلۋ، جەم - ءشوپتى ارالاستىرۋ، عىلمي باسقارۋ سياقتى قىزمەتتەردى ويداعىداي ىستەپ، تەك ءبىر تۇردەن جان باسىندىق جىلدىق كىرىستى 3000 يۋان ارتتىرۋعا كۇش سالامىز؛ جۇمىستاندىرۋ ارناسىن ۇزدىكسىز كەڭەيتىپ، بۇقارانى ۇزدىكسىز كىرىستى ارتتىرىپ، اۋقاتتانۋعا باستاپ، اۋىل شارۋاشىلىق قۋاتتى، اۋىل - قىستاق كورىكتى، شارۋالار باي كوركەم بولاشاق جاراتۋعا قۇلشىنامىز.
”ءجۇز جىلدىق كەمەل شاعىنا كەلدى! پارتيانىڭ كۇرەس جاساۋ تاريحى مەن ۇلى تابىستارى كۇرەس جىگەرىمىزگە دەم بەرىپ، جول نۇسقايدى. ءبىرىنشى شۋجي رەتىندە، مەن جاۋاپكەرشىلىكتىڭ اۋىر، بورىشتىڭ داڭقتى ەكەنىن تەرەڭ سەزىندىم!“. كۇنەس اۋدانى تۇرعىن ءۇي جانە قالا، اۋىل قۇرىلىس مەكەمەسىنەن زەكتى قالاشىعى اقشي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي چىن پيڭ بىلاي دەدى: سوڭعى 2 جىلدان بەرى اقشي قىستاعى جەردى اينالىمعا سالۋ ارقىلى قىستاق كوللەكتيۆىنىڭ جىلدىق كىرىسى ۇزدىكسىز ارتتى. جاڭا ەمتيحان تاپسىرۋ جولىندا داڭقتى ءداستۇردى جالعاستىرىپ، قىزىل قان تامىردى جالعاپ، بيىل جاڭادان تۇلعالاعان ”پارتيا تاريحى 100 مەترلىك كاريدور“ كورمە داۋالىنان ويداعىداي پايدالانىپ، پارتيا تاريحىن ۇيرەنۋ تاربيەسىن تەرەڭدەتىپ، جاڭا داۋىردەگى بۇقارالىق قىزمەتتى ويداعىداي ىستەپ، اناعۇرلىم اسقاق كۇيمەن جاڭا داۋىرگە ۇلەس قوسامىز.
”بۇرىن قيىرشىق تاس شاشىلىپ، قۇم قيىرشىعى جەلمەن بىرگە ۇيتقىپ تۇراتىن جەر قازىر جاسىل جەلەك جامىلىپ، جەمىس - جيدەك بۇتاق باستارىن ءيىپ تۇر، قىستاق قۇرعان 5100 مۋ جەمىس ورمان بازاسى قىستاق تۇرعىندارىمىزدىڭ اۋقاتتانۋداعى ’قۇتتى الابىنا‘ اينالدى. وسىنىڭ بارلىعى پارتيانىڭ پارمەندى باسشىلىعىنىڭ ارقاسى“. اقتاۋ اۋدانى ءپىلال اۋىلى يەيىلعان قىستاعىنىڭ تۇرعىنى ۇسەن ايسا بىلاي دەدى: بيىل 9 - ايدا قىستاق تۇرعىندارعا 500 مىڭ يۋاننان ارتىق پايدا ءبولدى، مەن 8000 يۋان الدىم. بۇدان كەيىن مەن بىلەكتى سىبانىپ تاستاپ قايراتتانا ىستەپ، قوس قولىما سۇيەنىپ ءتىپتى دە باقىتتى تۇرمىس جاراتامىن.
(ءتىلشى ءپاريزات ابدۇل، قاتىناسقان تىلشىلەر جاڭ جىلي، جاڭ تيڭ، سۇڭ يا - ۋىن، گى يوۋجۇن، ءرايدا، حان چين - يان، ءجازيرا نەسىپبەك، سۇڭ ۋيگو، ەرىكتى ءتىلشى چىڭ حاۋيۇي)
