انار بۇلت / شينجياڭ گازەتىنىڭ ءتىلشىسى فان چيۇڭيان 11 - ايدىڭ 17 - كۇنى ۇرىمجىدەن حابارلايدى. شينجياڭنىڭ ”جەدەل جولدامانى قىستاقتارعا، الەۋمەتتىك اۋماقتارعا جەتكىزۋ“ قىزمەتى قاۋىرت جۇرگىزىلۋ كەزەڭىنە ءوتىپ، 11 - ايدىڭ 1 - كۇنىنە دەيىن بۇكىل رايونداعى قۇرىلىمدىق قىستاقتارعا جەدەل جولداما جەتكىزۋ قىزمەت وتەۋىنىڭ قامتۋ مولشەرى ％92كە جەتتى، سونىمەن ءبىر ۋاقىتتا قالالارداعى جەدەل جولداما سوڭعى بۋىن بولىمشە ورىندارى قۇرىلىسى 3664كە جەتىپ، قۇرىلىس قارقىنىنىڭ ％96.17ى ورىندالدى. مۇنى ءتىلشى 11 - ايدىڭ 15 - كۇنى شينجياڭ پوچتا باسقارۋ مەكەمەسىنەن ۇعىستى.
كىپ - كىشكەنتاي سالەم - ساۋقىت دورباسى ءىرى حالىق تۇرمىسىمەن بايلانىسىپ جاتىر. بيىل 4 - ايدا اۆتونوميالى رايوندىق پارتكوم ”جەدەل جولدامانى قىستاقتارعا، الەۋمەتتىك اۋماقتارعا جەتكىزۋدى“ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى قىزمەت تىزىمدىگىنە ەنگىزدى، جىل اياعىنان بۇرىن اۋداننان جوعارى قالالاردىڭ مالىلەرىن (الەۋمەتتىك اۋماق) جەدەل جولداما سوڭعى بۋىن بولىمشە ورىندارىمەن بۇكىلدەي قامتۋعا، قۇرىلىمدىق قىستاقتارعا جەدەل جولداما جەتكىزۋ قىزمەت وتەۋىنىڭ قامتۋ مولشەرىن ％95تەن اسىرۋعا كۇش سالدى، شينجياڭ پوچتا باسقارۋ مەكەمەسى باس بولىپ تياناقتاندىرۋعا جاۋاپتى بولدى.
شينجياڭ پوچتا باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى دىڭ مياۋ تانىستىرىپ بىلاي دەدى: بيىل 11 - ايدىڭ 30 - كۇنىنەن بۇرىن اۋداننان جوعارى قالالارداعى ءارقايسى مالىلەردىڭ (الەۋمەتتىك اۋماق) ىشىندەگى ءار 10 مىڭ ادامعا 4 − 5 ورىننان جەدەل جولداما سوڭعى بۋىن بولىمشە ورىن ورنالاستىرۋ ولشەمى بويىنشا، مالىلەردە (الەۋمەتتىك اۋماق) جەدەل جولداما سوڭعى بۋىن بولىمشە ورىندارىمەن بۇكىلدەي قامتۋدى جۇزەگە اسىرامىز؛ از دەگەندە، 3 جەدەل جولداما ايگىلى ماركالىق قىزمەت وتەۋىن قۇرىلىمدىق قىستاقتارعا تۇتاستىرۋ ولشەمى بويىنشا، قۇرىلىمدىق قىستاقتاردىڭ جەدەل جولداما جەتكىزۋ قىزمەت وتەۋىنىڭ قامتۋ مولشەرىن ％95تەن جوعارىلاتۋدى جۇزەگە اسىرامىز.
بيىل شينجياڭ پوچتا باسقارۋ مەكەمەسى ىلگەرىندى - كەيىندى 6 رەت ءماجىلىس اشىپ، ”جەدەل جولدامانى قىستاقتارعا، الەۋمەتتىك اۋماقتارعا جەتكىزۋ“ قىزمەتىن ۇزدىكسىز ىلگەرىلەتىپ، ءارقايسى ايماقتارعا، وبلىستارعا، قالالارعا ”ورىن بولۋ، قىزمەتكەر بولۋ، بەلگىسى بولۋ، زات سورەسى بولۋ، تۇراقتى، ءجيى تاسىمالداپ تۇرۋ“ تالابى بويىنشا جەتەكشىلىك ەتىپ، قىستاق دارەجەلى پوچتا جەدەل جولداماسى قىزمەت وتەۋ ءتۇيىنى قۇرىلىسىن ىلگەرىلەتتى.
شينجياڭنىڭ جەرى كەڭ، اۋىل - قىستاقتارعا بارىپ - كەلىپ تاسىمالداۋ جول لەنياسى ۇزىن، وزىندىك قۇنى جوعارى. جەدەل جولدامانى قىستاققا جەتكىزۋگە تۇساۋ بولاتىن وسىنداي قيىن تۇيىندەر مەن كەسىرلى تۇيىندەردى شەشۋ ءۇشىن، ءارقايسى ايماق، وبلىس، قالالار ءوز ونەرىن ايگىلەدى. كەزەكتە التاي ايماعى، قىزىلسۋ قىرعىز اۆتونوميالى وبلىسى، تارباعاتاي ايماعى، بايىنعولين موڭعۇل اۆتونوميالى وبلىسى، قاشقار ايماعى، سانجى حۇيزۋ اۆتونوميالى وبلىسى، بۇراتالا موڭعۇل اۆتونوميالى وبلىسى، قۇمىل قالاسى، تۇرپان قالاسى، اقسۋ ايماعى قاتارلى 10 ايماق، وبلىس، قالا قاتىستى ساياساتتار شىعاردى ءارى ۇزاق ءونىمدى مەحانيزم ورناتتى.
سانجى وبلىسى ”جەدەل جولدامانى قىستاقتارعا، الەۋمەتتىك اۋماقتارعا جەتكىزۋدى“ وبلىستىق ۇكىمەتتىڭ جىلدىق ماڭىزدى قىزمەتىنە ەنگىزدى ءارى ”جوبا بەلگىلەپ شايقاس جۇرگىزۋدى“ اتقارىپ، جەدەل جولدامانى اۋىلدارعا ءتۇسىرۋدىڭ، قىستاقتارعا جەتكىزۋدىڭ ”شايقاس جوباسىن“ جاساپ، اياق الىسى ءبىرشاما باياۋ بولعان اۋداندارعا (قالا) ءتۇيىندى باقىلاۋ - باسقارۋ جۇرگىزىپ، ارناۋلى ادام جاۋاپتاندىرىپ، ءبىر تۇتاس جوسپارلاپ ىلگەرىلەتتى. بايىنعولين وبلىسى ”جەدەل جولدامانى قىستاقتارعا، الەۋمەتتىك اۋماقتارعا جەتكىزۋ“ ينجەنەرياسىن «اۆتونوميالى وبلىستىق ۇكىمەتتىڭ قىزمەت بايانداماسىنداعى ءتۇيىندى قىزمەت جاۋاپكەرشىلىگى قىزمەت بولىسىنە» ەنگىزىپ، اۋىل - قىستاق وڭىرلەرىندە جولداما جىبەرۋ زات اينالىمى ارناسى قۇرىلىسىن نەگىزگى جەلى ەتىپ، شىن مانىندە اتقارىلاتىن ”جەدەل جولدامانى قىستاقتارعا، الەۋمەتتىك اۋماقتارعا جەتكىزۋ“ قىزمەت جوباسىن جاساۋدى تالاپ ەتتى. قىزىلسۋ وبلىستىق پوچتا باسقارۋ مەكەمەسى پوچتا - جەدەل جولداما سەلبەستىگى ارقىلى ”جەدەل جولدامانى قىستاقتارعا جەتكىزۋ“ ءىسىن ىلگەرىلەتىپ، پوچتا كاسىپورىندارىنىڭ اۋىل - قىستاققا جەتكىزۋ جولدارىن، جەتكىزۋ كەزەگىن اناعۇرلىم ساپالىلاندىرۋىنا جەتەكشىلىك ەتىپ، پوچتا جولدامالارىنىڭ، جەدەل جولدامالاردىڭ ”بارلىعىنىڭ قىستاقتارعا جەتكىزىلۋىنە“ شىنايى كەپىلدىك ەتتى. ءۇرىمجى قالالىق پوچتا باسقارۋ مەكەمەسى كوپ ايگىلى ماركالىق جەدەل جەتكىزۋ كاسىپورىندارىنىڭ رايون (اۋدان) دارەجەلى جالپىلىق جونەلتۋ ورتالىعىن قۇرۋىن قولداپ، الەۋمەتتىك جالپىلىق جايعاستىرۋ تورابىن قۇرىپ، شوعىرلاندىرىپ ءبولىپ تاسىمالداپ، وتباسىلارىنا جەتكىزىپ بەرۋ سياقتى كوپ ءتۇرلى تاسىلدەردى قولدانىپ، ءوزارا تولىقتايتىن قىزمەت وتەۋ ۇلگىسىن جاپپاي كەمەلدەندىردى. سونىمەن ءبىر ۋاقىتتا ءارقايسى ايماق، وبلىس، قالالار تاعى سول جەردىڭ جاعدايىنا قاراي ىستەپ، ”پوچتا - جەدەل جولداما سەلبەستىگى“، ”جەدەل جولداما مەن جەدەل جولداما سەلبەستىگى“، ”جەدەل جولداما - ساۋدا (ەلەكتروندى ساۋدا) سەلبەستىگى“، ”قاتىناس - جەدەل جولداما سەلبەستىگى“ سياقتى الۋان ءتۇرلى فورما ارقىلى ”جەدەل جولدامانى قىستاقتارعا جەتكىزۋدى“ ىلگەرىلەتتى.
دىڭ مياۋ بىلاي دەپ قارادى: اۋىل - قىستاقتارعا جەدەل جولدامانىڭ جەتكىزىلۋىن - شىعارىلۋىن ىلگەرىلەتكەندە عانا، اۋىل - قىستاقتاردا جونەلتۋ - جەتكىزۋدىڭ وزىندىك قان جاساۋ قۋاتىن ءونىمدى كۇشەيتۋگە، باياندى دامۋدى جۇزەگە اسىرۋعا بولادى. مىسالى، سانجى وبلىسى، تۇرپان قالاسى ”جەدەل جولداما + ەرەكشە اۋىل شارۋاشىلىق ونىمدەرى“ سىندى ”ساتۋ - تاسىمالداۋ ءبىر تۇلعالانعان“ جاڭالىق اشۋ سەلبەستىك ۇلگىسىن قاراستىرىپ، سەلبەستىك كووپەراتيۆىنە، جەمىس ورمانى بازاسىنا جەدەل جەتكىزۋ قىزمەت وتەۋ ءتۇيىنىن كوبەيتىپ قۇرىپ، ينتەرنەت جۇلدىزدارى تىكە تاراتىلىمدا زات تانىستىرۋ ارقىلى ەگىنشى وتباسىلارىنىڭ اۋىل شارۋاشىلىق ونىمدەرىن تىكە ساتۋىنا كومەكتەسىپ، ارنالاردى اشىپ، ەگىنشى - مالشىلاردىڭ كىرىسىن ارتتىردى.
