«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ماركسيزممەن جانە ونىڭ جۇڭگوشالانعان جاسامپاز نازارياسىمەن بۇكىل پارتيانى قارۋلاندىرۋعا تاباندى بولۋ كەرەك
شينحۋا اگەنتتىگىنىڭ 11 - ايدىڭ 15 - كۇنى بەيجيڭنەن بەرگەن حابارى. 11 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 22 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ماركسيزممەن جانە ونىڭ جۇڭگوشالانعان جاسامپاز نازارياسىمەن بۇكىل پارتيانى قارۋلاندىرۋعا تاباندى بولۋ كەرەك» اتتى ماڭىزدى ماقالاسى جاريالانادى.
ماقالادا مىنالار باسا دارىپتەلدى: ماركسيزم ادامزات قوعامىنىڭ دامۋ زاڭدىلىعىن عىلمي ۇعىندىردى، ادامزاتتىڭ ءوز ازاتتىعىن ىزدەۋ جولىن ايقىن كورسەتتى، ادامزات وركەنيەتىنىڭ اياق الىسىن ىلگەرىلەتتى. ماركسيزم ءبىزدىڭ پارتيا قۇرۋىمىزداعى، مەملەكەت قۇرۋىمىزداعى ءتۇبىرلى جەتەكشى يدەيا، پارتيامىزدىڭ جانى جانە تۋى. جۇڭگو كوممۋنيستىك پارتياسى قۇرىلعان كۇننەن باستاپ ماركسيزمدى ءوزىنىڭ تۋىنا ايشىقتاپ جازدى. پارتيامىز باسىپ وتكەن جولىندا مەيلى ءتيىمدى جاعدايدا، الدە ءتيىمسىز جاعدايدا تۇرسا دا ماركسيزمگە دەگەن بەرىك سەنىمنەن ەجەلدەن اۋىتقىمادى. جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نە ءۇشىن جاقسى بولۋى، سايىپ كەلگەندە، ماركسيزمنىڭ جارامدى بولۋىندا! ماركسيزمدى جەتەكشى ەتۋگە تاباندى بولۋ سىندى وسى ءتۇبىرلى ماسەلەدە ءبىز، ءسوز جوق، بۇلجىماۋىمىز، ءارقانداي كەزدە، ءارقانداي جاعدايدا اۋىتقىماۋىمىز كەرەك.
ماقالادا مىنالار اتاپ كورسەتىلدى: پارتيامىزدىڭ تاريحى ماركسيزمنىڭ جۇڭگوشالانۋىن ىلگەرىلەتۋ، ماركسيزمدى ۇزدىكسىز بايىتۋ جانە دامىتۋ تاريحى ءارى ماركسيزم نازارياسىن قولدانىپ جۇڭگونى تانۋ جانە وزگەرتۋ تاريحى بولدى. 100 جىلدان بەرى پارتيامىز ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋعا تاباندى بولىپ، ماۋ زىدۇڭ يدەياسىن، دىڭ شياۋپيڭ نازارياسىن ورناتىپ، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسن قالىپتاستىرىپ، جاڭا داۋىردەگى جۇڭگوشا سوتسياليزم يدەياسىن ورناتىپ، پارتيا مەن حالىق ىستەرىندە ۇزدىكسىز جاڭا جاعداي اشۋعا جەتەكشىلىك ەتتى. نازاريانىڭ ومىرشەڭدىك كۇشى ۇزدىكسىز جاڭالىق اشۋدان كەلەدى، ماركسيزمنىڭ ۇزدىكسىز دامۋىن ىلگەرىلەتۋ جۇڭگو كوممۋنيستەرىنىڭ قاسيەتتى قىزمەت جاۋاپكەرشىلىگى. ءبىز ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى، ءداستۇرلى مادەنيەتىمەن ۇشتاستىرۋعا تاباندى بولىپ، ماركسيزم ارقىلى ءداۋىردى زەردەلەپ، ءداۋىردى يگەرىپ، داۋىرگە جەتەكشىلىك ەتىپ، زامانىمىزداعى جۇڭگو ماركسيزمىن، 21 - عاسىر ماركسيزمىن ۇزدىكسىز دامىتۋىمىز كەرەك!
ماقالادا مىنالار اتاپ كورسەتىلدى: نازاريالىق جاسامپازدىق ءبىر قادام العا ىلگەرىلەسە، نازاريامەن قارۋلانۋدا ءبىر قادام العا باسادى. نازاريالىق جەتىلىم كادرلاردىڭ جالپىلىق ساپاسىنىڭ وزەگى، نازاريالىق جاقتاعى تولىسۋ ساياسي جاقتا تولىسۋدىڭ نەگىزى، ساياسي جاقتاعى تاباندىلىق نازاريالىق جاقتاعى سەرگەكتىكتەن كەلەدى. بەلگىلى ماعىنادان العاندا، ماركسيزم نازارياسىن يگەرۋدەگى تەرەڭدىك ساياسي سەزىمتالدىق ورەنى، وي - ءورىستىڭ، كوز ايانىڭ كەڭدىگىن، يدەيالىق ورەنىڭ بيىكتىگىن بەلگىلەيدى. باسشى كادرلار، اسىرەسە، جوعارى دارەجەلى باسشى كادرلار ماركسيزمنىڭ نەگىزگى نازارياسىن جۇيەلى يگەرۋدى ەرەن ونەر ساناۋ كەرەك.
