تيانشان تورى   ›   جاڭالىقتار   ›   ەل ءىشى حابارى

«شي جينپيڭنىڭ زاڭمەن جونگە سالۋ يدەياسىن ۇيرەنۋ باعدارلاماسى» باسپادان شىعىپ تاراتىلدى

  شينحۋا اگەنتتىگىنىڭ 11 - ايدىڭ 16 - كۇنى بەيجيڭنەن بەرگەن حابارى. شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەنۋ، دايەكتىلەندىرۋ ءۇشىن، ورتالىق كوميتەت ۇگىت ءبولىمى، ورتالىقتىڭ مەملەكەتتى زاڭمەن جونگە سالۋ كەڭسەسى «شي جينپيڭنىڭ زاڭمەن جونگە سالۋ يدەياسىن ۇيرەنۋ باعدارلاماسى» (تومەندە قىسقاشا «باعدارلاما» دەلىنەدى) كىتابىن ۇيىمداستىرىپ قۇراستىردى، حالىق باسپاسى، ۇيرەنۋ باسپاسى بىرلەسىپ باسپادان شىعاردى، سول كۇننەن باستاپ بۇكىل ەلدە تاراتىلدى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليزمگە تاباندى بولۋ جانە ونى دامىتۋ سىندى جالپى جاعدايلىق، ستراتەگيالىق تۇرعىدان زاڭمەن جونگە سالۋدى تۇراقتاندىرىپ، زاڭمەن جونگە سالۋدى ورنالاستىرىپ، زاڭمەن جونگە سالۋدى بۇلجىتپاي اتقارىپ، مەملەكەتتى جاپپاي زاڭمەن جونگە سالۋدىڭ ءبىر قىدىرۋ جاڭا ۇستانىمىن، جاڭا يدەياسىن، جاڭا ستراتەگياسىن جاسامپازدىقپەن العا قويىپ، شي جينپيڭنىڭ زاڭمەن جونگە سالۋ يدەياسىن قالىپتاستىردى. شي جينپيڭنىڭ زاڭمەن جونگە سالۋ يدەياسىنىڭ مازمۇنى باي، بايىمداۋى تەرەڭ، لوگيكاسى شىمىر، جۇيەسى كەمەلدى، تاريح پەن رەالدىقتى ساباقتاستىرۋ، حالىقارا مەن ەل ءىشىن بايلانىستىرۋ، نازاريا مەن امالياتتى ۇشتاستىرۋ جاعىندا جاڭا داۋىردە نەلىكتەن مەملەكەتتى جاپپاي زاڭمەن جونگە سالۋ كەرەك، مەملەكەتتى جاپپاي زاڭمەن جونگە سالۋدى قالاي جۇرگىزۋ كەرەك دەگەن سياقتى ءبىر قىدىرۋ كەلەلى ماسەلەلەرگە تەرەڭدەي جاۋاپ بەردى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءداۋىر تالابىنا ۇيلەسە تۋىنداعان كەلەلى نازاريالىق جاسامپازدىق، جەتىستىك، ماركسيزمدىك زاڭمەن جونگە سالۋ نازارياسىن جۇڭگوشالاندىرۋدىڭ ەڭ جاڭا جەتىستىگى، جۇڭگوشا سوتسياليستىك زاڭمەن جونگە سالۋ نازارياسىنىڭ كەلەلى جاسامپازدىعى، دامۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، جاڭا داۋىردەگى مەملەكەتتى جاپپاي زاڭمەن جونگە سالۋدىڭ ءتۇبىرلى بويسۇنۋ ولشەمى جانە ارەكەت باعدارناماسى.

  «باعدارلاما» جالپى 13 تاراۋ، 49 مازمۇن، 128 تارماق، 70 مىڭ ارىپتەن اسادى. جالپى كىتاپ شي جينپيڭنىڭ زاڭمەن جونگە سالۋ يدەياسىنىڭ ماڭىزدى ءمانىن، باي مازمۇنىن، وزەكتى ءتۇيىنىن، رۋحاني ماندىك سيپاتىن، امالياتتىق تالابىن جۇيەلى بايانداپ جانە ءتۇسىندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ زاڭمەن جونگە سالۋ سالاسىنداعى ءتول جاسامپازدىق ۇلەسىن جالپى بەتتىك اڭىس ەتتى. «باعدارلامانىڭ» مازمۇنى باي، قۇرىلىمى شىمىر، اۋەلگى ماتىنگە، ءتۇپ نۇسقاعا ادال بولعان، جازۋ ستيلى جاندى دا قاراپايىم. قالىڭ كادر - بۇقارانىڭ شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەنۋدەگى، دايەكتىلەندىرۋدەگى ماڭىزدى قۇزىرەتتى قوسىمشا وقۋلىعى.

  ورتالىق كوميتەت ۇگىت ءبولىمى مەن ورتالىقتىڭ مەملەكەتتى زاڭمەن جونگە سالۋ كەڭسەسى حابارلاندىرۋ تاراتىپ، ءار دارەجەلى پارتكومداردان (پارتيا باسشىلىق گرۋپپاسى) «باعدارلامانى» ۇيرەنۋ جوسپارىنا ەنگىزىپ، جاپپاي جۇيەلى ۇيرەنىپ، دەر كەزىندە ىلەسە ۇيرەنىپ، تەرەڭدەي وي جۇگىرتە ۇيرەنىپ، امالياتپەن بايلانىستىرا ۇيرەنىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن ۇزدىكسىز وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، شي جينپيڭنىڭ زاڭمەن جونگە سالۋ يدەياسى ارقىلى زاڭمەن جونگە سالۋ ويى مەن زاڭمەن جونگە سالۋ ءتاسىلىن قولدانىپ رەفورمانى تەرەڭدەتۋ، دامۋدى ىلگەرىلەتۋ، قايشىلىقتاردى شەشۋ، ورنىقتىلىقتى قورعاۋ، حاۋىپ - قاتەرگە توتەپ بەرۋ قابىلەتىنە ۇزدىكسىز جەتەكشىلىك ەتىپ، جوعارىلاتىپ، ۇيرەنۋ ونىمدىلىگىن مەملەكەتتى جاپپاي زاڭمەن جونگە سالۋدى ىلگەرىلەتۋدىڭ، زاڭمەن جونگە سالىناتىن جۇڭگو قۇرۋدىڭ جاندى امالياتىنا شىن مانىندە اينالدىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىمات - تالماي كۇرەس جۇرگىزۋدى تالاپ ەتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.